CANMAKE TOKYO

耀目優雅八色眼影盤

Canmake 完美幻變八色眼影盤 #01 詳細使用心得 Canmake呢個八色眼影盤系列，最大賣點係一盒有齊八個色，由打底、主色到眼線、打亮都包辦，細細盒方便攜帶。今次講嘅係#01 柔情粉棕，係呢個系列嘅長青人氣色號。 1. 包裝與外表 塑膠外殼，有內附雙頭小刷。外觀幾靚，透明蓋上面有壓花。不過細細盒但係有啲厚度，唔算超薄。用耐咗透明蓋邊位有機會裂，要溫柔啲對佢。 2. 粉質同顯色度（最重要嘅部分） 日系開架眼影通常走「清透自然」路線，Canmake呢盤都一樣。 · 粉質細滑度：以呢個價位（約HK$80-100）嚟講算幾好，用手指上比用刷好。摸落有少少濕潤感，唔會乾到飛粉。但中間幾格閃片色用刷上會有輕微飛粉，用手指壓會好啲。 · 顯色度：唔高，偏向「透」同「薄」。想見到明顯顏色要疊擦兩三層。好處係新手點畫都好難失手，唔會一下變熊貓眼；壞處係如果你膚色較深，或追求濃烈歐美妝感，呢盤會顯得太過清淡。 · 閃片質感：有幾格係珠光，有幾格係小閃片，閃粉唔大粒，屬於細緻低調嘅光澤，唔誇張，返工返學用都自然，但如果你要大型閃片就唔啱呢盒。 3. 八隻色詳細分析（由左上至右下排列） ·

Canmake 八色眼影盒 Petit Palette Eyes — CP 值極高嘅百搭色 ✨ 質地： 呢款眼影一盒有8色，但體積細細盒，帶出街補妝非常方便。 粉質摸落去幾細膩，唔會有粗糙感， 用手指或者附送嘅雙頭眼影棒上色都幾順滑， 發色度適中，唔會話一畫就太重手，幾適合化妝新手或者鍾意日系清透感妝容嘅人。 效果： 我入手咗 01 Plume Flower 呢款色號， 入面嘅配色好百搭，係溫柔嘅珊瑚櫻花色調。 無論係返工想化個低調嘅妝，定係放工去玩想加深輪廓， 呢盒嘅漸層色都做得幾到位，好容易就襯出一個有層次感嘅眼妝。 最令我驚喜係入面嗰格閃粉色 佢粒閃粉做得幾精緻，點喺眼皮中央或者臥蠶位置，個眼妝即刻變得好精緻。有時我仲會偷懶用埋佢做highlighter lol 以呢個價錢可以買到咁多隻色，仲要質素唔差，性價比非常高。 缺點： 不過因為佢追求輕巧，所以每格眼影嘅面積比較細， 如果平時慣咗用大眼影掃嘅話，可能會覺得有啲難拎粉。 另外，雖然閃粉好靚，但如果冇用眼影打底嘅話， 到咗下晝可能會有少少跌粉嘅情況，建議加埋 primer 用會更持久。 總結：方便攜帶、色調實用，值得入

講到開架好物，不得不介紹一下我係日本購入Canmake 8色眼影盤。canmake出眼影出左好耐，但幾年前買我覺得佢太易甩，呢兩年好左好多！帶妝全日都仲有色！ 我買入既係02號色，係好岩淺夏皮膚既顏色！ 其中我最鍾意下面個排左二果格，係好低飽和的玫紅粉紅色，另外右上角既香檳淺粉閃都好鐘意，最常用就係佢地🤣（右上用到鐵皮了）（支掃係日本整唔見左😅🤣） Canmake雖然係開架牌子，但呢盒眼影粉質真的不錯，上眼之後唔飛粉！而顏色亦好實用，除左右下既深啡色我嫌佢唔夠實色搞到畫唔到眼線，呢到扣左D分，但其他幾隻色都好OK! 望下上眼效果：佢可以做到日系眼影追求既自然透明感，容易blend開，閃粉幼細，令眼妝更日系（但如果鍾意大閃片既就要考慮返韓牌啦🧐）上眼皮中間搽左眼影盒右上角閃粉果格，有種自然水光感。（發現過左相機唔多唔少食左少少色😢） 推薦小資女如果想搵盒CP好高既眼影，可以試下呢盒！ . #開架好物 #透明感

canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕

這盤眼影畫眼妝其實還不錯，但 03 色對黃皮真的有點不太友好，某些顏色上眼後會顯得膚色有點暗沉，不太襯膚色。不過它的亮片色真的很美！超級閃，用來畫臥蠶或者點亮眼頭效果超棒，整個妝容都會變得更有神～✨ 裡面的高光色很實用，我超喜歡拿來畫臥蠶，閃得剛剛好，既不會太浮誇，也能讓眼睛看起來更大更亮。粉質雖然不是最細膩，但對日常妝來說完全夠用，尤其是亮片真的太可愛了，還帶一點仙氣感！ 推介俾cool tone嘅你哋～

