chasiutung好用推薦：平價好用防曬底霜防曬度SPF50，PA++++ 裡面加左積雪草 本人敏感肌不致敏 質地輕薄水潤 容易推開 唧出黎係綠色嘅 可以用作妝前隔離有輕微修飾毛孔改善泛紅同提亮膚色既效果 朋友話用完上粉底會起擦子膠碎咁 我用無依個問題 我混油肌用吾笠 有香味但吾太喜歡依個味 包裝淺綠色美人魚圖案好夢幻淺綠色cream狀 質地水潤 輕鬆推開塗抹均勻 輕微提亮 #BA照

LenaC好用推薦：Canmake嘅美人魚防曬啫喱底霜 具備防曬功能 極高防曬度：SPF50+．PA++++ 仲有滋潤作用 可作妝前底霜 質地為幼滑啫喱狀 帶綠色色調質感幼滑不油膩 好易推開 不過要打多幾次圈 先可以均勻塗開底霜我建議喺手指尖摩勻再搽上面 毫無疑問 底霜質感好清爽水潤 令粉底緊貼效果更持久 同埋有效提昇肌膚均勻度 而且綠色色調有效抵銷泛紅 打造亮白防曬底妝用後感為貼服持久 雖然具備高度防曬 但唔會有油立立質感 搽勻後做到好靚嘅閃亮光澤感 美如其名 好似童話故事中美人魚🧜🏻‍♀️閃閃發亮既魚尾鱗片

agnessstang好用推薦：性價比超高嘅開架睫毛液 適合喜歡自然妝感嘅女仔👧🏻 唔係heavy嘅mascara 防水防汗防油 我用嘅色號係01透明 另外仲有02黑、03啡、04酒紅色🍷 幼直嘅刷頭可以搽到根根分明 亦更容易處理近眼頭嘅睫毛 單用嘅話會係偏自然嘅妝感/清啲嘅眼妝👁️ 用睫毛夾夾完之後用可以keep到少少捲翹 (電熱咗睫毛嘅話會更翹) 自然嘅翹 唔係勁翹嗰種 唔會有纖長濃密效果 透明色亦可以當做打底 之後再上有顏色嘅睫毛膏 會令睫毛膏hold得好啲

auntiemuscle好用推薦：之前已經用左啡色同埋透明base 再入手埋黑色 真係 好好用 佢係梳頭黎但都好易控制 因為極身睫毛比較短硬 夾完就算好翹 一上左mascara就會塌返 呢隻係唔會而且全日都保持到捲曲度 我都有時會再用電熱睫毛去整再翹啲 燙完都唔會痴埋一舊 而且係做到濃密同增長 但當然唔夠有纖維果種增長度 亦都有要定持隊度 全日都冇溶 冇甩粒粒既程況 如果好驚做唔到分明 就輕手啲梳 同埋搽之前用紙巾抹走少少膏體先 暫時係我既HG mascara 大推！ 睇返圖左右眼有對比（冇修圖）

Cheeeeery好用推薦：Canmake真係性價比極高既牌子！ 呢盒陰影粉我都用左好一段時間，早排先hit pan🤣 先講下產品本身～呢隻陰影粉粉質好細緻，亦都好易blend開～我買既係01色，呢隻色十分自然，上面唔會太明顯但係又可以見到效果，好啱新手用～不過我個人就覺得隻色太過暖色調，下次應該會買灰tone 啲試下🫢 而產品本身附有既掃既幾好用，掃上面唔會拮好舒服～而且都冇乜嚴重甩毛，size又啱哂掃鼻影～ 會回購呢盒咁抵用既陰影粉～

