SUNPLAY

美肌亮膚防曬隔離霜

終於用晒成支Sunplay 美肌亮膚防曬隔離霜😍

整體感覺唔錯，特別適合想要提亮膚色嘅朋友。

首先，呢款防曬質地輕盈，容易推開，塗上臉完全唔會黏膩。佢嘅紫色調可以幫助中和膚色不均，令皮膚睇落更加白淨明亮。日常妝容用呢個真係好啱，我直程用佢作為妝前底霜。

防曬指數有 SPF 50+ PA++++，提供咗好好嘅防曬效果，無論係日常出門定係戶外活動，都可以有效阻擋紫外線。我平時戶外活動用，曬完皮膚完全冇曬紅曬傷☺️

另外，呢款防曬仲加入咗保濕成分，使用後肌膚唔會乾，好適合我呢種乾性肌膚嘅人。就算天氣熱，皮膚都保持住水潤感。

不過，對於油性肌膚嘅朋友來講，可能會覺得呢款防曬有啲厚重？

總結，如果你想搵一款既可防曬又可以提亮膚色嘅產品，Sunplay 紫色美肌亮膚防曬隔離霜絕對值得試下！我用完之後整體感受好滿意，會繼續用。