溫和去角質 推薦好用產品

Kathy Wai好用推薦：呢罐 CeraVe 水楊酸煥膚潔膚露，質地真係幾特別。 佢唧出嚟係透明啫喱狀，冇乜香味，加水之後唔會話勁多泡，只係有少少好微細、好柔和嘅泡泡（想多泡可以用起泡網）。沖水嘅時候會有一種「滑潺潺但又唔係洗唔乾淨」嘅感覺，好舒服。 我自己用後感分享： · 第一週最見效：鼻翼兩邊同下巴原本有一粒粒鞋十十嘅顆粒（即係閉鎖性粉刺），摸落去平滑咗好多！化妝都冇咁易浮粉。 · 最驚喜嘅地方：雖然有水楊酸，但完全唔乾唔繃緊。因為佢有 CeraVe 招牌保濕成分，洗完塊面係保水、少少透光嘅狀態。 · 身體都用得：攞嚟洗背脊嘅暗瘡效果好好。 要留意嘅小地方： · 如果慣咗洗完面要「澀澀乾乾」嘅感覺，呢罐你會覺得好似洗唔乾淨，但其實佢已經清潔完㗎喇。 · 建議一個禮拜用 2-3 次就好（尤其係頭幾次），唔好日日用，免得過度去角質。日頭一定要做好防曬。 ✅ 優點 1. 溫和唔繃緊 有三重神經醯胺，洗完面摸落去係保水、柔軟嘅觸感，唔似一般酸類洗面乳會乾到脫皮。 2. 粉刺顆粒感明顯減少 持續用一個禮拜左右，鼻翼、下巴嘅閉鎖性粉刺會變平滑，摸落去唔再一粒粒。 3. 身體都用得，CP值高 攞嚟洗背脊暗

Emily Leung好用推薦：Cerave SA水楊酸煥膚潔膚露 冬季護膚心得分享 ❄️ 身為一個香港人，每逢冬天真係好考驗皮膚！天氣又乾又凍，我本身係混合性肌膚，T字位易出油又有少少暗粒，面頰就偏乾，搞到護膚好頭痛。最近試咗Cerave呢支SA水楊酸煥膚潔膚露，用咗一段時間，同大家分享下喺冬季嘅使用感受～ ✨ 質地同使用感： 透明啫喱狀，唔算好厚身，好容易搓到泡（建議用起泡網，泡泡會更綿密）。上臉感覺好柔滑，唔會過度摩擦皮膚。雖然係水楊酸潔膚產品，但完全冇嗰種「刷緊層皮」嘅乾澀感，沖水後皮膚係濕潤軟滑嘅，冇即時繃緊，呢點對於冬季護膚真係好重要！ 💧 保濕同修復效果（重點！）： 老實講，我一開始都有擔心，冬天用含水楊酸嘅潔面會令皮膚更乾。但呢支嘢驚喜在，佢加入咗Cerave招牌嘅神經酰胺同透明質酸，清潔同時補水同強化皮膚屏障。 用咗之後，我最明顯感覺係： 1. 保濕力足：就算而家咁乾燥嘅天氣，洗完面後皮膚仍然保持水潤感，唔會「拮拮緊」，後續搽toner同精華都吸收得快咗。 2. 修復屏障：我之前因為轉季，面頰有少少泛紅同甩皮。持續用呢支潔膚露（每晚一次），感覺皮膚嘅「抵抗力」好咗，冇咁易因乾燥而痕癢或不適，泛

Kathy Wai好用推薦：Sofina IP碳酸去角質美容液測評 Sofina新出呢支「水光去角質碳酸精華」，個名就話俾你聽係想做到水光效果，但其實佢主打係溫和去角質。所謂「水光」，即係清潔完之後短暫令皮膚望落水潤、透亮，唔係真係打完針嗰種誇張光澤。 ✨ 最正嘅地方： · 冇磨砂粒子，用完唔會捽到塊面紅晒 · 唔會搓泥，敏感肌都啱用 · 用完之後上妝，最明顯嘅效果就係 「貼服」 ，粉底唔會一忽忽 💧質地 & 使用感受 · 擠出嚟係碳酸慕斯：好輕身、綿密，似剃鬚膏嗰種感覺，但更加軟滑。 · 上面感覺：好舒服，完全冇拉扯感，亦冇磨砂粒子。按摩嘅時候會feel到少少涼涼地，碳酸氣泡輕輕「嘶」一聲化開。 · 抹走之後：用化妝棉一抹，唔會見到黃黃哋嘅角質碎屑（唔似某啲去角質水會捽出擦膠碎），但皮膚明顯滑咗、平咗，下巴粉刺都少咗！ Before：After： 🧴 點樣用： 1. 洗完面之後，保持乾手乾面 2. 搖勻支精華，按一泵 3. 擠出嚟係慕斯質地，直接搽上面 4. 打圈按摩大約10秒 5. 用化妝棉輕輕抹走（唔使過水） 6. 之後照常搽返水、精華、面霜就搞掂 📌 建議用法： 普通清潔嘅日子，隔兩日先

