DECORTÉ Youth Renewing Radiance Cleansing Foam 30g/29ml 呢個係品牌每年臨近年尾推出嘅AQ系列 Trial set當中一款洗面產品，於@cosme購入。 質地：乳霜狀洗面，加少少水就可以起到豐盈綿密泡沫。輕輕按壓打圈，再直接過水，好易沖走泡泡唔殘留。 顏色：白色 效果：綿密泡沫，輕鬆深入毛孔潔淨，減低對皮膚摩擦剌激，用後感覺足夠保濕唔繃緊。AQ系列一貫嘅淡淡白花香氣，舒服又好聞。 有化妝嘅日子，洗面前可以用同系列卸妝啫喱，咁就更加相輔相成啦，洗完面水潤透亮。

DECORTÉ Youth Enhancing Radiance Cleansing Water Gel 60g/57ml 呢個係品牌每年臨近年尾推出嘅AQ系列 Trial set當中一款卸妝產品，於@cosme購入。 質地：Gel狀無油配方～不論夏天定冬天用，都好舒服。塗上面後輕輕打圈，就已經變成液體狀，溶解底妝彩妝。唔需要加水乳化，直接沖水就可以。 顏色：白色透明啫喱 效果：以gel嚟講卸妝效果好好，基本上防曬、粉底、彩妝全部都輕鬆卸掉，防水眼線就要用多啲時間。對皮膚友好，減低摩擦剌激，用後感覺清爽唔繃緊。 卸妝後再用同系列洗面膏，咁就更加相輔相成啦，洗完面水潤透亮。

感謝 @Cosme 提供今次嘅體驗機會！試完真係直接被圈粉～😍✨ 前陣子因為卸妝不夠徹底，加上壓力大又經常捱夜，皮膚一直粗糙暗啞、水油不平衡，狀態極差😭。 一直聽聞 THREE 嘅王牌卸妝油係以「天然精油」聞名，今次全新升級嘅 「THREE 平衡淨透潔膚卸妝油」，融合咗 12 種精油與 6 種親膚植物油，採用獨創嘅天然生物潔淨配方。最震撼嘅係佢 「10秒溶垢、無需乳化」⚡️！溶解污垢與彩妝嘅速度極快，大幅減少卸妝時對肌膚嘅磨擦，用完感覺特別清爽零負擔。 因為成分非常天然親膚，溫和到完全不刺眼，連孕婦、濕疹同敏感肌嘅朋友都可以安心使用💕 💦 真實使用感 ✨ 質地輕盈好推：流暢絲滑，完全沒有傳統卸妝油嘅厚重黏膩感。 ⏱️ 10秒極速卸除：真係輕輕按摩 10 秒就能快速溶解彩妝同防曬，隨水一沖就乾乾淨淨。 💧 清透水潤不繃緊：洗完面後肌膚感覺非常清透，完全唔會覺得乾澀繃緊。 雖然用完唔會一下子令皮膚變得極度平滑，但一段時間落嚟，肌膚明顯變得更加健康穩定。最治癒莫過於佢天然植萃精油嘅香氣，卸妝同時做芳療，幫肌膚解壓，每次卸妝都好似做緊 Spa 咁舒服～✨

平日用開卸妝油落妝，但落妝油通常落唔到眼妝，要專登另外用落眼妝的落妝水，很麻煩，今次試用了Biore 抑溫感卸妝膏，一用之下超驚喜!🤩 首先一打開，有淡淡的橙香味🍊卸妝膏比卸妝油容易處理，不會容易滴在手踭上其他位置👍🏻搽到臉上容易推開，質地有點像雪葩🍨但神奇地用手指一推開，就會變成油狀，而且非常神奇地會發熱♨️暖暖的，感覺超級舒服，相信冬天用更棒!☺️因為是膏狀，推到眼睛的時候不怕滲入眼睛裏，令到眼睛不適👀卸妝能力也超厲害，基本上一推開，彩妝就即刻溶解，持久防水的眼妝也超容易溶解，非常方便😊然後再加少少水，卸妝膏瞬間乳化變成奶白色，持續按摩後，有一些皮脂粒推了出來😳之後用水清潔，皮膚感覺仍然很滋潤，一點繃緊的感覺也沒有，摸上去也很滑☺️ 加分位：小匙羹的設計有磁石倒吸在蓋上，不怕卸妝膏弄髒其他地方，非常方便使用💯 總結： 質地 🌟🌟🌟🌟🌟 潔淨度🌟🌟🌟🌟 保濕度🌟🌟🌟🌟 溫和度🌟🌟🌟🌟 整體 🌟🌟🌟🌟🌟 卸妝膏質地容易推開，淡橙香味怡人，清潔力強，用後皮膚保持水潤柔軟，比較其他卸妝油不會有崩緊的感覺，非常推薦!!👍🏻

