ORIGINS 好用推薦產品

chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕

Kaze13579好用推薦：從舊版到新版已經起碼用咗兩三支，每逢轉季都會皮膚敏感，偶爾發濕疹嘅我，見到皮膚開始起紅點，發紅甚至開始甩皮，我就一定會用佢，甚至用佢濕敷。效果真係好好舒緩到敏感，又唔會好揦更加刺激到敏感嘅皮膚！最重要係性價比非常好！屋企長期都會有貨，以備不時之需！推介俾皮膚容易敏感嘅朋友！

YYeman好用推薦：俾皮膚食粒定心丸！皮膚乖乖唔搗亂！ 平時嚟M之前總會爆幾粒痘 真係搞到我好頭痕 之前一直用開悅木之源支祛痘凝膠 今次直情連水同乳液都換埋菌菇水＋靈芝乳液 平日用嚟補水 爆痘期間我就會用嚟濕敷 急救消炎 基本上兩至三日，啲紅腫痘痘就唔痛啦 陣味係淡淡哋中草藥味，我好鍾意！

Rosa好用推薦： 十分喜歡他們的產品 氣味舒適 質地容易推開和吸收 與他們的精華一起用效果很好 尤其是開冷氣的天氣 我會用多幾泵厚塗在面上 早上起來皮膚非常好

Emily Leung好用推薦：【皮膚救星！✔️一按搞掂泛紅敏感！】 有冇人明每次生理期塊面就紅敏嘅痛苦！！！ M期荷爾蒙搞到個人超敏感 唔生性塊面一捽落去粗過砂紙 搞到個人勁焦慮啊啊啊😭 之前一直用開佢支靈芝水 敷面退紅滅痘真係無得輸 今次入手靈芝精華更加冇令我失望 ✔️抗紅敏鐵三角 赤靈芝+白樺茸+甘草根 組成抗紅敏鐵三角戰隊 3大路線打殘紅敏因子 由根源撲滅泛紅 抑制紅敏出現👍 ✔️獨家仿生屏障科技 又修到屏障又減低敏感 先幫皮膚補窿補罅 再起返座城堡幫塊面擋走外來刺激💪 佢係液體繃帶精華乳質地，真係好特別！ 搽上塊面好似貼多層皮 無形中形成咗層隱形修護膜 雖然成膜但係完全冇黏笠悶熱感✨ 而家經期皮膚敏感泛紅終於有解！ 平時夜晚護膚我都用佢 塊面只要稍微唔聽話好快就鎮壓返 第二朝起身塊面水嫩嫩💦 用多排之後發現 皮膚狀態定過枱腳！！

Catherine 好用推薦：朋友介紹購買，用過之後，自己都覺得幾好用，皮膚有改善，有變白滑，沒有過敏

Carrie好用推薦：呢款泥mask已經回購好幾次，試用過同牌子嘅另一款活性炭面膜，呢款相對温和啲。過水後塊面唔會乾嘅同時，有變滑、毛孔更乾淨嘅感覺。當下仲會覺得自己白左少少😆

Heychauchau 好用推薦：這個比一般泥膜除了有清潔成份外，仍然有保濕功能，因為成份中加入蜂蜜，潔淨嘅同時亦都為皮膚補水，使用後有別於其他泥膜會覺得緊繃，皮膚會感覺到仍能感覺到水潤，而且也可以去除老廢角質、黑頭粉刺，一週使用一到兩次有感覺到皮膚有變化。

Sakura醬好用推薦：Origis 晚間深層水份面膜 🌙 包裝同質地： 👀 包裝： 🧴🌙🌙🌙 （簡單乾淨，一支支方便衛生） ✋ 質地： 💧💧💧💧🤍 （Gel狀，推開好水感，唔黏膩，瞓覺唔會黐住個枕頭） 用後感覺： 😴 即時保濕： ☀️💦💦💦💦 （搽上臉好快吸收，皮膚即刻飲飽水，好舒服） 🌙 隔夜效果： 🕒💦💦💦🤏 （第二朝起身塊面依然keep到水潤，唔會乾繃繃） 優點缺點： ✅ Good： 保濕力足、質地清爽、唔黏立立 ❌ Not Good： 純粹補水，其他功效（如美白）唔明顯 一句講晒： 「🌙💤 瞓覺都可以補水，清爽唔黏枕頭！係支穩陣嘅基礎保濕晚霜！👍」

Desse好用推薦：一次過入手皇牌3件套👑 DRINK UP™ INTENSIVE Overnight Hydrating Mask With Avocado 灰白色Cream狀嘅質感.. 好易塗開.. sales建議厚敷.. 盡量避開眼周.. 開頭都幾想敷住照瞓.. But! 敷咗一個鐘左右.. 開始覺得油油哋🙂‍↕️ 為咗唔好整污糟枕頭.. 就洗咗先 洗完後明顯感覺水潤 第二朝訓醒水潤感就差少少..持久度稍稍不足 比較適合春夏天用

