平價眼影 推薦好用產品

Kura好用推薦：canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕

Suki好用推薦：這盤眼影畫眼妝其實還不錯，但 03 色對黃皮真的有點不太友好，某些顏色上眼後會顯得膚色有點暗沉，不太襯膚色。不過它的亮片色真的很美！超級閃，用來畫臥蠶或者點亮眼頭效果超棒，整個妝容都會變得更有神～✨ 裡面的高光色很實用，我超喜歡拿來畫臥蠶，閃得剛剛好，既不會太浮誇，也能讓眼睛看起來更大更亮。粉質雖然不是最細膩，但對日常妝來說完全夠用，尤其是亮片真的太可愛了，還帶一點仙氣感！ 推介俾cool tone嘅你哋～

Soda1119好用推薦：一盒就有曬5隻色，D色好易carry！我用既係03號，新手都好岩用唔驚中伏。顯色度ok，而且價錢平，性價比好高💕

Kristywong好用推薦：完美幻變眼影 #05 由舊版用到新版，呢盒canmake眼影一直都有留係我嘅化妝袋～ 05色相對比較穩陣嘅大地色，5隻色霧面色都可以輕鬆配搭。睇返盒後面嘅小教學，呢一盒5色眼影其實係包括埋眉粉同眼線，懶人/新手超級friendly 👌🏻👌🏻👌🏻 新版入面嘅眼影棒亦都有改良，一邊係海綿頭而另一邊就改良變咗斜角掃，帶出街補妝真係超級方便！Canmake眼影嘅粉質方面一向都好幼細，唔太會飛粉，好易就可易blend開，係比自然嘅日系妝感。顏色上第一格會比較唔顯色，建議可以搭配返自己鍾意嘅打亮product ✨✨ #秋冬愛用美妝 #秋冬愛用美妝

Enchante好用推薦：Canmake嘅眼影係開架出名好用～ 呢隻silky souffle eyes除左粉質細膩好似梳乎厘之外，質地仲更加柔滑，有輕微滋潤感，感覺用起上黎效果更加持久，顏色方面亦都更加顯色 👍 盒內附送嘅雙頭眼影棒亦有驚喜✨比傳統嘅眼影棒更柔滑，亦更易推開眼影粉，好好用～ 今次購入07號色，有d偏橙嘅粉tone溫柔微光澤顏色，加埋佢微滋潤感，好適合秋冬天使用～ #我的秋冬愛用彩妝

Fng好用推薦：買咗 M07# 偏冷粉色調🩷，質感細緻，淡淡的裸粉色，有清透感，我超鍾意它能輕鬆塑造日本自然氛圍感嘅眼妝。 左上角閃嗰格好靚，閃得細緻，粉質又貼膚。我用佢畫臥蠶，於 下眼簾 中間部分 點上少許 左上角閃粉 即刻 臥蠶肉肉pump起來，持久度八個鐘以上。 一盒搞掂曬💝眼線 💗臥蠶💖眼影，非常實用，性價比超高， 而且帶去旅行夠慳位💯 推介。

Milo101好用推薦：19號色銅啡，大地色系非常易用，粉質正常，顯色度與持久度都高，配備小鏡和眼影掃。唯一是覺得中間打亮的閃粉比較易散落，但性價比仍然是很滿意的。 **見到官方這產品有新包裝和新配方：改良左中間果格，增加油分令到更貼膚，感覺可以一試

Tobimak好用推薦：性價比高，顏色每一格都能用，沒有廢色，顏色很漂亮，就是附送的掃子比較一般。

royu3好用推薦：感謝 @Cosme 送贈這款全景光感立體眼影，終於有機會試用 Visee 的眼影產品。這盒眼影，包含4 種不同質感，操控光影，捕捉光線，從而突顯眼部輪廓，打造明亮眼妝。 色號為BR-2色，冷暖色調兼備，根據Visee 官方的簡介，較適合深暖膚色的朋友，但我認為透明感較重的冷膚色也OK⭕️粉質非常幼細，壓得實所以沒有飛粉情況⭕️而且light soufflé base兼具底霜效果，能貼合眼部肌膚，使妝感更自然👍🏻 試色依次序排列由上至下A-E： A為珠光質地的淺米色，可作為提亮色 （直接跟我的膚色融合了，完全看不出來） B為加入了銀色閃粉、金屬質感的米灰色 C為偏暖的淺磚紅色 D為霧面的卡其啡色，略嫌顯色度有點低 E為偏冷色的深啡色以C色作主調的話，能營造少女感的溫柔氛圍； 以D色作主調的話，適合冷膚色、較易襯托出型格個性。 一盒眼影5種顏色、4種不同質感，營造兩種不同風格，絕對是百搭眼妝的好選擇👍🏻

