積雪草 推薦好用產品

hellolulu好用推薦：踏入盛夏，每天都反覆輪迴＜被猛烈的太陽曬得面頰又紅又乾＞＜口罩焗著汗水＞＜室內冷氣抽乾水分＞，肌膚非常乾燥敏感，長期泛紅灼熱，不論如何保濕潤膚都感覺皮膚吸收不了😖 剛好用完手頭化妝水，BA推介下購入cica soothing toner～ 早晚潔面後使用，呈半透明並帶有belif品牌一貫的天然草本氣味。 雖然質地在爽膚水中偏濃稠， 但拍上面後非常易吸收不黏笠，而且有微涼感，但不是一般那種會令敏感肌刺痛的薄荷涼，而是溫和地即時為泛紅灼熱肌膚補水降溫，並在肌膚表面形成鎖水保濕膜，長效水潤👍👍 首次使用已紓緩敏感狀況，配合同系列產品使用至今一個多星期，很高興敏感狀況已大大改善，修復穩定功效非常實在，已馬上成為個人最愛，在此分享給同樣受敏感困擾的朋友們～

Sandywwy好用推薦：呢支化妝水做到改善水油平衡、減少痘痘、減少出油情況、皮膚變光滑等功效。支化妝水好用到差唔多空瓶，一定會回購！

blackisrule好用推薦：最近係IG見到 一開始都係抱住試下嘅心態 諗住佢又平又大枝 成300ml 估唔到 超驚喜！ 我係混合肌偏油 有時化妝化得多會生暗粒 但又清唔到 用咗一排 真係粒粒少咗好多 洗完好水潤 唔會有拉址個種乾嘅感覺 但又洗得好乾淨 質地幾得意 有啲細細粒嘅綠色粒粒 真心推薦 買一枝可以成家一齊用 haha

PP好用推薦：大大枝勁抵用，泡沫細滑棉密🫧 仲可以洗走彩妝殘留物同毛孔既污糟嘢，用完塊面覺得好清新，唔乾澀，摸上手觸感軟滑，CP值高！

PP好用推薦：棉片Size超大，壓紋面去油去角質，再用光滑面濕敷，滋潤皮膚紋理，size夠大兩三下就抹完面同頸，但記得要輕手啲，用完塊面好光滑😍 紅印都淡左，及後再搽護膚品都更加吸收！ keep住用左一星期，每日一次，粒粒少左，毛孔都細緻左，滑左好多～

Rachel Hui好用推薦：質地比想像中輕爽，味道清香。 用後沒有悶出暗瘡或粉刺。降紅舒敏效果佳。 使用感舒適。 缺點…沒有想像中滋潤。保濕效果偏清爽，皮膚乾敏有效舒緩，但對於乾燥脫皮，保濕效果不算找久。

cat chu好用推薦：夏天好多時候出汗，油脂分泌多，部背心口頸部都易生粒粒。 早排心口生粒粒，頸部因流汗而敏感痕癢，用左Parnell積雪草精粹身體噴霧 ，一星期冇晒粒粒，頸部仲改善敏感問題。 噴落去仲好清爽水潤， 平時沖完沖噴一噴， 出街時出得多汗，抹乾啲汗噴一噴，可用作鎮靜肌膚，預防背部痘痘肌，自從用左佢，我嘅背部肌膚都一直keep到冇粒粒，着小背心，露背衫充滿自信👍

SallyNgai好用推薦：性質溫和，完全唔嗱 360度噴咀，非常方便，自己噴背無難度 質地清爽，好快吸收 用完效果好好，背部毛孔都細緻左

Lingyaulingling 好用推薦：天氣越來越熱，我容易出汗， 如果化妝🪞 最緊要選質地透薄的粉底液，我自己買了： Parnell 積雪草持妝柔霧粉底液⁣ 💚 已有防曬系數SPF30, PA+++⁣ 👍🌞 💚長效水潤，質地透薄零負擔，而且遮瑕度⁣都不錯👍 ，我早上化妝完，妝容全日都keep 到， 不會暗沉⁣！因蘊含「積雪草因子」 ，能鎮靜養膚，夏天用一流！

Stella好用推薦： 依個cushion最大優點就係遮瑕力好夠，我膚質係敏感肌，肌膚屏障受損，塊臉長期泛紅，用完之後起碼可以遮到八成泛紅，遮瑕力好勁，加上色號偏白同本身自帶光澤感，所以好上鏡～不過香港夏天用感覺有啲易脫妝，秋冬用會適合啲 推薦！

