KOSE 雪肌精 好用推薦產品
KOSE 雪肌精 推薦產品一覽 119 件
Chami好用推薦:多謝@cosme抽中試用 雪肌精首次進行升級既 **藥用雪肌精美白化妝水〈透亮精華版〉** 自從幾年前喺日本酒店用過雪肌精嘅sample,我已經入坑成為咗雪肌精嘅粉絲💓 但當時我用嘅係MYV系列,今次見到Cosme有試用機會,即刻報名希望體驗埋雪肌精藥用系列。根據產品簡介,今次升級版有甘草同和漢植物嘅萃取成份,擁有美白同保濕嘅雙重功能😍,抑制肌膚炎症嘅發生👍🏻 呢條line價錢雖然比較親民,但試用完發覺效果一樣冇得彈👍🏻 我成日都聽到人哋話呢款化妝水有好重酒精味,所以未用過之前都有啲卻步。但我自己試用時就聞唔到,搽上面都冇任何刺激敏感嘅反應。 化妝水倒出嚟嘅顏色呈奶白色,我嘅用法係:早晚洗完面後,倒落化妝棉全面抹一次,幫塊面做二次清潔。 即時試用感:化妝水質地好清爽唔黏笠!係有少少嘅味道但可接受👌🏻 美白效果就當然要啲時間去感受吓~ 當我試用完兩個禮拜禮拜之後,開始有好明顯嘅分別。 原本我嘅膚色係偏黃,加上毛孔粗大缺水,就算用好多護膚品都覺得吸收唔到,皮膚經常暗啞無光。 但係兩個禮拜之後,起身照鏡已經發覺自己有白淨咗少少,皮膚透亮咗,雖然毛孔都仲係比較明顯,但短短兩個禮拜有
<看全文>EL好用推薦:多謝@cosme 邀請試用藥用雪肌精美白化妝水<透亮精華版>200ml 本身我皮膚係白底偏黃,一向都對美白有追求,以前曾經連續使用雪肌精美白化妝水一段時間,係明顯見到膚色明亮白淨左。由於有之前使用體驗,可以做個對比,普通版化妝水嘅顏色係透明,質地係水狀清稀,而呢款透亮精華版一倒出黎已經覺得係濃d嘅版本,顏色白好多,質地比普通版潤少少,味道2枝分別唔大,都係清香舒服嘅味,搽開好快吸收晒,潤而爽嘅感覺。手背搽完細紋微微減淡,手感柔軟。由於轉天氣嘅原因,近排面部係偏乾有皮屑,我開始用咗呢枝化妝水<透亮精華版>後,有明顯保濕平滑嘅效果,早晚持續用2個星期後,本身有啲暗瘡印同埋膚色不勻都褪左,成個tone明亮同透白左好多,我諗繼續用夏天黎到我都可以保持白淨嘅皮膚❤️如果大家都想見到明顯美白效果,呢枝真係大推👍🏻
<看全文>lingbb好用推薦: - kose有種貼心就係連試用都會另外有白貼紙教你點用: - 首先沾濕手和面部,取兩cm於掌心,質地係乳白狀,加水起泡潔面,再以清水徹底清洗。 - 買佢產品都會送大量sample - 相比其他其他KOSE既洗面無咁多泡,但香味係KOSE獨有既味,本人偏好呢隻味,所以成個使用感都非常好, - 佢都清潔得好乾淨,面色有即時提亮咗。 - 覺得KOSE既洗面產品使用係絕對放心既. - 推薦俾所有人👍🏻 #清潔好物推介
<看全文>mandy好用推薦:雪肌精 White Washing Foam $130/ 130g 來自雪肌精的基本系列, 也是雪肌精中價位最親民易入的系列, 適合追求性價比高的用家使用。 可以起出柔滑綿密的企身泡泡。 帶優雅花香,使用感舒適,令人放鬆心情。 清潔力挺好,可以洗淨毛孔髒污。 使用後,肌膚潔淨亮白、富透明感、清爽、水潤、柔軟、嫩滑。 開架中低價位,不傷荷包。 含保濕成分: 甘油, 聚乙二醇-32, 聚乙二醇-6, 無患子, PPG-38-丁醇聚醚-37 及 乙基己基甘油 抗衰老成分: 甘油 及 維他命E 肌膚修復成分: 甘油 抗氧化成分: 維他命E 鎮靜消炎成分: 維他命E 美白/均勻膚色成分: 維他命E
