找產品
護膚成份 推薦產品一覽 483 件
Cheeeeery好用推薦：今次試用既係Nivea 淡白美白精華～由30/11開始試用到17/12 每朝早同夜晚洗完面之後就先搽爽膚水，之後再吱一泵精華 吱出嚟就聞到有啲花香既味道，味道都幾有存在感🫢介意既人可能要考慮下～而質地都幾濃稠，但上手好易推開～吸收都好快～搽完都唔會好黏笠，保濕效果就應該一般，而主打既淡斑效果都幾有感～雖然用既時間唔長，所以唔算太明顯，但係都可以睇到右下果粒比較深色既斑有淺色到～7/1217/12 再一直用下睇下咩效果先～
<看全文>koko_wy_lo好用推薦：今年入冬之後🌞下午猛烈陽光依然毫不留情 一時鬆懈唔止容易長斑🫠UV傷害仲會加速肌膚衰老 但又擔心好多美白淡斑帶有刺激性 尤其乾燥天氣下 好容易令肌膚乾敏脫皮🥺 之前用過NIVEA以德國淡斑科學研發嘅 LUMINOUS 630雙效淡斑透白精華 覺得好好用🥰 今次入手埋LUMINOUS 630 雙效淡斑抗皺精華 根據需要搭配使用就啱曬🙌🏻 佢地蘊含專利成份LUMINOUS 630 透過抑制酪胺酸酶嘅功能 幫助從根源去除黑色素⚫️ 只要兩星期即可有效減少色斑 連續使用12週🙆🏻♀️仲可以去除71%色斑添 佢嘅成份溫和 但效果顯著✨️ 唔會用到乾敏脫皮 敏感肌都可以安心使用㗎😆 兩款雙效精華可以同時滿足不同需要 可以按自己肌膚需求入手 LUMINOUS 630 雙效淡斑透白精華可以淡斑同時提亮✨️ LUMINOUS 630 雙效淡斑抗皺精華就有效針對頑固斑、荷爾蒙斑 並且淡紋緊緻😚 我自己用咗2星期 照鏡覺得肌膚更加白晳透亮 膚質水潤飽滿💧細紋減淡 望落更平滑緊緻🥰 而且我鍾意佢地嘅質地水潤易吸收 用完唔會乾🙌🏻
<看全文>
Sssue317好用推薦： - 質地：輕盈水潤 - 味道：帶有香料味道 - 包裝：硬身塑料 因為工作關係經常捱夜，捱夜後的皮膚也會較為蠟黃。同時一直也很在意淚溝和法令紋，尤其過了25歲之後，感覺皮膚比以前變得更乾燥，皺紋又會更加明顯，所以也開始注重抗老。 這次使用了LUMINOUS 630 雙效淡斑抗皺精華，也有記錄下使用的前後對比（如圖）。最明顯的分別是皮膚變得更均勻透亮，本身我下巴的位置膚色較為暗沉，用後整張臉的膚色更平均。 另外，看到自己的一些細紋有減淡了，當然也沒有完全去除，但是以短時間來講的效果我也很滿意。 而且很喜歡他一抹化水的質地，塗上後很快吸收，不會有黏笠的感覺。 不過它也有一點香料的味道，所以敏感肌的朋友也要在塗上臉上之前，建議還是要在耳背測試一下是否會敏感。不過我不是比較敏感的皮膚，所以用起上來也沒有任何的問題。 也有一點是我覺得瓶蓋很難開，冇辦法單手開瓶
<看全文>Sccan好用推薦：首先感謝@cosme 的邀請試用， 第三次抽中依款新推出嘅NIVEA LUMINOUS 630 雙效淡斑精華正裝30ml。 我屬於混合敏感肌，膚色不均勻易泛紅，有雀斑及痘印因缺水毛孔粗大易出油。 質地：比較稠身乳霜狀，唔算易推開，但不油膩有水感。 效果：輕微淡斑，平撫毛孔及細紋，非常保濕滋潤，減輕泛紅令皮膚更有彈性更緊緻。 缺點： 化學香味較濃，雖然唔刺鼻但唔係個個接受到。 用後感：比以往嘅Nivea 嘅廉價感，今次依個包裝較高級感精緻，拎上手比較重但手感十足，啲唧頭好細好方便控制想要嘅份量，用量唔大，建議少少咁撳出黎。雖然建議話試20天，但收到通知提示截止要交，由我收到試用裝開始試用左10天都先報告下情況。無濾鏡同一光度下影相，見到眼下雀斑淡左少少，膚色均勻左少左泛紅，毛孔都細左啲，虎紋位都提升左，整體感覺平滑緊緻左。 總結：很推薦！ 雖然依款其實似面霜多過精華，以為會無感，但估唔到效果會咁好！
<看全文>
