去粉刺 推薦好用產品

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Khloe好用推薦：神經醯胺、透明質酸同甘油都係大家都知補水成份～所以無特別嘢講就講下質地🤣🤣（怕笠必試！）皮膚一到冬天就好乾燥，本身怕黏笠好怕搽完周圍Hi到 呢隻lotion做到快速吸收，通常沖完涼搽手腳同臉，Keep到第二朝瞓醒覺（至少無生暗瘡先！） 岩岩搽上去即影⬆️大概1-2分鐘後⬆️ 摸落仲係滑既😚 佢仲要無香料成分，唔會同髮油/沖涼液嗰啲味撈埋一齊

Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！

Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。 

940727.0好用推薦：呢一款卸妝膏係店務員介紹俾我，我之前有用過佢哋潔面啫喱，佢哋潔面啫喱，都幾好用。依款卸妝膏嘅特質係10秒溶解頑固妝容。另外可以針對黑頭粉刺，我用完的確粉刺會少咗好多.

rainbow好用推薦：很推薦，已經用了第三盒。用小匙將膏狀放在手心按壓就會變油，之後的用法同缷妝油一樣，在臉上打圈。有好多粉刺黑頭會走出來，有很好的清潔作用。而且佢成份温和，專比敏感皮膚使用，連眼唇都用用得。

Nicole好用推薦：Liposome系列 肌源修復補濕精華 首次使用DECORTÉ 而入坑嘅產品😆 洗面/沖涼後第一件事就係要用呢個，當作前導精華使用，令後續嘅產品都更吸收入到去皮膚底層。 Gel狀質地，容易吸收，輕輕塗開已經吸收咗一半，初時覺得聞落臭臭哋，但用落慣咗又ok。 單用感覺保濕，清爽唔油，疊加其他精華倍大效果。敷面膜前薄塗一層再敷，可以令面膜更快吸收。 Keep住用，皮膚摸落平滑咗，少咗出油，毛孔都細咗。另一個好處係𠵱家用咩產品都易吸收咗，磨砂/peeling可以做少啲。

Emily Leung好用推薦：DECORTÉ 抗皺緊致の時光逆襲神器 一款夏天用起來也很清爽的精華，洗臉後第一步使用，好吸收，不黏膩，溫潤保濕，成分溫和不刺激，用完之後皮膚軟軟的，推薦給大家！ ✨多层微脂囊缓释科技✨ 像"时间胶囊"般层层渗透，24h持续修护！ 🌟三大核心黑科技 1️⃣TIME RELEASED MULTILAMELLAR LIPOSOMES 👉 微脂囊體搭載活性成分，智能釋放至肌底 2️⃣Source Targeting™ Technology 👉 精准定位受損屏障，重建肌膚防禦網 3️⃣高濃度植物精粹×角鯊烷 👉 抗氧抗糖雙管齊下，法令紋嘭彈立現！ 使用體驗 💛水感凝露質地一抹化水💧 💛3秒吸收不黏膩，乾皮油皮通吃！ 💛連續使用28天👉 蘋果肌上揚15° 💛細紋淡化80%❗️熬夜肌秒變"反光板"

莓莓好用推薦：【YSL夜皇后精華｜混合肌真實測評】唔靠濾鏡，同你講真話。 我唔係天生好皮膚嗰種人。尤其係長期熬夜——工作、追劇、碌電話，總之唔到2點唔肯瞓。 結果就係： 🔻 T字位狂出油，但兩頰乾到緊繃 🔻 面色灰黃暗沉，化妝都遮唔住嗰種 🔻 下巴粒粒、鼻翼毛孔粗到可以插秧 🔻 摸落粗糙，唔似「皮膚」，似「砂紙」 試過好多號稱「熬夜救星」嘅精華，好多都係得個講字。今次試YSL夜皇后精華，用足一個月，同你講真話。 🥼 質地分析 水油雙層，含夜皇后仙人掌萃取 + 3.4%甘醇酸 + 水楊酸。 搖勻後變成微乳狀液體，流動性高，唔黏稠。 比一般煥膚精華更輕盈，油肌會鍾意。 👃 氣味 清新花果調，帶極微弱酸味（嚟自甘醇酸），但整體高級、唔刺鼻，用完心情好。 ✋ 上臉感覺 推開即吸收，零殘留感。 乾區：無刺痛、無繃緊 油區：無油膩、無焗促 用後有輕微溫熱感（正常，酸類起效），敏感肌請先局部試。 📊 用後皮膚狀況（逐周記錄） 時間 變化 第3日 觸感變滑，化妝更貼服 第1周 鼻翼毛孔縮小，下巴粒粒平復 第2周 暗沉明顯退去，膚色均勻 第4周 熬夜後不再灰面，皮膚透光感提升 保濕力：中等

