泛油 推薦好用產品

940727.0好用推薦：好鍾意夏天同埋戴口罩用呢一隻妝前打底，因為之後上咗其他粉底液每一隻粉底液都last得好耐，而且戴咗口罩都唔容易甩妝。顏色都比較似皮膚色，搽落去質地係啞面。 #平價彩妝

lingbb好用推薦：- 最愛嘅晚安粉，特別係藍色花香肥皂味粉味 - 可惜用到hit pan時一跌就碎哂， - 外表簡約白色包裝內裡附有盒、柔軟嘅粉樸 - 香味係暫時咁多盒素顏粉最鐘意嘅味 - 粉末細緻，含保濕美容成分、七大無添加：不含滑石粉、矽、人造色素、礦物油、紫外線吸收劑、酒精及Paraben防腐劑，有效阻隔空氣中的煙塵 - 好可惜已經買唔返

Midori好用推薦：超愛這款神仙一般的蜜粉。 首先，它完全無添加，敏感肌表示用後感覺良好，在素顏底霜之後就靠它，皮膚很輕鬆沒有負擔。 而且十分自然，阻止臉上出現油光，還能撫平毛孔。重點是！不用卸妝！只需日常洗臉護膚便可，大力推！

Also melon好用推薦：隨著季節轉變，任何性質嘅皮膚都會變得乾燥朋友們，或者出現不良狀態，推薦大家使用者這款產品cerave 長效保濕水份面霜。 Cerave面霜係厚身水份面霜，用嘅時候可以厚厚地塗上一層，可以即刻感受到水潤感，冰涼舒適，而且吸收得非常快。即使第一次用，或者皮膚好乾燥泛紅嘅時候用，塗上面霜之後皮膚都唔會有好刺激嘅感覺，反而係舒緩感，臉上的乾燥感會消失。使用呢支面霜後，乾燥嘅面頰都會變得水潤。 這款面霜幾乎一年四季，或者轉季時候嘅必備品，容易令皮膚保持水份之餘，亦令皮膚整體狀態更加穩定👍🏻

Paris merci 好用推薦：Cerave 長效保濕晚霜，雖然名稱叫保濕晚霜，但我覺得朝頭早用都好合適。佢嘅質地比較濃稠，但唔會黏膩，對於我乾性皮膚非常適合。而且佢唔係一般嘅乳液狀，係一種比較厚實嘅水份面霜，反而吸收得好快。 有試過晚上用呢款面霜，朝早起身肌膚感到有啲乾，可能因為我需要嘅保濕度再高啲，相反而家入秋早上用就適合。 CeraVe晚霜冇添加香料，敏感肌膚都適合，配方含3種親膚神經思安可以穩定皮膚，而且冇香味，令到肌膚更加唔舒服。保濕效果如果夜晚用再加強啲，就會更加完美。不過而家嚟講都好滿意。冬天會買埋同牌子嘅lotion同cream用，試吓係咪都幾好💕

Tobimak好用推薦：我呢支係SHU UEMURA嘅山茶花精萃潔顏油，用落真係有啲驚喜！平時落妝都係例行公事，但呢支油一用落去就好似做緊Spa咁，成個feel完全唔同~啲油滑得嚟唔笠，搽上面嗰陣仲有種淡淡花香，聞落好放鬆。🌺 佢卸妝力真係唔講得笑，連啲持久眼線、唇膏都一抹就走，唔使搓嚟搓去，加水乳化之後好易沖乾淨，而且洗完塊面唔乾唔繃，反而仲好滑好潤。 佢既泵裝設計都好方便，唔會整到手指油淋淋，用起上嚟好順手。☺️ 講到包裝，真係要大讚！😍 我呢支係聯乘左藝術家SHAVONNE WONG 既版本，佢既設計真係勁型！紫綠金屬色配抽象線條，擺喺洗手盤邊都覺得自己品味升咗級😂每次用佢落妝都覺得自己好似係高級美容院咁，用佢唔止係清潔，更係一種享受。呢支潔顏油唔單止好用，仲靚到可以當擺設，真係由內靚到外。🥰🥰🥰