Kitty 好用推薦：我係混合性肌膚，T字位出油，但面頰有時會好乾，尤其係轉天氣或者開冷氣瞓覺之後，塊面會黐立立但又覺得繃緊，好麻煩。 質地同氣味： 個包裝已經贏咗，有質感又方便攜帶。入面嘅cream質地超柔潤，搽完好軟滑舒服，有滋潤感。因為小朋友都可以搽，應該冇加咩香精，氣味方面冇乜特別。 用後感覺同效果： 1. 即刻飲飽水感： 搽上面嗰一下，第一個感覺就係好潤澤，但完全唔會立！佢好似一秒鐘就俾塊面吸收咗，皮膚即刻變得軟熟咗，摸落去滑捋捋。之前面頰乾到有啲甩皮，用咗佢之後，啲乾紋即刻冇咁顯眼，好似飲飽水咁。 2. 持久保濕，唔再外油內乾： 最驚喜係佢嘅持久度！以前用啲cream，朝早起身個T字位成面油，但而家呢種情況改善咗好多。佢好似幫我平衡返啲油水，令到皮膚狀態穩定咗，唔會再亂出油或者異常繃緊。開成晚冷氣，第二朝起身塊面都依然keep到水潤，冇摷住嘅感覺。 3. 膚色提亮，有光澤： 用咗一段時間，發現塊面冇之前咁暗啞，有種健康嘅光澤感，唔係油光嚟㗎！上粉底都貼服咗，冇再因為皮膚乾而起擦膠碎。 4. 係咪真係萬用？ 老實講，佢唔係一支神奇藥膏，唔會話用完乜嘢紋都冇晒。但係作為一支高級嘅日常

🌸好用推薦：我係乾敏肌膚，最近見到呢一款討論度好高嘅全效修護萬用霜，就忍唔住入手。 其實就咁睇個包裝已經贏咗，外觀設計符合人體工學，單手都可以拎嚟用。包裝上面嘅灰色Dior logo 斜紋設計同佢哋嘅手袋如出一轍，加上有BLACKPINK 嘅JISOO加持，當然相當加分🥰🥰🥰 非常容易擠出，膏體嘅質地係白色，係清淡自然嘅味道，冇額外添加香料，對敏感肌非常友好。質地柔軟唔黏立，相當容易推開，搽咗之後好似有一層薄薄嘅保護膜包裹住乾燥嘅肌膚。我睇返個成份表，原來佢含有幫助舒緩同埋修復肌膚嘅積雪草提取物，幫助修復肌膚屏障。乳木果油、荷荷巴油成份做到深層補水、滋養肌膚。 最近個指甲邊緣有啲位，因為經常洗手嘅關係而爆開咗，正好用嚟試下新產品 使用前：用咗一星期後： 乾燥爆裂嘅指甲邊緣已經好返，膚質明顯滋潤細緻返好多。而且質感柔軟唔黏笠，迅速融化，查完之後可以即刻做其他嘢，唔影響生活。因為佢清爽嘅關係，所以一年四季都可以使用。

Emily Leung好用推薦： 最近天氣一凍，皮膚就開始作怪！尤其係冬天乾燥，我塊面同手肘位特別容易繃緊、甩皮，有時仲會泛紅敏感。好彩早排入手咗 CICAPLAST B5 萬用修復膏，真係幫咗我大忙！今個 冬季護膚 真係靠佢撐住。 保濕同修復效果真係好突出： · 質地係白色膏狀，推開會變啞光，唔會黐立立，夜晚厚敷一層瞓覺，第二朝起身皮膚即刻柔軟返，冬天乾到起嘅屑屑明顯平滑咗！ · 我試過用喺爆拆嘅嘴角同手指邊，連續用兩晚，傷口同紅痕修復得快好多，冇再扯住痛。 · 成分有維他命B5同積雪草，鎮靜好有效，有時凍風吹到塊面刺刺地，薄薄搽一層，好快就舒緩到。 冬季護膚心得： · 如果皮膚極乾，我會先噴保濕噴霧，再趁皮膚微濕時薄塗修復膏，鎖水效果更加好。 · 佢唔算係日常輕爽型乳液，但係 冬季 急救真係一流！尤其係寒流襲港嗰幾日，我一定會擺喺床頭備用。 總括來講，CICAPLAST B5 係我今個 冬天 必備嘅「萬能膏」！無論係面、唇定身體局部乾燥位，保濕同修復都交到功課，敏感肌都用到，真心推薦俾怕凍同皮膚易脆弱的各位～ ❄️✨ #冬季護膚#護膚#冬季#冬天#修護皮膚