Miranda好用推薦：【質感】 首先講質地。佢係水油分離嘅雙層設計，用之前要搖勻。搖勻之後變成乳白色嘅液體，質地比我想像中輕身好多，一啲都唔似傳統嘅「油」。推開嗰下好順滑，上面之後輕拍幾下就吸收晒，皮膚表面會留低一層薄薄嘅滋潤感，但又完全唔會覺得油淋淋或者黐立立。 呢種「水感油」嘅質地我好鍾意。佢做到油嘅滋潤度，但同時又有水嘅輕薄感。用完之後塊面望落好飽滿好有光澤，但又唔會覺得有層嘢封住。呢種質地無論夏天定冬天用都好舒服，完全冇負擔。 味道方面，佢有淡淡嘅草本香味，聞落好放鬆，有種「療癒」嘅感覺。每次用完之後，成個人都好似放鬆咗，對於夜晚用嘅產品嚟講，呢個感覺係好加分嘅。 【使用感】 呢個位係我最滿意嘅部分。佢嘅 「即時急救效果」 真係好出色。試過幾次捱夜到凌晨兩三點，臨瞓前用佢，第二朝起身塊面完全冇平時嗰種暗啞同蠟黃，反而望落好精神好飽滿，好似瞓足八個鐘咁。呢點對於成日睡眠不足嘅我嚟講，真係好重要。 佢嘅 「提亮效果」 都係我好鍾意嘅。用完一排之後，塊面望落有光澤咗，膚色均勻咗，冇以前咁暗沉。尤其係捱夜之後用，可以急救返個樣，唔會俾人話「你今日個樣好殘」。 佢仲有 「細緻毛孔」 嘅效果。用完大

MoonMoon好用推薦：講真，一開始見到「微米碳酸」呢個名，心諗：「又係啲 marketing gimmick 啦！」點知用完之後，我真係要收返呢句說話。 首先講個包裝，按壓式設計，一撳落去就出泡，唔使自己起泡，對於我呢啲朝早趕返工、夜晚攰到唔想郁嘅人嚟講，真係恩物。個泡嘅質地好得意，唔係嗰種鬆鬆散散、一撳就塌嘅泡，而係好綿密、好實淨，倒轉隻手都唔會滴落嚟，似忌廉多過似泡。 捽上面嘅時候，感覺到啲泡好細緻，有種好微細嘅「滋滋」感，唔知係咪就係佢講嘅碳酸效果。總之好舒服，唔會刮面，亦都唔會覺得拿住拿住。我本身係混合偏乾肌，T 字位油、面頰乾，用咗兩個禮拜，覺得洗完塊面係清爽嘅，但絕對唔會繃緊。有啲洗面產品標榜「清爽」到洗完塊面好似裂開咁，呢隻完全冇呢個問題。 最驚喜係佢話「瞬亮」呢一點。老實講，洗完面邊個唔係白咗一截？但呢隻洗完，塊面係有種透亮感，唔係死白，而係好似瞓足八個鐘嗰種自然光澤。我諗可能係因為佢清潔得乾淨，但又唔會過度清潔，令到皮膚個 barrier 冇被破壞，所以睇落咪精神啲囉。 至於缺點，價錢唔算平，如果日日早晚用，大概個零月就 K.O. 一樽。同埋如果本身係極乾肌，冬天用可能會覺得唔夠潤，

Bubu黃好用推薦：Sofina ip既微米碳酸瞬亮洗顏慕絲，按壓就直接出綿密豐厚嘅泡沫，望住覺得好治癒🤣泡泡上臉軟綿綿好舒服。 對於我油性皮膚黎講，覺得洗得乾淨但唔會繃緊，可以帶走多餘油脂，又唔會過度清潔，洗完感覺有一層輕盈的水膜感係臉度😳 #火熱新品

Miranda好用推薦：【質感】 呢支精華嘅質地真係一大驚喜！佢係透明嘅水狀精華，流動性好高，推開嗰下好似化水咁。上面之後輕拍兩下就 秒速吸收，完全唔會有一般修復產品嗰種黐立立或者油膩感。佢嘅質感輕薄到好似一層繃帶咁，薄薄地包裹住皮膚，但完全零負擔。對於我呢啲最怕護膚品「漿住」塊面嘅人嚟講，呢種清爽又水潤嘅感覺真係一流。 【使用感】 呢支精華最犀利嘅地方係佢嘅 「即時急救修復」能力。佢含有 10% 高濃度維他命原 B5，可以即時舒緩同修護受損嘅皮膚屏障。試過幾次轉季塊面泛紅敏感，甚至用完 A 醇之後有啲「那」，厚敷一層，第二朝起身泛紅明顯退咗好多，皮膚仲要變得平滑咗。佢嘅修復速度真係快到有啲誇張，官方數據話 1 小時就可以加速修復受損嘅皮膚屏障達 120%，我自己用落都覺得效果係肉眼可見。而且佢仲加入咗益生元成分，可以平衡皮膚嘅微生態，強化皮膚自身嘅抵禦力。 【持久度】 持久度方面，佢嘅穩定效果唔係曇花一現。官方數據話可以做到 24 小時極效保濕，我自己朝早用完到晏晝，皮膚依然 Keep 到水潤穩定。夜晚用完，第二朝起身塊面狀態好好，摸落柔軟平滑。持續用咗一個月之後，皮膚嘅 穩定性明顯提升，以前成日因

