Clé de Peau Beauté

粧前乳霜(光采柔滑)

Clé de Peau Beauté (CPB) CORRECTING CREAM VEIL 粧前乳霜 (光采柔滑) SPF25 PA++ $500 from CPB 這是我用過最滿意的妝前底霜(primer)， 質地柔滑，非常好推，只需一粒黃豆的分量， 已可足夠全面使用。 粧前乳霜 (光采柔滑) 即時為肌膚自然提亮， 可以單獨用(有素顏霜的自然效果)，也可之後再上粉底。 蘊含不少控油成分，可以幫助肌膚減少出油， 粧前乳霜 (光采柔滑)質感輕盈，非常透氣， 彷彿沒有使用底妝一樣，不會令人有厚重焗束的感覺。 SPF25 PA++具防曬效能，但如户外活動就 要先上SPF50 PA++++的防曬。 增添了養膚成分，如保濕、防曬及抗氧化等成分， 化妝同時護膚。 含保濕成分: 矽靈, 丁二醇, 甘油, 赤蘚醇, 木醣醇, 氫氧化鋁, 硬脂酸, 海藻醣, 聚矽氧烷-2, 茶氨酸, PEG/PPG-14/7 二甲醚, 甘氨酸 及 水解蠶絲蛋白 抗衰老成分: 甘油, 維他命E 及 刺梨果萃取 防曬成分: 桂皮酸鹽, 二氧化鈦 及 苯基苯並咪唑磺酸 鎮靜消炎成分: 木醣醇, 維他命E

🤍 貼服度：5/5！CDP呢支妝前乳真係無得頂～用完之後再上粉底，個妝容好似癡實咗塊面一樣，完全唔會浮粉或結塊，完美做到「第二層皮膚」嘅感覺！ 🤍 妝效/ 質地同修飾力：4.5/5！質地輕薄水潤，推開後有少少提亮同均勻膚色效果，但唔會假白，毛孔同暗沉位修飾得幾自然，即刻有種「媽生好皮」嘅透明感✨ 🤍 保濕同護膚：4.5/5！帶有護膚成分，上妝期間完全唔會抽乾皮膚水分，反而好似多咗層保濕打底，就算帶妝成日都唔緊繃！ 🤍 防曬同持久：4/5！SPF 25 PA++防曬力日常通勤足夠用，幫手抵禦紫外線同時，亦令底妝更加持久，出油後反而更貼服♥️ 總結： 如果你追求極致貼服嘅底妝同自然好氣色，CDP妝前乳絕對係貴婦級打底首選！雖然價格偏高，但一支多用（防曬+提亮+保濕+妝前），性價比其實唔差～特別推薦比乾肌、混合肌同鍾意偽素顏妝感嘅你！ #轉季

已經回購幾枝，基本上一年四季都用佢，護膚之餘同時修正膚色及肌膚表面的瑕疵與暗沉，搽上面有自帶水光效果，如果皮膚夠好，搽完就可以直接出街，係懶人恩物～

底妝方面 我搽foundation之前 都會用Cle De Peau嘅底霜打底， 佢搽上面後，可以幫助提亮膚色，同加強光澤感 令皮膚冇咁暗啞，顯得自然健康💓 另外有少少遮瑕效果❣️❣️❣️ 質地：水潤順滑 味道：花香清甜味，係好舒服嘅味道 另外佢仲有SPF 25 PA++ 缺點可能價錢貴啲，但佢真系好好用 出街好方便，想做偽素顏都得🤓

貴婦產品，價錢算貴但物有所值。 首先有淡淡香味，味道有高級感唔重香料味，用落都開心啲。 質地幼滑易推，上面會有少少潤色效果，但冇乜遮瑕度。單用只適合皮膚冇瑕疵者。其他人上多層碎粉可作日常淡妝。 我最鍾意係佢嘅滋潤度，冬天用夠滋潤，亦會令粉底貼服啲。

