Bioré 好用推薦產品

Emma好用推薦：【防曬部門】 主打 100% 純物理性防曬，專為兒童同敏感肌而設。極高溫和度，透過折射阻隔紫外線，不含化學性防曬劑、酒精、香料、色素及防腐劑，對小朋友同敏感肌嚟講好安全，好少出現敏感情況。 質地好推、性價比高：屬於白色乳液狀，質地好水，算易推開，但係一開始未吸收係會泛白，推多幾下就完全冇咁既問題，係物理防曬入面比較少見既唔泛白產品。而且價錢親民，大肆幫小朋友全身厚搽都唔會心痛。防曬系數算同類產品之中算中高level, 日常生活使用已經好足夠。 官方標榜一般日常沐浴露或肥皂就可以洗淨，唔需要額外用卸妝油大力摩擦皮膚。 🥲始終佢入邊有油分，乾性肌膚使用啱啱好，油性肌膚嘅話可能覺得有微悶感。 手指公嗰邊係用咗防曬，完全見唔到有泛白情況，令我大為讚賞！

呆呆的槑好用推薦：家人用完試用完立馬買了大支裝！ 這支含有磨砂粒所以起泡力一般，用起來有清涼薄荷感，去油能力佳，但是用完完全不會乾！ 推薦夏天用👍

constance好用推薦：男朋友一直都用開，佢話呢支洗面都幾好，係真係控到油，洗完面又唔會太乾，好清爽，佢已經回購左幾支，話會再回購。

shadow影子好用推薦：價錢親民性價比高，比起同系列有更高嘅遮瑕度，如果唔係好嚴重嘅黑眼圈同埋暗瘡印都好一般可以遮到。而且質地比BB cream透薄，效果自然。

Chloeincosme好用推薦：好驚訝竟然冇人寫過呢支防曬既心得🤣因為biore呢枝防曬係日本係明星商品嚟，幾乎每間藥妝店都有佢既廣告🤣😗 由於個包妝神早掉左，唯有係官網拎張相比你地睇下呢支防曬主打既係咩啦：係輕盈既「日系透明感」😍😍 呢枝防曬除左有spf50+, Pa++++既高防曬系數（我對防曬既基本要求），佢質地水潤輕薄唔lup，搽完有少少光澤但又唔會油光滿面。 再望下佢主打日系透明感係點做到先：佢唔係傳統紫色妝前base果隻飽和度好高既紫色，而且淡淡的紫（薰衣草牛奶雪糕果隻），睇相隻紫色冇咁明顯，好處係即刻係黃二白皮膚用佢都唔會死白，岩晒追求「日系透明感」既女生🤍🤍 再睇下對比圖：好明顯after果邊既提亮效果滿滿🥹，上面之後可以均勻膚色，對於去黃都超有效果。 總結： 用左呢枝防曬個幾月，有時當佢妝前底霜，有時單搽，有時化完妝用佢搽頸提亮，暫時都冇發現佢有咩缺點～唔怪之得係日本賣到成行成市😝誠意推薦購入！

Verna好用推薦：我是每天都會搽防曬乳才出門口的人，所以我逛藥妝店時很喜歡買防曬乳，因為消耗量實在太大了，也因此我試過很多不同的防曬乳 我選防曬乳有一個基本要求，就是我要搽完之後，皮膚都可以保持清爽不黏笠，而且防曬系數要高 我經常買這品牌的防曬乳，因為它的質素實在不錯，而且開架產品容易買到，價錢又親民 早一陣子，出了不少有調色功效的防曬乳，這款防曬乳是薰衣草的淡紫色，有修正暗沉，提亮的功效，它的質感是輕盈，很容易推開塗抹，推開後的觸感是粉粉的，好似有一層膜，不過感覺是清爽的，搽完後膚色明顯變得白淨均勻，有粉嫩粉嫩的感覺，調色效果不錯，所以放假時，我只塗這防曬乳，沒有其他底妝，膚色也不錯，另外它添加了保濕成份，可以當作妝前底霜 它的防曬系數也高，有SPF 50+ PA++++，平日出街返工絕對足夠

Sana好用推薦：夏日炎炎，香港呢種濕熱天氣，搽防曬真係好似同自己皮膚打仗咁。以前一到夏天，我塊面就黐立立，用厚身防曬仲搞到出粒粒，但今年終於俾我遇到救星——Biore 水感智能防曬慕斯。 先講質地，佢一唧出嚟係輕盈嘅慕斯泡沫，好似忌廉咁軟綿綿，但一推開就「化」晒做水珠，完全冇傳統防曬嗰種「粉狀感」或者「油膜感」。對於我呢種混合肌，夏日護膚最忌就係疊加太多嘢，呢支慕斯可以當作日間護膚最後一步，爽膚水後直接用，連乳液都慳返，夠晒方便。 最驚喜係佢嘅「智能感應」技術，聽落好玄，但實測真係會跟住皮膚狀態調整貼合度。試過喺三十幾度高溫下喺街行咗半個鐘，塊面出晒汗，但防曬竟然冇流白汗，仲保持到清爽啞光。以前用其他防曬，一到中午T區就油到反光，但呢款用完，就算再上碎粉，都維持到一種「柔焦」感覺，絕對係適合夏日的護膚品必選。 防曬力方面，SPF50+ PA++++ 絕對夠應付香港嘅暴曬，最緊要係佢防水之餘，用普通洗面乳就卸得乾淨，唔使額外用卸妝油，減少對皮膚嘅負擔。夏日夏天最怕就係防曬「焗住」毛孔，但呢支慕斯用咗兩星期，完全冇生暗瘡或粉刺，反而覺得皮膚仲滑咗。 如果硬要講缺點，就係佢有少少酒精味，但揮發得好快，