Kitty 好用推薦：【實試分享】理膚泉 B5 精華 - 冷氣房救星！保濕力爆燈💦 夏天必備！ 最近天氣熱到爆炸🔥，成日要長駐冷氣房，塊面乾到好似沙漠咁，仲有啲位會繃緊甩皮... 真係好炆！聽人講La Roche-Posay 隻B5修復精華好勁，話保濕修復一流，專對付乾燥敏感。忍唔住手入咗支，用咗一排，真係要同大家講：嘩！真係得喎！冷氣房保濕救星非佢莫屬！ 💙 ✨ 重點感受：保濕效果真係超！級！掂！ 1. 即刻飲飽水嘅感覺💧： 支精華質地係帶少少杰身嘅半透明gel狀，推開係超！級！水！潤！。一搽上塊面，嘩，好似乾咗嘅海綿遇到水咁，咻一聲即刻吸晒落去！吸收得勁快，皮膚即刻有種飲飽水嘅滿足感，摸落去係軟熟咗、潤咗，但個表面係有種滋潤嘅清爽感！呢點對夏天嚟講真係超重要！ 2. 冷氣房長效鎖水💨❄️： 重點嚟啦！以前喺office/屋企長開冷氣，未到中午塊面已經乾到攝住，甚至會出少少乾紋。用咗呢支B5精華之後，情況真係大大改善！佢嘅保濕力唔係得個“即”字，而係好持久。就算對住部冷氣機直吹幾個鐘，塊面都keep住係潤澤有彈性，冇咗嗰種扯住扯住嘅乾燥感同繃緊感。佢入面有維他命原B5 (Panthenol) 同

Kmggigi好用推薦：Hourglass 無瑕遮瑕液 — 高遮瑕、輕薄、用完即刻變天仙咁誇張嘅遮瑕😍🔥 質地 & 效果: 呢款遮瑕液真係貴價界嘅神級存在！ 遮瑕度高到可以一抹隱形黑眼圈， 但質地又薄得嚟似第二層皮膚咁， 自然到嚇親人嗰隻🫣 薄薄一層已經係「天生好皮膚」嘅效果。 延展性好好，完全唔需要技巧，新手都用到好靚！ 色號選擇多，我用 Cream， Sephora 嘅 SA 都會幫你揀到啱啱好🤣 化妝新手都啱用，簡單到唔使諗！ 遮黑眼圈嘅話，只需要喺眼底點幾點， 再用粉撲輕輕印開，就會即刻變精神！ 效果自然又高級，好似天生自帶柔焦濾鏡， 完全冇斑駁😎 上妝前: 黑眼圈好明顯，仲有眼袋🫨 用咗遮瑕液遮黑眼圈後: 係咪唔講都唔覺遮咗？ 因為真係超級自然，同附近嘅膚色blend得好好， 要記住我連粉底都冇搽！🥳 ‼️乾肌注意：不過個妝耐咗可能略乾 雖然佢本身係滋潤系，但如果你眼底極度乾， 過幾個鐘會開始感覺到乾感浮現。 我試過搽面部，推慢咗會好快變乾， 所以乾肌記得好好保濕先用。 總結：用完仲點捨得轉返其他遮瑕？！ 高遮瑕、超輕薄、易推、色號靚，帶妝又好睇， 除咗比較貴🫣🤣 只要做足保濕， 效果真係

Cheung2好用推薦：身為乾肌嘅我一直都搵緊一支命定眼底concealer，希望佢有coverage又唔顯乾紋 @hourglass vanish concealer好評如潮，忍唔住買咗嚟試🧐買咗crème同cotton兩隻色，都幾有驚喜😙 Crème用嚟遮眼底，cotton用嚟遮痘印，coverage好好，用法上有少少技巧，因為coverage過，最好點落手背，blend開之後再拎好少好少分量上面已經好夠，先會又夠薄又唔乾👍🏻啱哂香港夏天用🙌🏻 買細支啱哂去旅行/拎出街用，1.3ml都夠用好耐😂啱哂我中意不停試新產品😆

