CANMAKE TOKYO

混色遮瑕

CANMAKE TOKYO
COLOUR MIXING CONCEALER
#遮瑕 #mixcolour # 一盒多效

一盒細細嘅遮瑕膏，呢隻係03號色，由淺到深，深色係三文魚色，可以有效遮黑眼圈，有啲細細嘅刷，不過作用唔大，因為其實唔多好🤫我多數會係直接用手指上，但如果想再精準啲就需要用到遮瑕掃去上喇。

盒仔入邊有個空白嘅位，係俾你用嚟MIX遮瑕膏嘅顏色，因為其實唔同嘅部位所需要嘅顏色都會唔一樣，有時候就需要MIX Color去做出最理想嘅顏色，係呢一位canmake Tokyo呢一盒就好貼心啦💓

呢盒遮瑕膏都算係好易推，只要做好定妝，基本上其實唔會點溶妝，定妝其實就需要喺有上遮瑕嘅位置重點印一啲碎粉上去，等佢可以hold得好啲。不過有時候我都懶得用，因為佢都幾容易睇到眼嘅細紋，遠距離睇其實唔係咁覺眼嘅，不過自己照鏡嘅時候就會成日覺得好銀眼🙈

試過用唔同嘅方法，譬如係上咗眼霜先，等眼睛滋潤啲再遮瑕眼圈，希望可以減少卡紋嘅出現，不過就要留意唔好俾佢太滋潤，如果唔係就好易有擦膠水，所以趕時間嘅時候就會skip咗呢個Step。

但係overall嚟講，佢係一個好好嘅product ，細細一盒可以用到好耐，遮瑕力都好夠，其實都夠晒應付修容嘅需要。美妝/護膚品，平價都可以好好用，只要係啱自己就得喇💕