呢支Bobbi Brown嘅晶鑽漾色盈潤唇膏，用後感真係超讚！ 首先真係要讚吓支唇膏嘅外形，超靚同有質感！好classic嘅Bobbi Brown logo，透明嘅外層，令人聯想到係光澤感嘅唇膏。拎出嚟搽嘅時候都俾朋友讚過支唇膏好靚！ 講返佢嘅妝效同質感。呢支唇膏色號係691 Passion Fruit，係好易襯、令人感覺精神咗嘅粉紅色。搽完之後感覺嘴唇好滋潤，亦可以減淡唇紋。另外呢隻顏色好自然，日常妝容都可以容易carry到。想再顯色少少可以堆疊再搽多一兩層。由於佢係光澤感比較重嘅唇膏，嘴唇比較薄嘅人士使用，可以形造豐唇效果。食完野或者飲完野作適當補妝就可以，脫色唔算嚴重。

防脫髮洗髮露係Yves Rocher皇牌產品之一，我都用咗佢好幾年，係屋企長備嘅洗髮用品。三十幾歲開始，可能因為新陳代謝減慢，洗頭、吹頭嘅時候發現，脫髮明顯增多，所以當時就物色啱自己嘅洗髮護膚產品。 呢款洗髮露係透明啫喱狀，聞落係舒服嘅草本香氣。專門店售貨員教嘅使用方法，用呢款產品唔可以慳，記得每次洗頭都要洗兩轉，先可以見到效果。佢非常容易就可以搓起泡，仔細按摩頭皮，再清洗乾淨。 用完感覺頭髮好清爽，又未至於覺得好乾。用咗兩個星期左右，就慢慢感受到佢嘅效果。洗頭、吹頭嘅時候，頭髮甩少咗，而長期使用，髮界都變得冇咁明顯，feel到頭髮健康、強韌咗，難怪係品牌皇牌產品！

試用KANEBO呢款水膜亮澤身體磨砂膏，用後感相當唔錯。首先好喜歡佢嘅香味，有淡淡嘅花香味，令到成個去角質過程有治癒嘅感覺。 去角質最怕做完磨砂之後會令到皮膚好乾，呢款磨砂膏有接近50％嘅美肌油，而且佢嘅磨砂粒子好幼細，唔會有粗糙感，可以温和去角質。用水洗淨之後，皮膚一啲都唔覺得乾燥，仲好似有層水潤膜保護，有種潤而不笠嘅滋潤感，係款唔錯嘅身體去角質產品。

Curel呢個品牌好多產品都係為敏感肌而設，而我個人就覺得，秋冬適合揀敏感肌產品使用，減少皮膚出現乾燥痕癢嘅情況，而今次就試用佢嘅柔潤保濕沐浴露。 佢無香料、無色素，呈透明gel狀，我喺無使用起泡網嘅情況下使用，雖然只係輕微起泡，但清潔力就令人非常滿意。用完之後皮膚並無繃緊感覺，適合皮膚容易乾燥，想揾温和潔膚產品嘅人士使用。

試用fresh呢款淨糖荔枝香水，未用之前見到又糖又荔枝，以為佢會好甜味向（本身好怕太甜嘅香水），試用過之後感覺又唔錯喎。 首先呢款香水嘅香味都幾獨特，暫時未接觸過同佢有類近香氣嘅其他香水。佢無論喺夏天同冬天都好合用，炎熱嘅夏天就會顯現佢嘅清新果香、帶荔枝甜美嘅面向。佢嘅後調，有琥珀同檀香，為呢款香水帶嚟一種温暖嘅感覺，冬天嘅時候就更為明顯。 佢帶花果香調，感覺比較輕柔，一般日常使用都好合適，俾人一種平易近人又不失可愛嘅感覺。 噴落手腕，持香度大概3-4小時，如果一整天外出，可能就需要補噴香水了。

