抗老乳液 推薦好用產品

莓莓好用推薦：Dermacept 幹細胞緊緻乳液 用後感分享 講到 Dermacept 呢隻幹細胞緊緻乳液，我第一次接觸係因為佢個名夠響，加上 Dermacept 本身係日本品牌，主打科學護膚，所以都幾有興趣試。 質地同觸感 佢質地偏豐潤，唔係嗰種水水哋嘅乳液，推開嘅時候有少少厚度，但唔算好立。搽上面之後要等一陣先吸收，吸收完塊面會有一層薄薄嘅滋潤感，摸落去幾滑。乾肌或者混合偏乾嘅朋友應該會幾鍾意，但油肌夏天用就可能覺得有啲重。 保濕同緊緻效果 保濕力我覺得幾夠，尤其係冷氣房或者轉季嘅時候，搽完塊面唔會繃緊。至於緊緻方面，老實講，用完一兩個星期唔會話塊面即刻提升咗，但持續用落去，會覺得皮膚望落飽滿啲、冇咁鬆，尤其係法令紋附近同面頰位，感覺有少少改善。當然，呢類緊緻產品都要配合按摩同時間先睇到效果，唔好期望一搽就變 V 面。 成分同溫和度 Dermacept 呢隻乳液主打幹細胞成分，加埋唔少保濕同抗老成分，聞落冇乜明顯香味，對香料敏感嘅人會幾友好。我自已用就冇乜刺激感，但敏感肌都係建議先試喺耳背或者下巴位。 用法同小貼士 我通常喺爽膚水同精華之後用，按一至兩泵就夠全臉，太多會覺得厚。如果想加強

維他他好用推薦：同大家分享下我用呢支「Stem Lift Emulsion」幹細胞緊緻乳液嘅心得啦！ 真係堅得！佢話就話係乳液，但質地輕身到呢，一搽上面「咻」一聲就吸收晒，好似冇搽過咁爽，完全唔會黏立立，油肌同混合肌嘅朋友實鍾意！新升級個納米膠囊技術真係有料到，啲成分好似隊咗入肌底咁，感覺好補水。 我用咗個幾月，最明顯係覺得塊面冇之前咁「淋bing bing」，線條firm咗同緊緻咗少少，尤其係下巴位，冇咁容易腫腫哋。朝早起身膚色都光澤咗，唔會灰灰沉沉。個配方話可以刺激膠原蛋白，對抗地心吸力，感覺唔係吹水，堅係做到提拉同支撑！ 百搭唔搓泥，妝前用都超貼服。一百支裝都幾抵用。整體嚟講，係一支誠意十足嘅抗老乳液，會繼續回購！推薦給想對抗下垂同補濕嘅你！ Dermacept 嘅產品都係有少少貴，但係功效都真係唔錯，所以都值得一試

shinchan好用推薦：本身都知有啲人用Olay產品會敏感，原來我自己都係會敏感嘅人，家姐用完有敏感所以俾咗我用🥲因為夏天喺冷氣房皮膚比較乾，想透過Olay呢隻「新生高效緊緻精華乳液」令皮膚彈潤啲，好期待見到皮膚嘅轉變，點知敏感...第一晚用完冇事嘅，第二朝上妝前都覺得皮膚好水潤。第二晚沖完涼大概6點用，但到10點幾嘅時候塊臉開始好痕，照鏡見到有好多油脂粒生咗出嚟 (睇嚟係太滋潤...)，臉頰都有紅腫灼熱嘅情況，頂唔順唯有洗臉洗咗佢。可能唔可以用得咁頻密 (?) 遲啲等皮膚穩定返先再試，敏感肌暫時不推薦🥲

