找產品
開架卸妝 推薦好用產品
32 件
Emily Leung好用推薦：💧無限回購的溫和卸妝神器！💧 今天我要給大家安利一款我無限回購的卸妝水🌟 這款卸妝水真的是我的心頭好，已經不知道用空多少瓶了！它超級溫和，完全不刺激皮膚，連眼睛都不會感到刺痛，簡直是敏感肌的福音！👀 日常淡妝，一張可卸全臉輕輕鬆松。是我用第二張卸妝棉的情況，已經沒啥可卸了。是我卸完直接用清水洗完臉的，沒用潔面泡沫，也很乾淨清爽。 唯一的小缺點就是卸不掉防水睫毛膏，但我幾乎不塗防水睫毛膏，所以完全不影響我對它的喜愛！而且它沒有難聞的氣味，使用起來非常舒服。🌸 總之，這款卸妝水真的是我心中的卸妝神器，強烈推薦給大家！💖
<看全文>Kitty 好用推薦：Bioderma深層卸妝潔膚水——敏感肌救星？懶人實測真心話！ 呢隻Bioderma粉紅色樽嘅深層卸妝潔膚水大家應該不陌生，話係法國藥妝界嘅明星產品，連敏感肌都用得。身為一個又懶又怕麻煩嘅打工仔，平時返工化淡妝、放假貪靚畫到鬼火咁濃，真係好需要支卸妝神器。其實呢隻我已經連續回購幾年，同大家分享吓真實感受啦！ ✨ 第一印象：簡約到極嘅設計 支水嘅包裝真係”法國style”——簡簡單單粉紅樽，冇乜花巧嘢。樽口設計好貼心，倒出嚟唔會瀨到成手都係（試過其他開架牌子倒到成個枱濕晒，激氣！）。質地同普通清水差唔多，冇黏笠感，陣味好淡，幾乎聞唔到，啱晒我呢啲聞到香料就打乞嚏嘅人。 🧖使用感：真係唔使過水？ 第一次用嗰陣半信半疑，跟足指示用化妝棉濕敷10秒再輕輕抹。嘩！平時用開嘅防曬＋碎粉＋眉粉真係一抹就冇咗八成，連眼底啲積線位都抹得乾淨（感動到喊）。最驚喜係用完塊面完全冇拮拮哋或者繃緊，摸落仲有啲潤潤哋，似拍咗層保濕水咁。不過如果化咗超防水眼線同睫毛液，就要敷耐少少再輕力多抹兩次，但都算輕鬆搞掂！ 💧 溫和度大考驗：敏感肌掂唔掂？ 我塊面係出名轉季玻璃肌，一用錯嘢即刻泛紅兼生粒粒。
<看全文>
LingLing好用推薦：講真我一向都係用開 KissMe 隻睫毛膏，真係捽都捽唔甩嗰種，落雨流汗都完全唔郁，穩到爆。但就係因為佢太持久，以前卸妝卸到眼紅紅，成日都要搽幾次眼唇卸，捽幾捽先甩得晒，搞到眼皮都痕痕哋、仲甩埋幾條睫毛。 直到有次喺藥妝店見到 KissMe 自家出嘅眼睫毛專用卸妝液，諗住反正都係同一個牌子，試下都無妨。點知⋯⋯一試成主顧，真係改變咗我對卸睫毛嘅痛苦回憶！ 佢係用刷頭設計，好似透明睫毛膏咁樣，一掃就可以塗勻成排睫毛，完全唔會入眼、亦唔會刺激。等大概 30 秒～1 分鐘，再用棉花輕輕抹走，啲睫毛膏就自己「溶」咗咁樣，滑一滑就甩晒，完全唔使大力捽，仲可以順便清埋眼線位～ 我最鍾意係佢卸得乾淨之餘，又唔會焗眼或者搞到油笠笠，清爽又舒服，連戴con都無問題。用完眼都冇痕、冇紅腫，真心對眼敏感啲嘅人都啱用。 依家我每次化濃妝、或者夾得好翹嘅睫毛，一定都會用返呢支卸妝液。特別係趕住洗面又唔想整傷眼嘅時候，佢就幫我慳返唔少時間。 總結：溫和、有效、唔刺激又唔焗眼，卸妝新手或者重度睫毛膏使用者都值得試一試～我自己已經回購咗第二支啦，放工後要輕鬆落妝，佢真係功不可沒！
