KOSE 雪肌精

全效美肌修護啫喱 Herbal Gel

呢款herbal gel主打滋養潤澤、調整肌理、改善暗沈、撫平粗糙、緊致肌膚、展現光澤。係香味唔算特別濃嘅gel狀產品，搽落係有補濕感嘅，唔會黏膩，皮膚會帶自然光澤，第一印象係幾唔錯。可惜我本身混乾肌，入秋之後乾嘅部位用佢有啲唔夠潤，又要加其他產品，就達唔到all-in-one gel懶人護膚嘅目的。
本身打算用嚟佢做家用美容機導入，但唔知係咪因為佢係親膚油劑，導電效果唔係咁好，厚搽都唔得。
佢本身係一件低刺激唔錯嘅產品，但喺我身上就達唔到想要嘅效果，用完試用包就唔打算買貨裝了。