kn好用推薦：謝謝@cosme 同Freeplus 自己本身一直有用開freeplus 嘅卸妝膏，超好用，已回購數支XD 卸得乾淨，用完唔乾，質地好似洗面膏咁，快便快捷。所以收到同系列產品充滿期待。 首先，係呢支‘溫和淨潤洗面乳’有一樣水準。質地係乳白色嘅膏狀，加水有泡。搽完用清水洗面，覺得洗得好乾淨，清爽，但亦有滋潤感覺，完全唔會乾到崩緊。 第二樣收到嘅產品，係保濕修護化妝水（清爽）。香港夏天悶熱，即使自己係混合偏乾皮膚都偏向用清爽產品。而Freeplus 呢支化妝水，我倒落化妝綿用，抹完非常有感，好保濕，但都怕之後會有層野係皮膚表面，好立。點知完全唔會，吸收哂，真係做到保濕但清爽XD水狀但又唔會好稀無搽過野咁。 第三樣係保濕修護乳液（清爽），半透明乳液。同樣好適合香港夏天天氣，保濕但唔會太潤。臨瞓前搽，吹左成晚冷氣第二朝皮膚都唔乾，朝早洗完面搽佢再化妝亦唔會好立，唔會起屑。不過滋潤程度如果係冬天或者對皮膚屬於好乾性既人就未必足夠。 整體黎講，三件產品都好滿意，全部都溫和保濕又無令我生粒粒/敏感。令我對呢個系列嘅其他產品都好有興趣。推薦！用完試用會想買正貨XD

mcosmetics好用推薦：呢支freeplus 洗面膏 長期喺cosme潔面乳排行榜嘅前三名。連youtuber Dr Ivan 都有推介～ 我係乾肌比較容易敏感，最近轉季用佢，每晚洗完面都好舒服唔繃緊。佢係無香味，亦都無化學/原料味。搓到好綿密嘅泡泡，洗面嘅時候好溫和好舒服。 如果份量多啲就好了😂100g都幾快用哂，每次我會唧大約2cm黎洗全面。

Sogno夢好用推薦：多謝COSME 給我試用機會, 今次試用產品是皮奧寧袪痘強效消炎膏 消炎膏成份有來自日本針對痘痘的皮奧寧成份, 有強效抗菌作用, 有效鎮靜及舒緩痘痘, 減退發紅。其他份包括茶樹油, 積雪草, 紅沒藥醇, 維他命B3, 益生元, 透明質酸。成份全部都是集中修復皮膚, 保濕美白的效果, 著重為痘痘消炎修復, 褪痘印, 適合有暗瘡困擾的肌膚。 消炎膏有20ml , 正價約HKD103 ,份量相當足夠, 建議在每日早晚潔面後在需要位置搽上消炎膏。如果每晚有敷面膜習慣, 可以在面膜後使用。 以下個人使用心得是配搭了同系列的面膜及乳液後的效果, 會盡量評價面膜的單獨功能和感受, 另外的兩個品項也有單獨再有心得。 首先消炎膏質地是非常好推, 是乳液狀精華液成份, 沒有刺鼻的味道。我在敷完面膜後有清洗剩餘面膜精華液習慣, 面部此時會保持擦乾後微濕狀態, 搽上膏體後有一點涼爽感, 沒有刺激皮膚的感覺, 易推易用, 因此即使像我多暗瘡的肌膚也消耗量低。而且搽上後臉上不會覺得乾燥, 有彈潤感覺, 膏體輕盈。 然後就是效果, 在兩週前我的下巴部位暗瘡非常嚴重, 又紅又腫, 至今日摸上手已經平伏不少,

valerie_chan好用推薦：去暗瘡/痘痘恩物！ 我本身係中性皮膚，有時會偏乾，有時出油，暗瘡多數會出現响月事前或者食得太多煎炸野食所引致。 試過好多款去暗瘡產品，包括膏狀、油狀、暗瘡貼都試過，不過效果非常慢同試吓搽過太勁既暗瘡膏而致皮膚乾到脫水甩皮😭 而見今次既試用活動十分吸引，一次過有3件產品試驗，強效消炎膏、清爽乳液及奇跡面膜。之前只係用過彩豐行Joseristine既沐浴乳，唔知道原來有出呢款針對暗瘡痘痘既護膚產品🤭👍 強效消炎膏 呢個係我最喜歡既消炎膏，咁啱收到試用產品時就有幾粒暗瘡一直困擾住我🥺即刻拎黎試，唧出黎係白色，質感比乳液杰身少少，有茶樹油既味道，搽左上去就會透明唔覺眼☺️所以就算日頭出街想搽下都唔怕整到個妝☺️ 仲有，搽完上去塊面完全唔會乾或者繃緊同脫皮，又唔會有涼感，本人不太好薄荷(好laa)既感覺 呢個係5天後既效果！已經完全消失左，連印都無！仲有褪紅😍