<看全文>YiN好用推薦：一定係史上最強睫毛卸妝產品，冇之一。香港咁熱咁潮濕，冇可能唔用防水睫毛膏。我本身都用開kissme嘅防水睫毛膏，有時去睇live我仲會喺底用超強嘅睫毛底霜，將啲睫毛定到好似鐵線咁硬。到要卸妝嘅時候就知有幾痛苦，用眼唇卸妝液敷幾耐都摸到啲睫毛係硬嘅，唔小心入眼又唔舒服，未遇到呢枝之前我通常抹到冇色就放棄，由得啲睫毛硬硬地。佢入面就係一枝冇刷頭有坑嘅棒，啲卸睫毛液卡喺啲坑度，當平時搽睫毛咁刷上啲睫毛度，基本上你一眨眼啲黑色已經印哂落下面，用棉花一抹就乾淨，有時未夠的話重覆多一次呢個動作就一定卸到。 建議大家習慣掃完一次抹乾淨枝棒先放返入去，如果唔係好快成枝都會變黑。
<看全文>
Sakura醬好用推薦：Banila Co Zero卸妝膏測評｜一秒乳化嘅神奇魔法！ 講起卸妝膏，Banila Co呢罐Zero絕對係開山始祖級人馬！今次就同大家實測佢係咪真係咁神奇，連最頑固嘅彩妝都能輕鬆溶解～ 🔹 成份：天然零負擔！ 主打「天然植物萃取」，舊版含有微膠粒爭議成份，但新版已經全面升級改良啦！採用紅參、白睡蓮等草本精華，質地更輕盈。不過要留意部分版本含有一丟丟香精，極敏感肌建議先試用～ 🔹 香味：療癒小清新！ 開蓋係陣淡淡花香混合柑橘調，唔會濃到嗆鼻，反而有種SPA級嘅療癒感。怕濃味嘅人都接受到，沖洗後唔會留味，唔使擔心同後續護膚品撞味～ 🔹 防敏感：溫和度滿分！ 雖然係卸妝力超強，但完全唔刺激眼睛！實測用來卸內眼線同睫毛膏，全程零刺痛感，而且唔會矇眼睇唔到野。皮膚用完無泛紅無繃緊，敏感肌閨蜜親測可用！ 🔹 卸妝能力：遇強愈強！ 重點嚟啦： 膏體一接觸皮膚即刻化油，連公認最難卸的「kiss me眼線液」都只需按摩20秒就徹底溶解！防水唇釉、閃粉眼影全部一次過打包帶走，零殘留唔需要二次清潔，懶人福音啊！ 🔹 價格：開架王者！ 韓國olive young經常做特價，$100-$150港幣
<看全文>Emily Leung好用推薦：自用親測｜敏感肌的姐妹看過來 本人是混合敏感肌，zero卸妝膏是我目前用過好用的卸妝膏！ 👍溫和不刺激 👍乳化很快，雙手揉搓2-3秒即可 👍溫和，卸妝力強，8-10秒即可卸掉底妝 👍卸妝後沖洗容易，沒有粘膩感 👍用後皮膚不緊繃 已用了N瓶，皮膚沒有任何不適感！性價比超級高，會一直回購！
<看全文>
Jo好用推薦：Kose Softymo卸妝油真係好正 又平又好用，性價比極高 大部分時間都係賣緊$4x 喺藥妝店隨手揀咗支卸妝油 估唔到用到依家 已回購無數次👏👏 當然同其他名牌幾百蚊枝冇得比 但已經非常夠做，適合日常淡妝落妝 卸妝油質地唔會好厚重，好好推 輕輕搓幾下已經甩咗大部份妝容 眼線睫毛液亦都輕易卸除  用完之後用清水洗已經ok 塊面一啲都唔油 唔使特登用洗面乳再洗一次，好方便 大推❤️❤️❤️  
<看全文>Suki好用推薦：Softymo 速效卸妝油真係好用又平價嘅卸妝產品！質地清爽唔油膩，用喺面上好易推開，連防水妝同埋睫毛膏都可以輕鬆卸乾淨，完全唔需要反覆搓擦。最重要係用完之後皮膚唔會覺得乾燥或者繃緊，仲帶有少少滋潤感，非常舒服。 呢款卸妝油仲溫和得嚟唔刺激，用喺眼周都冇問題，敏感肌都啱用。價錢親民之餘分量又足，性價比真係超高，無論係平時用定係長期回購都好適合！ 如果想搵一款高效又溫和嘅卸妝油，絕對值得一試，清爽卸妝，乾淨又唔傷皮膚！