Yeonjung好用推薦：OLAY新生高效緊緻精華乳液用後感 姊妹們～用咗一排，真心覺得呢支係油肌夏天恩物！ 質地：水感乳液，推開好滑，撳兩三下就夠搽全面。吸收超快，唔黐立立，油肌友好！ 保濕：搽完塊面水潤飽滿，朝早上妝貼服到不得了，夜晚吹冷氣瞓覺第二朝都仲潤，唔標油～ 效果：緊緻就未至於話明顯提升，但皮膚滑溜咗，水油平衡好咗，當佢係保濕抗初老乳液會開心啲。 成分：多重胜肽＋B3＋B5，冇酒精色素Paraben，敏感肌測試通過，我自己用就冇敏感。 缺點：香味都幾明顯，唔鍾意有香味嘅姊妹要諗諗。 總結：100ml大容量，CP值高，油肌混合肌夏天值得一試！乾肌就要疊加保濕～回購機會極高！

Fng好用推薦：DECORTE AQ 光彩亮白乳液用後感｜ 貴婦級「光感肌」 ✨ 質地與吸收度 呢支白檀乳液擁有絲絨奶霜質地，推開瞬間化成細密水珠，吸收後皮膚呈現半啞光緞面感，完全唔會浮油！配合品牌提倡的 「先乳後水」 手法，用化妝棉擦拭後膚觸軟糯得像剝殼雞蛋～ 🌟 亮白與滋潤平衡 使用兩週後，膚色勻淨度明顯提升，尤其顴骨位置的曬斑有淡化跡象！最出色是水油平衡處理，T區保持清爽同時兩頰維持水潤，香港夏天用都無負擔，轉季時更能感受它的修護力～ 💔 美中不足 · 價格門檻高，每次按壓都像在擠黃金 · 必須搭配化妝棉，徒手塗抹易過量且吸收不均 · 香氣存在感強，白檀木香典雅但非人人接受 🆚 同級乳液比較 · VS ALBION EXAGE滲透乳：EXAGE偏基礎保濕；AQ多了抗老美白複合機能 · VS CPB光采防護乳：CPB側重妝前打底；AQ更注重肌膚本身的光透感 · VS IPSA ME自律乳液：IPSA針對膚質細分；AQ走全面修護路線 💡 使用秘訣 1. 棉片選擇：搭配優質化妝棉，滲透力更佳 2. 按摩手法：由內向外打圈擦拭，帶走老廢角質 3. 分段護理：T區輕擦帶過，兩頰可重複塗抹

Chloeincosme好用推薦：呢個月用左成枝Decorte既AQ Emulsion乳液，比想像中好用！ 我本身係乾肌，用完之後，鼻翼位明顯滋潤咗好多！ 最明顯係返工長時間比冷氣吹住，鼻兩邊乾到浮晒粉。而用左佢之後，覺得佢吸收快，唔會太笠，但皮膚全晚都keep住保持保濕水潤，令第2 日上完妝係冷氣房都唔會覺得緊繃，浮粉情況改善左好多！ 總括黎講，會回購同推薦比大家！ #火熱新品 #保濕

Chan好用推薦：用咗NIVEA Q10防曬小白管兩個星期，真係又驚又喜！呢支「小白管」質地超輕盈，水水哋一泵就推開，吸收快到不得了，完全唔油唔黏，搽完面都隱形無白痕，適合香港潮濕天氣同混合肌用。 我本身怕防曬悶熱又出油光，但呢支完全唔會，朝早啪一層上去，即刻感覺皮膚有保護又保濕，後續上妝都服貼晒，零卡粉！用咗十幾日，發現細紋同法令紋位置都平滑咗少少，皮膚摸落緊緻咗，光澤靚晒，暗沉都冇之前咁明顯。最正係佢有Q10同抗糖科技，即使我繼續食甜，都感覺皮膚冇咁易鬆弛同生新紋。 SPF50保護力夠晒，仲可以防UVA/UVB同糖化，一支搞掂防曬+抗老，CP值爆燈！30+姐妹如果想日常抗老防曬一步到位，強烈推介呢支小白管，而家已經係我朝早必備，繼續用落去睇更多變化～

bobobeauty好用推薦：這款日乳完全不泛白，不會影響後續底妝顏色，這對上班族來說非常方便。連續兩週配合精華使用，覺得肌膚的健康穩定度提高，日曬後也沒有泛紅或乾澀。雖然它強調抗皺，但對於已形成的深度抬頭紋改善並不顯著，其核心價值更多體現在「預防」及維持肌膚現有的彈性上，作為日常防禦性護膚非常稱職。