wingbks好用推薦： 前幾排天氣忽冷忽熱，一到春季、潮濕嘅天氣就攪到我敏感不斷😔！ 幸好收到@cosme 今次嘅試用，係Origins 嘅「靈芝菇菌抗逆舒緩精華」，以前都有用過佢嘅「菇水」，覺得降紅好有效。 今次都好實用幫到手，咁啱潮濕天氣，塊面多咗啲一粒粒紅腫又唔係暗瘡嘅物體，咁就試吓用佢。 一拆盒，發現唔太完美嘅係佢冇蓋，如果嚟緊旅行想帶出門就比較難😅！泵出嚟係白色cream狀，塗上面，好似「疏乎厘」咁，推開好滑，好似有層薄膜保護肌膚咁～～雖然第二朝啲紅腫未退，但塊面已經冇咁痕；大概5日左右，啲紅褪得七七八八；用咗大概10日，啲紅腫唔見曬，仲連印都冇，令我終於夠膽除口罩示人🤭！ 而家用咗接近一個月，平時好易敏感嘅我，覺得皮膚膚質好咗，冇咁易泛紅、過敏，油都出少咗，肌膚好似平滑咗咁！ 價錢都唔算貴，好似我咁敏感皮膚嘅男女都值得買嚟「幫皮膚打好個底！令皮膚更健康！」

hellolulu好用推薦：非常榮幸再次入選@Cosme活動，有機會試用Origins 全新的靈芝菇菌抗逆舒緩精華。還記得三月中正值經期前後，加上工作壓力和轉天氣，皮膚持續發出冒痘、脫皮、粗糙、泛紅、灼熱等SOS敏感警號，正在納悶困擾之際，便收到@Cosme寄來這款精華，可謂是及時雨呢! 再次感謝😃 產品簡介建議配合同系列菇水使用，但敏感肌不宜同時試用多於一款新產品，所以沒有刻意購入菇水。試用期間除了轉用Origins精華以外，其餘護膚品和程序不變 (清潔>爽膚>精華>面霜)，因此亦更能測試到這款精華對肌膚的效果和分別👍 包裝是綠色磨砂玻璃瓶，簡約而有質感，左右扭動就能開關瓶口，使用起來方便衛生👍 精華不含香料沒有香味，感覺天然，敏感肌安心使用～ 質地呈cream狀較濃潤，以乾肌個人習慣來說，取用量比平日慣用精華少，現在的春天潮濕季節大概用半泵(早上)至一泵(晚上)便足夠，容易吸收得來是會有一點存在感的，但好處是皮膚看上去會較有光澤飲飽水的感覺👍 首次使用已即時舒緩灼熱不適和乾燥脫皮(圖3)，同一位置之前用保濕精華後即時效果可以但很快又再脫皮，而使用Origins精華一兩次後，基本上已沒有再脫皮了👍 持續

Kit wong好用推薦：之前聽人講過SKINCEUTICALS呢個品牌好用，但無研究過或用佢啲產品，今次第一次用呢隻面霜，好有驚喜！！ 先講下佢個質地係比較特別的，同市面一般乳狀或水凝狀面霜都唔一樣，一時三刻諗唔到似咩質地🤔 但一啲都唔笠，好快滲透。呢個面霜嘅吸收速度，應該係我用嘅面霜當中數一數二最快的，真係毫無殘留感但滋潤感又夠力，前排天氣好乾，塊面都仲係keep住好水潤保濕！ 質地使用感當然緊要，但最緊要都係功效。我想講呢隻抗老面霜，係堅有用！！因為我用左10幾日後，發現額頭嘅抬頭紋、眉間嘅皺紋、法令紋都有減淡‼️ 特別係眉間嘅皺紋，因為我由細到大都會皺眉頭，所以皺紋已經好耐了，睇落去個人成日都好唔開心咁，估唔到佢有減淡嘅一日🥹🥹感動！ 另外，我都發現到下巴鬆馳位置有變緊緻。皮膚本身有啲粗糙都變滑左，塊面好明顯因為滑左所以識反光左。真係真係有減齡feel，好勁‼️ 最後仲有一個bonus，就係之前我用一隻好貴嘅美白精華，但用親都起粒粒（唔知係咪美白精華濃度太高太刺激），搞到我唔敢用，之後我轉左用SKINCEUTICALS 面霜之後，皮膚好似健康左，於是再試下用返嗰隻美白精華，日日用都無再起粒粒🥳