Sccan好用推薦：又黎到性價比極高Canmake嘅化妝品時間，臉大陰影粉係我日常必需品，但一開始都只有黃啡調，完全唔適合我粉白皮膚色，總會覺得好污糟又黃，感覺好假。 買過幾個牌子都唔覺特別好用，自從近期開始出啲藍調灰調陰影粉，試左真係非常適合，不論真人定影相，出嚟效果都非常似自然陰影，清透乾淨。 附帶啲掃都非常好用， 不過我自己都係鐘意用返自己個大掃。 色號：04 灰啡色 效果：啞光帶藍調，粉白皮都非常合適，營造非常自然乾淨陰影，疊加都唔會一撻撻，尤其鼻影唔會睇落好污糟 質地：細緻幼滑，不飛粉， 易推開，持久不脫妝 缺點：顯色度不夠，影相就要重手啲 #平價彩妝

zetalhc好用推薦：性價比好高嘅唇膏，做到去唇紋同埋令到嘴唇更加有光澤嘅效果。而且亦都好容易上色同淺色，做到幾自然嘅效果

connielo好用推薦：試用產品係canmake 柔潤亮澤唇膏 (染唇版)色號 T04 甜美可可 $78 ✅唇膏*質地*滋潤 上唇有光澤感 雖然比唔上潤唇膏咁滋潤 但如果唇部乾起上嚟無潤唇膏係手 呢枝唇膏都可以用黎微微潤返個嘴 *顏色*係而家好流行既奶茶色 好適合秋冬用 自然紅棕色 唔化妝都可以就咁搽 令嘴有返d氣息～ 🤔*染唇效果* 呢枝唇膏特別在係染唇版本 相信係想做到不沾杯掉色 可以唔洗成日補妝既效果 不過老實 唔係好感覺到 因為唇膏本身其實不成膜 用紙巾印都係會掉 食野飲水都會 極其量掉少啲 食完飯都會有少少色係到 唔會話無曬唇膏顏色 加上唇膏本身顏色自然 唔會掉到核核突突 不過對我黎講我唔太介意 因為覺得唇膏會掉色係好正常既事 如果唔掉色既話對唇部都唔係咁好 其次由於唇膏顏色本身低飽和度 所以我會覺得岩唇色本身較淺既人用 本身深唇色既話呢枝唇膏上嘴可能會係另一隻色 / 可能需要用粉底輕輕遮一遮唇色先搽 如果唔係會出唔到呢隻色 但單睇唇膏顏色 質地 性價比 我都好鐘意呢枝唇膏✅

Ko好用推薦：最近係日本買左Canmake呢盒花花胭脂12號色。其實花花胭脂我差唔多六七年前就開始用。最近係日本買左呢盒佢嘅顏色偏橙啡，帶細細嘅閃粉，好適合日常使用。唔單止可以用嚟打喺臉頰上，仲可以當眼影使用，用嚟增加眼妝嘅立體感，顏色好自然，重點係可以match番胭脂嘅色tone同埋可以淨係帶一盒出去補妝。佢附咗一支掃，非常好用唔會吉，可以輕鬆地將胭脂均勻地塗抹係臉上。而且最驚喜係佢嘅價格，係日本買超級便宜嘅。而家個個都去日本想自己買揾人幫手都好方便xD。 圖1 用左個半月，日日用，未凹 圖2黃光燈下 圖3日光下

Cole Cole 好用推薦：一款性價比非常之高的胭脂，顏色好易配搭，蘇相塊面好自然，有少少閃粉，胭脂好貼服，好容易掃開，唔會鴛鴦色。不過建議用大嘅胭脂掃會比較好。推介買入。

Kpl6be6好用推薦：標榜24小時都用得～果然用上後皮膚毫無負擔感～啱哂唔想全素顏但又懶得坐定定化妝嘅時候用～最近於飛機上乾燥嘅環境使用～保濕效果比預期中好卻又能有效吸附面上多餘油脂～唯一要注意嘅係～少量多次搽上面～否則有機會出現泛白狀況～