雪雪好用推薦：最近入手左呢支Biore智能水感防曬慕絲，佢支出黎好似唧蛋糕唧花咁，幾靚幾特別。防曬慕絲係白色的，慕斯質地，順滑易推，有少少提亮膚色，不過只係少少only ，追求明顯提亮的美女們，呢支就唔啱喇。 呢支防曬有SPF50+，可以隔離UVB，防止曬紅曬傷，而佢嘅PA++++可以預防UVA引起的色斑，室內戶外都夠哂用。 佢賣點仲有防水耐汗，非常適合香港嘅夏天使用，不過如果留咗好多汗，都要注意要補搽防曬。 防曬質地方面，佢都有少少笠，可以用碎粉/爽身粉保持乾爽。 整體黎講，支防曬都幾好，質地輕盈，防水耐汗，價錢唔算貴，大約$120，都可以入手一試。 #防曬

維他他好用推薦：Biore出咗支新嘅噴霧式卸妝，幾新穎嘅卸妝方法，試試佢 呢支卸妝噴霧，每次卸妝大概都要噴10下以上，先會足夠可以卸乾淨全面嘅妝容，清潔力非常強勁，簡單易用，比起卸妝油會稀少少，但係比起卸妝水又會強勁少少，卸妝效果非常不錯，好乾淨，卸普通防曬一定冇問題，其實連眼妝胭脂呢啲都可以清潔得一乾二淨，重點係洗完之後，塊面一啲都唔乾燥，呢一點幾好，價錢大概$100一支，有120毫升，貴唔貴就見仁見智，但係效果真係幾好，會推薦俾朋友使用 #火熱新品

Ming好用推薦：#火熱新品 最近見到各大媒體都有報道呢支卸妝油，好多用家都認同卸妝能力好高，性價比非常高。 用咗之後呢支卸妝油嘅卸妝能力真係好好，無論係直接噴喺面上面又好，或者噴喺棉花上面抹又好，都可以輕鬆卸妝，有啲好難卸嘅睫毛液，眼線亦都好容易卸到，而且唔需要係咁捽塊面，卸完之後塊面唔會好繃緊，雖然都要再洗多次面，但係唔會咁乾燥，都試過喺沖涼嘅時候用，可以同一時間卸妝洗面都冇問題。就呢個牌子嚟講，呢款嘅卸妝油卸妝能力已經有好大嘅進步。。

shadow影子好用推薦：價錢親民性價比極高！夏天最鍾意用佢，夠晒控油清爽，而家有足夠防曬，查完之後直接上碎粉，效果自然持久。

格仔餅公主好用推薦：呢支用落texture 無咁笠係幾岩夏天用，控油係有感既，加埋佢幾高既防曬系數，有時我懶會單用就算都幾方便

格仔餅公主好用推薦：有潤色既功效不過佢唔係走透薄路線係有少少粉感個一種，如果平時化開妝想偷懶有埋防曬佢都係差唔哂既選擇

natanatalie好用推薦：以這個價錢來說無可挑剔，質地算是比較清爽，不會黏笠容易推開，而且有微微的提亮功效。

Kathy Wai好用推薦：#火熱新品 Biore極淨溫感卸妝膏使用心得：溶妝快過香港夏天落狗屎 老實講，我對卸妝膏又愛又恨——愛佢卸得乾淨，恨佢有時油到生暗粒。但Biore呢枝「溫感」真係有驚喜，唧出嚟係半透明膏狀，一推開就微微發熱，好似做緊面部SPA咁，夏天用雖然有少少矛盾（熱上加熱😂），但嗰種「暖敷」感反而令毛孔好似張開晒，化妝品秒速溶化，連睫毛液都唔使捽到眼紅紅。 過水嗰下先係重點——遇水即乳化，變到奶白色嘅輕盈質地，完全冇豬油膏嗰種黏𣲷𣲷嘅感覺。洗完塊面清爽得嚟仲保濕，摸落去係「彈彈吓」嘅水潤感，唔會繃緊或者起乾紋。對於我呢啲夏天唔想搽咁多層護膚品嘅懶人，佢直頭係恩物，卸妝＋清潔＋保濕一次過搞掂。 最加分係佢冇香料味（對我呢種鍾意柚子茉莉花嘅人嚟講，呢枝係走「專業路線」），敏感肌都用得。試過卸完妝唔即刻護膚，隔咗半個鐘都冇出油或者泛紅，證明佢真係溫和又乾淨。 如果話滴露沐浴露係適合夏天嘅護膚品（沖涼層面），咁Biore呢枝就係適合夏天嘅護膚品（卸妝層面）——唔油、唔乾、唔麻煩，仲要快！夏天出街成日出汗，最怕化妝品塞毛孔，用佢之後毛孔真係呼吸到，暗粒都少咗幾粒。 總括嚟講，呢枝嘢我會回購，尤其係

Kura好用推薦：呢款卸妝膏真係便宜又好用，平時化全妝用呢款卸妝膏可以好快就落曬全妝，卸得超級乾淨，我有時會懶到連眼睫毛都會卸埋，用完皮膚狀態變好咗，我會繼續回購呢款卸妝膏 @cosme #火熱新品 #火熱新品

格仔餅公主好用推薦：味道唔會好勁所以男仔用都無咩問題，我有時遇到明顯浮起左既白頭或者想大力啲甘去角質都會用佢，可以即刻去走到明顯既角質污糟野

Kura好用推薦：磨砂例子幼細，夏天用真係好爽，用完之後臉上嘅油一掃而光，價錢實惠，抵買