stella好用推薦：非常多謝@cosme 邀請試用SkinCeuticals「抗醣活膚緊緻 霜」，試用七天後報告如下： 本人皮膚狀態：中性肌，皮膚稍乾，眼有乾纹和笑纹，全面有少許鬆馳問題, 有少許毛孔，鼻翼有泛紅和痕癢，有少許法令纹 面霜質地似雪葩狀 ，在手上乳化後 ，上臉按摩打圈 ，更容易吸收 , 吾油腻 吾立，夠 滋潤，有一點淡淡的香氣 。塗抹感覺幼滑 ，即時效果就已經有撫平眼部乾纹和填補細紋間隙，但暫時頸纹就未見有效果，可能試用時間太短吧! 但好神奇，第二朝起身未洗面，見塊面好有光澤，好緊緻好光滑，但又冇出油，好似有層薄膜在皮膚表面成形保護咁樣！不过，我認為晚上使用為佳，因為女生早上妝前用可能会和打底霜打结，就吾係咁好! 我將面霜用在法令纹再觀察皮膚變化 ，有輕微淡化 ,不过我認為抗皺淡紋係長期鬥爭 ,否則富貴人家就不用搭飛機去瑞士打咩羊胎素又去揾新技術改善樹頸纹啦! 買護膚產品面最緊要有臨床數據實證，這隻面霜用左12星期去測試效果 ，我令次旦係試用性質 , 做左，所以改善幅度確實有限！ 持之以恒有心改善皺紋既用家可以考慮試試！ 使用前和使用後完

Gloria好用推薦：多謝JOSERISTINE and @cosme 的皮奧寧袪痘系列試用活動。 這次一套三件裝，不論是消炎膏，清爽乳液，面膜都有各自的功效，能夠一同使用相信係最理想。 我根據使用說明，在潔面後，將適量強效消炎膏塗於痘痘患處，隨後於全面及頸部塗上清爽乳液。 第一次使用時，當然未有袪痘效果，但這支清爽不稠稠，易吸引的乳液對我來說滋潤度不足夠，最初使用時會乾到痕。但之後有敷面膜，增加皮膚水份後，慢慢地就接受到這支乳液，不再痕癢。 我一向都想要清爽的面霜產品，但往往都滋潤力不夠，最後都會轉用滋潤度足質地效厚重的產品，但夏天焗熱時，就會很難受。 今次的試用，因為想好好填寫用後感，所以就算乾癢都堅持用下去，結果發現自己能夠適應，使用到質地清爽型的乳液，對我黎講真係意外的大發現，今個夏天會繼續使用落去。 前後圖這是試用活動期間的皮膚變化，因為痘印太多，看落變化不大，不過這個皮奧寧袪痘系列，我覺得最主要是針對皮膚上新長的痘，令痘痘快速消炎治癒，不留痘印，痊愈了就看不到，只看到舊的痘印囉。 這系列產品，比較有針對性，特別適合夏天，天氣悶熱，皮膚容易出油生痘痘時使用，等皮膚痘痘問題解決，再處理其他皮膚問

Sogno夢好用推薦：多謝COSME 給我試用機會, 今次試用產品是皮奧寧袪痘清爽乳液 乳液成份有來自日本針對痘痘的皮奧寧成份, 有強效抗菌作用, 有效鎮靜及舒緩痘痘, 減退發紅。其他份包括茶樹油, 透明質酸, 水楊酸, 舒敏佳, 神經醯胺3。主成份可以淡化痘痘, 預防痘印, 防止發炎及控油, 適合有暗瘡困擾的肌膚。 消炎膏有100ml , 正價約HKD143 , 建議在每次爽膚水後使用, 是護膚最後步驟。 以下個人使用心得是配搭了同系列的面膜及乳液後的效果, 會盡量評價面膜的單獨功能和感受, 另外的兩個品項也有單獨再有心得。 首先乳液質地相對濃稠厚重, 是比較像乳霜的感覺, 如果臉上沒有保持濕潤, 並不好推開。乳液有一陣藥草的味道, 帶一點苦澀, 不算刺鼻。一開始搽上面會覺得比較厚, 稍有黏稠感, 但幾分鐘後就會消失。 等乳液完全吸收後, 感覺有彈潤保濕, 第二朝起床後T字位置的油份有所減少, 平時油份分泌也感覺少了, 水油平衡做的不錯, 痘痘位置紅腫亦漸褪。 希望我的分享可以幫到大家。

jhope0725好用推薦：先講質地，薄身不黏皮膚，本身已經係油性皮膚嘅喜愛質感~  感覺佢比起爽膚水更加清爽，主要用嚟加強皮膚本身嘅水份，軟化角質，之後先進行保養 用完佢先再用精華，感覺更易吸收，但就唔好期望淨係用佢會提高到保濕效果 特別喜歡佢推出旅行裝，拎出街或者帶去旅行都好方便！