<看全文>
Emily Leung好用推薦：Cosme最值得回購的卸妝油 Attenir卸妝油是我回購最多的卸妝產品了！因為它真的卸的乾淨又溫和！而且膚感清爽巨好清洗，上臉幾乎沒有油膜感！洗完還不拔乾很水潤！ 清潔力也不輸任何大牌，無所謂淡妝還是濃妝，就連難卸的眼部彩妝也能卸得乾乾淨淨，親測塗了防水很強的睫毛打底+睫毛膏+眼線，也能快速溶妝，卸的非常乾淨，最重要是完全不刺激眼睛！ 味道也好聞，最喜歡柑橘香，其次是玫瑰！每次卸妝都感到很治癒！
<看全文>Circlecyy20好用推薦：Attenir 呢款卸妝油帶有柑橘嘅香氣，用起嚟嘅時候就好似將精油按摩喺面上，使用感相當之舒服。 至於卸妝力方面，佢可以輕易地將面上嘅彩妝卸下，喺面上打圈按摩時候，有一啲嘅黑頭都被按咗出嚟，清潔力都不錯。清洗之後皮膚不會緊繃，反而佢有小小嘅滋潤又不笠。
<看全文>
TsuenMa好用推薦：Bifesta 卸妝系列 Make your skin clean and moisturised 品牌作為卸妝界嘅表表者，我入手佢呢個卸妝濕紙巾嘅時候都好有信心。我平時都有用開Bifesta卸妝水，日常淡妝或者重要日子嘅全妝，卸妝效果都完全無問題。💕 濕紙巾type我主要係用嚟去旅行嘅時候用，方便攜帶，吾洗帶一大枝卸妝水，或者叫佢諗點樣分裝可以輕便啲。一包濕紙巾油46塊，價錢大概係$50內有找，其實都好抵。基本上一張就可以徹底清潔晒成塊面，不過好多時都會再用多塊，確保徹底卸妝☑️ 產品有分咗幾個type，我多數都會揀moisture ，希望清潔嘅同事可以令到皮膚keep返多少水份，唔會太乾。品牌稱濕紙巾，既可以卸妝，又可以當係爽膚水咁用，但係其實一般都會再洗面，所以我諗都只不過係多一個賣點，一個gimmick 。 不過就佢嘅性價比嚟講，我應該都keep住不停回購佢🫶🏾
<看全文>Kala好用推薦：Bifesta深層卸妝潔膚紙，質地柔軟，濕潤度適中，一片就能卸全妝，含保濕成分，用後肌膚不乾繃，清爽不黏膩。無香精，敏感肌也安心。46片裝，約HK$32，性價比高。油肌用後清潔感十足對懶人來說超實用，卸妝省時又有效！
<看全文>
Emily Leung好用推薦：MINON 氨基酸保濕絲滑卸妝乳 購於日本藥妝店，MINON專區，是眾所周知的天然溫和不刺激，氨基酸產品很多的品牌。 卸妝乳質感絲滑，無味的白色不流動但也不粘稠的乳液質地，易於沖洗乾淨。 很好推開，卸的更快乳化也更快，更清爽乾淨，但又很保濕，卸完妝感覺整張臉都清清透透水水嫩嫩的在呼吸~皮膚摸起來也光滑細膩哈哈哈哈~使用感敲級棒~
<看全文>KDing好用推薦：Minon 卸妝膏質地好輕盈，吱出黎再搽上面好易推開，氣味唔係帶強香精既味道，效果對化開淡妝既人黎講已經好夠，基本上四季用都會好舒服。 佢既清潔力對於日常妝容已經好夠用（eg 畫眉/防曬/遮瑕/胸脂/唇膏），洗完面之後都無妝殘留係面上。如果本身有上濃少少既眼易同底妝，建議係先用強力少少既卸妝產品，再用Minon卸妝膏做二次清潔就好，因為皮膚會無咁乾同溫和D，洗完面既水份都唔會完全帶走曬。 質地：偏水潤易推 香味：淡 清潔力：3.5/5 滋潤度：4/5 回購度：4/5