<看全文>JL好用推薦:一向對睡眠面膜這類產品沒有太大興趣,因為很怕睡覺時會黏到頭髮及枕頭上,但因為很喜歡雪肌精的產品,所以就入手一試。 這瓶面膜的啫喱質感很柔滑,櫃姐教我塗上面後可稍加按摩,我發覺打圈按摩後它會變更水感,但可能我用在面霜後,所以要待一段時間黏笠感才減少。 它的保濕力不錯,可以舒緩轉季時的敏感肌膚,而且淡淡的雪肌精香味亦令我覺得很治癒,真的有助我入眠。我認為這睡眠面膜比較適合夏季開冷氣時使用,不怕肌膚水份被抽乾。
<看全文>Imelda 好用推薦:係Sales推介下入手,用完第二日即刻返去再買多支。質地水潤易推,金箔會係打圈嘅過程中融化吸收,保濕度高,訓醒後肌膚仍然保持水潤有光澤,敏感肌都適合用
<看全文>綺羅香好用推薦:感謝@cosm送贈嘅雪肌精 cc絲絨雪粉餅,送嚟嘅淨係粉芯,無外盒,我見官網嘅粉盒圖好靚,銀白色圓形外盒上面有雪花圖案,就自己去買嚟配返 收到嘅色號係01,顏色有啲偏黃,粉質好細滑,用手輕輕掃幾圈就融入皮膚,妝感係自然嘅柔霧感,因為個名帶CC兩字,本嚟就唔太期望遮瑕度會高,對痘印同黑眼圈嘅遮蓋算中度偏低,雖然可以疊加上去,不過唔會遮到完全看不見,而且將係瑕疵柔焦,對毛孔跟肌膚紋理嘅修飾也很不錯,但係如果毛孔非常粗大,都係搭配專門填平毛孔嘅產品比較好
<看全文>格仔餅公主好用推薦:包裝勁靚但亦係令我對雪肌精大跌眼鏡既一樣產品,上完臉成個妝感好乾,如果保濕唔做就用佢塊面睇落會好乾同顯毛孔,所以比3星..
<看全文>Chami好用推薦:多謝@cosme抽中試用 雪肌精亮白水感防曬精華乳☀️ 我平時買得最多嘅就係防曬,因為只要一出街我就會用,唔用會好冇安全感🤣,所以好多防曬嘅品牌我都試用過,但就係未試過雪肌精藍色呢條line~ 今次真係一個大好機會,所以我好開心被抽中試用🥰 產品其中一個成份係薏仁,有助滋潤肌膚、改善暗沉及抑制黑色素形成,再加上和漢植物精華,預防色斑同肌膚受損,打造亮白透明肌 - 見到呢啲成份都已經知道係好嘢👍🏻 今次我抽中嘅係 essence milk,倒出嚟係偏向少少少少濃厚但流動性高嘅奶白色乳液,真係好似milk咁。 一搽上面已經好快吸收,唔會有泛白問題,同時間好似形成咗一層薄膜喺面上。平時我好驚用成膜嘅產品,因為當後續再上化妝品嘅時候,好容易同化妝品打架,會有啲碎碎出嚟,但係呢支防曬精華乳竟然冇呢個問題,令我好surprise!再加上成膜嘅產品通常令我塊面易乾,毛孔會更加顯眼,但係雪肌精再一次冇呢個問題,甚至有滋潤嘅感覺!教我如何不愛雪肌精嘅產品❤️❤️❤️ 佢嘅防曬度數SPF50+ PA++++,已經好足夠我日常出街用👍🏻 完全講唔出佢有咩缺點,推介!
<看全文>EL好用推薦:多謝@cosme邀請試用雪肌精 亮白水感防曬精華乳60g 本人一直回購雪肌精防曬霜,因為好鍾意佢水潤透薄嘅效果,今次試用防曬乳,好有驚喜唧出黎係少少稠厚嘅樣,但係一推開,好似無搽野咁舒服,平時防曬乳多多少少都有d笠嘅感覺,呢枝係完全無嘅,味道都係同雪肌精化妝水一樣清香舒服味由於平時都會化妝返工,搽防曬後上妝都難免感覺焗焗地,呢枝防曬乳都係無嘅,而且有加強粉底貼服度,朝早出門到夜晚都無泛油浮粉,幾long lasting。 不過始終而家天氣唔算熱,但係春天同初夏黎講個使用感係無得彈嘅❤️
<看全文>iliya 好用推薦:好多謝@cosme 和@KOSE 俾我今次試用藥用雪肌精美白化妝水(透亮精華版)及亮白水感防曬精華乳嘅機會!🙇♀️🫶🏻 藥用雪肌精美白化妝水(透亮精華版)及亮白水感防曬精華乳係一如既往嘅藍白色設計,象徵「雪的結晶」嘅六角形底部及特有嘅琉璃色「雪肌精藍」,簡潔大氣~ 藥用雪肌精美白化妝水(透亮精華版)係乳白色嘅液體,滲透度頗高,搽上面後好快就被皮膚吸收,都算滋潤,而且唔會有黏笠嘅感覺!化妝水內含甘草萃取及和漢植物萃取成分,並利用獨家高壓微細磷脂乳化技術,深入滲透角質,更容易被皮膚吸收,美白同時保濕,防止粗糙,而且抑制暗瘡、粉刺及泛紅等肌膚炎症發生。而我用左一個星期左右,皮膚明顯比較亮白有光澤,打造透明素肌,肌膚狀況更穩定,粉刺暗瘡都少咗啲,好驚喜❤️❤️❤️ 至於亮白水感防曬精華乳,係質地微微厚身嘅乳液,水潤及意外地清爽,輕盈無負擔,而且無泛白嘅情況出現,喺肌膚面層形成薄膜,具日本防曬最高級別SPF50+/PA++++ /UV 耐水性, 長效守護肌膚,免受紫外線損傷,而同時護膚,蘊含3種嚴選薏仁成分及和漢植物精華,保濕美白,抑制黑色素嘅形成,改善暗沉膚色,提升亮度及透明感。試用之後