Kathy Wai好用推薦： 又嚟到換季敏感大作戰！你係咪都試過額頭下巴爆粒粒，兩頰乾到甩皮，T區又勁出油？我呢排就係咁……好彩姊妹塞咗支Origins靈芝菇菌精華水俾我，話好犀利！今日就同你哋做個專業啲嘅真心評測～ （包裝 & 質地 – 第一印象） 「包裝係Origins一貫嘅簡約綠風格，拎上手有重量。倒出嚟係透明水狀，少少滑身但唔笠，有股好天然嘅草本+靈芝氣味——唔係香精嗰種，聞落反而覺得幾安心，敏感肌表示收貨。」 （主打成分 & 點解無平替） · 10倍濃縮靈芝修護水：官方話係成個系列嘅靈魂，好似幫皮膚戴咗層透明保護盾，將敏感、泛紅、外來刺激全部擋喺門口。 · 甘草酸二鉀：呢個成分要畫星星！佢專捉引發痘痘同閉口嘅刺激因子，從底層減低發炎機會，等粒粒唔好成日翻發。 · 無酒精、無香料、無礦物油：敏感肌三項basic嘢，佢齊晒。 （親身用後感 – 重點） 「我用咗大約10日，早晚洗面後輕拍上臉，敏感嚴重嗰幾日會濕敷5分鐘。 · 舒緩泛紅：本身兩頰成日紅一撻白一撻，用咗3日左右明顯退紅。 · 粒粒減少：下巴啲閉口同小痘痘，生嘅頻率低咗，就算生都冇以前咁大粒咁痛。 · 保濕平衡：乾嘅地方飲飽水，T區又唔會

Miranda好用推薦：【質感】 質地係透明水狀，比一般化妝水有少少「存在感」，但又未去到精華水嗰種濃稠度，流動性啱啱好。推開嗰下好順滑，上面之後輕輕拍幾下已經吸收晒，皮膚表面會留低一層好薄嘅水潤感，但又完全唔會黐立立或者油淋淋。佢有淡淡嘅天然草本同菇菌氣味，聞落好舒服，有種「療癒感」，完全唔係人工香料嗰種假味，敏感肌用都覺得好安心。樽身設計都幾實用，唔會話一次過倒太多。 【使用感】 呢支精華水最犀利嘅地方係佢嘅 舒緩同修復能力。佢含有靈芝、冬蟲夏草、發酵白樺茸等珍貴菇菌萃取，可以即時鎮靜敏感、退紅、強化皮膚屏障。我本身皮膚間中會因為轉季、壓力或者用錯護膚品而泛紅敏感，甚至有少少刺痛。用完呢支精華水之後，泛紅明顯減退，刺痛感亦消失咗。最驚喜嘅係佢可以 急救暗瘡同粒粒——有時見到有暗瘡初起，我會用化妝棉濕敷喺粒瘡上面，第二朝起身會發現粒瘡平咗、紅腫退咗。官方仲話佢可以增強皮膚嘅抵禦力，對抗環境壓力，用咗一排之後覺得皮膚確實冇咁容易受刺激。佢仲可以當作 妝前打底 用，用完之後上粉底特別貼服，唔會卡粉。 【持久度】 持久度方面，佢嘅舒緩同穩定效果唔係曇花一現。朝早搽完，到晏晝皮膚依然保持穩定，泛紅冇返發。夜

Miranda好用推薦：【質感】 首先講質地。佢係白色嘅乳霜狀，但呢個「Soft Creme」版本比起經典版輕盈好多，感覺好軟滑，好似融化咗嘅雪糕咁，推開嗰下極度順滑，延展性極高，一粒黃豆嘅份量已經夠搽全面同頸。上面之後輕按摩幾下就吸收晒，皮膚表面會留低一層薄薄嘅滋潤膜，但又完全唔會覺得黐立立或者油淋淋。 呢種質地我好鍾意，因為佢做到滋潤得嚟唔厚重。我以前用過某啲抗老面霜，質地好厚好杰，用完之後塊面好似有一層蠟封住咁，但呢支完全冇呢個問題。用完之後皮膚仲係好透氣，感覺好舒服，就算夏天用或者混合肌用都唔會覺得有負擔。味道方面，佢有淡淡嘅高級花香，聞落好舒服，每次搽都有一種做SPA嘅放鬆感。 【使用感】 呢個位係我最滿意嘅部分，亦係佢最值回票價嘅地方。佢嘅抗老效果真係做得幾出色。我用咗大約一個月，最明顯嘅感覺係皮膚變得更飽滿、更有彈性，摸落去有種脹卜卜嘅感覺，唔再係以前嗰種鬆弛感。尤其係蘋果肌同下顎線位置，望落有輕微提升，輪廓清晰咗。 佢嘅抗老功效唔係即時嗰種誇張，而係循序漸進咁改善皮膚底層。用咗一排之後，我發現虎紋同額頭嘅細紋有明顯減淡，皮膚望落平滑咗，連帶膚色都均勻咗，冇以前咁暗啞。佢仲加入咗膠原蛋白