<看全文>
jhope0725好用推薦：感謝@cosme 抽中我試用呢款產品! 作為一個每日都要化濃妝嘅人，尤其好似圖片可見，眼妝相對厚重，卸妝產品對我嚟講係每日嘅必需品。 一開始見到廣告，標榜可以透過噴霧方法卸妝，雙手無需要接觸肌膚，覺得非常之吸引，已經對產品好感興趣！好想試吓雙手唔需要接觸皮膚卸妝嘅感覺到底係點~ 而我一開始都有少少疑問，市面上卸妝油嘅包裝都會比較多用泵裝，因為卸妝油本身有重量、要泵先泵得出。 但係呢款產品強調可以透過噴霧噴出卸妝油，咁係咪代表卸妝油流動性好強好薄？咁咪好容易整污糟衫褲鞋襪？ 點知一開始嘗試先噴喺手上，發現卸妝油真係非常薄，但佢可以完全依附喺皮膚之上，從圖片所見，完全唔會向下流動！加強咗我對佢嘅信心！代表就算着住衫使用產品，都唔怕整污糟件衫。 產品說明有提到，使用方法可以係沖涼前噴喺面上面，然後直接喺沖涼期間加水乳化並卸妝。不過由於我要影相記錄成個卸妝過程，所以就冇選擇喺沖涼嘅時候卸妝，而係一如以往喺洗手盆落妝。 下圖係一開始噴上面嘅狀況 噴咗大約15秒之後，就會開始見到妝容變成一點點，並且開始溶出嚟。過程比我想像中快。 不過，使用過程中，就出現咗一個搞笑情況
<看全文>Emily Leung好用推薦：多謝@cosme邀請試用Bioré呢支新出嘅「瞬間極淨卸妝噴霧」，真係有驚喜！同傳統卸妝產品好唔同，完全係為咗方便同速度而生。以下就同大家詳細分享我嘅真實用後感同測評。 🏷️ 個人卸妝習慣速睇 我本身習慣沖涼前慢慢卸妝，確保卸得乾淨。因為冇接種睫毛，平時卸眼妝會先用浸透卸妝水嘅化妝棉敷一陣，再用棉花棒仔細清理眼線同睫毛根部。 ✨ 產品核心體驗同效果 1. 潔淨力：夠晒力，連防水妝都溶得到 支噴霧嘅「彩妝瞬浮技術」唔係得個講字。普通粉底、唇膏輕鬆卸除。針對最難搞嘅防水眼線同睫毛液，只要噴多少量、等耐十幾秒，見到啲妝自己浮起溶化，再輕輕一抹就乾淨，完全唔使「狠捽」。產品標明嫁接睫毛都適用，對於有接睫毛嘅朋友應該係一大福音，唔怕溶咗啲膠水。 2. 質地同感受：輕盈薄霧，零黏笠感 最大突破係個加壓噴嘴，噴出嚟係非常細密嘅油霧，好似一層薄紗咁覆蓋皮膚。質地極度輕盈，推開時完全冇傳統卸妝油嘅厚重油膩感，唔會「黏笠笠」，感覺清爽。 3. 使用過程：真正「零摩擦」，皮膚零拉扯 呢個係我最鍾意嘅賣點！用法好簡單：噴上臉，等10-15秒，再輕輕打圈按摩。你會親眼見到啲妝容自動溶解浮起，之後只需
<看全文>
Chloeincosme好用推薦：呢排用緊 Loreal 眼唇卸妝液 🤍 真係好似好多YouTuber推薦咁好用！水油雙層配方，搖勻後用落好溫和～ 🤍 清潔力：5/5 連超防水嘅睫毛膏同眼線液，濕敷10秒已經一抹就乾淨，完全唔使用力捽～ 🤍 溫和度：4.5/5 入眼只有好輕微嘅感覺，完全唔刺痛 🤍 使用感：4.5/5 質地清爽唔油膩，用完唔會矇矇矓矓，皮膚都冇繃緊感覺～ 🤍 性價比：5/5 開架價錢但效果拍得住專櫃，絕對係平價之王！ 總結： Loreal呢支眼唇卸妝液真係名不虛傳！卸得乾淨又溫和，重點係平靚正～已經成為我嘅長期回購品！