Fng好用推薦：SOFINA iP 水光去角質碳酸慕絲精華 講真，我對去角質產品又愛又恨。愛嘅係用完塊面會滑，恨嘅係——又要捽、又要過水、有時仲要乾到繃緊。搞到成日懶懶閒，一星期都做唔到一次。 但SOFINA iP呢支「水光去角質碳酸慕絲精華」（HK$300 / 120g），聲稱唔使過水、每日用得、仲要保濕——我承認，我有被燒到。 質地：好似梳乎厘咁綿密 一唧出嚟係超綿密嘅碳酸泡泡，質感好厚實彈性，唔係稀稀拉拉嗰種。上面輕輕打圈，感覺好似幫塊面做緊SPA按摩，完全冇傳統磨砂嗰種「刮肉」感。 官方話係「100%碳酸慕絲技術」，配合角質層潔淨成分，可以溫和軟化老廢角質。我用落真係零刺激，敏感肌都用得（佢哋仲做咗敏感肌貼布測試）。 用法：簡單 ① 洗完面，乾手乾面 ② 搖勻5下，唧大概直徑3cm嘅泡泡 ③ 放上臉（雙頰、額頭、下巴、鼻） ④ 輕輕打圈按摩約10秒 ⑤ 用化妝棉由內向外抹走——搞掂，唔使過水！ 每日用得，唔使就時間，懶人恩物無誤。 效果實測：用完即時「滑一滑」 我用咗約一星期，有以下感受： · 即時柔滑感：用完抹走之後，摸塊面係滑咗一層，暗粒位明顯平滑咗 · 透亮感提升

Sandy好用推薦：[穩定夏日肌膚] 心得 洗面露泵一下已足夠清洗全臉，洗完即時感受到清爽零黏膩，水楊酸溫和帶走皮垢同時保持肌膚柔軟，T位毛孔明顯清潔乾淨🥳 鼻翼位，下巴同額頭油脂粒明顯減少， 香港夏天又潮濕又高溫 皮膚好容易出油脂粒, 加上成日都需要化妝 我屬於 50+成熟皮膚， 用咗呢支洗面膏之後 皮膚透白 😄改善咗暗沉 😃 減少油脂粒， 洗完面可以吸收更多到精華素💪 避免浪費 敷mask更加容易吸收👍 分享畀大家好物👍

momojo好用推薦：無香精味，比想像中起得多泡，無用網都搓到 用完好滑！一星期用一兩次左右，只作洗面

June好用推薦：我用咗 BIODERMAB3 水活保濕精華肌底液一排，我係一個28歲嘅女生，平時本身偏乾，同埋皮膚一到換季就好容易覺得粗粗地、冇咁細滑，所以上肌底液我最想睇嘅就係：佢係咪真係可以令底層狀態穩定，跟住再疊上去嗰啲保養會唔會更實際。 我第一下覺得佢好好用係因為質地好水活、唔厚重，推開之後吸收都算快，唔會黏住你或者悶住塊面。一般我擦肌底液都會跟住接精華同乳霜，佢就好啱，因為唔洗等好耐就可以繼續下一步。之後最有感嘅係保濕鎖水呢部分，用咗之後塊面會即刻覺得舒服啲，乾繃嗰種狀態會降落。至於長效方面，我覺得佢唔係擦完即刻退潮嗰類，而係可以令我之後幾個鐘頭保持到相對水潤嘅狀態，所以皮膚冇咁容易因為乾燥再變得粗糙或者暗沉。 用耐咗之後我覺得皮膚表面有變細滑柔嫩，呢個對我好關鍵。以前我會覺得「角質乾到頂住」咁樣，摸落唔夠滑，視覺上亦會覺得膚色唔夠乾淨。宜家呢種粗糙感有下降咗，皮膚摸落更平滑，膚色方面亦有少少提亮嘅感覺，唔係話即刻變白，但係因為冇咁乾同暗啞，所以整體看起來更精神、更清爽。可能呢支對我嘅「老化角質」改善方式就係：佢唔係靠猛力去角質，而係令皮膚狀態回到水潤、表層比較細緻，所以你見到嘅就係膚感變