wingbks好用推薦：好開心收到@cosme 今次嘅試用，因為我成日覺得外在護膚品固然重要，但內在調理身體更重要❗️ 試到「Suntory Milcolla膠原蛋白」就啱曬我，本身都喜歡試唔同嘅食或飲嘅身體補充劑。因為現代女性要兼顧返工+家庭，lunch又出去食，好多時有益嘅嘢吸收唔夠，肌膚急速衰老。 之前試好多款貴價品牌嘅膠原蛋白飲品，但玻璃樽裝，難以攜帶，同一次過買真係好重。今次呢款獨立條裝，一日帶一包返工，朝早沖嚟飲夠曬方便。佢比起以往呢類粉劑多咗ceramide加強補濕同維他命C亮肌。 我就用佢嚟配過唔同飲品、食物，都唔會難以入口，當一般咖啡飲都ok！我仲試過加入豆奶一齊飲～ 食/飲呢類產品，千祈唔好心急，幾日見到成績，因為改善內在係需要時間，咁過咗兩星期，仲要遇上新年假之前勁忙，連飲水都唔得閒嘅情況下，日日飲唔夠水，反而皮膚仲冇咁乾燥！ 加埋新年玩到晚晚夜瞓，以為會捱到殘曬，點知比到驚喜我，反而毛孔細咗，光澤咗！ 加上佢嘅價錢都幾經濟實惠，買嚟為皮膚進補下都唔錯～ 飲用前： 飲用後：
<看全文>Noel好用推薦：隨著年齡增長，皮膚的膠原蛋白增生能力減弱，更會追不上流失速度，因此建議女性都試試囗服的膠原蛋白補充品。個人試過歐美款式的，比較多會有腥味；日本品牌飲的和沖的，也試過好幾種。感覺這款 Milcolla 膠原蛋白粉最適合我。 Milcolla 膠原蛋白粉呈米白色，帶點奶粉味道，不帶腥味，算是幾好聞的👌個人喜歡將膠原蛋白粉加入咖啡，會令咖啡多了分奶香味，又沒有怪怪的👍由於 Milcolla 膠原蛋白粉很幼細，能夠很快溶於水，亦少會出現結塊一舊舊❗ 目前飲了三盒，感覺皮膚水份增加，尤其在早上上妝時最能感受到分別。除了服用 Milcolla 膠原蛋白粉外，我亦會多敷面膜配合，令皮膚效果更佳。飲用這種膠原蛋白粉期間，我也沒有爆暗瘡，which is GREAT 👍 雖然沒有“飲了變得容光煥發“的效果，但是個人試過停飲一星期作比較，皮膚真的變得暗沉一點，鼻子更有少量甩皮😅 所以亦可印證這個 Milcolla 膠原蛋白粉對我幾有效呢💗
<看全文>
Kay Lee好用推薦：多謝@cosme既試用活動，令我有機會認識SKIN CEUTICALS呢個品牌。 上網search先知係一個護膚科研品牌，致力研究預防皮膚老化。 而今次試用既產品係濃縮維他命C E Ferulic精華，標示”最佳LASER 伙伴，刺激膠原增生”，非常吸引。 收到當晚立即試用，精華係水狀質地，好易推開同快吸收，坦白講，味道稱唔上香，但不至於難聞，可接受。 前日做完facial後用，感覺比之前泛紅少左，皮膚復完期快左，會keep 住用。
<看全文>Amy好用推薦：呢支濃縮維他命 C E Ferulic 精華適合做激光療程前後都可以用～ 本身自己有打開pico，知道做前/做後都要勤保濕，但又唔可以用美白產品，否則會有「反黑」效果。 呢支精華打Pico前兩星期前就可以開始用，可以鞏固療程耐受性～ 今次我打pico前3日開始用，打嗰日真係好似冇咁大感覺😆 而療程後用可以縮短修復期，同增加維C吸收、刺激膠原蛋白增生。 精華質地薄身，好快吸收。每日朝早用，滴喺手掌，再用指尖逐少拍上面就可以～使用七日之後，見到膚色好似均勻咗D，毛孔又平滑咗少少！(唔知關唔關pico事🤣) 雖然唔係太明顯，但只係用咗一星期嚟講，我覺得都算合格啦～  而家打完激光，除咗純保濕/ fu mask之外，仲有多呢個選擇可以作為療程後嘅保護網，我都會繼續用🤣🤣
<看全文>
zetalhc好用推薦：超級推薦嘅去暗瘡精華，夜晚用一次第二日會見到即時嘅效果。可以即時去膿同消炎，對石頭瘡或者有膿嘅瘡都有效果，而且唔會皮膚唔會「la」或者覺得刺痛
<看全文>綺羅香好用推薦：姑奶見我皮膚有啲唔太穩定，又紅又爆瘡，平時用開嘅暗瘡膏唔係太work，就推介atorrege 系列俾我，原本佢建議我買哂一set 旅行裝，不過啱啱買咗新嘅洗面乳唔想咁快換，就先買支淨痘精華試試 深啡色玻璃樽細細支，價錢都唔平，滴管咀略收窄並彎曲，可能係想方便滴落手指度，唔覺同一般直滴管有咩分別，滴嘅時候仲要特別注意手指唔可以掂到滴管，以免污染精華，精華呈淺黃色啫喱狀，無味，有滋潤感但唔笠，要用一啲時間去按摩吸收，搽完呢支精華之黎我會加碼痴埋暗瘡貼，然後繼續平時嘅護膚程序，大概三日左右暗瘡就慢慢謝，so far 覺得都唔錯，只係都係嫌有啲貴
<看全文>