多謝@Cosme 既邀請試用THREE 平衡淨透潔膚卸妝油！身為一個長期每日化妝、帶妝時間長的寫字樓打工仔，同時香港空氣又污染，容易導致污垢積聚，如果卸妝唔徹底，好容易搞到毛孔粗大阻塞，敏感泛紅。之前用其他卸妝油覺得潔淨力不夠，乳化又慢，有時因為卸妝力不夠，要用卸妝油兩次去清潔，搞到容易敏感泛紅，皮膚膚質變差。 直到用了這款，徹底打破我對卸妝油的印象！最厲害的是它完全不需要乳化，直接用清水過水就乾淨，極之方便使用，完全省卻了以前苦苦打圈乳化的時間。雖然不用乳化，但它的潔淨力超級高，可以輕易洗去所有彩妝品與防曬，洗後感覺清爽舒適，完全不悶，而且又夠保濕。它的質地非常輕盈，按摩時完全沒有拉扯感，持續用下來，使用後皮膚感覺平滑細緻，毛孔乾淨好多！成分天然溫和，敏感肌使用都好放心。加上那股有如在 Spa 館做護理的草本香氛味，每天卸妝都覺得好 Relax。 整體嚟講，使用一個多星期，毛孔清潔度得到改善，呢一個都係一個好推薦嘅產品，絕對會無限回購！

首先感謝@cosme抽中試用Bioré極淨溫感卸妝膏🤗❤️！我本身係濕疹敏感肌，一直好驚卸妝產品會刺激皮膚，但今次用完真係完全改觀！ 呢款Bioré極淨溫感卸妝膏嘅質地推開時非常順滑，按摩時延展性好好，對脆弱嘅肌膚幾乎冇乜拉扯感，最驚喜嘅係佢獨特嘅SPA級溫熱效果，推開按摩時暖笠笠好舒服，溫和地將毛孔入面嘅污糟嘢同油脂溶解晒✨ 而清潔力方面真係無得彈，連平時最難搞嘅防水眼妝產品都可以輕鬆卸除乾淨，完全唔使大力捽皮膚，溫和又零刺激👀。沖水時一遇水即刻乳化，加以按摩，過水超級清爽，最正係洗完面完全唔會有乾澀緊繃感，反而摸落去水潤柔軟，保濕力極高💧 另外卸妝膏含有天然甜橙果油，散發出清新嘅柑橘香氣，每次卸妝都好似做緊芳療咁，幫忙釋放一整天嘅工作壓力🧖🏻‍♀️💆🏻‍♀️成分仲有雙重乳木果保濕精萃同多種舒緩護膚成分，如山茶花籽油、紫蘇籽油、杏仁油等，卸妝同時護膚，非常方便！我試用咗大約一星期左右，皮膚完全冇敏感泛紅，狀態穩定。 真心大推俾同我一樣有濕疹敏感困擾同埋皮膚偏乾嘅朋友仔🥰！