MoonMoon好用推薦：KANEBO 彈潤盈采精華乳液使用心得 質地似輕身乳液，推開好滑，吸收快，唔黏笠。搽完塊面即刻有水潤光澤感，乾紋冇咁明顯，摸落軟熟。 保濕力夠，冷氣房都頂到半日。香味係淡淡花香，接受到。 缺點係偏貴，同埋夏天油肌可能覺得立。 整體：乾肌、混合肌秋冬值得試，妝前用都得。 #火熱新品

Jan好用推薦：#火熱新品 細膩柔滑的乳液觸膚即融，迅速形成一層緊密貼合肌膚的飽滿彈潤的膜層。 為肌膚持續注入水分與滋養的同時牢牢鎖住水分，令因乾燥產生的細紋不易顯現。

brenda好用推薦：超好用，配合埋該品牌的手勢，基礎4點全用3天倒已明顯見到毛孔細左，有暗瘡都感覺快謝左，價錢係貴左d但物有所值

kameari好用推薦：朋友推薦的所以試一下，質地是比較水狀流質，不會很油笠這點非常好，油肌也不怕，不錯。

royu3好用推薦：入秋後皮膚太乾，兩邊面頰有點輕微泛紅，於是趁sogo減價購入了這set 乳液和化妝水，效果很理想💯 這系列Albion 的其中一個特色是先乳後水，於潔面後先以棉花沾取乳液（按壓三次），再均勻塗抹於臉上。 有非常清淡的果香。質感較像乳霜，很軟滑，沒有流動性。滋潤但一點也不油，而且很易被吸收！配合同系列化妝水，使用後隔天皮膚即時變得柔軟！ 而且加入各種美容及高效抗老性份如蜂王漿萃取精華及高機能胜肽，可促進膠原蛋白及玻尿酸的生成。滋潤肌膚之餘，亦有效令肌膚更緊緻👍🏻 用了兩星期左右，感覺肌膚沒有之前繃緊，而且看上去多了一份健康的潤澤感🌟非常出色，會再回購！

Ning好用推薦：以前覺得質地比較笠，但後來櫃檯小姐告訴我必須配合化妝綿按摩使用，我試了這方法發現用後感舒服很多，吸收得很快也沒有笠的感覺了。滋潤、緊致、回復彈性的功能都有，而且用完皮膚即時白了一點，挺好用的。

oy 好用推薦：轉季皮膚好容易敏感 次次皮膚乾痕嘅時候用bioderma呢支cream都好快見效 不過價錢比較貴 有其他CP值更加高嘅選擇

劉肥貓好用推薦：滿滿滋潤感但係又吾笠一款潤膚霜 非常容易推開 吸收快 無香味 用完肌膚滑溜

Yuki好用推薦：網上購物嘅贈品 *哩支係乳液 貼錯乳霜label*乳液帶花香 水凝質感流動性高好易推開易吸收 上面後有微微光澤 皮膚瞬間變得柔軟水潤 第2日起身皮膚仲好軟嫩 乾肌春夏用會比較合適 秋冬用後需疊加精華油 或者配合保濕精華 雖然哩款係夜間乳液 但質地輕盈易滲透 日間自己會照用埋 用後上妝好貼服同持久 同埋唔會有擦子膠碎 而且乳液唔會引起粉刺 油性肌膚用都唔會有負擔 1支12ml 早晚用 每次用2粒珍珠size 可以用到1星期