shirley好用推薦：第一次用Shu嘅潔顏油 係買粉底液送贈嘅sample, 之前都係用卸妝水比較多，因為印象中嘅卸妝油都係感覺好黏立，好驚會生粒粒。 但試用咗琥珀山茶花養膚潔顏油之後，原來效果比想像中出色，假眼睫毛、唇膏等都輕鬆卸妝+無生粒粒之外，潔面後仲感覺滋潤亮澤。 分享多少少自己用嘅方式： ·如果當日淡妝出街，按兩泵係手掌心，當佢係洗面乳咁輕輕按摩後沖水 ·如果當日濃妝（eg痴假睫毛），按3-4泵一樣輕輕按摩，合埋雙眼，雙手輕輕試擦眼線及睫毛位，（唔乸眼）輕鬆溶妝，最後沖水+正常洗面乳洗面，連卸妝棉都慳返！ 無睇錯，我係用得多量 先再用洗面乳洗面，如果唔係普通沖水 沖乾淨就印乾可以走人，懶人必選！HAHA!!!!

choichoi好用推薦：附帶的粉撲質感QQ柔軟而且抓粉力不俗，不帶潤色遮瑕的效果比較適合直接作定妝用，上臉質感偏霧感 控油效果真的很好，像我這種額頭不論妝前妝後都一樣易泛油的傢伙，它能幫助我保持清爽又不易脫妝感覺很棒

Emily Leung好用推薦：Sofina升級土台美容液測評：泡沫質地真係吸收得更好？ 各位姊妹，今次講呢支土台美容液真係得意嘢嚟㗎！佢唔係普通化妝水，而係一支泡沫型嘅肌底液，仲要係洗面後第一步就用，同平時護膚步驟有啲唔同！ 質地同氣味： 一按出嚟係好綿密嘅泡沫，好似梳乎厘咁柔軟！呢啲泡沫係超微米泡沫，可以滲透到皮膚底層。味道係淡淡嘅溫泉礦物香，聞落幾舒服放鬆。 效果如何？ 用咗之後最大感覺係之後搽嘅護膚品真係吸收得快咗！皮膚好似「飲飽水」咁，水潤度明顯提升。我發覺用咗佢打底之後，就算用返平時嘅護膚品，效果都好咗，塊面有光澤感同飽滿咗。 溫和度： 雖然係肌底液，但出奇地溫和！我敏感肌用咗都冇泛紅或者痕癢。不過第一次用可能有少少刺刺哋嘅感覺，但好快會消失。 有咩缺點？ 夏天用可能對油性皮膚有啲潤，要減少量。同埋步驟同普通護膚有啲唔同，要時間適應。價錢都算中上，但一支都用得幾耐。 總評： Sofina呢支土台美容液真係幾有驚喜！特別適合覺得護膚品吸收唔到、皮膚乾燥缺水嘅姊妹。雖然用法要習慣下，但用咗之後皮膚狀態真係穩定咗同飽滿咗！

Poyobb好用推薦：升級版泡泡肌底液🫧 點解會買？💕 Sofina出名化妝品，但skincare從未用過。而日本碳酸mousse護膚品好出名，一直想試。美容液出咗迷你版，$125/50g，就買咗嚟試吓啦☺️ 賣點💕 全系列的升級土台美容液（肌底碳酸慕絲精華），使用了100％碳酸mousse滲透獨家專利技術，配合新添加人參精華，使滋潤更高效、更持續地滲透到角質層最深處，碳酸滲入皮膚後可以減弱角質細胞間的結合，令老廢角質更易剝落，令堆積的老廢角質正常剝落，肌膚表面變得更平滑🩷 質地💕 潔面後，先用土台美容液碳酸mousse作打底（直徑3cm份量），然後再上toner精華乳液等日常程序 味道聞落好香，泡沫推開會變水潤質地，上面舒服不會痕癢，上面按摩舒適 使用感💕 我混合性皮膚，早上toner 二次清潔後，用土台美容液，再用水凝霜。保濕得來唔會太滋潤，岩岩好保水程度唔會令base搓泥。之前試過其他牌子嘅肌底液，無太大效果或者會好容易出暗粒，但依枝土台美容液無出現暗粒情況，我好岩用😍 效果💕 注水效果優秀，用咗個一星期，感覺皮膚底層水潤咗，毛孔睇落無咁粗大。就算化妝前搽啲清爽嘅水凝霜，化完妝都冇之前咁乾。