Ruby Wong好用推薦：🤍睇清楚個名：係素肌！素肌！素肌！重要事要講三次！因為佢真係唔可以同一般蜜粉相比較（期望值不一樣）遮瑕力係完全無既 🤍雖然冇遮瑕，但勝在方便，薄薄一層氣色好咗，面色柔和咗，而且我覺得佢控油效果係唔錯嘅，我塗完佢同系列嘅底霜，再搽呢隻蜜粉，經過一個香港夏天嘅下午，都算係清爽。 🤍真心，大家各自心目中的偽素顏係有d唔同既，如果要做到吹彈可破既肌膚，咁一定唔係呢款產品。但如果好似我咁，落樓下買啲嘢想遮下醜，拎返小小自信心，咁呢隻產品係足夠用的。 🤍另外佢外型可愛，而且價錢平，好適合中學生，由其是啱想化妝返學但係又要扮無化妝果種😛

Giselle 好用推薦：Canmake 棉花糖肌持久底霜 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款產品係之前喺專門店買嘢嘅時候附送嘅贈品( ⸝⸝•ᴗ•⸝⸝ )੭⁾⁾佢係用來做妝前打底用嘅*ˊᵕˋ)੭佢係校正膚色同控油方面做得幾出色₍ᐢ⸝⸝› ̫ ‹⸝⸝ᐢ₎基本上全日個妝都冇乜點溶❤︎(｡☌︎ᴗ☌︎｡)不過我覺得佢比較適合喺秋冬季節用( •̀∀︎•́ )✧︎因為夏天嘅話都係有可能會溶妝₍ᐢ ›̥̥̥ ༝ ‹̥̥̥ ᐢ₎另外因為佢有添加美容成份，所以我唔會覺得皮膚，因為太控油兒太乾燥( ˶ˆ꒳ˆ˵ )不過佢嘅遮瑕力比較普通(´._.｀)唔會遮到比較大嘅瑕疵( ˊ• ·̭ •̥ )而且佢嘅防曬係數比較低，要額外自己再搽防曬後再搽佢( ･᷄-･᷅ )

葉子🍃好用推薦：有調色作用既打底，上左有柔膚收毛孔既效果，佢係無防晒，所以要再搽，呢支用上去都易推，可能控油關係，幾個鐘後某d位開始乾，所以我都係局部用呢支野

Chami好用推薦：感謝@cosme 邀請試用canmake產品🫶 基本面上需要既彩妝都cover左 ，今日就率先試用持久豐盈水潤唇膏💄今次抽中既係Muchi Puru Tint 03號色, 應該係3隻色入面最鮮色既色號。先喺手背試一試色, 係比較偏向cherry既紅色：再黎睇睇我原本既唇色係比較偏暗，而且死皮較多，平時搽唇膚前一定要搽一浸凡士林！睇到介紹呢支tint含有高保濕成份，一於挑戰唔打底，直接搽呢支唇膏！搽完的確有驚喜！佢做到潤唇膏既濕潤，又做到唇膏既顯色，而且連lip gloss 都唔使搽就自帶光澤感。ok喎！跟住落黎就試下隻色持唔持久。結果係～有啲失望🤦🏼‍♀️ 用紙巾輕輕炆一炆，成個唇印出哂黎。另外有個小缺點係，呢支唇膏有出冇入，擰多左係唔可以褪返入去。 雖然有少少缺點，但搽上咀個顏色，濕潤度同光澤感的確有surprise到我👍🏻 #火熱新品