劉肥貓好用推薦：用咗佢之後 發覺敷面膜 搽精華 面霜 效果比以前好喎 容易吸收

CC1997好用推薦：先多謝 cosme 同 Benefit 今次抽中我試用呢個全新嘅系列嘅幾樣產品，等我都分享下我嘅使用後感先。 先講下缷妝油： 唧出嚟係清澈嘅油狀，帶有少少果香味，甜甜地嘅感覺我都幾中意。 乾手乾面搽上面之後加水好容易就乳化到。過完水之後大部分嘅妝，例如粉底眉毛等肉眼睇都已經缷得七七八八，不過眼妝就要自己另外再落，例如溫水可卸睫毛膏就比較難缷，會留一撻黑色嘅蹟係面或者眼到，變左好似黑眼圈咁。 我本身係油性皮膚容易出痘痘，過完幾次水之後皮膚都唔會有緊繃或者刺激嘅感覺。而且用咗兩個星期皮膚都冇特別敏感，或者起粒粒。不過因為我平時都化開眼妝，會用眼線眼影睫毛膏，所以之後就未必會長用呢隻卸妝油喇。 洗面泡沫： 根據官方嘅使用方法，用完卸妝油之後要用Good Cleanup洗面泡沫洗一次面。呢個洗面泡沫唧出嚟係透明gel狀，加水之後慢慢捽佢就會變成泡沫。洗完面之後塊面摸起嚟好滑，唔會有好乾或者緊繃嘅感覺。整體嚟講，用咗冇生暗瘡，皮膚冇特別敏感，對呢款洗面泡沫嘅使用體驗都唔錯。 保濕霜： 搽左自己嘅爽膚水同精華之後就可以用benefit嘅Smooth Sip保濕霜喇。呢個保濕霜係呢

Kaorichannn好用推薦：感謝@cosme邀請我參與「Benefit PORE CARE毛孔護理系列試用活動」，今次可以試到Benefit最新Pore Proffesional既Skin Care Product，一set試用入面包括【暢通毛孔深層潔淨卸妝油】、【清潔滑溜潔面泡沫】、【緊緻毛孔爽膚泡沫】、【滑溜美肌輕感保濕霜】、【深層淨化毛孔泥膜】、【皇牌毛孔細緻底霜】。 而家就等我同大家分享下【暢通毛孔深層潔淨卸妝油】既用後感！一直覺得卸妝油一定會用到成手油Lumlum，乳化同冲乾净都比較麻煩，不過Benefit呢次帶比我既體驗有令我對拒有改觀。 使用方法： 卸妝時乾手乾面使用 打圈按摩後逐少用清水乳化卸妝油 用清水洗走再用【清潔滑溜潔面泡沫】/ 平時用開既洗面產品清潔 而家終於唔洗戴口罩，可以密密化妝！為左唔好比殘餘化妝品堵塞毛孔，一定要好好做足卸妝潔面步驟！不過我本人眼妝比較濃，少部分眼綫同大粒閃粉單用距係卸唔乾净，要額外用眼唇卸妝先得，不過係好正常！因爲呢樣產品主要針對毛孔清潔，所以大家要按自己化妝習慣衡量啊!

Haidy好用推薦：MAC嘅粉底液幾好用應該唔使多講🤣而家新出呢個妝前護膚超級好用！✨開始以為個花瓣面霜會好厚重，點知佢勁輕薄！延展性非常高😆比起其他面霜來講，呢個花瓣面霜好啱來做妝前保濕！配合埋佢嘅花瓣精華，上面嘅感覺非常保濕水潤！呢個配搭特別適合乾皮/嗰日皮膚特別乾嘅靚女🤣完全唔會厚重/搓泥🥰仲要都幾乾爽添！ 搽完上面可以見到即刻有光澤咗！之後上妝都非常貼服✨ 曬完妝之後妝感真係好好！