Suki好用推薦：Laura Mercier 柔焦保濕蜜粉用咗幾次之後，真係無得彈，十級好用！呢款蜜粉唔單止柔焦效果一流，仲可以做到保濕，真係完全符合對蜜粉嘅所有期待。 首先講佢嘅柔焦效果，蜜粉質地極度細緻，輕輕掃喺面上，就好似畀皮膚加咗一層濾鏡咁，毛孔即刻被隱形，皮膚變得好平滑，絕對係「磨皮神器」。但更加值得一提嘅係佢嘅妝感非常自然，完全唔會有假白或者扁平嘅感覺，仲會保留住皮膚嘅若隱若現嘅光澤感，靚得嚟好低調。 再嚟就係佢嘅保濕度，呢款蜜粉完全唔會令皮膚覺得乾燥，反而有一種輕盈嘅水潤感，特別適合乾性同混合性肌膚。即使化完妝幾個鐘，皮膚都仲保持住一個柔軟水潤嘅狀態，無卡粉，亦無浮粉，真係好貼服！ 而且，定妝效果亦非常優秀，輕輕掃一層就可以牢牢鎖住底妝，控油力適中，唔會令妝感過於乾爽，但可以有效防止底妝脫落，連戴口罩都唔怕底妝移位。

Emily Leung好用推薦：Laura Mercier 柔光透明蜜粉 - 轉季定妝神器嘅真實用後感 前言：轉季底妝嘅「定海神針」 每到換季，唔單止護膚品要轉，底妝最後一步嘅定妝都好關鍵！皮膚一時乾一時油，用錯散粉真係會搞到爆拆或者溶妝。今次同大家深入測評專櫃人氣王——Laura Mercier 柔光透明蜜粉，睇下佢係咪真係能夠頂得住轉季嘅考驗，幫我哋鎖住個靚靚霧面妝！ 1. 粉質與包裝：低調實用嘅實力派 佢嘅包裝好簡潔，冇乜花巧，一大罐非常實用。一打開個篩網，粉質真係幼細到不得了，好似一陣輕煙咁。撳上手係完全透明嘅，唔會改變你本身粉底嘅顏色，呢點對於追求自然妝感嘅人來講好重要。 2. 上臉妝效：瞬間「柔焦」嘅高級霧面感 呢 part 係重點！用大化妝掃上臉，個效果真係有驚艷到： · 瞬間啞緻：一掃上去，塊面嘅油光即刻消失得無影無蹤，換嚟係一個非常乾淨、高級嘅霧面妝效果。 · 強勁柔焦：個「柔焦」效果唔係講笑，毛孔同細紋真係好似被模糊咗，塊面睇落平滑咗好多，妝感即刻變得更加精緻。 · 輕薄零負擔：雖然係霧面，但完全唔會厚重或者有面具感，好似冇用過散粉咁輕薄，成功鎖住粉底嘅同時，又唔會抽乾皮膚水分，轉季用

Emily Leung好用推薦： 用一次愛一次的面霜！！！ 全網誇它是“乾皮親媽”，但刷到好多吐槽悶痘、刺痛的筆記，糾結了很久不敢下手！直到某天試了朋友的小樣，發現對我來說還是很有用的！ 質地驚喜！冰淇淋乳霜感，抹開瞬間化水！吸收超快，不黏頭髮不沾枕頭。 冬天乾燥的時候，早晚薄塗，一整天臉都軟乎乎的！鼻翼不起皮，保濕力封神！ 急救大招：爆皮嚴重，厚敷當睡眠面膜，第二天面部狀態直接回春。 對油皮來說，剛塗完略反光，但5分鐘後變啞光，混油姐妹秋冬可試，夏天還是謹慎使用！ 優點：保濕天花板，妝前神器，乾皮秋冬救命草！ 缺點：成分含水楊酸，可能會不耐受！

CharleneLau好用推薦："這款乳霜的質地非常豐盈，但又不至於太厚重，塗在肌膚上十分容易推開。第一次使用的時候，我很驚訝它的吸收速度，幾乎沒有油膩感，反而讓我的肌膚感覺到立即的滋潤。每次我只需要取一小匙，就可以為整個臉部提供足夠的保濕，真的很經濟實惠。 使用後，我明顯感受到肌膚的改善，特別是在乾燥的天氣裡，這款乳霜特別有效。我的肌膚不再因為缺水而緊繃，反而變得柔滑而有彈性，同時散發出健康的光澤。使用約兩周後，我發現臉上的細紋似乎也有減少，整體的膚色變得更均勻了。 此外，我還很喜歡它的香味，不會過於濃烈，讓使用的過程更加愉悅。不過，如果你是對香味比較敏感的朋友，可能要注意一下。 不過，對於油性肌膚的朋友來說，這款乳霜可能會稍微油膩，建議在使用時可以搭配輕薄的精華或化妝水，讓肌膚更易於吸收。 總的來說，我非常滿意Kiehl's的特效保濕乳霜！它不僅提供了長效的滋潤，還讓我的肌膚看起來更加健康有光澤。我會推薦給那些需要強效保濕的朋友試試！"