第一次試用PRADA呢個品牌嘅護唇膏，初時會俾隻淺藍色嚇一嚇，但搽上嘴唇之後完全唔覺得有顏色，同一般無色潤唇膏無異。 佢嘅膏體比較硬，用手指温度推開，都冇變形或者凹咗落去，如果原支唇膏感覺唔容易折斷，唔太擔心會因為斷唇膏而肉赤。雖然膏體比較硬，來回搽幾次就感受到佢嘅滋潤度都唔錯，可以淡化到唇紋。質地唔黏笠，個人幾喜歡。 唯一考量就係專櫃品牌嘅價錢，如果budget充裕，可以考慮一試。

前一排有幾日皮膚狀態極度不穩，塊面有泛紅、痕癢情況，所以搽上面嘅產品都唔敢亂用，即刻揾返啲防敏品牌嘅產品，呢款Avène極速舒敏修護霜真係好幫得手！ 佢適合高度敏感、過敏性肌膚，不含防腐劑，含有舒敏、鎮靜成份，可以減低皮膚敏感所帶嚟嘅不適。皮膚敏感嗰幾日，我都唔敢搽太多護膚品，以免對皮膚造成太大負擔。只係早晚簡單使用呢款極速舒敏修護霜，為皮膚做好補濕、打返好個底，鞏固返肌膚屏障。 呢款面霜質地界乎於lotion同cream之間，算容易推開，減低塗抹時對皮膚嘅拉扯。搽完之後，感覺皮膚形成一層保護膜，有足夠保濕力。對於皮膚敏感痕癢嘅問題，有即時舒緩止痕作用。連續使用幾日，皮膚泛紅亦有慢慢好轉。推薦俾敏感肌女生，長備不時之需。

長期面臨工作壓力同經常熬捱夜，近年發現頭髮分界線越嚟越明顯，洗頭時掉髮問題亦幾明顯。 用咗呢支50惠育髮精華 EX三個月，最令我驚喜嘅係佢嗰種清爽無油嘅質地，噴喺頭皮按摩後吸收得好快，完全唔會令髮根變得扁塌或者油膩，對於追求頭髮蓬鬆感嘅我嚟講係非常加分！ 它嘅草本清香很治癒，早晚各噴一次已經成為我嘅保養頭髮習慣。用咗兩個月左右，我發現洗頭時嘅掉髮量明顯減少，頭髮分界附近甚至生咗一啲細小嘅碎髮，整體髮根睇起嚟更加有支撐力！ 三十幾歲嘅輕熟齡，新陳代謝開始減慢，有輕微脫髮問題，呢支精華絕對係值得投資的育髮保養品！

呢款 the SAEM 蘆薈啫喱係我夏天拎嚟看門口嘅產品！佢嘅質地呈現透明凝膠狀，推開之後瞬間化為水感，吸收速度極快且完全唔黏笠，呢點喺香港潮濕嘅春夏天係非常加分！ 夏天曬太陽之後或者作為曬傷後嘅護理用法，可以將佢厚敷喺面或者手腳，佢可以瞬間帶走皮膚嘅灼熱感同紅癢，鎮靜效果好好！不過佢含有酒精同香料，如果係極度敏感肌或者對酒精過敏嘅人士就要注意返。 雖然佢無法完全取代深度滋養嘅面霜，但作為日常補水或者急救舒緩，以佢嘅價格嚟講，CP 值簡直超高！絕對係會不斷回購嘅常備品！

本人因為係混合肌，T字位好容易出油，鼻翼都有黑頭及毛孔粗大問題，而面頰就長期都有偏乾嘅情況。呢款潔膚啫喱好啱混合性皮膚使用。 佢嘅用法係加水搓至產生泡沫，再於濕面打圈清潔就可以。佢容易沖洗、無殘留感，洗完面亦冇覺得皮膚有繃緊嘅感覺。我覺得佢可以成功做到平衡控油同保濕，用咗一排，T字位油光減少咗，鼻翼嘅顆粒感亦有所減低，摸落皮膚平滑咗，而且毛孔粗大問題亦有改善。所以推薦俾混合肌作日常潔面使用。