Milo101好用推薦：呢支夜間修護乳液，質地不錯，水潤具流動性的乳白色乳液，塗上時容易吸收同時夠滋潤，亦都唔會有黏立感。 效果方面，最明顯就係皮膚會有一個潤澤光亮感，特別夜晚用完第二朝會有明亮修護的感覺。即使經過一晚開冷氣睡眠，第二朝都唔會乾！有穩定的滋潤效能，同時唔黏立無負擔，達到一個親膚平衡。

TsuenMa好用推薦：Decorte AQ emulsion lotion 睇到post話呢枝係日本好受歡迎，係櫻花妹每人必有一枝嘅產品，見到吹捧得甘勁就都入手一枝試試佢啦🙈 使用方法 於清面後及保濕前使用，泵兩下係化妝棉到全面搽，有柔化肌膚、將後續嘅護膚品更容易地帶到皮膚底層，簡單嚟講即係令護膚品吸收得更好，令效果可以multiply ✨ 用後感 ✅呈乳白色嘅lotion，偏向流質，本身以為會吾會有啲痴笠，但用後完全無痴笠感，呢一點吾錯。 ✅由於佢係作為先導，引領後續護膚品嘅導入，理所當然地佢係需要好容易比皮膚吸收。 ✅但平心而論，我覺得有些少吹大左，使用效果吾明顯，一般般，同無做呢個步驟嘅感覺差唔多。 所以，應該就吾會回購了🙊

Katrina好用推薦：佢哋嘅護膚程序係先乳後水。呢一款AQ乳液用法係要用兩泵勻全面，一開始仲擔心兩Pat會唔會太多，但佢滲透力好快，好快就已經被皮膚吸收晒。皮膚會即時柔軟左同有光澤。用咗一排皮膚係有飽滿同水潤咗。同埋我真係好鍾意佢個香味，聞落係舒服同高級香味。

Sarah好用推薦：本來以為滲透乳只係健康水嘅「配套」，諗住隨便用下就算，點知用落真係有驚喜，而家已經變成我護膚步驟入面冇佢唔得嘅一part！！ 質地&使用感 個泵頭設計好方便，一泵就夠成面用量，唔會倒到周圍都係。 我每次用兩到三泵 質地係輕柔嘅乳白色乳液，推開係水潤潤嘅感覺，完全唔笠唔油，油皮夏天用都零負擔，乾皮冬天用都唔會覺得唔夠潤。 我係跟住官方「先乳後水」用法，潔面後用化妝棉搽，搽完個面即刻軟晒，摸落滑溜溜，之後用健康水吸收得快好多！！ 以前生理期前必爆閉口同暗瘡，而家明顯少咗好多，皮膚唔再話時時泛紅、敏感，就算熬夜都唔會成面油光兼暗沉。 而且膚色真係有提亮！ 本來冇對美白效果抱太大期望，點知堅持用落，面黃氣真係淡咗，成個人睇落精神好多，而且係果種由底層透出嚟嘅光澤，唔係假白。 就真系好似水光肌！ 冬天我早晚都會用，夏天我只係夜晚用！

Yin_sharing好用推薦：我用咗旅行試用套裝，第一步用滲透乳會感覺油份有啲重，但按摩係皮膚嘅感覺十分舒服，有軟化到皮膚死皮，滋潤效果唔錯👍🏻 不過之後真係最好跟佢建議用返化妝水印按，帶走多餘油份，個水油平衡效果會好好多，如果單用佢對我皮膚會太油。

