CANMAKE TOKYO

花漾瑰麗胭脂

多謝@cosme送既canmake胭脂❤️

首先外觀好精緻，立體壓花加埋可愛既蝴蝶結，少女心滿滿。本身已經連埋粉掃，細細盒方便帶出街補妝。盒既背面附有簡單使用建議，方便新手使用。

價錢上係$100內，而且幾顯色用少少都已經足夠，相信一盒好耐用。持妝度都唔錯。

呢盒係No.17草莓牛奶色。上層花係淺粉紅色帶珠光，中間係接近膚色既深粉色微微珠光，下層既蝴蝶結係純白色珠光。按教學既用法掃曬所有顏色2-3圈，上手既效果偏粉嫩，係小女孩公主裙既粉紅色。珠光效果明顯，掃一下已經見到有閃亮效果，掃三次既話係燈光下見到都頗為反光。

我平時化淡妝為主，會比較鍾意中間深粉紅色既效果。融合使用既呢鍾粉色我覺得偏細路女，適合party可愛妝扮既時候用。同系列有好多顏色選擇，暗紅色系相信會比較適合翻工成熟妝感。