Myonlyone好用推薦：同你哋分享吓我最近支新寵——Estée Lauder嘅「新生活膚彈活輕盈面霜」。真係堅得！ ✨第一感覺：質地輕盈到冇朋友 一打開就係陣好舒服嘅高級花香。舊式滋潤面霜成日話「笠」，呢隻完全唔會！佢係嗰種好幼滑嘅乳霜，一掂到皮膚就好似化開咗咁，「咻」一聲就吸晒，唔黐立立，亦都唔會油光滿面。朝早趕住出門口搽完，再上防曬同粉底都唔會「搓泥」，正！ 💧水潤感係咁樣㗎 我係混合肌，T字位好易出油但面頰又會乾到「攝」手。用咗呢隻面霜之後，成塊面嘅水油平衡好似好咗！唔係浮喺面頭嘅「假潤」，係摸落去覺得皮膚底層飲飽水咁，好Q彈。而家就算開成日冷氣，塊面都keep住有光澤，唔會下晝就乾到現細紋。 👍緊緻效果？有料到！ 初初用頭幾日，淨係覺得好舒服好潤。但用夠一個禮拜左右，就開始覺得有啲唔同。最明顯係朝早起身照鏡，成塊面好似冇咁浮腫，個下巴線條出返少少。特別係按完護膚品之後，覺得塊面嘅皮膚好似「實淨」咗、有彈性咗，唔係鬆泡泡。我阿媽仲問我係咪瘦咗，塊面尖咗喎！（我心諗：係呢樽嘢嘅功勞呀！） 📝總結俾你 如果你都係： ➜ 怕面霜「立」，又想夠保濕 ➜ 想塊面睇落冇咁累、冇咁腫 ➜ 需要支早晚都用得、打好

Josephine Lau好用推薦：早上與維c精華一起用, 去印蛋班會比較快，質地很水，不黏立。

Janet SF好用推薦：佢質地輕薄，吸收迅速，peeling效果好明顯，用後明顯皮膚角質軟化，又有美白效果。最好之處係用後沒有皮膚被抽乾既感覺，感覺是可以天天用或隔天用的產品，不會怕皮膚會變乾，尤其適合我呢種膚質較乾，又需要去角質嘅皮膚使用💕 #火熱新品

ying好用推薦：✨ PAULA'S CHOICE SKIN PERFECTING 2% BHA LIQUID EXFOLIANT 毛孔通暢・皮膚平滑 黑頭粉刺剋星 All Skin Types ✅ 暢通毛孔，黑頭粉刺消失 呢個係2% BHA嘅最大賣點！ 水楊酸係脂溶性， 可以滲入毛孔深處溶解油脂同老廢角質。 用完一段時間， 黑頭、白頭、粉刺明顯減少， 毛孔望落乾淨清爽。 ✅ 平滑膚色，皮膚變細緻 唔止清毛孔， 皮膚整體質素都會提升。 表面粗糙嘅感覺消失， 摸落去滑溜咗， 望落有光澤。 ✅ 質地清爽 水狀質地， 好輕盈，好快吸收。 唔笠、唔黐， 夏天用都舒服。 ✅ 用法簡單 洗完面，拍上臉， 等吸收就可以後續護膚。 唔需要洗走， 好方便。 ✅ 對抗暗粒／閉口好有效 好多用家分享， 下巴、額頭嘅暗粒（封閉性粉刺）， 用完之後慢慢平咗、消失咗。 #PAULASCHOICE #2BHA #SKINPERFECTING #寶拉珍選 #水楊酸 #黑頭粉刺剋星 #暢通毛孔 #平滑膚質 #化學去角質 #skincare #hkbeauty #會回購

Lydia好用推薦：Product: Paula's Choice 2%水楊酸精華液 呢支精華液係我專門買嚟對付暗瘡同粉刺問題嘅(一直都受嚴重暗瘡問題困擾)，用咗大概兩三個月左右。 質地同使用感：佢係流質嘅精華液質地，有少少似爽膚水，拍上臉之後吸收得幾快，唔會笠痴痴。因為我一向都有用開酸類產品，所以直接用呢支都冇出現敏感或者刺激嘅情況，但有時天氣好乾燥嘅話上面嗰下會有少少揦。 抗痘效果：用落最明顯嘅感覺 係塊面真係平滑咗同緊緻咗。尤其係第二日起身摸塊面，會覺得皮膚冇咁粗糙，毛孔睇落好似冇咁明顯。暗瘡同粉刺嘅生長速度感覺上慢咗，就算生都冇之前咁嚴重，復原得比較快。暫時用過咁多抗痘類產品呢支係令我最有感嘅。 不過我都聽過朋友講，話呢類產品用用下效果會冇一開始咁明顯，或者係用得太密可能會令皮膚屏障受損。暫時用咗兩三個月嚟講效果都仲keep到，但都會繼續觀察皮膚狀態，睇下有冇需要調整用法。 總結：整體嚟講，我覺得呢支精華液對改善暗瘡肌膚同粉刺問題係有幫助嘅，特別係用咗之後皮膚變得平滑同緊緻呢點幾明顯。但係用嘅時候真係要注意頻率同皮膚反應，可能唔好一開始就用得太密，等皮膚適應咗先慢慢調整。

