mandy好用推薦：RMK  UV FACE PROTECTOR 50 水漾防曬霜50 SPF50+ PA++++ 50g HK$ 280   水漾防曬霜50質地是偏水感清爽的啫喱狀, 延展性很好, 非常容易推開。 一塗抹在面部已即時被肌膚吸收， 夏季使用也完全不油不笠、使用感極緻舒適無負擔， 十分推介油性肌使用。 保濕力不錯, 感覺比較清爽, 而不是很滋潤。 使用後肌膚的透明感有所提昇、而且有少許提亮。 肌膚觸感嫩滑柔軟。 水漾防曬霜50同時添加了保濕、抗衰老及抗氧化成分, 可以防曬同時護膚。 價位方面稍高, 但優秀的品質及使用感令人想回購。 注意: 水漾防曬霜50為舊版, 而新版分成2款防曬, 分別是高效水漾防曬霜 SPF50+ PA++++ 及 亮肌水漾防曬霜 SPF35 PA++++。 高效水漾防曬霜適合需要長時間戶外活動的人使用,  而且有添加護膚成分、具護膚功效; 亮肌水漾防曬霜適合長時間在室內的人使用, 而且有調整膚色的功能。 含防曬成分(Active Ingredients): 氧化鋅, 桂皮酸鹽, 2，4-雙((4-(2-乙基-己

dandan好用推薦：週年慶買嘅2支套裝，😍日系防曬質地真系好清爽 又保濕.夏天用量大 都唔會覺得焗住塊面. 上面時會變水珠. 50＋＋＋＋ 用得好安心. 不過一開頭用覺得會搓泥 . 可能我面霜太滋潤😂😅換左面霜後就無尼個問題了！ 而且我覺得Rmk 防曬有小小修正膚色效果 白淨D 😁🤭

Cy好用推薦：之前一直用開biore藍色個款，佢個質地我係勁中意擦上去清爽又唔油膩，但用曬之完想轉試物防曬，咁本身想買Dr.Wu嘅物理化曬見網上啲人都話好，但搵唔到想買嘅個支🥲 之後就轉左買Anessa呢支物理+化學防曬，無酒精無香料又無色素不泛白，用後感得呢支係實力防水防曬😆 防曬力)Anessa唔使多講，個人覺得基本上唔會曬黑，SPF50+PA++++ 質地) 質地好輕盈，擦落係好絲滑嘅feel，有種形成一層保護膜嘅感覺，擦上去有少少油感但又唔會話好笠，而吸收速度都快。 幾啱妝前使用，冇潤色效果 見佢有遇汗禦強防摩擦技術，可以延長防曬時間，唔使話太勤力補防曬，啱曬我呢啲懶人😂 依家出街戴住口罩又熱塊面好易出汗，成日要抹汗，之後有次除口罩男朋友都哇左聲話我塊面有好多粒汗珠😂尷，咁但係防水汗同防磨擦方面真係幾ok。 防水防汗抗摩擦測試埋) 隻手背用毛巾磨擦完再噴左啲水試下佢防水力同抗摩擦力，如圖，係形成一粒粒嘅圓形水珠狀態👍🏻利申非打手純粹用後感🤣

robinsbk好用推薦：本身係大乾肌+間中敏感 所以一直都係搵啲物理防曬嚟用 唔會對皮膚造成傷害 但以前好多物理防曬都會好笠好有存在感/粉粒感重🫠但呢隻質地真係易推! 水潤得嚟唔黏笠! 重點係真係long lasting+防到曬!! 之前夏天出海玩2-3個鐘唔補之下塊面都無曬黑無曬紅 船P全日8個鐘 補一次就OK都係無黑 (不過有戴帽) 推介俾所有乾敏肌!! 佢好似係萬寧watson都幾常做優惠 上年同frd夾一人一枝都係百6蚊左右~

Noel好用推薦：由於已經停產了，就只作簡單分享~ 因為對品牌非常信任，所以就試試金色防曬以外的產品🤣 這個Anessa 防曬BB 霜， 我選用了 #自然色。整體感覺比較油膩，不算貼服，而且兩個色號都有點偏黃啊… 遮瑕度 🌟🌟🌟 持久 🌟🌟🌟🌟

winniemaow好用推薦：防曬效果不容置疑，質感水狀幼滑，但因為有色，所以較難推得均勻，出汗後容易有一撻撻，而且只有Natural 同Light 兩隻色，如果平時對妝容有較高要求會失望。但對唔想曬黑、但又唔想素顏去郊游玩水嘅懶人來講，係個唔錯嘅選擇。