感謝cosme 選我做Canmake 今個秋季既新品試用！ 這次我試用咗Canmake的八色啞光眼影，色調以粉紫色為主，散發著溫柔既秋季氣息。質感偏細緻，上色相當容易。但要注意，要使用柔軟既筆掃，避免使用過粗或過硬既掃，因為這樣會導致飛粉。我個人偏愛用指尖上色，這樣能更輕鬆推開顏色。這眼影延展性中等。 喺顯色方面，這款眼影表現非常出色，即使膚色偏黃，都能夠清晰地睇到眼妝顏色。 持久度都相當優秀。我揀咗一日下午出門，大約6小時，室外溫度約28度，偏乾燥的環境下，回到家再睇睇眼妝，顏色依然好鮮明，持久度令我滿意。由於我既皮膚偏混合型，眼部好容易出油，所以喺使用Canmake眼妝之前，我用咗眼妝打底，減少脫妝既可能性。 今次眼妝，我選擇咗膚色作為打底色，並以桃紅色和暗紫紅為主色，最後喺近眼角位置加咗閃粉提亮。我中意自然低調既妝感，所以眼影色冇特意加強，微微既復古紅色啞光搭配閃粉，令雙眼睇起嚟更有神！ 貼膚：● ● ● ○ ○ 顯色：● ● ● ● ○ 持久：● ● ● ● ○ 光澤：● ● ● ○ ○

去年福袋裡 其中一實用單品 膠質外殻 小心用的話 整年也沒怎刮痕 八色都是日常可用 帶點珠光的底色 加上粉色做過渡 深酒紅色畫眼線 自然又好看 偶會做買一送一優惠 囤多盤備用 或送給年紀小的朋友都是很ok

起初呢8色眼影盤上市時興趣不大，因為市面實在太多差唔多色調嘅眼影盤，感覺無乜特別之處，而依家canmake 終於唔走平常路線😂，出咗8色全閃粉眼影盤，1號色極光糖果同2號色馬卡龍，係日本好似好搶手，而係香港反而無乜人知道，睇到實物非常吸引，令我呢個霧面愛好者都忍唔住入哂手 8色全閃粉睇落好似唔可以畫完整眼妝，其實只要唔係腫泡眼都無問題，2個眼影盤最右上角當打底色，右下角畫眼線，左邊6隻色可以是但一隻點綴中間同提亮卧蠶，1號色大多都係透明色，只有個別一隻有底色，睇落整體偏冷調，閃粉有細有大，不過因為多無底色，所以黃皮白皮都用得；2號色就比較多有底色，整體偏暖，全部都大閃，黃皮比較適合；兩個眼影盤號閃粉都易飛粉，上妝要輕手啲，不過持久度唔錯，行咗一日街都唔會暗沉同甩色，以呢個價位算係唔錯

多謝@cosme 抽中我試用Canmake秋季彩妝新品🍂🧡 試用產品：耀目優雅八色眼影盤 (啞光系列) Canmake產品嘅包裝一如既往都係高顏值，每格眼影都有唔同印花真係好靚！而且細細盒有8種色，附送嘅眼影筆又有齊粗幼頭，帶出街/去旅行都非常方便~（美中不足如果眼影盤連埋鏡喺入面就更好！）我收到嘅色號係M02浪漫紫紅🔮因為自己係內雙眼皮嘅關係，好少會買紫色/粉紅色tone嘅眼影，今次係新嘗試，效果比想像中好 。 粉質幾細緻，唔算顯色，適合化日常妝。附送眼影筆取粉量幾好，畫上眼順滑容易blend開。 特別鍾意右下角嘅閃粉(H)，用少少已經好bling bling點綴成個眼妝✨眼影盤背面有兩款眼影配搭參考幾貼心粉質：⭐️⭐️⭐️⭐️ 顯色度：⭐️ 延展度：⭐️⭐️⭐️ 持久度：⭐️⭐️ 性價比：⭐️⭐️⭐️

好多謝@cosme送左哩款眼影比我用，哩款眼影有五個色號選擇，而我哩個係04 焦糖杏仁棕色，好適合中意化大地色妝容既我 哩盒眼影仲可以一次過畫埋淚袋、眼影、眼線一舉幾得非常之方便，可以直接用佢附上既眼影棒一次過做哂咁多樣野，如果想帶去旅行都好方便 盒眼影裡面有霧面、珠光、閃光唔同既配搭可以親托出唔同既妝容，上到任何一個位置都唔會變一達達既色，易於塗抹。化完妝之後可以用高光眼影係眼頭、鼻樑個d位會提升成個妝