哩個品牌比我既感覺係好貴婦feel，包裝各樣都好精美，係用緊唔係護膚品既時候同用緊護膚品係冇分別，一樣係有護膚既功效 哩款妝前乳霜有分兩款分別係光采柔滑同柔霧啞緻，我比較中意光澤感所以揀左光采柔滑 妝前乳霜呈膚色少少偏亮，延展性好高我用大概珍珠大小既份量分別放係兩邊面、額頭同下巴之後向外推，近鼻頭位置毛孔較大既就用打圈既方式推入去令到毛孔睇落去平滑d冇咁大 上左之後即時見到係肌膚提亮左，膚色均勻左黑眼圈既位置都相對淡左好似韓國d偽素顏一樣，有種光澤感，仲唔會黏黏的 即使後續唔上粉底單獨使用效果一樣好好，後續上粉底令個妝更加貼服好似媽生好肌膚一樣，到左夜晚肌膚都唔會變得暗沉真係一上就愛上 底霜有SPF25 PA++對於日常唔係去暴曬既話其實都已經好足夠，另外加入左獨家護膚成分智慧亮肌精華對肌膚修護、防禦等有所提升個效果

由舊版用到新版，永遠不會出錯既一支妝前打底，有時唔想上粉底，單獨用佢再定個妝已經可以遮到7成下雪，自然又無粉感，超正🥳會一直回購既一款

講到妝前底霜 呢枝一定唔陌生 呢枝係做到自然透亮感 底妝貼服 個人覺得日本版好用過國際版 感覺上更加容易推開

第一次用哩個貴婦級品牌嘅產品，清爽易推又唔會痴粒粒，薄薄上一層再加局部遮瑕就可以簡單出街，佢調色功能幾好👍🏼但就冇遮瑕作用，粉底前用咗佢，粉底抓粉亦會實啲貼啲，係幾好用嘅底妝👍🏼

熱門貴婦品牌妝前底霜，也是最愛化妝品之一，質地絲滑味道怡人，滋潤度適中，一年四季都適合，淡膚色帶輕微調色效果，不想化完整底妝時只需搽CBP加碎粉，立即令皮膚質感變好

日本版既，香港好似唔係咁既版本。 薄薄一層，都好透明感，好似無化妝，但原生皮膚咁好，但膚色均勻，好氣息

一直想試 cpd 但覺得好貴，咁啱見到有團購就買枝妝前試下，一用驚為天人，質地清爽，唔笠亦唔乾。搽上面紋理即刻被修飾，有種自然嘅光澤感，皮膚望落係素顏但膚色均勻有光澤，紋理亦淺咗，之前用 &be 覺得有啲笠，呢枝完全唔會，摸落好似冇搽嘢咁，佢用完係冇妝感，唔會白咗或遮瑕疵，就係你平時素顏但膚況好咗好多咁，即刻再買多枝存貨。

這款妝前打底霜可以抗氧化，提亮膚色，令後續粉底不易暗沉。如果對妝容冇特別要求，又想做到自然提亮偽素顏效果，可以試下做好妝前護膚後搽上這款隔離霜，畫個眉毛，搽個口紅就可以出門啦。

早係我結婚時，聽到好多b2b讚cdp 妝前好用，一直都未有時間買，直到年頭去日本旅行時，幫姑拉買同牌化妝水時一齊買埋，當時未知自己啱邊款，所以連霧面一次過入手 雖然霧面同光澤款外包裝一模一樣，不過光澤款管身有反光，所以都唔會咁易攞錯，軟管裝容易控制分量，唧出嚟係淺膚色乳液狀，可以隱約見到啲珠光，搽上臉有提亮同均勻膚色作用，妝前本身有防曬系數，無戶外活動的話單搽呢個都夠，若果皮膚狀態好，直頭取代粉底液，上一層蜜粉就可以出街見人

只上妝前乳及碎粉，有均勻膚色效果，但用咗一日就開始出細油脂粒，一星期過後情況都冇轉變，尤其額頭位較多。冬天天氣較乾已經咁，唔敢想像夏天用。不會回購。