Kitty 好用推薦： La Roche-Posay B5萬用修護霜：香港夏日救星！穩定肌膚法寶~ 作為一個喺香港經歷緊蒸籠天氣嘅油敏肌，每年夏天皮膚都要打硬仗！曬到面燶、冷氣抽乾水、口罩焗出粒粒...好彩撞到La Roche-Posay Cicaplast Baume B5呢支穩定夏日肌膚嘅法寶！仲開發咗雪凍厚敷急救法，而家同大家分享真實體驗： ✨點解話佢係夏天救命草？ 1. 退紅降溫快狠準 曬傷或者面紅紅嗰陣，我習慣提前將支B5雪到冰冰涼！擠一啖雪硬咗嘅修護霜厚敷上塊面（避開眼周），嗰陣涼浸浸嘅觸感真係即刻鎮靜曬刺癢！好似成塊面浸緊冰水，五分鐘壓倒性舒緩！ 2. 冷氣房保濕救生圈 冷氣抽濕抽到塊面繃實？B5裏面嘅維他命原B5同積雪草苷就好似幫皮膚打補丁，薄薄哋搽一層過夜，第二朝面珠唔會乾到扯住，仲有層隱形保濕膜鎖住水份！ 3. 口罩磨擦爛面救兵 下巴同鼻翼俾口罩磨到甩皮？B5嘅氧化鋅同乳木果油即刻幫傷口封層保護膜，唔會焗住啲損口，仲加速埋口，趕地鐵都唔怕見不得人！ 👍神級用法解密：雪凍厚敷變急救冰膜。 1. 洗面後，擠一粒提子份量嘅B5霜（記住要夠厚！） 2. 均勻批上泛紅/

Chloeincosme好用推薦：因為轉季期間皮膚容易泛紅敏感，所以買咗 肌研舒緩修護精華 嚟用！特別留意到原來呢款精華原產地係韓國，一直以為係日本野？😂 🤍 舒緩退紅：4/5 積雪草配方，我敏感發紅時厚搽一層，訓醒泛紅明顯減退，連敏感紅印都消得快咗 🤍 保濕渗透：4/5 透明質酸加積雪草組合又補水又鎮靜，質地有少少杰，但等多陣就完全吸收 🤍 膚感體驗：4.5/5 大多數積雪草嘅產品都會笠，但呢枝唔太會 總結： 肌研呢支精華對舒緩同保濕都做得唔錯，尤其適合皮膚敏感時期使用。用咗一段時間，皮膚狀態穩定咗，會考慮繼續用落去～如果你都係容易泛紅又怕黏膩，不妨試下！

Fanc好用推薦：之前都有用過其他款嘅肌研精華，我覺得肌研Cica精華係一款非常有效嘅修護精華，依款產品入面含有積雪草同埋4種透明質酸，能夠係夜間進行修護，舒緩泛紅嘅肌膚，而且可以強化皮膚嘅保濕能力。👍🏻👍🏻 我用左依款精華之後，發現我嘅塊面變得更加平滑，細緻，減少左泛紅嘅現象。除此之外，肌研Cica精華嘅質地非常輕盈，好容易就吸收，唔會令我覺得塊面好油或者黏笠。😬 我特別鍾意夜晚用佢，因為可以成晚都持續滋養住我嘅肌膚，等我朝早起身果陣可以擁有更加健康，亮白嘅狀態。我係好推薦肌研Cica精華比所有想試而又需要修護皮膚嘅人用。☺️

Kitty 好用推薦：【實試分享】理膚泉 B5 精華 - 冷氣房救星！保濕力爆燈💦 夏天必備！ 最近天氣熱到爆炸🔥，成日要長駐冷氣房，塊面乾到好似沙漠咁，仲有啲位會繃緊甩皮... 真係好炆！聽人講La Roche-Posay 隻B5修復精華好勁，話保濕修復一流，專對付乾燥敏感。忍唔住手入咗支，用咗一排，真係要同大家講：嘩！真係得喎！冷氣房保濕救星非佢莫屬！ 💙 ✨ 重點感受：保濕效果真係超！級！掂！ 1. 即刻飲飽水嘅感覺💧： 支精華質地係帶少少杰身嘅半透明gel狀，推開係超！級！水！潤！。一搽上塊面，嘩，好似乾咗嘅海綿遇到水咁，咻一聲即刻吸晒落去！吸收得勁快，皮膚即刻有種飲飽水嘅滿足感，摸落去係軟熟咗、潤咗，但個表面係有種滋潤嘅清爽感！呢點對夏天嚟講真係超重要！ 2. 冷氣房長效鎖水💨❄️： 重點嚟啦！以前喺office/屋企長開冷氣，未到中午塊面已經乾到攝住，甚至會出少少乾紋。用咗呢支B5精華之後，情況真係大大改善！佢嘅保濕力唔係得個“即”字，而係好持久。就算對住部冷氣機直吹幾個鐘，塊面都keep住係潤澤有彈性，冇咗嗰種扯住扯住嘅乾燥感同繃緊感。佢入面有維他命原B5 (Panthenol) 同