MoonMoon好用推薦：IPSA第九代Me乳液使用心得 質地同用法 第九代主打「更貼膚、更透薄」，比第八代流動性再高啲，搽上面推開好快吸收，唔焗促。官方建議配合化妝棉，按三泵，喺爽膚水後、精華前用。好多香港用家話用化妝棉上會均勻啲，直接用手就慳啲但無咁貼。 保濕同穩定 乾肌用家覺得秋冬要加多層面霜；油肌、混合肌就讚佢控油同保濕平衡得幾好，夏天用唔立黐。敏感肌就兩極，有人話泛紅減少，有人話香料或酒精感重，建議先攞試用裝。 METABOLIZER 17款點揀 第九代照舊分R（保濕）、S（美白）、A（抗老）等系列，再按膚質分1-4號。香港專櫃有皮膚測試，唔少人話測完買嗰支真係啱自己多過亂買。網上常見配搭：油肌揀1或2號，乾肌揀3或4號。 缺點 一泵份量固定，有時覺得多；價錢唔平，長期用荷包痛；部分人話改善毛孔、細紋唔算明顯，當維穩產品多過急救。 總結 如果你想搵支日常穩定膚況、唔黏膩嘅乳液，第九代Me值得試；但追求速效抗老或美白，就可能要再配精華。建議先去專櫃試質地同做皮膚分析，唔好盲買。

Jeniel好用推薦： IPSA間鋪既乳液多到分唔清邊枝打邊枝，9 號係店員推薦既😂（唔同膚質同季節都有專屬型號） 佢主打「吸氧保濕」概念，話可以根據皮膚油脂率提升代謝，聽落好高科技？ 質地真係好輕薄，水潤嘅乳液狀（乾肌好少用咁水既乳液，成日覺得唔夠保濕）。 推開幾乎即刻吸收，完全冇油膩感，就算疊加其他保養品都唔會打架。 雖然好稀，但保濕力非常出色，非常水潤，秋天用都夠，夜晚用完朝早起身皮膚依然水嫩。 最明顯既改變係膚色變均勻左，就算熬夜都冇之前咁暗沉，同埋皮膚摸落去細緻咗，有種健康光澤感。雖然價錢唔算平，但效果同膚感都對得住，會回購！ 保濕度： ★★★★★ 吸收速度： ★★★★★ 提亮效果： ★★★★☆ 膚質細緻度： ★★★★☆ #水潤

lingbb好用推薦：- 呢款係一款超出色有修護修飾效能嘅乳液，妝前可以令肌膚瞬間煥發自然好氣息嘅光澤 - 質地係肉色乳液狀非常細滑，上面易推開，保濕得來不會太油膩，我一般早上乜都唔搽直接上呢款乳液就上妝。 - 上面後睇得出肌膚變得柔嫩無瑕，完美遮到本身泛紅，毛孔變得更細緻，仲有即時明顯改善面部暗啞既問題。 - 我個人超鐘意呢款乳液有獨有淡淡既香味 - 如果皮膚狀態好好，單塗都有護膚同時修飾毛孔色斑泛紅暗啞，皮膚會有自然亮澤，個finish幾靚，天生皮膚好好嘅感覺 -

kameari好用推薦：呢一枝個人覺得可圈可點易推質地順滑唔笠，用落有光澤感，多數妝前用化妝會更貼服。

AmyAmy好用推薦：比較液體狀，保濕度OK，唔會好油笠，但係暫時未見到有美白作用

Ni好用推薦：因為香味而買 瓶身是塑膠磨砂感個人超級不喜歡的觸感 我是購買清爽型 好推勻吸收 有一點黏 用了兩三次開始長大痘痘 之後拿來擦身體…

Emma W好用推薦：第5代適合油性肌膚。我會用其作為晚間的乳液，因為晚上會較易產生油分，所以選擇5號會更對症下藥。乳液要配合真絲化妝棉使用，而使用一個月後，面部感覺水潤、肌膚提高左。用後又唔會太笠，會再回購的。 用後一段時間，肌膚變得更加柔滑，細緻，整體膚質有所改善。原本平時睡眠不足的暗啞膚質，都會變得透亮光澤。 適合肌膚：油性 滋潤度：5/5 吸收度：4/5 光澤度：4/5

