aio

密集修護面膜

喺屈臣氏買，最初見到個包裝好靚（顏色搶眼）就俾佢吸引左目光，之後都search過評價好似OK，所以就買一盒試下。一盒5塊要百五咁上下，平均一塊30蚊到，係有少少貴🥲所以唔會日日用！但只要用一塊，都的確有即時見效嘅感覺，好似前排轉季兩邊面出暗粒，下巴又有泛紅，敷左mask之後真係有緩和到，而且暗痘都無再出現！幾有效！有幾次覺得乾/有出瘡瘡/有泛紅，都會用佢，用完之後唔可以話完全好返晒，但有感覺係慢慢好返，好似幫皮膚調理返咁👍🏻 我覺得雖然一盒唔算平，但屋企常備一盒，久唔久拎嚟急救其實都OK ☺️題外話
第一次用嘅時候，差啲唔識開，以為要用較剪剪咁麻煩😂 原來佢有個超隱藏嘅開口😂😂 我覺得可以整得明顯啲囉……分享面膜實際個樣，某啲部位有兩層，主打嗰幾個位「密集修護」，有兩層嘅嗰幾個位包括鼻同雙頰，有感覺到貼啲、包得好啲，所以會有精華吸收得更好嘅感覺，但以效果而言係咪特別有用，就無好大感覺（似gimmick 多啲LOL😂) 但重申一次，其實成塊都好用，只係無佢講嘅針對壓力位有特別效果，急救都始終係一流的！