jhope0725好用推薦：雖然踏入❄️冬天，但係煥膚一定唔可以偷懶！ 冬季天氣乾燥、肌膚相對敏感，好多人都會忽略咗去除角質嘅重要性，只係着重保濕。 呢枝含有18%杏仁酸嘅產品，不但一年四季都可以用，喺冬天更加能夠進一步協助已經乾死咗嘅皮膚、以及角質層加快去除，加速新陳代謝，令皮膚重新變得嫩滑！👆🏼產品相當流質，用完唔會覺得好油膩，完全冇負擔感 一開始使用嘅時候會感覺到輕微刺痛，我嘅偏油性皮膚大約用咗兩星期適應，雖然產品說明教一星期用兩至三次就已經可以，不過基於我皮膚已經適應產品，現在一星期七日使用都冇問題~ 大約一星期後，就會明顯見到角質層開始脫落，大約兩至三星期，新一層皮膚就會浮面，變得乾淨嫩滑~ 👆🏼剛剛開始脫皮嘅時候，就會出現呢種情況，見到白色嘅皮屑 相比一般磨砂膏，利用酸性去除角質，自己覺得效果更顯著！不過產品特別之處係需要喺爽膚水之前使用，否則的話，保濕產品同杏仁酸結合，就未能夠發揮最好嘅作用。 冬季要有好皮膚，不能只靠保濕，去除角質都好重要~ 呢個系列另外有較溫和嘅版本，含有8%嘅杏仁酸，適合乾性肌膚，如果較易敏感或者皮膚比較乾嘅朋友可以考慮~

Emily Leung好用推薦：DR.WU杏仁酸精華用後感｜溫和刷酸！暗粒閉口拜拜！ 忍唔住要同大家分享呢支寶藏精華——DR.WU 18%杏仁酸亮白煥膚精華！對於成生暗粒、閉口嘅我嚟講，真係相見恨晚！ 簡約專業嘅樽身，滴管設計好容易控制分量，衛生又方便。 點解揀佢？ 聽講杏仁酸相比其他酸類溫和好多，而且呢支專為亞洲肌膚設計。我係混合敏感肌，用咗之後覺得真係唔會點刺激，好安心！ 質地係透明水狀，非常清爽，搽上臉好快吸收，唔會黏膩，油皮用都零負擔。 效果點樣？ 最驚喜係用咗大概兩星期，額頭同下巴啲「磨砂感」暗粒平伏咗好多！皮膚摸落去滑溜咗，冇咁易阻塞出暗瘡。而且膚色睇落均勻咗、有光澤感！ 用之前皮膚有啲暗啞同細細粒嘅閉口，用咗一段時間後，皮膚平滑咗同光亮咗！ 使用心得同注意事項： · 頻率好緊要！ 新手建議由隔晚開始，等皮膚建立耐受性。 · 一定要加強保濕！ 用完之後我會搽保濕力強嘅面霜。 · 日頭必須防曬！ 刷酸後唔做防曬好易反黑，切記！ 總括來講： ✅ 優點： 溫和去角質、有效對付閉口暗粒、膚色更亮白 ❌ 缺點： 要建立耐受性、必須配合保濕防曬 咩人最啱用？ ➡️ 成日有暗粒、閉口煩惱嘅

Tung好用推薦：有排皮膚狀態極差，於是的起心肝想買返支重手嘢頂下！呢支大概$34X（如果冇記錯） 由於我會當佢真係保養精華咁滴全面，都幾易吸收同滋潤，所以都用得幾快（但都真係有預防效果！冇再復發爛額頭啦）我應該用曬都會keep住買呢隻用住lu。 如果正常按照佢講嘅淨係搽痘痘位，應該可以用耐啲。但以佢嘅成效嚟講我覺得係抵玩嘅，好適合想一晚瞓醒消炎、止痛、撫平痘痘嘅人🙌🏻

zetalhc好用推薦：超級推薦嘅去暗瘡精華，夜晚用一次第二日會見到即時嘅效果。可以即時去膿同消炎，對石頭瘡或者有膿嘅瘡都有效果，而且唔會皮膚唔會「la」或者覺得刺痛

Mandy好用推薦：真心覺得Fancl呢款黑炭洗顏粉好正！最加分一定係一粒粒獨立包裝，唔使成樽洗面奶帶出門，去旅行按需要拎幾粒就得，塞入背包角落都唔阻地方，勁方便，又衛生，唔怕受潮。呢隻粉加水搓兩下就有好豐盈嘅泡沫，多到可以敷晒成塊面，洗得好舒服。洗完塊面完全唔會覺得乾爭爭，但清潔力又真係勁，塊面啲油同污糟嘢好似清走晒，摸落去好乾爽，洗完面d黑頭真係好少少佐dd咁。平時最怕洗完面繃緊，呢款完全冇，反而有種清爽透氣感，夏天用真係一流。雖然係粉狀，但用落唔麻煩，濕手加少少水搓開就得。旅行、做gym或者短trip帶幾粒超安心。真心推，尤其鍾意乾爽又唔乾嘅洗完感，會回購！