shyuyu好用推薦：這次的是03色，個人非常喜歡這個顏色！ 我皮膚有一點泛黃，唇色偏白，這顏色提亮了我臉色，也讓我看上去比較精神帶血色，可以參考我附件圖片的右上圖。 在不塗任何唇部打底（包括無色潤唇膏）狀態下，薄薄塗了一層canmake這支的03色，可以看到我附件圖片1右下的真的很顯色！ 另外亦有用到02色的，可參照圖2和3，這色很粉嫩，適合夏天使用，塗的時候感覺偏粉，可是在我唇上有點顯珊瑚色🤣不過依然很好看，也是很推薦的一隻色～ 產品介紹說這支唇膏（tint）有保濕滋潤成分，含凡士林、透明質酸、膠原蛋白、摩洛哥堅果油、蜂蜜、乳木果油等成分，塗完是真的非常水潤有光澤，而且水潤感很持久，還有點薄荷清爽的感覺～ 介紹說有效遮蓋唇紋、暗啞、防乾燥、不易脫色，我在塗完大概10分鐘之後用紙巾輕輕抿了下嘴，紙巾帶走了一點顏色，但依然留有唇膏7成左右的顏色在唇上，之後再拿杯子喝水，都沒留下唇印在杯子邊緣，點贊👍🏻 整體來說，用後感覺非常良好，也很喜歡這個產品，估計用完之後會回購～ ⚠️需要注意一點，唇膏的設計是扭出來了之後就收不回去的了，所以要注意第一次開的時候不要把唇膏扭出來太多⚠️

rachelnoni好用推薦： 買canmake由片福袋時附有的鼻影粉，本身無想過買。用過3次後發現光影輕掃一下已做到光澤感，但又不會過閃，非常好。陰影粉對我來說較深色，要好小心慢慢掃。用完有自然的立體效果

Tobimak好用推薦：效果自然，唔洗驚太重手，化妝新手也能拿捏得到。用附送的掃子在鼻上掃一至兩次鼻子便有變高的視覺效果❤️

Kristywong好用推薦：本身已經好想買呢盒眼影 ，之前日本啱啱出嘅時候真係完全買唔到。好多謝@Cosme今次嘅試用邀請呀💕今次試用嘅係： 8色眼影盤 #03 本身眼皮成日都唔聽話，泡泡眼嘅我都只係敢用大地色系去消腫🥲 但係見到呢盒眼影個包裝超級可愛，壓花又精緻，細細盒又超級方便，真係好難唔心動🥹🥹 盒仔雖然細細，但係就已經包埋一個小眼影掃同埋有齊唔同妝感嘅眼影 — 由深到淺色嘅粉色，珠光霧面嘅都有；後面仲有個簡單嘅小教學，輕鬆就可以化出唔同嘅眼妝。懶人/新手 friendly 👍🏻 大家都可以自己mix and match 選擇一個啱自己嘅眼妝 😌 粉質方面都好幼細，閃粉唔會太大粒嚇親人😂 亦都唔太會飛粉，好容易就可以blend開，出嚟嘅妝感都好自然。 顏色方面係偏冷調嘅粉色系列，對於白皮膚嘅朋友相對比較友善。霧面色會比起其他顏色顯色啲，但係每隻色唔會太誇張，對新手朋友都可以輕鬆上手，點上都唔會太出錯 😆 至於比較鍾意飽和妝感嘅朋友亦都可以分少量多次咁疊加，非常之咁百搭 😙 試咗幾日，雖然天氣又熱又焗，但係都keep得幾唔錯。對於泡泡眼嘅朋友，建議可用選擇返霧面/比較少珠光嘅顏色做返個漸層，出嚟嘅妝效

Chami好用推薦：多謝@cosme 俾機會試用canmake新出既八色眼影盤(03號色), 呢盒眼影色調行粉色系，因為我本身偏黃皮，所以都好少化粉紅色系眼妝，今次難得有試用品終於可以一試😄我覺得呢盒眼影係做得幾好既👍🏻 首先成盒眼影size只有手掌咁大，非常方便攜帶。雖然佢咁細盒，但佢做到8隻由淺到深既顏色之餘，仲要有齊啞光，珠光同閃片，可以配合到唔同需要/場合，非常值得一讚。另外粉質好幼滑但唔飛粉，眼掃用落仲好有質感，柔軟又帶點厚實，完全唔拮眼，good good👍🏻👍🏻 唯一缺點係：我膚色唔襯粉紅色系眼影🥲 但我會繼續用😆 #火熱新品