<看全文>Nikincy好用推薦：比預期中更好用 雖然睇落有層油 但用上面又唔會覺得好油粒粒 比想像中更清爽少少 清潔力亦都出乎意料地好 眼妝唇妝都可以輕易地卸乾淨 價錢平民 性價比好高 推薦比大家🌟🌟🌟 會回購👍🏻👍🏻👍🏻👍🏻
<看全文>
Chloeincosme好用推薦：🤍 溫和度：5/5！Muji呢支敏感肌卸妝油真係名不虛傳～配方超級溫和，完全冇香料同酒精，就算係敏感肌或者皮膚狀態唔穩定嘅時候用，都完全唔會刺激或者泛紅，用完皮膚零負擔！ 🤍 質地同乳化力：4/5！質地算輕薄，唔會好似一般卸妝油咁厚重，推開按摩好順滑～乳化速度中等，沾水後可以徹底乳化，沖洗後冇油膩感，亦唔會黐笠笠！ 🤍 卸妝力：3.5/5！日常防曬、底妝同眉毛都可以輕鬆卸除～但對於防水眼線同睫毛膏就比較吃力，建議眼唇部位還是要用返專用卸妝產品，以免拉扯到皮膚！ 🤍 保濕度：4/5！用完之後皮膚完全唔會緊繃或者乾燥，反而有種潤潤嘅感覺～成分溫和同時保留到肌肤水分，乾肌同敏感肌都可以放心使用！ 總結： 如果你係敏感肌或者喜歡簡約護膚，Muji呢支敏感肌卸妝油絕對係穩陣之選！佢溫和又足夠卸除日常底妝，而且價格親民，性價比超高～雖然對付唔到強力眼妝，但作為一支日常卸妝產品已經足夠，特別推薦比追求溫和同基本清潔嘅你！
<看全文>Kk.ac好用推薦：平時都有唔少人推介muji好物，今日就要推介muji溫和潔面卸妝油😍 🔸呢款卸妝油加入咗具有高保濕功效💧，並配合天然潤澤成分杏桃汁、桃葉精華及透明質酸製成。而且最重要嘅係無香料、無礦物油、無色素、無酒精等，對皮膚或氣味敏感嘅人都比較友好😌 🔸使用方法：我平時會按壓3至4次於掌心，然後搽面並打圈按摩，對於眼部彩妝，會將手指放係眼部（合上雙眼）多停留幾秒以充分溶解，之後再用水徹底沖洗💦 🔸用後感：用卸妝油個時，感覺到質地輕盈又唔笠，唔需要用力搓揉，好易乳化。清水洗乾淨後，塊面覺得幾滋潤，無繃緊，面部無殘留感覺。 總而言之，我非常滿意muji呢款溫和潔面卸妝油，可以輕鬆卸完妝，連卸妝棉唔洗用。佢能夠起到溫和清潔又滋濕皮膚嘅作用，而且喺muji卸妝眾多產品當中係清潔力強同滋潤。佢宜家400mL只賣七十幾蚊，物超所值，用多啲都唔心痛👍🏻👍🏻
<看全文>
Emily Leung好用推薦：Curel卸妝啫喱嘅真實使用感 我平時化開好簡單嘅妝：防曬 + 薄粉底 + 眉粉同少少胭脂，眼線同睫毛膏！平時我都搵緊一隻適合自己嘅卸妝產品，用化妝油會生容易閉口，用卸妝水又會刺激敏感，聽講呢隻卸妝啫喱係敏感肌專用，所以入手！用後真係好驚喜！ 講返支產品，佢嘅質地好得意，係一嚿 「唔會流」嘅透明啫喱，擠出嚟係一舊，唔會好似油咁漏落手。推上塊面嗰陣，感覺好滑，但又唔會覺得好油膩，好似將啲保濕啫喱按摩入皮膚咁。 味道方面，我要講：「基本上係冇味㗎！」 真係要好專登去聞先有陣好淡好淡嘅原料味，完全冇香料感。如果你係成分黨或者敏感肌，會好鍾意呢點。 用落感覺點？超級溫和！ 我兩頰好易敏感，但用佢完全冇刺冇痕。乾手乾面按摩一陣，啲粉底同胭脂會慢慢溶開，變成好細嘅白色粒粒。跟住加少少水乳化，佢會變成好稀嘅牛奶水狀，過水好易就沖得乾淨。 不過要講重點：佢嘅卸妝力係「剛剛好」。對我嘅日常裸妝同防曬，係完全夠力，洗完塊面好清爽，唔乾唔繃。但如果我今日用咗持久粉底或者防水防曬，就要按摩耐少少，或者用多啲份量先得。至於眼線唇膏？都係僅僅可以，想乾淨一定要用眼唇卸妝液。 總括來講，佢係一支 「皮膚狀