LenaC好用推薦：SPF 130 PA++++ 嘅防曬乳液 行山坐艇出海都靠佢 我本身係敏感肌 之前用過兩款太陽油都敏感到要睇醫生食藥打針 呢隻防曬敏感肌可以使用 搽身搽面都可以 而且佢可以直接喺流汗或者戲水後嘅濕皮膚上使 防曬效果唔錯 起碼一定唔會曬傷 非常推薦

lingbb好用推薦：呢款曾經係某雜誌防曬排行榜第一位， SPF50防曬系數夠哂補搽使用 細細一枝出街好方便，最記得呢款防曬乳係因為包裝果兩朵紅花。個人感覺搽面會有點黏笠，所以有時都係補防曬時搽手腳，有曬黑，可惜已停產

jaye好用推薦：呢支係之前係藥妝店買，停產左有點可惜，白色乳霜狀，好質地好滑好易推開，一搽係有滋潤感，但推開左等3-4分鐘，就會成左膜，無笠感，而且無起粉刺油脂粒，亦無泛白，臉同身體都岩用，又係一支兩用，方便！唔錯！

Verna好用推薦：我用開這品牌的防曬乳液，但沒有貨就試下這支UV水感乳霜 防曬乳霜質地相對比較稠厚，但也很容易推開，延展性不錯，推開後膚色也沒有泛白，但觸感有少少黏笠，沒有防曬乳液那麼清爽 它的防曬度有SPF50++++，平時返工出街也不擔心會曬黑

劉肥貓好用推薦：長期回購嘅防曬品 冰涼水狀夠貼面 唔會泛白適合我油性皮膚怕黏笠嘅人使用 價錢夠平

unclecar好用推薦：用過兩三次之後就無再用，佢用上面對於男士嚟講偏白。可能係佢有薄荷嘅關係，用上面係幾涼，但同時亦幾乸眼。不過最重要係用佢之後滿面油光，實在太令，所以放棄了。

麥精好用推薦：原來已經停產(•́へ•́ ╬)里枝Anessa防曬乳液使用感唔錯，滋潤感強，容易查，冇擦膠碎，又不泛白。化妝前全面用又得，查手腳都得，黏笠感少，good(/≧▽≦)/ 不過只有SPF35，戶外活動就未必夠用！

PegPeg好用推薦：以前一直用開金瓶，後期見到藍色又係保濕過敏肌啱用，就轉左呢支。呢支質地比金瓶稠身，咸豐帝感覺上係滋潤d，防汗既功能都一樣做到。但佢既缺點係佢比金瓶吸收力慢，搽完佢要上妝就要等一陣。同埋佢得SPF35 PA+++，呢個就唔夠理想，但因為呢隻孕婦同bb都用得，就決定轉佢。

lingbb好用推薦： - 因為Anessa牌子效應而入購，耐水、耐汗及皮脂，係戶外活動時用 - 小小一枝出外補好方便 - 噴出黎係一層白白地色嘅油，有陣膠膠地嘅味，要立即推勻，面部如果帶妝就噴唔到面，但呢個質地噴面應該都會幾黏笠。 - 臉部、頭髮都用得嘅防曬，但唔敢噴頭因為唔知會唔會黏埋一齊，而且有點白色 -60g勁快就噴完，CP值品唔高，

jhope0725好用推薦：介紹: 32mL, SPF 50, PA++++ 優點: 呢個牌子嘅防曬出咗名防曬係數高，佢真係即使出去戶外活動用都唔會曬黑。佢嘅質感會比較油一d，但係都好容易推得開。佢唔會有一種用咗上身之後泛白嘅感覺。呢枝特別在於佢係噴霧式，特別適合用來補防曬。而且非常方便攜帶，唔會好似液態裝咁怕佢流出嚟，整污糟手袋或者背囊。 缺點: 佢嘅價錢稍為貴d，不過做到咁高效防曬都係值得嘅。而且噴霧裝嘅缺點就係覆蓋程度未必非常均勻，所以用嚟補防曬就比較適合，如果用作底層防曬，就唔太建議。 建議: 先用同牌子嘅防曬打咗底先，出左街唔想用手直接掂到防曬的話，用呢支噴霧補防曬就非常適合。

Jan好用推薦：有調色效果的暗瘡肌專用防曬兼隔離乳 質地偏水很清爽而不會感覺乾 反而有點油 有痘痘時使用都唔使擔心令痘痘惡化 會甩色 會印落口罩 價格平 抵用 可惜很難買

Tracy好用推薦：防曬度數高，佢本身係肉色，又可以均勻膚色，清爽唔會痴笠笠

Angie好用推薦：細細支擺喺手袋同背囊都好方便，有時候出去全日戶外活動補防曬唔使再帶咁大支出門口，可惜而家已經冇出

lingbb好用推薦：- 細個除咗biore會用一定係Sunplay -包裝好吸引我買，紅紅橙橙嘅色放係手袋好易搵到 - 細個覺得防曬系數愈高愈好，就會買呢枝 - 噴霧噴出黎都算乾爽唔黏笠，噴霧真心方便補防曬