Fish Tse好用推薦：我平時都會用開fancl既深層清潔面膜，我覺得效果非常好，但始終人係有惰性，敷面膜其實都真係幾麻煩 所以我見到哩款黑炭酵素深層清潔洗顏粉即刻心郁郁入手，佢一細盒好方便一次使用倒出黎係灰色好幼既粉，之後再加水就會有泡泡出現，好似洗面奶一樣係塊面都打圈 我多數會針對T字位同鼻翼旁邊加下巴比較容易出黑頭粉刺既位置清洗，洗完之後就可以沖水，用完之後唔會覺得皮膚好乾燥，因為佢含有玻尿酸同獨家氨基酸既成分係清潔既同時可以保留肌膚既水份 仲含有竹炭、吸附泥精華等成分徹底洗潔毛孔既污糟野、角質、黑頭同粉刺，比起用mask真係方便好多，真心推薦

ying好用推薦：✨ 毛孔淨澈重點洗顏啫喱 會白淨左‼️ 易左清潔‼️ 乾淨左‼️ 黑頭粉刺剋星 呢三句已經講晒呢支洗顏啫喱嘅核心價值。 ✅ 會白淨左‼️ 用完之後， 毛孔乾淨咗， 黑頭粉刺少咗， 皮膚望落自然白淨咗。 唔係美白嗰種「白」， 而係「乾淨嘅白」。 毛孔唔再灰灰黑黑， 皮膚望落清爽、乾淨。 ✅ 易左清潔‼️ 呢個係好重要嘅優點！ 黑色稠身凝膠質地， 可以重點敷喺毛孔粗大/黑頭多嘅位置。 用法簡單： ▸ 敷喺鼻頭、下巴等位置 ▸ 等一陣 ▸ 沖洗乾淨 唔使捽嚟捽去， 唔使工具， 就已經清潔到毛孔。 ✅ 乾淨左‼️ 用完之後， 毛孔明顯乾淨咗， 黑頭粉刺少咗， 皮膚望落更清爽。 最緊要係： 用後肌膚不繃緊！ 唔會好似一啲深層清潔產品咁， 用完塊面乾到緊晒。 ✅ 便捷設計 忙碌用家友好！ 唔使搞一大輪， 好快就完成毛孔清潔。 🌟 我嘅總結 毛孔淨澈重點洗顏啫喱 會白淨左 ✔️ 易左清潔 ✔️ 乾淨左 ✔️ 用完之後， 毛孔乾淨咗， 黑頭粉刺少咗， 皮膚望落白淨清爽。 用法簡單， 敷一陣就沖得， 唔使捽嚟捽去， 好方便。 最緊要係： 用後唔繃緊， 唔會乾到緊晒。 每星期

Sarah好用推薦：質地： 擠出來系黑色嘅啫喱質地，滑溜溜，推開好易就貼住毛孔位，唔會流到周圍都系。 我一般用喺鼻同鼻翼兩邊，薄薄塗一層，等30秒到1分鐘，再用手輕輕打圈按摩，然後衝水就ok。 用嘅時候完全唔刺，冇任何感覺，冇平時用磨砂或者酸類產品果種刺刺哋嘅感覺，就算我鼻翼有少少敏感都唔會發紅。 洗完之後唔會乾到扯哋，反而覺得鼻仔滑咗好多，冇之前果種粗粗地嘅觸感。 效果 我本身系中性肌，T區容易出油，鼻👃有黑頭同角栓。堅持每星期用1次，夏天就每週兩次，用咗一個月之後： 鼻上嘅黑頭明顯淡咗好多！！ 用手摸上去冇以前咁多粒粒 毛孔冇咁易塞 佢唔會越用越傷皮膚，冇因為清潔過度而爆粉刺 不過要講句老實話，佢唔會一次就將黑頭清到一乾二淨，需要堅持用先會見到效果。如果黑頭好嚴重嘅話，單靠佢都未必完全解決，但作為日常毛孔清潔保養，真系好用。

Circlecyy20好用推薦：使用一星期後 黑頭累積在鼻頭上的狀況有改善 出少了黑頭 以為出少了油

JuneL好用推薦：它質地呈乳白色的乳霜狀, 伸延力很好, 而且塗抺在皮膚上, 會感到肌膚好像有層粉狀的薄膜包著般, 而覺得順滑及乾爽!  塗抺後的 T-Zone 附近的毛孔, 有修飾作用, 令凹凸毛孔撫平, 但不算太明顯, 相信需要勤力使用才能看到更明顯效果! 而出油情況也有改善, 因產品吸走過剩油脂, 而變得潔淨清爽!