<看全文>Poyobb好用推薦：好多年前啱啱興起Curel 卸妝啫喱買過，但嗰陣時覺得卸得唔夠乾淨。 今個冬天成日甩皮又爆暗粒，試吓換一啲敏感肌都用得嘅護膚品睇吓會唔會好啲。 開架卸妝產品，啫喱容易推開，不用加水已經可以乳化粉底液，卸日常淡妝都已經好足夠。如果要卸埋眼妝，就要加眼唇卸妝油😉用到尾個樽有啲難唧啲啫喱出嚟。 超級溫和，就算唔再用洗面膏都卸得乾淨。鼻下嘴角卸完都唔會起皮，最緊要用完皮膚唔繃緊。 成份簡單，敏感皮膚都用得。我就嚟用完一支，用佢卸妝之後冇乜生暗粒，已回購定一支喇😛
<看全文>
oy 好用推薦：DHC呢隻卸妝油好經典😆相信好多人都試過 佢主打係橄欖油成分，顏色係淡黃色嘅，質地少少厚身同油，嗰陣味淡淡哋個人都幾鍾意。第一次用嘅時候比佢嘅卸妝力驚艷到，只要乾手乾面按摩佢，啲妝即刻溶晒出嚟 而且佢乳化速度好快，一掂水就好快變乳白色，沖完水之後感覺好乾淨，毛孔望落都好乾淨，冇殘留感，用佢按摩鼻翼，感覺黑頭粉刺少咗 不過因為佢清潔力強，洗完可能會覺得有少少乾，油肌會好鍾意，但係唔知會唔會焗暗瘡，同埋如果整入眼，會有啲澀眼 清潔力：⭐️⭐️⭐️⭐️ 溫和度：⭐️⭐️⭐️ 味道：⭐️⭐️⭐️ 價錢：⭐️⭐️⭐️ 推薦度：⭐️⭐️⭐️⭐️
<看全文>Kmggigi好用推薦：DHC VC毛孔淨緻卸妝油 — 溫和高效，乾肌秋冬必備✨ 質地: 呢款卸妝油採用橄欖油做基底，質地比較油潤， 使用時非常溫和，對肌膚完全無刺激感， 就算我係敏感肌都可以安心使用， 唔會引起任何敏感情況。 效果: 卸妝力非常出色， 不論係濃妝定防水彩妝都可以輕鬆卸乾淨， 徹底清潔毛孔，令肌膚保持清爽乾淨。 由於質地偏油潤，需用清水多次清潔先可以完全乳化乾淨。 但用完後肌膚不會繃緊，感覺非常滋潤， 特別適合乾肌喺秋冬天使用，既保濕又有效清潔。 總結：高效溫和，乾肌的完美卸妝油 DHC VC毛孔淨緻卸妝油以溫和橄欖油基底同高效卸妝力，為肌膚提供徹底清潔同時保持滋潤感。 對乾肌用家尤其友好，秋冬天使用就更加適合， 係一款值得入手嘅卸妝好物！✨
<看全文>
bibubibu好用推薦：只要我有化妝嘅日子都一定會用睫毛膏，令到睫毛更加濃密更加纖長，但係持久嘅睫毛膏好多時有一個問題，就係佢會比較難卸除 即使係聲稱溫水可卸嘅睫毛膏，有時用卸妝油都係落唔乾淨 我非常推介呢一個落睫毛膏專用嘅產品 已經回購過唔知幾多支 喺日常落妝程序之前只要將呢個精華搽喺用咗睫毛膏嘅位置 然後照正常落妝咁樣去清洗面上其他彩妝 呢個精華好快就會溶咗睫毛膏，無論係幾持久嘅睫毛膏，佢都可以好輕易咁樣溶解 用帶有卸妝水嘅卸妝棉輕輕一抹，又或者係有卸妝油嘅手輕輕抹一下 所有睫毛膏都可以輕易帶走 佢仲會溶埋眼周嘅眼妝 用佢再配上卸妝水，連眼唇卸妝液都唔需要特登買 而且佢冇難聞嘅氣味 梳頭嘅設計可以令每一條眼睫毛都沾上精華 價錢好相宜 一支可以用好耐 非常推介大家使用