Noel好用推薦：Visee 眼影產品係信心保證，個人而收了好幾盒不同系列👍 老實說，Visee 不同系列的眼影，除了包裝 case 的分別外，眼影拼色、妝效、品質都大致相同，未入坑的靚靚挑 Visee 就對了❗最近子瑜還代言呢！ 驟眼看，以為眼影係四色 quard，打開有驚喜的第五個色🤣 眼影粉質幼細，觸感很滑。而右上的灰色底×銀閃色有 surprise，即使只用來單塗，已經超好看❣眼影粉壓得很實，不飛粉，平日快快化妝趕上班，用手指 apply 也沒有困難💖 基本上這款五色眼影，可以打造到兩個類似的眼妝。而最下方比較實的啡色更可用作眉粉／眼尾加長，真的一盒可以救全家，一物三用，爆CP值❗❗真的沒有時間化妝，我就帶著這盒衝出門👌

Kura好用推薦：2025年必買嘅液體眼影，顏色非常靚，適合日常妝容，閃粉好靚顯色度高，但搽上眼一d都唔誇張，光澤感十足，質地順滑容易推開，持妆時間長，性價比高，非常值得包色嘅一款液體眼影 #2025 @cosme

Milo101好用推薦：Canmake 呢個眼影液，用完真係好似包裝咁心心眼😍 03號色酒紅色，帶點啡紅，有時燈光映照下會偏啡，有點像2025年Pantone色🤎 質地帶點膏狀，用法多變，可以好似官方教咁點幾點再blend開，或者疊塗變實色線形眼影。後者顯色度更高更美😍 ，適合節日妝容，例如過年，啡啡紅紅帶閃爍就好適合！ 珠光閃粉是不大不小剛剛好，最鍾意佢乾了後變得好持久，防水不脫妝。即使猛捽磨擦，都只會blend開閃粉（更美），實色的部份不受影響（如下圖）。性價比很不錯的眼影產品！

Chami好用推薦：多謝@cosme 抽中我試用canmake一系列新產品🥰 今次寫既係最新限定City Lights Eyes 閃爍亮彩眼影✨ 收到既試用品係01 Russet Brown啡紅色 同市面上大多數單色眼影一樣，都係兩隻手指咁上下細盒，一打開係閃令令珠光，非常bling bling✨✨未搽上眼前先喺手捥試色，質地非常順滑，超級顯色，同實物顏色冇色差，珠光好幼細，靚到嘩一聲☺️ 用喺眼上效果都一樣冇得頂，順滑貼服，好容易推開，亦都非常顯色，加埋閃閃而幼細既珍珠粉末，十分我真係要俾十分！重點係，用法方便，用手指直接沾上眼皮，搽兩下已經完成。如果趕住出門口或者平常返工，單用呢盒眼影已經足夠❤️ 重點係，$50一盒有呢個質素，性價比超高！大愛❤️❤️❤️ 試完呢盒01，已經決定包色💸💸 官方網站資訊： 01 啡紅色 02淺啡金色 03 蘭花淡紫色 04 絨面粉紅色 #火熱新品

candybbyeah好用推薦： 單色眼影 超細的一盒 大概只有兩個手指公加埋嘅size 包裝簡單可愛 呢個顏色係帶有啡色的感覺嘅香檳金 係一個超級容易配搭的顏色 平時我淨係會單查呢一隻顏色係個眼皮上面 咁就已經完成咗個好靚嘅眼妝我會攞個無名指係個眼影上面掃幾下 就已經攞咗好多顏色上嚟 然後輕輕咁樣查上去個雙眼皮度 成隻眼就會變得好sharp好好睇同呢隻閃好特別 喺啲燈照落嚟嘅時候感覺好似識得發光 如果大家想化一啲同平時好唔同嘅感覺就可以試吓