yykk88好用推薦：BIODERMA 呢支水活保濕精華肌底液質地好水潤清爽，拍上臉秒速吸收，完全唔會有黏笠感。佢幫 T 字位補足水分，反而令出油情況少咗。平日洗完臉第一步用佢，或者用佢嚟濕敷兩頰容易乾嘅位置，保濕效果都OK，加強返後面嘅精華同面霜吸收嘅效果

Josephine Lau好用推薦：早上與維c精華一起用, 去印蛋班會比較快，質地很水，不黏立。

Janet SF好用推薦：佢質地輕薄，吸收迅速，peeling效果好明顯，用後明顯皮膚角質軟化，又有美白效果。最好之處係用後沒有皮膚被抽乾既感覺，感覺是可以天天用或隔天用的產品，不會怕皮膚會變乾，尤其適合我呢種膚質較乾，又需要去角質嘅皮膚使用💕 #火熱新品

Poyobb好用推薦：首先有陣好淡難聞嘅味道，藥水味？消毒藥水味？醫院嘅味道😅 透明流質狀，比一啲煥膚酸精華冇咁黏立咩，亦都無暗瘡膏咁厚身。已經冇再買暗瘡膏好幾年，我當暗瘡膏用，於化妝前薄薄地喺暗粒位置搽一層，都吸收得幾快，覺得冇咁容易化完妝令到暗瘡/暗粒位置變嚴重。 但如果要快速去暗粒，會建議用返佢隻水楊酸洗面，洗2-3日已經有效果，超級work。感覺要一齊配搭使用效果會最快。另外去印效果又唔算太明顯，唔係好見到個定位🤔 #火熱新品

Ashley_1926好用推薦：自費購入～ 大概用咗兩個星期 非常溫和，就算全臉塗都唔會有刺痛 吸收都快 官網表示可以褪紅、去黑頭、縮毛孔 但係，我個人睇唔到佢嘅效果 可能用嘅日子唔夠長

Vince好用推薦：感謝@cosme邀請本人參與Grown Alchemist 細嫩去角質乳霜試用活動。我膚質粗糙脆弱，容易泛紅，面頰兩邊、下巴和鼻翼兩邊經常缺水脫皮，尤其是在秋冬乾燥的天氣特別嚴重，我十分需要可以溫和去角質的產品，既能去走死皮又不會磨損皮膚。 Grown Alchemist 細嫩去角質乳霜正好符合我的要求。包裝設計簡約，呈乳白lotion 狀，可全面使用，只要慢慢塗抹按摩面部，在角質比較厚的位置重復輕輕打圈，然後過水，就能輕易清洗面上的死皮和角質，肌膚變得光亮。因其質感柔順，磨砂細緻，不會磨損皮膚之餘，還令肌膚變得水潤有彈性，其蘆薈葡萄子油成份更能舒緩面部紅腫不適。我最喜歡它的草本香味，非常治癒，好像享受spa一樣舒服。它成分天然，不會傷害大自然，可放心使用。

Fng好用推薦：Cetaphil三重溫和煥膚酸潔膚啫哩 這支標榜「溫和煥膚」的潔面產品，在配方設計上呈現出開架品牌罕見的矛盾智慧，對香港夏天的熟齡混合肌來說，是吸晴。 配方解構：溫和背後的計算 •三重酸複合：甘醇酸+乳酸+檸檬酸，理論上涵蓋水溶性与脂溶性代謝 •pH值3.8：刻意調至有效作用臨界點，較同價位Neutrogena水楊酸潔面（pH4.5）更進取 •無皂基+保濕因子：試圖平衡酸類刺激，但停留時間不足難以發揮修護作用 顛覆性使用技巧： 1. 30秒定律：濕臉後按摩不超過30秒立即沖淨，超越即引發緊繃 2. 分區精準清潔：重點按摩T區與下巴，兩頰快速帶過 3. 頻率控制術：夏季每週2-3次晚間使用，冬季降至1次 實測體驗： 在35度高濕環境下，其清爽的啫哩質地確實帶來瞬間降溫快感，洗完當下毛孔視覺收細明顯。但對熟齡肌的兩頰偏乾處，即便嚴格控制時間，仍會產生微刺感——證明其「溫和」僅相對傳統酸類產品而言。 同價位比較： •勝CeraVe水楊酸潔面：清潔力更透徹，適合油脂分泌旺盛期 •敗La Roche-Posay Effaclar：後者的鋅成分控油更持久溫和 💥注意點： 1. 絕對禁止