Milo101好用推薦：🌟淡黃色乳液質地（跟fortifying emulsion的質地非常相似！），但推開後稍為薄一點點 🌟同樣都是鎮靜、強健皮膚的作用 🌟很舒服的經典菇水香氣

mamayi好用推薦：一轉季啲皮膚就好容易過敏，所以一定要買定呢支for敏感肌專用嘅精華看門口！ 佢精華係白色乳液質地，好容易推開同吸收，如果皮膚泛紅嘅日子，用完佢，第二朝真係退咗好多。如果夏天曬完，皮膚輕微曬傷時，可以用佢紓緩紅腫。 佢係紓緩紅腫、防預敏感方面，真係效果超班；不過美中不足係佢保水力唔太夠，如果乾燥日子就需要加保濕精華係面，加重保濕，咁皮膚就第二朝水潤透亮啦！ 價錢屬於中價位，咁我都推介大家買支看門口，肌膚唔穩定嗰排用佢就舒緩曬所有不適。

維他他好用推薦：玫瑰泥面膜，deep clean之餘可以明顯收細毛孔，一星期兩次，用完效果唔錯，塊面都幾乾淨，唔會繃緊，但用之後會敷塊paper mask保濕返，夏天長用呢d clay deep clean mask!

Yuki Chow好用推薦：細微嘅磨砂，針對石頭瘡同下巴位嘅閉口粉刺，敷完可以即時見效果，講咗之後用少少水洗，磨返啲角質層出嚟，會感覺成塊面勁滑，但係需要最後做返一次保濕mask，始終深層清潔面膜會比較乾

In好用推薦：Make a difference呢樽treatment真係好好用 一啲都唔笠身 又唔會起擦子膠碎 一年四季都啱用 如果覺唔夠潤其實可以要加面霜係面 好多年前有段時間不停咁用 之後就轉咗啲能能性大啲 緊致嘅cream用 早排又心思思掛住佢個氣味（好舒服好好聞嘅香氛味）又買返嚟用

Tiffany好用推薦：質地輕盈嘅保濕啫喱面霜，升級版添加左更多植物精華，用落更補水。

mandy好用推薦：ORIGINS Ginzing Ultra-Hydrating Energy Boosting Cream  醒神活力亮采面霜 面霜帶橙香的醒神香味，一面塗抹面霜，一面聞到好像在吃橙的香味， 所以醒神活力亮采面霜的名字改得真好! 以保濕及提昇光澤 為主要訴求。 面霜比Gel略為滋潤, 卻依然不油不笠。 保濕力很好, 而且很柔滑易推，很適合在夏季使用，非常舒適。 此外, 我對這瓶的提亮效果尤其滿意。     含保濕成分: 甘油, 荷荷巴油, 羥乙基尿素, 丁二醇, 聚天冬氨酸鈉, 人參根萃取, 藻萃取, 蔗糖, 海藻醣, 山梨醣醇, 磷脂質, 醋酸鹽維他命E, 小果咖啡籽油, 精氨酸, 玻尿酸鈉, 乳木果, 角鯊烷, 乙基己基甘油 及 辛乙二醇   油性滋潤成分: 荷荷巴油, 磷脂質 及 乳木果    多功能護膚成分(另稱為維生素B3，具美白提亮、緊緻毛孔、抗炎、抗氧化、幫助細胞循環功能）: 菸鹼胺(niacinamide)   抗氧化成分: 人參根萃取, 大麥, 藻萃取,黃瓜果萃取, 醋酸鹽維他命E, 維他命E, 小果咖啡籽油 及 角鯊烷   抗皺成分: 

Poyobb好用推薦：寫咗咁多好評，要評價一啲比較普通，甚至已經比我遺忘咗嘅產品。 Origins 呢個牌子草本產品比較多，而且佢嘅菌都好出名。 依盒醒神活力面霜，我好多年前用過。佢嘅味道就真係好fresh ，好似一陣橙味，而且都幾強勁，官方話話添加咗萃取嘅成份可以令皮膚又醒神狀態，呢個就一般感覺，感覺朝頭早真係幾好☀️ 啫喱狀質地，用後清爽唔黏笠，保濕度對我混合性皮膚嚟講足夠，不過不失的產品

Milo101好用推薦：🌟敷完感覺保濕、舒緩 🌟這個面膜用完沒有回購，反而比較喜歡同系列的菇水，有回購再回購

Heychauchau 好用推薦：每次使用時都會有刺刺痛痛的感覺，但不會到非常不舒服。用完後皮膚也不會覺得有緊繃感，也有一定的保濕效果。本身不常出現泛紅，而且用起來刺刺地，我就沒再購入了。