KDing好用推薦：岩岩一開始上妝個妝效好靚 閃令令 但係過多幾個鐘之後 d閃粉就好快甩曬

Blueblueblue好用推薦：好多地方都有設開架櫃，十分容易買到。 閃粉幾大粒，跌到眼肚到都有。

LorraineTsung好用推薦：羽毛眼影系列都係偏大地色 我用既係BE-3 質地好順滑上眼持久又唔會飛粉 而且配色點搽都好靚🥰

Hamiii好用推薦：呢盤眼影做得相對唔錯 顯色唔飛粉 基本上由頂開始做打底 一個style 閃粉暈染 眼line 搞掂晒 新手日常番工好方便 但想多少少變化 就… ..買多盤啦

綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色

星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。

Circlecyy20好用推薦：都真係啞色調 唔會有閃粉 所以我用黎都係做打底色 不過持妝力就差咁dd

agnessstang好用推薦：有好多顏色選擇 可以自己組合成彩妝盤 做眼影同胭脂都得 彩度高 用嘅時候要輕手啲 持色度ok

Fng好用推薦：excel 眼影我買咗 d01 偏粉色， s02 偏金色， 粉質幼滑，有細閃粉，珠光妝感，容易地handle 清透妝容，細細盒易收藏。

Nicole 好用推薦：色號是D07 白桃粉色 D系列是透明度高的大顆粒珠光閃✨ 眼影壓得很實，不會飛粉，用手指沾小小眼影，直接點在眼皮和眼頭就👌🏻 它是很有存在感的閃，而且閃粉有大有小，用了它有畫龍點睛的效果👀

綺羅香好用推薦：感謝@cosme嘅禮物，今次收到係N系列中嘅琥珀向陽棕，平時我都有意無意避開偏黃橙調嘅眼影，感覺搽上去顯得皮膚好黃，好暗沉，不過試色後發現係好閃嘅珠光棕色，就趁放假出街挑戰下平時唔會化嘅眼妝 先讚一讚Visee呢系列嘅眼影外殼真係做得好靚，蕾絲窗口清楚見到4色眼影，連眼影上面都壓咗同款花紋，lady感大爆，而且花紋壓得好實，唔會捽幾下就消失，除咗左上嘅米白色，其他都好顯色，粉質順滑，唔會乾澀，亦唔會飛粉，仔細睇配色會發現左下棕色混咗少少綠，令成盒眼影偏冷調，顯得陽光之餘又唔會搞到面好黃，應該會化到一個唔錯嘅混血妝 配搭產品：UD眼影打底膏、Canmake 眼線膠筆、Canmake睫毛打底

格仔餅公主好用推薦：我個人用手指上呢盒都已經覺得好靚，唔係好使技巧，因為佢個粉質好貼服同顯色，建議眼影新手唔想買太貴但又質素唔差既product攞嚟訓練畫眼影簡佢都唔錯

Bear好用推薦：日本旅行時選購的22號顏色，超。好。用。 看前面評論說亂塗都好用真的沒有說錯，由淡粉紅到櫻花色然後浪漫玫瑰粉，最後小小紫調的深色勾畫出眼型（全部超級顯色）；閃粉部份塗眼頭和眼球下方，整個甜美韓妝造型就出來了！

cheng2001好用推薦：自己用緊23號色 - Almond Canelé 杏仁可麗。 打底色已經比我用到凹左，要留意整體色較深同顯色，所以要輕手d。閃粉效果都明顯，妝容比較適合外出約會。 我常用打底色，仲可以用右下角深色畫眼線，中間色就可以提亮臥蠶，帶出bling bling大眼效果。 Overall都幾滿意，一盒細細盒眼影有齊曬三個功能，對於鍾意化閃粉眼影既人黎講，cp值都唔錯！

Fng好用推薦：#9 焦糖色 ，細細盒攜帶方便，去旅行啱曬。珠光效果明顯，用起臥蠶，略為太誇張，做眼影就perfect， 性價比高。

chasiutung好用推薦：Cezanne 三色眼影盤07號色 是比較秋冬的紅棕色調 顏色好美 這盤眼影粉質細滑 好推開 顯色度高 持久度不錯 但閃粉有點大粒 會有少量飛粉(不太嚴重) 價錢便宜 性價比高 🫶

takemyokane好用推薦：說是新手恩物真的不為過，價錢便宜而且小小盒，買了覺得不合用也不心痛；各種色號也經過精心配搭，一盒就能輕鬆完妝。它的顯色度不高，但對新手來說正適合逐少疊加，以免出錯。閃粉夠閃，亦不易掉妝。 整體來說比較適合剛開始化妝的少女，年紀輕化淡淡的日常自然妝已經夠漂亮，配色也不易出錯。小小盒帶去 Staycation 也很方便。

lllcccyyy好用推薦：佢仲細過掌心 勁迷你 勁可愛 而且仲有三隻色 好輕易就化到個靚眼妝 中間嗰粒閃片色係重點！ 勁靚！ 入收左11&13號色 一個咖tone 一個粉tone～