lonia好用推薦：本人因為係混合肌，T字位好容易出油，鼻翼都有黑頭及毛孔粗大問題，而面頰就長期都有偏乾嘅情況。呢款潔膚啫喱好啱混合性皮膚使用。 佢嘅用法係加水搓至產生泡沫，再於濕面打圈清潔就可以。佢容易沖洗、無殘留感，洗完面亦冇覺得皮膚有繃緊嘅感覺。我覺得佢可以成功做到平衡控油同保濕，用咗一排，T字位油光減少咗，鼻翼嘅顆粒感亦有所減低，摸落皮膚平滑咗，而且毛孔粗大問題亦有改善。所以推薦俾混合肌作日常潔面使用。

natanatalie好用推薦：#我的崇光感謝祭必買去角質 Canvas呢支去角質煥膚精華真係我嘅去角質大愛！❤️ 普通去角質產品好多都有磨砂，好易會令肌膚敏感，但呢支去角質產品好溫和，金色質地好高貴，又去到死皮，用完肌膚細緻左。😍 最欣賞係有一陣淡淡香氣，用完心情都好啲！🥰

格仔餅公主好用推薦：金色既質地好貴氣，味道淡淡地唔攻鼻，無磨砂粒子但做到明題去老舊角質既效果，用完皮膚好滑而且keep到一段時間既，唔係一兩日就無，如果之後搽保濕精華效果更good

Kelvin好用推薦：Cetaphil 新出三酸煥膚系列，有洗面同乳液，呢支係乳液。Cerave都有水楊酸系列，但冇煥膚乳液，一定要試下可唔可以改善毛囊炎。 質地白色乳霜質地，容易推開，加咗三隻換膚酸，水楊酸杏仁酸葡萄果酸，用完冇刺激感，都真係幾溫和。 我會留返夜晚沖完涼瞓覺之前用，如果咁熱30幾度嘅天氣外出時候用，皮膚好有啲黏。 搽咗一段時間，對我嘅毛囊炎只有少好輕微效果，可以講係見唔到效果，純粹當保濕乳液使用。可能需要酸度過分輕微，但保濕度唔錯，開冷氣皮膚都唔乾燥，可惜真係改善唔到毛囊炎，要繼續搵個另一枝產品。 #火熱新品

YYeman好用推薦：cetaphil三重溫和煥膚酸保濕乳液！ 含酸嘅身體乳真係好勁！！兩個星前將香噴噴嘅身體乳轉做絲呢支三酸身體乳，皮膚嘅狀況就已經大變身！ 之前成日因為心口同背脊油淋淋又生暗瘡、悶埋啲閉口，手臂同大髀都係一粒粒「麻麻賴賴」嘅小點點而好煩，皮膚摸上去粗糙「喇」手。但係而家唔單止滑溜咗，仲變得特別細膩！皮膚睇落鬼死咁白嫩清爽，摸上去都舒服到不得了。 真係要講句，Cetaphil呢個三酸把控得特別好！有扁桃酸專門對付表層嘅老廢角質，又有水楊酸深入毛孔清理堆積嘅油脂垃圾，再加埋葡糖酸內酯溫和代謝，然後配搭埋啲舒緩保濕成分，唔單止有效，仲唔刺激！ 而且冇酒精之類嘅亂七八糟嘢，所以連我呢種偏敏感嘅皮膚日日用都冇事，連建立耐受都唔使！就咁用咗呢支，就令到皮膚平滑到好似BB仔咁，點摸點舒服！ 而且呢，呢支身體乳嘅質地非常清爽！搽上身好快吸收，唔黐立立，都唔黐衫！真係又慳事，又安心！