先多感謝cosme送出貨裝Bioré 極淨溫感卸妝膏試用 最近試咗 Bioré 全新推出嘅「極淨溫感卸妝膏」，主打 「SPA級溫感」同「W.A.R.M. 四大高效配方」，真係用一次就愛上！一打開就聞到一陣好清新嘅天然甜橙果油香氣，未用已經覺得好治癒、好放鬆。最神奇嘅係佢嘅觸感！佢嘅質地好滑好細緻，好似雪芭咁，一搽上面即刻會感覺到一股微微嘅暖意滲出嚟。呢種溫熱感就好似平時去美容院做 SPA 咁，可以幫手打開毛孔、軟化啲頑固黑頭。喺塊臉度輕輕打圈按摩，膏體好快就會隨住體溫溶化卸妝，而且乳化速度極快，加水一沖就乾淨晒。 用完之後塊臉好清爽，以前好驚用卸妝油或者卸妝膏會成塊臉油淋淋，要用多次洗臉膏洗面先舒服，但呢款卸妝膏沖完水之後，皮膚係極之清爽，完全冇層油塞住毛孔嘅感覺。加上佢係「10 大無添加」溫和配方，洗完臉完全唔會乾、唔會繃繃緊，連我呢種敏感肌都過到關，勁推薦以後後用完再購買！

多謝@cosme邀請我試用THREE的平衡淨透潔膚卸妝油，見到產品係made in japan，未用就先有滿滿的信心！ 先講講香氣啦（因為最令我驚喜，竟然係屋企清潔臉部就好似飛左去外國做luxurious spa咁，好放鬆療癒，好舒服舒壓！），呢支卸妝油用了12款植物精油，裡面的佛手柑果油、迷迭香葉油、馬鬱蘭葉油、乳香油、甜橙皮油、苦橙葉/枝油、天竺葵油同薰衣草油真係好突出，完全係我平時會買香水/room spray的味道！ 平時出門日日都會化妝，加上香港空氣質素又有一定汙染（而且我自己做野都會大壓力 + 中意間唔中食吓即食麵/蛋糕）所以我一直都有皮脂腺毛囊粉刺同黑頭白頭的困擾，換左好多款產品都未解決到。 呢隻卸妝油質地好輕，按摩的時候好舒服完全不會覺得拉扯緊肌膚。洗完臉我係用新紙巾印乾塊臉，都不會見到化妝品殘留，證明呢款卸妝油的潔淨力強勁！ 連續用了它2個星期，發現鼻翼區的黑頭無晒，感覺它真係代謝走d老廢角質層，唔比它進一步形成那些油脂被包裹在皮膚表層下形成的微小硬粒，肌膚平滑細緻左好多！ 雖然用完它卸妝完全不會緊繃乾澀，但係唔好expect係完完全全唔洗上toner/ser

感謝@cosme邀請今次試用活動，這支修護緊緻精華凝乳好好用，質地幼細一推即開不會黏笠笠感覺，非常快吸收而且保濕度可以維持一整天 非常適合而家天氣使用，過往用其他身邊乳一系就太油太笠搽完皮膚表面好似有一層油光一樣，但修護緊緻精華凝乳就完全不同，會再回購 。使用後先最滿意是質地同效果

今次係試用THREE 平衡淨透潔膚卸妝油，主打天然植萃，對於追求日常溫和清潔嘅人嚟講，表現都幾唔錯。😌 質地順滑易推，唔會有厚重粘膩感。上臉按摩時非常輕柔，遇到水後能快速乳化，清洗完乾淨爽快，唔會有洗唔乾淨嘅膜感，亦唔會令肌膚覺得繃緊乾燥。 清潔表現都滿意，平日嘅底妝、防曬同埋一般日常眼唇妝都可以輕鬆卸得一乾二淨。即使係鼻翼或毛孔較易藏污垢嘅位置，揉搓後都可以帶走殘留殘妝同多餘油份，令毛孔有種呼吸嘅通透感。 雖然 THREE 主打天然植物精油香氣，但如果你同我一樣，個人唔太鍾意精油味太濃，開頭用可能會覺得香味存在感有啲強。雖然唔係人工化學香精，但精油氣味偏向濃郁持久，對於氣味比較敏感、偏好無香或極淡香氣嘅人嚟講，呢點需要稍為適應一下。🥹 總結嚟講，卸妝同潔淨力表現可圈可點，洗後感受清爽舒服，唯獨香氣方面精油味偏濃，較適合能接受顯著植萃精油香氣嘅朋友。🙈