Jane好用推薦：六色足夠撘配完成一個眼妝，最深色延展性好強，其餘五色顏色偏自然。內配既掃唔太好用。

Rin好用推薦：當初是被美妝YouTuber介紹下對這個牌子產生好感的 台灣製造CP值算不錯，六色也才100左右 此盤大地色系實用色，亦顯色 但是相對來說粉質算細但會飛粉，特別是閃粉色 我已經用手指印，不到一個鐘眼下就有閃粉 所以記得要壓粉 帶出去旅行還是很方便的 另外他送的掃沒有用，我建議他多放一格粉在那邊更好🤣 而且我沒有買很久但有一個色不知道為什麼已經有點潮（？

Noel好用推薦：因為玫瑰壓紋入手的！難得 KATE 走型格路線，也會偶爾少女心，於是入手了這盒玫瑰三色眼影🌹色號為 #OR-1，很日常的橘色調眼影粉，三色分別為：啡、橘、香檳。 因為這盒只有三色，已經係 no brainner，打底色，眼尾色等，都一目了然，零出錯👌 美妝入門，或眼影新手，都能輕鬆駕馭❗眼影粉質幼滑，不會有顆粒，質感良好，亦沒有飛粉問題👍（唯一，拼色上比較悶，也不能畫出另一眼妝。但這個問題，購買前已經明白。） 顯色 🌟🌟🌟🌟🌟🌟 粉質 🌟🌟🌟🌟🌟🌟 持久 🌟🌟🌟🌟🌟 價格 🌟🌟🌟🌟🌟

橘子貓好用推薦：Dark Rose Shadow #OR-1 眼影外形設計滿分！三色眼影壓成一整片玫瑰花圖案，很特別。 粉質來說，細緻度、飛粉程度、易取粉、顯色度、暈染力等各方面表現都理想，屬於不太需要技巧就可以輕易畫出一個簡單的眼妝。 至於持久度和氧化程度方面，跟大部分開架品牌眼影表現一樣：一般。 唯一使用上要留意的便是最深色那一邊的棕色，過度暈染會容易令橙色變髒。 如很喜歡玫瑰壓花，可以考慮入手。

YY好用推薦：之前入Cosme行一轉，見到好多新出嘅日本彩妝，入手咗一盒fujiko眼影😛 我選購嘅係01色號，呢盒眼影嘅顏色可用度相當高。由左至右 🍣三文魚色，打底色，上兩層就會成為淡橙色，包眼眼影都唔會浮腫，呢隻色顯年輕🫢 🥫紅磚色，我會係其他嘅顏色打底再喺尾部疊加紅磚色，加深眼窩位輪廓 🥧土黃色，有時化偏秋天土色系嘅妝，用呢隻色就好適合 🍪大地啡色，百搭顏色，有時懶就淨係用手指搽少少大地啡就出街 真心冇一隻色會浪費！ 而且粉質好細緻，好滑冇cake粉。 試過其他開架牌子淡色系眼影，疊加多層都無乜色，一係淨得閃粉粒，但依盒fujiko眼影係真心好上色，新手用手指上眼影都唔會出錯，簡直係開架牌嘅戰鬥機🏅 就算屋企有多盒專櫃眼影，但依盒fujiko我日日都會用🩷

Kuma醬好用推薦：買嘅係01同03色號， 一開始先是買03色，覺得佢個閃粉好靚， 之後發現原來佢個設計係疊配嚟用， 01色係底色，03色係配喺上面嘅閃粉色， 四個顏色可以隨意配搭， 配搭顏色可以有好多種， 完全可以發揮創意， 如果唔用03閃粉色， 可以只用01嘅底色， 亦都實而不華，非常適合型格造型。

Fng好用推薦：在日本旅行時在loft購買， 粉質細緻，具透明感，金色嗰格帶銀色閃粉，好清透嘅感覺， 同埋沒有飛粉情況。 可以blending到好均勻，會購買其他顏色， 值得推介!🩷

deadblue好用推薦： 呢個係我吾小心買錯既眼影盤 但用咗幾次覺得吾差 好容易上色又吾點飛粉 譬如我手上呢個橙色好顯色 不過都容易blend 開