MaggieWong好用推薦：正正常常無特別的感覺，很普通的洗面，冇任何出眾位，油皮膚可以洗乾淨，但以呢個價錢可以有更好的選擇。

Heychauchau 好用推薦：有使用過同系列的精華和乳液，補濕效果還可以。這款號稱也是保濕系列的洗面乳，乳化效果不錯，洗完臉後會有清爽感，感覺有把皮膚的污垢帶走，但不會覺得皮膚很緊繃，只是略嫌有點乾，後續使用保濕類產品加強保濕就可以了。

Milo101好用推薦：🌟有士多啤梨籽的磨砂，磨砂膏是輕柔的軟沙狀 🌟有清香的士多啤梨香氣 🌟以前很喜歡這個產品，因為很香，後來香港好像沒有在售了

agnessstang好用推薦：朋友送的👧🏻 雖然係磨砂面膜但顆粒感不重 唔係會磨到皮膚痛嗰啲 係比較溫和嘅peeling mask 而且真係見到一粒粒草莓籽🍓 附一個匙羹仔用嚟取mask 我習慣夜晚潔面之後用 取適量peeling mask搽喺面上 我喺鼻同鼻兩邊會用得比較多 然後輕輕按摩 多角質嘅位置可以按摩耐少少 之後洗乾淨+平時嘅護膚程序就ok啦 用完之後摸塊面會感覺到滑咗乾淨咗 而且唔會好乾 一個禮拜用2-3次

choichoi好用推薦：充滿少女心的包裝，輕鬆按摩就能溶化，相當柔滑，帶有相當討好的清香

LILY好用推薦：好軟滑嘅texture，一按就會溶做油，落妝力強，有草本香，用完皮膚唔會乾，亦無致痘問題。萬寧做特價嘅時侯幾抵，而且入面比埋羮仔好方便🫶🏻

維他他好用推薦：冇乜特別的爽膚水，正正常常，幾清爽，春夏適用，冬天不夠潤，少少嫌香味較重，不過呢個品牌一向香料較重，保濕力一般，不過不失

雪雪好用推薦：呢支Laneige爽膚水都幾唔錯，保濕力ok, 又幾爽，唔會痴笠笠，確實做到水油平衡，有少少香味，好聞嘅，整體唔錯，價錢唔貴，性價比算高

GinGin好用推薦：因為我係混合性皮膚，所以水潤形只適合秋冬使用，否則就會太潤T字會出油，因為水潤質地，所以比其他爽膚水較為濃稠，其實保濕幾好

Tracy好用推薦：比起清爽個枝比較杰身，不過都好流質，雖然杰啲，但都唔會痴笠笠，個清爽嘅

natanatalie好用推薦：好剌激，唔適合敏感肌。我肌膚不算敏感，但用完都會有好嗱嘅感覺，唔建議購買

mavis好用推薦：想當年面部爆暗瘡 買咗黎用 效果都明顯 可以穩定到肌膚有少少消炎作用

Sanna Cher好用推薦：真的是使用了產品一段時間，主要在清潔泥膜的時候使用，加強潔淨力，在按摩臉部時是有被潔淨的感覺。這邊比較難於清洗，但在使用一段非常久的時間和懶於洗擦，才會得到的結果。

Emma W好用推薦：依個係雪肌精最新出的產品。能防止皮膚粗糙，每日進行角質層清潔。另外，有保濕因子，不會因過分去角質，令到皮膚好乾，缺水。可以早晚使用，令肌膚保持細滑，防止凹凸洞，暗瘡出現。 質地偏thick，但用上面後唔會feel到有層layer。我會選擇係秋冬天使用。 #火熱新品

Ni好用推薦：滋潤型洗面乳 質地淡黃色帶顆粒 加水搓揉起泡容易且泡沫綿密豐盈 沒有顆粒感 洗後臉部不緊繃且順滑 洗的也很乾淨

agnessstang好用推薦：質地有啲似用水開好咗嘅軟膜粉 有少少泥膠味(?)🤣 但係可以接受 有一個匙羹仔同30片蠟紙  潔面後抹乾 取適量嘅鼻膜(大概1.5匙)搽喺鼻同鼻翼兩側 之後將蠟紙痴上去(有塗層嗰面係貼面嗰邊) 等20-30分鐘(鼻膜乾咗)之後搣落嚟再洗乾淨就ok 用完之後會有啲乾 所以我習慣會搽翻啲保濕乳/霜 清黑頭粉刺都算乾淨 除咗用完會有少少乾都冇乜刺激性 緊緻毛孔暫時冇咩感覺 用完要盡快閂好蓋 接觸到空氣太耐會變硬凝固