The Body Shop

白麝香淡香水

好想分享下呢支好耐之前white musk 變奏版😂雖然已經比我變左做家居香氛，但其實咁平買到支呢種味道既香水，其實好唔錯。

呢個系列嘅白麝香氣味無得輸～味道清香得嚟又獨特～令人百聞不厭～非常喜歡～

呢種香味好好聞，有一種好知性嘅感覺。不過呢款噴完之後幾個鐘好快就會冇，有啲可惜。

我估係Body shop最出名嘅香水？白麝香真係非常之香，好溫柔好女人好好聞，又唔貴，好耐好耐好耐之前我就已經入手咗一次，前一排又有人送咗一支俾我，但係我太多香水啦，所以又送咗出去俾人，哈哈

本身我好鍾意白麝香味，body shop嘅白麝產品全條line我都好滿意🥰 個香味好清新，但唔會太濃烈。 body shop 產品唔會test against animals, 係我支持佢其中一個原因，而且價錢親民

一開始鐘意white musk既香味就係因為body shop 呢款香水，淡淡的，味道清新又舒緩，不過持久度一般，但價錢相宜，預算上有限既都可以一試。

- bodyshop第一支香水 - 曾經好愛白麝香香味，有種安全感 - 性價比幾好，另外有好多款送禮包裝可選擇 - 香水持久力我覺得算幾耐，去到尾段都仲有淡淡嘅味

大學時入手的白麝香香水，因為 The Body Shop 價格比大牌親民，學生也易入手。用過不到十次就閒置了，因為香味偏成熟，與我的個性有點格格不入呢！最後只好送我很 hot的 roommate 😅

噴完有種平易近人無害既感覺，絕對推薦比香水入門或者怕太濃刺鼻香水既sis

這走麝香味有種淡雅的感覺 會是適合番工做用 有一本正經的感覺 office laby適用

如果講起白麝香一定會諗起呢一隻香水 第一下聞落去都覺得ok嘅 不過如果噴太多喺身上面可能會覺得有啲太濃嘅感覺會有啲唔係好舒服

是古老花香的味道，是以前花露水的味道。 個人很喜歡，因為感覺很溫柔。

一款比較中性嘅香水 白麝香俾人一股神秘嘅感覺 俾偏向比較嗆辣嗰端 適合秋冬使用 略嫌棄香水味道好快散去 大約只能維持兩小時

中性香水，男女都岩用。剛噴上就係似BB 淡淡嘅舒服清新氣味。不過因為係淡香水，只係可以持續到2-3 個鐘。

本身用開身體噴霧，之後想轉香水，點知一噴就皮膚泛紅，應該係我嘅皮膚唔適合用呢枝香水，不過身邊朋友用都冇事。香味嚟講身體噴霧自然少少，香水嘅話可以用量少啲