royu3好用推薦：這枝B5 精華真的拯救了我的皮膚！ 這陣子因壓力、轉季各種原因⋯ 除額頭以外位置、反複出現過敏反應 未開封前是密封包裝，確保新鮮。開封後可換成滴管，方便使用時控制份量。沒香味，無酒精，顏色是半透明的。 屬流動性不高的精華液， 卻比相像中易被皮膚吸收，沒有殘留感， 與其他護膚品的相容性也高！用後降紅許多了、而且感覺有加快皮膚修復 印痕也比之前淡化得快。 就算沒有肌膚問題，用作補濕也是非常適合👍🏻 一定會再回購！

溫嘉嘉好用推薦：cotton 做既護膚棉 用落材質好舒服一啲都唔吉肉 滋潤程度唔算太高 春夏天使用OK 冬天略嫌不足

WSY好用推薦：積雪草成份可以鎮靜皮膚。喺敏感或者泛紅嘅時候敷下佢，效果都幾好！

Kmggigi好用推薦：Mediheal Madecassoside Essential Mask — 舒敏修護，貼膚又鎮靜✨ 面膜紙&精華質地: 呢款面膜嘅面膜紙質地柔軟，非常貼合面部輪廓， 敷上臉感覺舒適自然 面膜內嘅精華亦非常豐富， 敷完後仲可以將多餘精華再加上臉，完全唔浪費！ 精華帶有淡淡嘅積雪草味，好清新好聞， 使用過程令人感覺放鬆， 適合需要舒敏修護嘅日子使用。 效果: 敷完面膜後，感覺肌膚泛紅明顯減退， 而且對於開始冒出嘅暗瘡亦有鎮靜效果， 炎症情況有所緩解。 同時間精華滋潤度都唔錯，有一定嘅保濕效果。 敏感肌膚使用後，亦感覺敏感情況改善， 肌膚狀態變得更加穩定。 總結：舒敏修護必備，脆弱肌的安心選擇 Mediheal Madecassoside Essential Mask以豐富積雪草精華同舒緩修護效果， 為泛紅、敏感同暗瘡肌膚帶來即時鎮靜修復。 如果你追求一款貼膚又高效舒緩嘅面膜， 呢款絕對值得一試！💧

Ice好用推薦：大推！!!!!!!!!! 首先佢有好多精華液，面膜又貼臉，之後敷完塊好水潤，好舒服。 佢都有啲香味，不過係果種好草本/中草藥咁樣嘅味道，聞落幾舒服。 轉季泛紅亁躁可以用。佢亦都係我去韓國一定要買嘅嘢之一！

Calvin好用推薦：黑繃帶眼霜同晚霜一樣有30%高濃度專利玻色因，因此用後皮膚潤滑，黑眼圈亦有所減淡。唯獨價錢太過進取，預算充足者可入。

Emily Leung好用推薦：【皮膚救星！✔️一按搞掂泛紅敏感！】 有冇人明每次生理期塊面就紅敏嘅痛苦！！！ M期荷爾蒙搞到個人超敏感 唔生性塊面一捽落去粗過砂紙 搞到個人勁焦慮啊啊啊😭 之前一直用開佢支靈芝水 敷面退紅滅痘真係無得輸 今次入手靈芝精華更加冇令我失望 ✔️抗紅敏鐵三角 赤靈芝+白樺茸+甘草根 組成抗紅敏鐵三角戰隊 3大路線打殘紅敏因子 由根源撲滅泛紅 抑制紅敏出現👍 ✔️獨家仿生屏障科技 又修到屏障又減低敏感 先幫皮膚補窿補罅 再起返座城堡幫塊面擋走外來刺激💪 佢係液體繃帶精華乳質地，真係好特別！ 搽上塊面好似貼多層皮 無形中形成咗層隱形修護膜 雖然成膜但係完全冇黏笠悶熱感✨ 而家經期皮膚敏感泛紅終於有解！ 平時夜晚護膚我都用佢 塊面只要稍微唔聽話好快就鎮壓返 第二朝起身塊面水嫩嫩💦 用多排之後發現 皮膚狀態定過枱腳！！