jhope0725好用推薦：對我油性皮膚來講，佢係其中一支夏天最喜歡使用嘅乳液產品！ 首先要講講質感，圖片見到佢係奶白色，搽咗上面，推開之後，好快吸收，然後會變成霧面質感，可以有效隱藏毛孔！ 控油效果非常唔錯，用完之後至少三四個鐘都可以面上不泛油光 細細支，帶出街控油都可以，如果係出街用，我會局部用喺出油位置，唔會成面用，免得部份皮膚會變得較乾 唯一美中不足，固然係呢個品牌嘅產品一向價錢比較貴，不過如果好用，不傷害皮膚，都值得的！

Aivlys好用推薦：呢款乳液嘅樽設計得好可愛， 有啲似牛奶樽！ 乳液係比較「傳統」嘅水狀乳液， 有淡淡類似柑橘嘅香味。 搽上臉上一開始有少少黏， 隨住皮膚吸收會覺得冇咁黏， 但吸收嘅速度只係中等唔算好快。 我覺得佢嘅優點係即使單用都唔會覺得太黏膩或者唔夠保濕， 即使喺假日成日唔出街， 剩係朝早起身搽佢都好， 都keep到全日唔會乾， 亦唔會出到成臉油痴立立/滿臉油光， 個人非常推薦呢款乳液！

橘子貓好用推薦：霜包油的質地，上臉很易吸收，不過要小心會跟啫喱狀的精華打架起屑屑，所以我一般在晚上用。 額頭皮膚因為青春期曾經長期長痘後一向比較粗糙，用多少護膚品都改變不了狀況。用了一個月左右活膚霜後，額頭皮膚光澤好多了，朋友更笑稱我開始「印堂發光」🤣！全面皮膚柔軟了，護膚品比之前易吸收。下巴經常長小痘痘、黑頭，摸上去凹凹凸凸，現在也平滑不少。 很多護膚品的功效都是維持肌膚狀態，或者補水滋潤，而ReVive的活膚霜則是我用過少數能突破肌膚現況，令皮膚更上一層樓的面霜！ 推薦混油肌或油肌試用。

Chloe0104好用推薦：素顏護膚蜜粉餅 出左期間限定的冰感款 CLUB Suppin 冰感素顔養★ 不論日或夜，素顏或帶妝，24小保持妝感 ✅阻隔污染物，保護肌膚 有效阻隔香煙煙霧、塵埃、PM2.5及藍光等對肌膚有害的污染物 冷感成分配合：薄荷醇、薄荷氣基丙二醇 吸附油脂成分：羥磷灰石、二氧化矽 毛孔護理成分：朝鮮薊葉萃取物 ✅素顏、化妝都讓肌膚柔焦透光柔滑定妝，自然貼服 粉質細膩，輕盈絲滑，控油保濕，讓妝容更貼服無瑕素顏提亮，均勻膚色 使用方法： 🌞早上作素顏粉使用，遮蓋粗大毛孔，提亮暗沉膚色，不化妝也能展現自然透亮素肌； 🌝夜間在護膚後使用能減少面部黏膩感。 個人用後感 👍冰感長達一小時，很適合面部温度高、熱辣辣的夏天 👍控油效果佳，面油少左，黑頭粉刺都少埋 如果你同我一樣油肌 一定要試下 在香港，暫時只系系松本清見有得賣