Vera Violet好用推薦：Dior 恆久貼肌修飾遮瑕膏 當初被網路上鋪天蓋地的好評燒到不行，滿懷期待地入手了這款遮瑕膏，結果卻成了我的年度心痛單品💔。用過幾次直接打入冷宮，絕對不會回購！乾肌或眼下乾/有眼紋的朋友，購買前請務必三思，真的不要盲入。 質地：絲滑好推開，延展性表現不錯（唯一的優點） 色號：BA幫我選了 0N，但我本身已經偏白了，上眼後還是太白，完全呈現一種不自然的死白感，跟我原本的膚色根本融不入。 使用感受：我的眼下肌膚偏乾，這款遮瑕膏一上去沒多久，眼底就開始出現的乾燥感，超級容易卡眼紋。 提亮效果：因為太白本來想轉作提亮使用，但因為質地太乾、很難控制，一不小心就變得很斑駁，完全無法拯救。 💰 結論：價錢偏高，CP值極低，絕對不會回購。

mcosmetics好用推薦：Dior Forever 呢支遮暇液一直有好多beauty youtuber推薦。我已經用完兩支。試左好多牌子嘅遮暇液係比較滋潤。我本身眼底較乾，帶妝一日容易現乾紋同卡粉，用dior效果係最好。顏色選擇多，容易搵到適合亞洲人嘅色調。雖然價錢唔平但佢都好大支用到好耐～開封耐左覺得有少少氧化，眼色橙左少少，但都好適合遮黑眼圈～遮暇度冇hourglass 咁高，但潤啲薄啲，可以疊加。最大嘅缺點係佢會漏到個蓋入面全部都係，用過兩支都係咁，覺得好浪費同埋有時會整污糟。不過冇hourglass咁差，唔會漏埋出黎。

YiN好用推薦：因為本身我個人好容易曬黑，所以我對防曬嘅效能好有要求。之前試過同品牌藍色aqua rich，搽咗都仲會曬黑，我朋友就同我推介呢一隻，話點曬都唔黑。用咗大半枝，暫時效果都好滿意。本身有spf50+, PA++++，度數夠哂高。Tube裝單手都開到蓋，用落都好方便。唧出嚟係cream狀好易推到亦都好水潤，搽完唔會好油好笠。少少可惜係佢嘅防曬味都幾重，我自己本身唔太喜歡防曬陣味，但係為咗效果我都係忍咗。佢冇tone up嘅效果，搽完只係有令令地嘅光澤。對我嚟講呢個絕對係優點，首先單搽唔會揩污糟啲衫，然後我係一定要將防曬搽得夠份量先有安全感嘅人，如果佢本身有色，一搽厚就會變到面具咁。 整體嚟講，我覺得係一支幾好嘅防曬，喺未搵到第二支防曬味唔重又好用嘅防曬之前，我應該會回購。 #防曬

Ceccinmydin好用推薦：Biore Athlizm 呢支防曬，主打防水，高spf，推介戶外運動嘅時候用喺身上，油性皮膚用上身好正，但上面就有啲焗 膚感： - 乳霜狀🧴，好似gel cream，順滑易推開 不過搽上面之後感覺成膜後有啲油潤，略嫌厚重咗少少，個人唔太鍾意呢種滋潤感 - 氣味唔算明顯，冇乜防曬味/酒精味 防曬效果 ☀️： - 佢用咗「Tough Boost UV」技術，標榜極防水、耐汗、耐摩擦 - 實測夏天去沙灘嘅時候用，喺又熱又濕又玩水嘅環境，都覺得佢keep到持久，唔易甩，最後都冇曬黑到 - 大容量70 mL，好啱用喺身體上 我會將佢定位為「戶外活動專用」嘅身體防曬🤔 推介大家喺戶外活動、行山、游水或者夏天出街暴曬嗰陣用，平時喺冷氣房或者秋冬季，我可能會揀返其他清爽啲嘅產品

何何好用推薦：被某youtuber燒到，係hktvmall搵到有得買即入手一支。本身想用佢消除上手臂粒粒，同均勻手臂膚色（因為手臂晒後唔識白返好傷心……），我用左佢斷斷續續有大半年，但未見有大改善……佢單價唔平，而且滋潤度不足，只夠夏天用，沒有太大香味，如果份量用得太多，會顯示笠痴痴，份量不能用太多。 相信未必會回購了

SKY好用推薦：從圖片就可以明顯看出來，這款身體乳比果酸的那款薄很多，水楊酸這款是把蓋子打開就會自己流出來，果酸那款是要擠壓瓶身才會出來，幾乎沒有流動性。因為流動性佳，很好抹開，所以很容易就可以擦好乳液，省時省力。 香味明顯，是一種類似益力多的酸甜味。 因為是酸，所以如果皮膚有小傷口不小心抹到的話，會痛不欲生🫠 黏膩感不重，算是輕薄，也很快吸收。 原本的購買原因是期待可以改善皮膚的顆粒感和關節處的暗沉，一條用下來顆粒感有用就有改善，沒用的那天就恢復原狀，暗沉方面效果不明顯。一條單價偏高，所以應該不會回購了。 *結果還是回購了，因為真的有減少胸前的顆粒感，還有清爽不黏膩。效果不持久的部分只好透過每天努力使用去應對了～