Venus Chan好用推薦： 本身覺得Mac嘅化妝品比較岀色，所以都冇乜機會去試佢地嘅護膚品~😳 (p.s. 本人混合肌，冬天的時候T zone偶爾會岀油) 不過我so far用左一星期呢一罐「貼妝花瓣清透煥顏保濕修護面霜」之後，第一個感覺同同系列精華一樣，都係係覺得好香牡丹味🤣質地比較稠，係修護面霜嘅質地，不過上面又唔會好難吸收wor，呢點做得幾好👍🏻 上完個一刻感覺好補水，光澤感upup 🆙🆙。的確做到皮膚更平滑柔軟、彈潤感即時提升😳 可以睇下before & after，你會見到用完之後光澤感有提升，水潤左咁😳毛孔仲好似冇咁粗大咁個人建議如果冇咁乾燥的話，淨用同系列精華是ok的～不過再乾啲真係要呢款面霜岀動啦～

呆呆的槑好用推薦：顏色有點像鼻涕綠(？？ 清潔力max，但補濕0分，用完不用3分鐘面就緊繃了😇 感覺對痘痘用處不大，除非你是爆油的人唯一值得稱讚的就是它很起泡，十分細密

Giselle 好用推薦：曼秀雷敦 Acnes藥用抗痘潔面乳 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前仲係青春期嗰陣入手過⸜( ´ ꒳ ` )⸝♡︎洗完後只係覺得自己塊面超級無敵爆炸乾(´._.｀)而且啲痘痘唔單止無減少到反而仲多咗(´•̥ω•̥｀)雖然係好平而且嗰陣時廣告好多，但因為唔適合我用所以唔會再回購使用₍ᐢ ›̥̥̥ ༝ ‹̥̥̥ ᐢ₎

Gloria好用推薦：這次參與了Dermacept試用活動，可以試用「維他命c草本系列」化妝水、面霜、泥面膜，體驗到一套產品。 先講講呢支「維他命c草本多效修護化妝水」先， 質地水水清爽的，搽上面首先會聞到淡淡的橘子和青檸似的酸味，氣味很清淡，香香的不刺激，是我喜歡的香氣。 然後會發現質地雖然水水的，但原來很滋潤，搽上面滑滑的很好推，我會在面上輕輕按摩，而且會覺得面上有一層水水的膜，單單用化妝水已經覺得很滋潤，所以我嘗試了三日，只用這個維他命c系列化妝水和面霜，沒有用其他產品，但已經很足夠，滋潤不乾燥。 我真的很喜歡這支化妝水，因為質地清爽不黏笠，當然搽的時候，有層水水的膜的感覺，令面上好像多了點重量，但很快就吸收了，卻可以保持滋潤，是一支感覺良好，效果又明顯的化妝水。 至於使用效果 （前） （後） 我額頭主要有痘印的問題，痘痘生得不嚴重，但很多時舊的未消，新的又生了，然後舊的又小心爪傷了，結果沒完沒了，滿額痘印。 用了這套產品，我覺得最明顯是，皮膚變得平滑，痘印淡化了。有時痘痘復原時的痕癢，會無意識間會爪傷了結焦的皮膚，結果反復受傷，形成很深的痘印。 但用完「維他命c草本系列」，痘痘復原快了，皮膚平

龍好用推薦：首先多謝cosme抽中我可以試用dermacept既美白面霜產品🌼 本人無用美白產品既經驗，所以都可以成為一個可信既用後評價。🧸我用左早C晚A既方法來使用呢個美白系列，連續兩個星期。首先講下化妝水既質地先，佢比教算係有少少黏稠，但擦左上面後又唔會感到好黏膩感，甚至有D清爽，所以質地上佢有加到分🌟！但由於呢兩個星期既天氣忽冷忽熱，擦左都出現太大既問題，例如話出油，起粒粒之類。不過如果話夏天用既話，我就有少少保留啦，畢竟香港既悶熱天氣真係完全NEXT LEVEL。 之後到話美白功效同埋收緊毛孔呢，我就唔覺得有任何明顯既改變。美白用兩星期我覺得有少少難講，但收毛孔呢樣就真係好無感。🙅‍♀️ 再加上我最後一日即是今日用完美白系列，無外加保濕精華，擦完再上妝，連底妝，好快3個鐘後就已經開始出現皮膚/妝容上既乾燥，鼻翼邊位開始出現邊碎＆浮粉既狀態。完全唔OK。佢無保水加鎖水既效力😢 最後總結來講，我唔會回購呢系列既產品。佢對我既皮膚上無明顯既改變和功效，加上令妝容出現問題，基本上就只會在唔洗化妝既時候用哂去。