<看全文>jas2468f好用推薦：能有效乾淨地卸除睫毛液，小頭非常好掃，但還是會有少許容易掉入眼睛，但不會太拿
<看全文>
Chloeincosme好用推薦：呢排用緊 La Roche-Posay 卸妝水 🤍 性質溫和，卸日常防曬同淡妝夠晒用，敏感肌用落零刺激感～ 🤍 清潔力：3.5/5 卸防曬、氣墊粉底同眉毛完全冇問題 🤍 溫和度：5/5 配方簡單安全，入眼都唔會刺痛，用完皮膚冇泛紅或繃緊，真正為敏感肌設計！ 🤍 使用感：4/5 水狀質地清爽，配合化妝棉一抹就乾淨，唔會留低黏膩感～ 總結： 如果你係敏感肌，平時只化淡妝或主要卸防曬，La Roche-Posay呢支卸妝水係穩陣之選～溫和抵用又方便，會繼續回購！
<看全文>lhyying1128好用推薦：本人係痘敏肌(´Д` )對卸妝產品既要求會好高，呢款溫泉舒緩卸妝潔膚水係無香料無酒精嘅，而且係敏感皮膚專用品牌，用起黎好安心(o^^o)
<看全文>
Chloeincosme好用推薦：呢排用緊 Maybelline 眼唇卸妝液 🤍 清潔力中等，對付防水睫毛膏要濕敷耐少少，再輕輕力抹先可以完全卸得走～ 🤍 清潔力：3.5/5 日常淡妝同防曬可以輕鬆卸除，但遇上強力防水睫毛膏就要多花少少時間同耐心～ 🤍 使用感：4/5 水油雙層質地，搖勻後用化妝棉敷上眼，都算清爽唔油膩～ 🤍 性價比：4/5 開架價錢合理，大大支抵用，適合預算有限嘅學生黨～ 總結： 如果你平時唔係化超強防水妝容，Maybelline呢支眼唇卸妝液都夠用～平價抵用，係穩陣嘅開架選擇！
<看全文>Fish Tse好用推薦：如果卸唔清化妝品有殘餘係眼到會對眼睛做成傷害，所以揀選眼唇卸妝油既時候必須要好小心 我試過用眼線筆畫係隻手到，然後用普通既油性卸妝油再乳化係卸唔甩，之後再用哩枝Maybelline既眼唇卸妝油倒係棉花到一抺就卸得好乾淨 卸妝油係分開兩層一層油呈現藍色一層水呈透明色，如果要使用之前一定要搖勻佢，之後倒係棉花到敷五秒左右再抺基本上已經卸左大概九成左右，最好就再重複一次以上動作卸兩次就唔怕唔乾淨 溫和配合適合任何肌膚任何狀溶，即使係防水睫毛膏或者假眼睫毛都可以卸得好乾淨，性價比好高 哩個絕對係卸妝既必需品
<看全文>
killkew.b好用推薦：貪平買黎試下😅 對於平日淡妝黎講卸妝力尚算ok, 但用量要夠多(3-4泵)先可以做到乳化效果👍 落眼妝就唔算乾淨 但用完塊臉唔覺得油膩
<看全文>mandy好用推薦：Senka Perfect Watery Oil 水感保濕卸粧油 這瓶專科 的 卸粧油 是舊版，新版為 All Clear Oil。 質地跟一般卸妝油接近，有點油膩感。 帶點水蜜桃的香味, 能徹底卸除彩妝。 加水乳化再沖洗後，肌膚清爽潔淨不乾燥。 價位便宜，性價比高。 含保濕成分: 礦物油 及 甘油 抗衰老成分: 甘油 及 維他命E 肌膚修復成分: 甘油 抗氧化成分: 二丁基羥基甲苯 及 維他命E 鎮靜消炎成分: 維他命E 美白/均勻膚色成分: 維他命E
<看全文>