一見到忍唔住買左返黎，因為印花好靚、包裝輕巧、顏色有8款好易配搭，呢款係3號色（粉紫色調），粉質很順滑，一搽就好顯色、無色差、眼妝好貼服無浮粉，唔會甩到一撻撻同眼皮會有分界線，持久力很好，全日無補妝都維持到，粉色系都唔會顯得眼好浮腫，顏色好自然唔會好突出，搽埋珠光色顯得好精神，後面有埋教學，真係唔擔心唔識用

顏色柔和 適合春天夏天使用 不過成個眼影盤嚟講，有好多都係帶有閃粉 我平時最多用都係E嗰一格比較滿面嘅粉紅色 適合新手使用 搽多少少都唔會好核突，好容易控制份量 唔滿意佢嘅位係點解深啡色嗰一格都要有閃粉，如果係蒙面會更加好 可以用嚟畫眼線，但係而家佢有閃粉好少機會可以用到

非常平價既眼影盤，見到個個設計勁靚就買左01,02色，本身想包色！係買番黎擺都好開心既眼影盤，非常靚。 個人習慣唔會搽任何打底上眼皮，會直接上眼影，canmake 呢款02色既眼影都顯色，唔會痴實一舊，都容易blend 開。同埋顏色自然，啡棕色好適合冬天。同埋盒後面有教點樣用佢果8隻色，非常新手friendly。 眼妝出左街一日過後都好持久地顯色。2025年都會再買多盒其他顏色試下。

平時都有用開canmake產品，因為平靚同埋好用！！ 多謝@cosme 俾機會我試用canmake的產品😍😍今次試用嘅係： 耀目優雅八色眼影盤（啞光系列） M02收到嘅時候一打開就覺得個壓花好靚🤩🤩🤩黃黑皮第一次試用粉色日系眼影🤣眼影質地幼細，順滑易上識。貼膚度ok、顯色度高，但不夠延展性。而在户外一整天，眼影也持色和不脱妝。因此，高度推薦，膚色較白或想嘗試日系的女生購買。😝😝雖然我膚色唔係好適合用粉色眼影，但係特別日子都會用😻😻

顔色勁靚，性價比極高，閃粉好細緻，顯色度亦都比想像中高，眼妝過鏡超靚💖

首先多謝@cosme 選中我試用，跟住要說聲對不起，遲交試用文，因為試用品寄到時人不在港。剛拿到手三天，快快試用了三天出返試用心得文。呢個眼影盤自己已經用開夏天版本，所以都大概一試就知佢嘅特性。我收到的是M02 色盤，帶少少紅的色盤。2號色盤有7格啞色及1格閃粉眼影。2格淺色打底、2格中度啡色，2格深啡，1格中間色調紅及1格淺色閃粉。 顯色度比較弱，要來回加疊2-3次才可以明顯見到。 啞色加疊起來都沒有出現細紋所以可以放心加疊。 我通常會用左盤或右盤3色，淺色打底，中間啡色塗眼摺位，深色拖尾。如果想閃的那天就用指頭沾少少閃色在眼簾中間。因為全部啞色，所以個閃色相對比較顯色。 其實如果只用單色呢個色盤嘅顏色都很好用。 試用效果很好，所以已經快快自費入多咗個M01全啞色盤。

： 8色眼影盤 #03 本身眼皮成日都唔聽話，泡泡眼嘅我都只係敢用大地色系去消腫🥲 但係見到呢盒眼影個包裝超級可愛，壓花又精緻，細細盒又超級方便，真係好難唔心動🥹🥹 盒仔雖然細細，但係就已經包埋一個小眼影掃同埋有齊唔同妝感嘅眼影 — 由深到淺色嘅粉色，珠光霧面嘅都有；後面仲有個簡單嘅小教學，輕鬆就可以化出唔同嘅眼妝。

多謝@cosme 俾機會試用canmake新出既八色眼影盤(03號色), 呢盒眼影色調行粉色系，因為我本身偏黃皮，所以都好少化粉紅色系眼妝，今次難得有試用品終於可以一試😄我覺得呢盒眼影係做得幾好既👍🏻 首先成盒眼影size只有手掌咁大，非常方便攜帶。雖然佢咁細盒，但佢做到8隻由淺到深既顏色之餘，仲

換季又係時候換眼影啦！ 今次用Camake八色眼影04 呢盒係金棕大地色系 日系焦糖色 非常好看！ 也是非常適合通勤的一盤，很適合腫眼泡的一盤 更加適合秋冬去畫，因為這盤的顏色更加的濃郁 粉質很細膩，發色很通透，所以不怕手重，可以自己控制的濃淡程度！ 整盤顯色度🉑 亮片華麗度🉑 暈染力🉑 Canmake你真是讓我反復愛上！ #換季#轉季

Canmake嘅product不嬲都超靚！呢個耀目優雅八色眼影盤#03 好靚好上色，粉質都唔錯，非常適合日系粉紅眼妝，細盒方便帶出街，適合新手嘗試。