<看全文>Joanna0612好用推薦:很高興得到亮白水感防曬精華霜的試用! 首先質地我很喜歡,因為是霜狀,滋潤度不錯,同時又可以順滑推開,水潤易延展,而且輕盈無負擔感,透氣舒服,一向比較喜歡相撞,因為不會像水狀般流到周圍都係,較容易控制。 試用期間只用作日常上班,沒有曬黑的狀況,而且亦不會同底妝打交,但用也不會感到乾燥繃緊。 氣味上沒有特別。 另外看簡介,此產品是採用「珊瑚友善配方」。亦無添加OMC (在部分地區受到監管的紫外線吸收劑)、D5 (歐盟進行監管的一種矽油),對環境友好的設計。值得一讚! 水潤度 8/10 易推度 9/10 透亮效果 8/10 舒適度 8/10 易塗度 8/10 氣味怡人 7/10 整體 8/10
<看全文>mandy好用推薦:KOSE 雪肌精 ACTIRISE LINE [MYV] Actirise Lotion $350/ 120g 此sample為購物贈品。 [MYV] Actirise Lotion的主要訴求為保濕及提亮。 一般化妝水都是愈濃稠愈滋潤保濕, [MYV] Actirise Lotion 卻是一款觸感清爽, 保濕力很不錯的化妝水,很適合油性肌或混合肌使用。 流動性高,易於在面上均勻塗抹, 而且極速地一下子被肌膚完全吸收, 使用感輕盈舒適,不油不笠,一年四季都可使用。 使用後肌膚更水潤飽滿、透亮而富透明感及更細滑, 也會短暫地隱藏毛孔。 帶清淡高雅的花香,非常好聞。 需要時可以倒在化妝棉做濕敷,急救秋冬乾燥肌。 蘊含保濕及抗衰老等對肌膚有益的成分, 亦含有酒精成分,敏感肌請注意並小心使用。 價位稍貴,定位在中高價,而且容量不多很快用完一瓶, 性價比不算高,但也確實有其實力,有機會最好先試用 Sample, 看是否喜歡其質地及是否適合自己膚質, 覺得不錯才買入。 含保濕成分: 丁二醇,甘油醇26,甘油,芽孢桿菌/米糠萃取/大豆萃取發酵產物濾液,膽固醇
<看全文>bibubibu好用推薦:呢款雪肌精嘅爽膚水質地清爽 我會喺洗面後倒喺手心拍上面 佢吸收速度好快 味道就好似雪肌精經典藍色化妝水咁 有酒精味道 所以會較適合油肌人士夏天使用 用咗佢冇太大感覺 就係一個普普通通嘅化妝水
<看全文>Aivlys好用推薦:19年底喺福岡藥妝店買入, 仲送咗一支24mL嘅雪肌精化妝水試用裝。 個人好欣賞佢嘅設計係泵裝, 可以輕鬆擠出想要嘅份量而毋須手動倒出嚟。 可能因為泵頭有特別設計, 擠出嚟嘅乳液真係好豐盈蓬鬆, 唔似一般乳液倒出嚟一灘嘢咁。 乳液本身係白色帶有雪肌精一貫花香味, 值得一提係聞唔到酒精味, 唔知係咪改良過配方呢? 搽上面吸收得好快, 而且皮膚唔會痴立立, 望落比較霧面同乾爽, 但同時都做到保濕鎖水嘅效果, 晚黑用完第二朝起身都唔會成塊臉油立立或者乾爭爭, 效果有驚喜! 用完之後如無意外會回購!
<看全文>ZoeTung好用推薦:我用過最清爽最唔笠嘅乳液💛 當初SA幫我試上手時 ,無咩特別感覺 但買完用係塊臉,完全覺得好快吸收 朝早用完直接化妝都無問顯! 補濕功效對油肌嘅我岩岩好 夏天同香港唔太乾燥嘅日子夠曬用 但如果冬天勁乾嘅日子就可能要轉其他乳液
<看全文>