Ressie14好用推薦：春、夏天的時候，每晚都有使用呢個晚安素顏粉；因為晚間洗澡後用嘅護膚品疊加很多層；臨瞓前為免護膚品黏到枕頭套，都會使用素顏粉，素顏粉可以幫我吸走表面比較黏立的護膚產品，又不會抽走肌膚上的水份。當臉蛋感覺清爽，夜晚都會自然瞓得安心舒服啲！ 總評：如果想令塗滿護膚品嘅臉蛋保持清爽入睡，可考慮使用此素顏粉；性價比高大大罐，最後一提就係2023年薄荷色呢個系列仲有淡淡嘅百合花香，美美的網友們可以一試。

aaapril好用推薦：正值冬天，天氣開始乾燥。我推薦這個自己已經用了3盒空瓶的。如假包換的空瓶!! (*ˉ︶ˉ*) 唔易脫粉，真的好好用。特別戴住口罩嘅情況下，持久性非常明顯。我記得第一次用完，當我回購嘅時候，剛好@cosme缺貨，我每隔幾日就會去舖頭望下返貨未，終於行左幾之後先買到，好誇張！ 外觀： 我第一次購買時大約係2020年， 當時係採用金色包裝。而家轉左灰色，同樣用紙盒包住，而色號印喺底部，唔好手快快攞錯！注意裡面唔包粉撲，需要另外購買！！ 我依隻係保濕系列嘅皇牌，有3隻顏色選擇。我用嘅係<771 自然色> ，顏色偏粉色，可以提亮我面部膚色，望落無咁暗沉。 另外，佢嘅粉質屬於超幼細而且好順滑，非常之容易推開，唔怕卡粉之餘，仲可以令個妝望落去唔會厚𥄫昅。之前幾篇文章都有提及過我係屬於超級乾性皮膚，另一個我喜歡用Chacott 保濕蜜粉嘅原因係因為佢嘅保濕力做得好好，可以長時間幫我hold住個妝，唔會擔心肌膚越用越乾。

jaye好用推薦：呢款係透明而保濕系列既碎粉，秋冬呢段時間用好好，粉質非常之細緻，柔軟，非常浮貼係臉上，無好重粉感，好薄透既感覺，控油效果就未係最好，不過定裝效果係秋冬用都好持久，夏天係會爭啲。估計性價比夠高，所以係@cosme都長期無貨…～推薦！！

Emily Leung好用推薦：肌研深導水光瓶！👉補水保濕，妝前急救 裡頭用了四重玻尿酸+黃金海藻提取物 能在臉上形成一個內外循環的補水網 把水分噸噸餵給乾渴的皮膚💦 高效滲透，補水力嘎嘎強！ 同時修護屏障提高皮膚保濕鎖水力 沙漠乾皮有它簡直就是遇到甘霖的程度！ 我一般取1-3滴適量精華滴在手上 把精華均勻塗抹在臉上，輕輕往上拉提 每天這麼用下來，喜提大嫩皮！完全不拔乾！ 膚感也很舒服，就是那種清透水潤好吸收的質地 日常就算不出門 在家抹這一瓶補水精華就夠了 乾燥起皮、T區出油終於沒那麼積極了！！ 就連底妝也跟著服服帖帖 皮膚一天下來都水水潤潤的~

Emma W好用推薦：這款精華不僅在保濕方面表現出色，還能舒緩肌膚，讓我在使用後感受到明顯的改善。 這款精華的質地非常輕盈，透明的液體在肌膚上輕輕推開後，能迅速被吸收。使用後不會感到黏膩，反而會留下柔滑的觸感，非常適合各種肌膚類型，特別是油性和混合性肌膚的人士。 每次使用時，我只需幾滴，就可以輕鬆達到良好的保濕效果。 主要成分是透明質酸，這是一種極佳的保濕劑，能有效鎖住水分，保持肌膚的水潤感。此外，產品中還添加了多種植物提取物，這些成分有助於舒緩肌膚，減少紅腫和敏感的問題。長期使用下來，我的肌膚變得更加平滑，紅潤感也明顯減少。 我通常在清潔肌膚後，使用這款精華作為護膚程序的第一步。搭配其他護膚產品，能夠使後續的保養效果更佳。特別是在季節變換或肌膚狀況不穩定時，這款精華成為了我的救星。它幫助我穩定肌膚狀況，減少了乾燥和脫皮的問題。