Beast lover 好用推薦：IPAS#5活化乳液，水狀嘅質地，有啲似面膜嘅乳液，搽上面，保濕都幾好，提升皮膚水份，用咗大半支，未見到緊致和美白嘅效果。不過皮膚有少少透亮咗一點，可能要用晒成支先至會有見到美白。整體上不過不失。

Verna好用推薦：我對這品牌很有好感，可能因為近年我對韓方的護膚品越來越有興趣，廣告說是韓國宮廷養顏秘方，我覺得它的產品真的都很有效果 這支紅山蔘乳液有著這品牌一貫的氣味，就是韓方藥材的氣味，聞著令人感覺很舒服很療癒。它的質地不是很有流動性，但也容易在面上推開，皮膚也吸收得快，而搽完之後，皮膚會很柔軟，但會有少少黏黏地，但我覺得這是滋潤的感覺，所以我通常是晚上用它，而且搽完之後我會再搓一搓熱雙手，再用手掌覆蓋面頰，令皮膚吸收得更加好 到了早上，皮膚仍然會很柔軟很滋潤，用了一段時間，感覺皮膚緊緻了，細紋淡了，而且感覺膚質是健康了，透出健康的光澤感 它的樽身設計簡約而有宮廷感，令人有點點奢華的感覺，但美中不足的是，它的包裝是玻璃樽，而且不是泵頭，所以當用了一段時間後，就要不停「櫈」才可以「櫈」出乳液，如果可以改善一下，就Perfect 💯

Nancy好用推薦：The history of Whoo的津率享 紅山蔘滋養乳採用經九蒸九曝處理過的紅山蔘、牡丹根及黃岑，加上當歸及赤芍藥等藥材製成，從而改善乾燥細紋、平滑肌膚，延緩鬆弛老化等問題 這紅山蔘滋養乳質地偏杰身，帶有藥材香味，使用後滋潤感十足，亮澤度亦有提升，我混合性皮膚用，略嫌有點黏膩感，較適合冬天乾燥時用，或超級乾燥肌用 另外，它旅行裝與正裝產品包裝一樣，誠意滿分，但可惜旅行裝樽身是硬的，要靠拍打才能把乳液倒出來，每次都拍到手超痛…這點令我扣分不少

橘子貓好用推薦：Radiant Rejuvenating Emulsion 比較薄身的lotion，有一點點藥材味+花香味，效果滋潤，易吸收。未見有其他功效。 不過我要投訴一下這個25ml mini size的瓶身設計，每次倒產品出來都好難，要用力將樽口拍向手才能將lotion一點一點地倒出來。

Trinity Ko好用推薦：天氣丹 華炫重生乳液 乳白色質地，上臉後滋潤，但高瓶身設計，需反轉倒乳液出來，有少許不方便。

Milo101好用推薦：🌟secret系列的乳液，比secret cream薄一點 🌟用後感覺滋潤，皮膚穩定

格仔餅公主好用推薦：佢雖然好潤，但有啲笠，我秋冬先夠膽用，如果唔係會生粒粒，冬天用佢打底再化妝又會貼服啲，所以對我黎講係秋冬限定

Conw好用推薦：試了人參面霜，剛好有套裝購入乳液試試 質感： 流動性強的乳液，兩泵足夠全臉加頸，稍為按摩即吸收 人參香氣❤❤❤（比面霜稍淡） 使用感受： 雖然是乳液但足夠滋潤，夏季混油的我只能在冷氣房用，冬天很愛皮膚會有光澤嘭潤，毛孔亦有少許收細，但比同系列面霜的話袪黃效果有距離，有預算的沖面霜～

maylam好用推薦：專櫃買野時順便買的 成條護膚line都係比較滋潤保濕 呢個乳液相對黎講係比較清爽少少 好啱夏天喺冷氣房用

choichoi好用推薦：白色的柔潤乳液帶丁點淡香，不令人抗拒；但嫌滋潤感是較為表面的，沒有完全滲入皮膚的感覺，以這個價錢來說略感失望