CANMAKE TOKYO

速捲持久睫毛液

平時化妝最怕睫毛液用完之後好快塌落嚟，或者一不小心刷到一舊舊好似烏蠅腳咁。最近試咗呢支 Canmake Quick Lash Curler，用落真係幾有驚喜，算係近期用過性價比幾高嘅日常好物。
先講下佢個刷頭同上眼嘅質感。佢個雙面刷頭設計幾順手，每次沾取嘅份量都啱啱好，唔會一次過攞太多。刷嘅時候可以好輕鬆咁照顧到眼頭同眼尾嘅細短睫毛，真係做到根根分明、完全唔會結塊。質地方面亦都好加分，真係一啲都唔厚重，查完上去乾得快又清爽。最緊要係眨眼嗰陣完全冇異物感或者唔舒服，唔會有對眼被扯住或者好重負擔嘅感覺。
持久度方面，朝早出門前夾完再刷，去到夜晚返到屋企都依然保持到個弧度，冇乜點塌。而且抗暈染嘅表現都唔錯，對於日常出街嚟講，呢支真係各方面都好平衡、用得好順手嘅選擇。