Emma W好用推薦：LANCÔME 第二代極光水質地輕盈，水油混合設計，搖勻後吸收超快，清爽不黏膩！連續使用7天，肌膚明顯亮白左，毛孔變細緻，油光減少，膚色均勻度提升。其保濕力唔錯，有水油層，但又唔油，適合春夏潮濕天氣。搭配小黑瓶效果更佳，肌膚水潤有光澤，細紋也有改善。敏感肌也能安心用，無酒精無香料，膚感舒適。整體而言，這款精華水讓肌膚如拋光般嫩滑，值得入手！ 適合肌膚：任何 成效度：4/5 保濕度：4/5 吸收度：4/5 質地：水狀 光澤度：3.5/5 值得推薦度：4/5

Chloeincosme好用推薦：🤍 水油平衡：5/5！Lancôme極光水嘅水油比例真係調得啱啱好～搖勻之後上臉，滋潤得嚟又唔會過份油膩，完美兼顧補水同鎖水，乾肌用咗覺得好滿足！ 🤍 妝前打底：5/5！最驚喜係佢同底妝超夾～用完之後皮膚又軟又滑，再上粉底完全唔會打架，反而更貼服有光澤，成個妝容即刻高級咗✨ 🤍 改善粗糙：4.5/5！持續用咗一段時間，覺得皮膚冇再輕易甩皮，額頭同面珠嘅粗糙感明顯減少，摸落去細緻咗好多～ 🤍 吸收與手感：4.5/5！雖然帶少少油份，但吸收得好快～用完之後皮膚有種柔軟嘅潤感，唔會黐笠笠，後續護膚品都吸收得更好～ 總結： Lancôme極光水絕對係乾肌恩物！水油混合配方恰到好處，唔單止解決咗乾燥甩皮問題，仲令後續上妝更順利～已經成為我妝前同晚間護膚必備步驟，會繼續回購！推薦比所有乾肌同鍾意光澤妝感嘅你！

Kmggigi好用推薦：L'Occitane Overnight Reset Oil-in-Serum — 修護肌膚，夜間重啟水潤光澤！✨ 呢款Overnight Reset Oil-in-Serum嘅質地係半水半油，真係好特別！ 延展性非常高，輕輕一推就可以均勻塗滿全臉， 仲可以順便用嚟按摩面部， 幫助吸收同促進血液循環，使用感非常舒服。 不過，佢嘅氣味比較濃郁，有一種植物精油嘅香氣， 雖然有啲人可能會覺得放鬆， 但如果你對味道特別敏感，就需要考慮清楚， 可能會覺得有啲過濃。 用完之後，第二日瞓醒會感覺面部冇咁乾燥， 肌膚觸感柔軟、細滑，充滿水潤感， 呢款精華嘅半油性質應該幫助咗鎖水， 令肌膚保持住水潤嘅同時， 仲散發出自然嘅亮澤感， 特別適合乾燥肌膚或者轉季時使用！💧✨

Fng好用推薦：L'Occitane 蠟菊換活雙效精華屬熟齡混合肌夏日抗老輕盈之選 L'Occitane呢支雙效精華絕對係懶人抗老恩物！同其他品牌抗老精華（如Clarins雙泵精華、Estée Lauder再生精華）相比，佢贏在二合一設計——水狀精華+輕盈油質地，搖勻後一拍吸收，唔會黏笠或浮面，夏天用零負擔✨ 熟齡混合偏乾肌實測：冷氣房內保濕力可維持全日，面珠墩明顯飽滿咗，乾紋有即時淡化，同時T位無泛油光。持久度驚艷過Clarins（後者較潤膩），又唔似EL咁需要疊加其他保濕。蠟菊成分抗氧效果好，帶妝8小時無暗沉！ 唯一要注意係極潮濕日子可減半用量，但一般冷氣環境下平衡度完美。價錢中高但用量省，一支搞定保濕+抗老～ 推薦給：✔️ 熟齡肌要輕盈但高效抗老 ✔️ 怕精華層疊太厚重 ✔️ 夏天想簡化護膚步驟！

