MUJI

溫和磨砂潔面乳

洗面嘅時候有顆粒可以做到溫和磨砂嘅效果，洗完面之後會覺得真係滑咗少少，但同時有少少乾

清潔力同muji face soap一樣勁，去油力超強。同樣用完會乾。磨砂粒粒令你覺得乾淨左

不過不失既磨砂洗面～磨砂粒都算細所以唔會好痛 但係效果感覺不大～不過好似有用好過無用既感覺

呢枝無印嘅磨砂膏整體唔錯嘅。磨砂粒子唔算好幼細，都唔會話覺得過份地粗糙，清洗時輕輕力就冇咩問題。洗完肌膚有變得嫩滑感。不過有少少繃緊，又未至於好乾，需要好好保濕。耐唔耐用都唔錯嘅一款，而且便宜係抵用嘅。

非常抵用的磨砂潔面產品,內含的磨砂粒子不算很粗粒,所以不怕弄損皮膚,沖水後亦不覺得繃緊,具一定的保濕力

算係幾好用，自己間中有用開酵素洗面粉，佢都帶有一點酵素洗面粉既味道，所以我覺得有點酵素成分，磨砂粒粒唔係膠粒，係天然顆粒，洗完面後塊面滑了但唔會太乾

磨砂粒子比較粗 洗面會有少少摩擦感 洗面後感覺乾淨 唔乾 而且皮膚滑咗啲 可以去除角質 價錢平 一支都用到好耐

清潔力太強，磨砂顆粒大，我用後會乾及泛紅，我認為並不適合敏感性皮膚使用

清潔力好強 磨砂粒粒較粗 洗完面係會feel到滑左 不過會有點乾同刺激性 敏感肌要小心

唔會係最好用 但一定係最抵用 清潔力一般

好溫和，敏感肌適用，磨砂粒子幼細，唔會過份清潔而令皮膚感覺好乾，反而洗完塊面柔軟白滑左。

雖然佢唔係最好用既磨砂潔面乳，但價錢最便宜，同埋都有清潔功效，日常用唔會心痛。

磨砂粒子比較幼，清潔力唔算係好勁，但幾溫和 敏感皮膚又想用下磨砂既話可以考慮 可以買細細支試下先，性價比高

呢知除咗係普通潔面乳之外, 仲帶有少少磨砂粒子, 好用! 冇味道嘅, 好溫和, 敏感皮膚都唔怕會太刺激. 呢個價錢抵用!

性價比十分高的潔面產品， 一大枝只不過是 $40左右～ 清潔力非常不錯， 但溫和度中等， 磨砂粒子偏向粗糙， 不過輕力按摩不太有痛感， 但過水後有輕微繃緊的感覺。 念在它的價錢， 我覺得它是合格以上～