Catherine 好用推薦：朋友介紹購買，用過之後，自己都覺得幾好用，皮膚有改善，有變白滑，沒有過敏

natanatalie好用推薦：一款意想不到好用的面膜。 佢價錢不算十分平，圍起十蚊一塊左右，但面膜紙好薄，精華亦好足夠，好清爽，可以敷完唔洗面再用護膚品。 用後肌膚變得細緻，可以維持兩三日，推薦。

Cici Wong好用推薦：因為我皮膚易敏感泛紅，好多面膜都會刺痛，聽講積雪草可以舒緩敏感，所以特登試下呢款。用完無痛，亦有保濕效果，精華都唔少

Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品

Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！

Miu Lai好用推薦：皮膚容易敏感敏感泛紅? 可以試下積雪草! 積雪草有助修復和舒緩, 含有大量的營養物質，除了積雪草苷、羥基積雪草苷之外，還有多種維生素，例如是常見的維生素B、維生素C，還有多種礦物質：鈣、鎂、錳、磷、鉀、硒和鋅等等，同時有效幫助肌膚對抗環境外在的侵害，強化肌膚的防護力, 對於皮膚有很多好處。 用後感: 本人皮膚為混合型敏感膚質, 水質, 空氣等轉變都會剌激到皮膚而出現過敏、泛紅和痕癢, 嚴重會不停長粒粒… 1. 面膜保濕程度十分好, 面膜很貼面! 質地絲滑。 2. 用後即時白! 滑! 亮! 皮膚有明顯提亮, 有即時修復的效果, 很水潤, 泛紅的地方都得以舒緩。 3. 於轉天氣的季節用積雪草面膜有減低季節性敏感既發生, 持續使用有效提高肌膚的穩定性。 4. 有關積雪草有抗豆豆、消炎等功效, 個人就覺得效果一般。 一星期用2-3次，持續使用會見效果。 作為抗敏、保濕、修復、防禦集於一身的面膜, 推薦!

Fish Tse好用推薦：相信大家都有聽過積雪草，佢可以幫助肌膚修復、消炎、抗菌同舒緩等功效，對於經常性油脂分泌過多生暗瘡既sis好有效 品牌主抗適合敏感肌人士，所以唔洗擔心。mask除左有積雪草成分之外仲有納米乳液成分有助精華液吸收，但我覺得補濕成分稍為比較迅息左少少 但舒緩消炎既效果整體而言都不錯，有時皮膚敏感少少紅既時候敷左哩款mask都會降紅

lonia好用推薦：呢款係效果幾有驚喜嘅卸妝油。佢帶有微微香味，每次用2-3泵，乾手乾面時使用，輕輕打圈按摩，之後用暖水洗淨就可以。 防水防汗難卸嘅眼線，打圈按摩之後基本上都已經卸走5、6成，用化妝棉幫手輕輕一抹，已經可以完全卸走。而眼影打圈後就已經可以輕易卸走。暖水洗淨後皮膚冇繃緊感，乾淨得嚟又唔乾。 另一個好處係，佢可以同時清潔毛孔，減少油脂阻塞形成黑頭。使用咗一排，發現鼻頭位置同面頰位置嘅毛孔細緻咗。 呢款卸妝油價錢唔算貴，CP值都算高，值得入手。

lingbb好用推薦：- 一直都想試cica降紅嘅調色霜，呢款算係medicube新品，就入手試試 - 外型四四方方細枝，好方便旅行同收納 - 長期泛紅嘅我有時遇到比較低遮瑕嘅粉底會遮唔到，會想配搭調色嘅綠色底霜睇吓會唔會遮到同埋更持久 - 質地係淡綠色，易推，上面就好似一層厚點嘅乳霜，有小小黏笠，但果種黏唔會有不適感，上面成塊面膚色已經均勻咗 ，有明顯提亮效果，暗瘡疤都淡左色，個泛紅位置明顯提亮同白咗 - 唯一美中不足係佢冇防曬，純粹幫你調色， - 使用後暫時未見泛紅位置有明顯改善，但用完皮膚冇咁易敏感不適 - 係皮膚敏感時趕出門嘅一枝急救調色霜，起碼唔會紅到嚇親人 - 推薦俾有降紅需要膚質

WENDY_0911好用推薦：易推開唔會起白痕、新起舊有痘印對於調色效果都遮到50%、控油能力唔錯唔會搞到d陰變barcode，美中不足係冇SPF防曬😥😥