Emily Leung好用推薦： 最近天氣一凍，皮膚就開始作怪！尤其係冬天乾燥，我塊面同手肘位特別容易繃緊、甩皮，有時仲會泛紅敏感。好彩早排入手咗 CICAPLAST B5 萬用修復膏，真係幫咗我大忙！今個 冬季護膚 真係靠佢撐住。 保濕同修復效果真係好突出： · 質地係白色膏狀，推開會變啞光，唔會黐立立，夜晚厚敷一層瞓覺，第二朝起身皮膚即刻柔軟返，冬天乾到起嘅屑屑明顯平滑咗！ · 我試過用喺爆拆嘅嘴角同手指邊，連續用兩晚，傷口同紅痕修復得快好多，冇再扯住痛。 · 成分有維他命B5同積雪草，鎮靜好有效，有時凍風吹到塊面刺刺地，薄薄搽一層，好快就舒緩到。 冬季護膚心得： · 如果皮膚極乾，我會先噴保濕噴霧，再趁皮膚微濕時薄塗修復膏，鎖水效果更加好。 · 佢唔算係日常輕爽型乳液，但係 冬季 急救真係一流！尤其係寒流襲港嗰幾日，我一定會擺喺床頭備用。 總括來講，CICAPLAST B5 係我今個 冬天 必備嘅「萬能膏」！無論係面、唇定身體局部乾燥位，保濕同修復都交到功課，敏感肌都用到，真心推薦俾怕凍同皮膚易脆弱的各位～ ❄️✨ #冬季護膚#護膚#冬季#冬天#修護皮膚

Kitty 好用推薦： La Roche-Posay B5萬用修護霜：香港夏日救星！穩定肌膚法寶~ 作為一個喺香港經歷緊蒸籠天氣嘅油敏肌，每年夏天皮膚都要打硬仗！曬到面燶、冷氣抽乾水、口罩焗出粒粒...好彩撞到La Roche-Posay Cicaplast Baume B5呢支穩定夏日肌膚嘅法寶！仲開發咗雪凍厚敷急救法，而家同大家分享真實體驗： ✨點解話佢係夏天救命草？ 1. 退紅降溫快狠準 曬傷或者面紅紅嗰陣，我習慣提前將支B5雪到冰冰涼！擠一啖雪硬咗嘅修護霜厚敷上塊面（避開眼周），嗰陣涼浸浸嘅觸感真係即刻鎮靜曬刺癢！好似成塊面浸緊冰水，五分鐘壓倒性舒緩！ 2. 冷氣房保濕救生圈 冷氣抽濕抽到塊面繃實？B5裏面嘅維他命原B5同積雪草苷就好似幫皮膚打補丁，薄薄哋搽一層過夜，第二朝面珠唔會乾到扯住，仲有層隱形保濕膜鎖住水份！ 3. 口罩磨擦爛面救兵 下巴同鼻翼俾口罩磨到甩皮？B5嘅氧化鋅同乳木果油即刻幫傷口封層保護膜，唔會焗住啲損口，仲加速埋口，趕地鐵都唔怕見不得人！ 👍神級用法解密：雪凍厚敷變急救冰膜。 1. 洗面後，擠一粒提子份量嘅B5霜（記住要夠厚！） 2. 均勻批上泛紅/

Lindabb好用推薦：d program酵母益生元修復面霜使用心得 作為一個皮膚偏敏感、容易喺轉季時泛紅唔穩定嘅人，我對於 冬季護膚 嘅要求特別高。今年 冬天 我就試咗資生堂旗下d program呢款酵母益生元修復面霜，用咗一段時間，真係有驚喜，想同大家分享下！ 1. 質地與吸收度： 面霜係帶少少彈性嘅乳霜質地，唔算好厚重，好容易推開。一塗上臉，會感覺到一種即刻被滋潤嘅感覺，但完全唔會油膩或浮喺表面。吸收速度好快，唔使按摩好耐就已經食咗入皮膚，皮膚即刻有種飽滿嘅光澤感，好適合 冬天 鍾意保濕但又怕黏膩嘅人。 2. 修復與穩定效果： 呢款面霜嘅主打係「酵母益生元」，聽落好似好抽象，但用落真係感受到佢嘅修復力。冬季 嘅冷風同溫度變化，好容易令我塊面有少少刺癢同唔穩定。用咗呢罐面霜之後，皮膚嘅「鬧情緒」情況明顯減少，整體狀態穩定咗好多。我覺得佢唔單止係表面保濕，更似係幫皮膚底層加固咗防禦力，係一款真正有助 護膚 根本嘅產品。 3. 冬季保濕力： 雖然佢質地唔算極度厚重，但保濕續航力絕對夠應付 冬天。就算喺乾燥嘅冷氣房或寒風底下，皮膚都冇再出現繃緊或者甩皮屑嘅情況。佢提供嘅係一種深層滋潤同鎖水，令到成個 冬季

Sakura醬好用推薦：最近轉季皮膚又乾又痕，塊面時不時泛紅，真係頭都大。敏感起上嚟，真係搽咩都好似冇乜用咁。好彩最近試咗d program呢隻 「酵母益生元修復面霜」，佢話自己係「敏弱肌嘅肌膚保鑣」，等我同大家逐樣拆解下係咪真係咁神奇！ 🧪 成份：靠資生堂嘅「酵母益生元」科技，主打由底層修復敏感，仲有甘草等舒緩成份，無酒精香料，夠晒溫和。 💆 質地與氣味：白色乳霜質地，比較滋潤，但唔會太厚重。推開水潤，吸收算快。有少少初初黏感，但好快消失。近乎無味，冇加香精嗰種人工香，唔怕刺激。 🌟 親測效果： · 保濕舒緩：乾癢時厚敷，即時舒緩，冷氣房過夜都夠力。 · 修復穩定：用幾日，面頰泛紅同脫皮有明顯改善，皮膚冇咁易「躁動」。 · 整體膚感：皮膚摸落光滑咗，有返光澤，感覺健康穩定。 📝 總結：佢係一支專攻修復同穩定屏障嘅本命保濕霜，特別啱乾敏肌轉季或不穩定時期用。如果你追求極致清爽，就要試過質地先。整體嚟講，係皮膚「鬧情緒」時可靠嘅幫手！

　peg好用推薦：佢啲粉質好細，所以上到面好遮到毛孔，又唔會點卡粉，同埋上多咗都唔覺重手。上完粉底再上佢可以令到個妝冇咁容易溶，有時唔想搞咁多嘢淨係齋上佢都ok，都可以令到個面色睇落精神啲，啲膚色平均啲，最重要佢出咗油之後會令到個妝變咗奶油肌，所以夏天出街通常都會用佢，出咗汗同油之後會有少少水光效果。

Ressie14好用推薦：終於的起心肝寫CT 粉餅review , 上年年尾盲入左一塊2號色粉餅，係2號色！ 慎入…！ 你見到粉餅嘅肌膚顏色幾明亮…. 實際上…你要係「健康膚色」先適合2號色。我用就會黃左..我買錯咗色號，依然都可以照寫評價。 肌膚顏色嘅粉餅壓得利落、用手沾出粉抹，質地柔滑具有遮瑕度，呈啞光質地，控油效果卓越！我膚質混合偏乾，輕輕掃一層唔會將皮膚拔乾，完全發揮到粉餅嘅綜合功效，控油，啞光，具高度遮瑕效果嘅佢仲可以均勻膚色。 我特別鍾意佢塊小鏡子，玫瑰金外圈包裹着一塊橢圓形鏡子，好高貴；倒影出嚟嘅肌膚都好似特別靚咁。

Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。

TsuenMa好用推薦：#SHUUEMURA 植村秀 Unlimited 無限輕透持妝粉底液 ✨小方瓶2.0✨ 磨砂瓶身，黑色蓋子，瓶身沒有其他文字/訊息，LOGO就以黑底白字印製，日系的簡約風格。 粉底液本身就有防曬系數 SPF 46 / PA +++，係我用過甘多隻粉底液入面防曬系數最高的，為左讓妝感可以輕薄，可以直接省略防曬呢個步驟，減輕面上要搽嘅porduct，令妝感更輕薄貼服，係夏天嘅好選擇。（但可能只係岩個日係室內活動嘅時候用，如果淨係靠產品本身入面嘅防曬，可能吾足夠抵擋到室外活動嘅UV） 色號：584 #會呼吸的霧光肌 一泵就可以上晒全塊面，出嚟嘅量算係偏多，質地係屬於比較易乾嘅，所以可以留意返盡量唔好將粉底攤太耐，同埋要局部上妝，避免粉底乾咗之後難推開。 呢款粉底好適合香港潮濕翳焗嘅天氣使用，佢能夠有效控油，但同時唔會抽乾晒面部嘅水份，保持適當嘅濕度，令到底妝可以持久度高啲💕 同埋吾會甘易因為出油而脫妝。 呢隻粉底最可取之處在於雖然控油力強，但不至於抽乾晒你面上面嘅油水，皮膚負擔會較低；遮瑕度就都算中上，但又未至於令到你成個面具甘，保留返自然嘅妝感。不過因為我係混合肌，有啲面部