2026香港「底霜」推薦好用排行榜Top20

Yeonjung好用推薦：嘩！呢支杏桃色底霜係咪偷咗打燈佬返屋企？用後感：成塊面飽滿晒！ 喂，我真係要同大家懺悔！我以前成日覺得「妝前底霜啫，是但啦」，求其搽防曬就算。點知前排路過專櫃，試咗呢支 ELIXIR 杏桃色，一試……中咗！即刻乖乖磅水！ 首先講下我塊面嘅狀況： 我呢啲殘廢打工仔，朝早趕時間，最憎層層疊咁搽嘢。好彩呢支嘢集合咗 防曬（SPF50+ PA++++）+ 提亮 + 保濕 三大功能，真係懶人恩物！而且我面頰偏乾，T字位又少少黃，啱晒呢支杏桃色嚟執一執。 質地：輕過棉花糖，滑過豆腐花！ 唧出嚟係好柔和嘅杏桃色，帶有非常非常幼細嘅珠光（唔係閃粉嗰隻，係好似皮膚入面透出嚟嗰種光）。一推開……咦？好似融咗入皮膚咁！質地好水潤，但又唔會油淋淋，感覺似搽緊保濕精華多過防曬。 最正係佢有 膠原蛋白成份，搽完嗰下，塊面即刻脹卜卜，好似啱啱敷完面膜咁軟腍腍。之前我鼻翼兩邊成日暗沉，搽完佢即刻 自然提亮咗成個色階，唔係死白嗰隻，而係粉粉嫩嫩嘅好氣色，直頭好似瞓足10個鐘咁（騙人的，我明明只瞓咗5個鐘）。 上粉底嗰下先係戲肉！ 平時我上粉底，冬天成日卡粉卡到喊。但用完呢支打底，粉底係 「跣」 住去，貼到呢

Viannie好用推薦：日本一開賣即刻買黎試，因本身屬小麥色皮膚，之前粉紅色果支一路驚太白都唔敢買。ELIXIR tone up beige 妝前防曬底霜 一粒珍珠size就夠搽全面，好貼心產品背面有參考size，可跟住黎拎分量。質地都幾厚身，非常容易推開，好容易就搽得均勻唔會一撻撻，提亮效果自然，仲做到少少修飾效果。可以睇到面上斑點明顯淡色咗，利用亮白黃金折射光線，皮膚望落去即時好咗咁，勁鍾意呢個效果！！推開後會有少少黏笠感，可以加少少碎粉或晚安粉做定妝測試埋12小時持妝效果 返完一日工，返到屋企影，呢幾日30度嘅高溫天氣，喺冇中間補妝嘅情況下，用咗tone up beige打底果日嘅妝係明顯keep得好少少。總結呢支新出嘅防曬base如果你係乾肌就啱晒，上妝後都唔會乾，加埋小麥肌嘅話更加要試！ 不過質地偏潤，油肌要慎選！！ 另外本身膚色好白都唔太啱，搽完會黃咗，建議可以揀返粉紅色果支。 #火熱新品

chewyfruit好用推薦：【真心不呃Like】ELIXIR 櫻花色妝前防曬底霜用後感 🌸 黃皮素人實測 老實講，當初買呢支都係比個「櫻花」兩個字跣咗入坑，加上夏天又就嚟到，諗住搵支夠防曬又唔想成面油光嘅底霜。用咗兩個禮拜，同大家拆解下係咪真係咁神。 📦 質地：流質但唔水，似足保濕乳液 唧出嚟係淡淡粉紅色，好香好清幽嘅花味（唔係人工嗰種）。一推開好驚喜，好滑身，完全冇防曬嗰種「kick粉」嘅感覺。佢介乎於lotion同gel之間，夏天用零負擔。 🌸 重點：櫻花調色效果係點？ 我本身面黃帶暗啞，佢呢個粉紅色上到塊面 唔係死白，而係好似由入面透出嚟嗰種 自然粉嫩感。均勻膚色一流，鼻翼兩邊泛紅都修飾到七八成。如果你唔鍾意厚粉，單搽佢再加碎粉已經可以出街，直頭有種「天生好氣色」嘅偽素顏感覺。 ☀️ 防曬力：SPF50+ PA++++ 好有安全感 香港呢排又曬又焗，呢個度數啱啱好。最緊要係 唔焗痘！我搽足全日，下午鼻頭先開始出少少油，但唔會話溶到一撻撻，反而變咗光澤肌嗰種靚油，印一印就還原。 💧 保濕 vs 控油：平衡得幾好 佢有護膚成份，乾肌用夠保濕；我混合肌T字位就建議用控油碎粉定一定妝。唯一小缺點係如果爆瘡時

Fng好用推薦：Elixir 防曬妝前霜 春夏・熟齡混合偏乾肌 🌸✨ 我係熟齡混合偏乾肌，春夏最怕防曬又立又焗，搞到塊面黐笠笠。見到Elixir呢支櫻花色妝前防曬（約HK$255 / 35g，SPF50+ PA++++）好多人推，用咗一個月，分享真實感受～ 🧴 質地：輕薄易推，有少少滋潤感 · 淡粉色乳霜狀，唔會流動，但延展性極好，一推就開 · 上面後有輕微滋潤感，但唔立唔焗，春夏用都舒服 · 成膜速度算快，唔會黐頭髮 · 有淡淡嘅爽身粉香味，幾舒服 🌸 透明感實測 · 即時提升透明感：一搽上去，塊面即刻「亮咗一階」，唔係死白，係自然粉嫩光澤，望落有透明感 · 均勻膚色：可以遮蓋局部暗沉，望落塊面好乾淨、有「透光好皮膚」嘅感覺 · 膚色冇咁蠟黃：如果妳有面黃困擾，呢支可以幫手調整，令皮膚更顯透明 · ⚠️ 白皙肌限定：有評測話「本身皮膚好白淨先啱」，如果膚色偏深，搽完可能會太白唔自然 🌸 熟齡混合偏乾肌用後感 · 滋潤度夠：偏乾肌用唔會乾，仲可以即時撫平乾紋/細紋，上妝貼服好多 · 唔打架：試過配多款粉底/cushion，都冇起擦膠碎 · 懶人恩物：趕時間就咁搽佢直接出街，唔上粉底都見得人

Ah223好用推薦：日系貴婦品牌Cle de Peau粧前乳霜(光采柔滑)使用感：本人屬於混合偏乾性皮膚，皮膚偏白，毛孔顯眼，色素沉澱亦明顯，鼻翼及虎紋位置暗啞。 呢支粧前乳霜質地偏厚身，但可以接受，要用小小力推開，推開後能均勻塗全面，帶有修正暗沉膚色及遮瑕效果。 以我混乾性皮膚，用作粧前打底霜，配合同牌子既粉底液，簡直無得輸呀！搽左呢支粧前底霜上面，已經做到自然地tone up膚色，底霜同皮膚完美融合修正膚色，撫平顯眼毛孔，鼻翼、嘴色、虎紋暗啞位置得以提亮，淺至中度黑眼圈及色素沉澱、淺層色斑亦能遮蓋，能省卻用遮瑕膏。 另外，加入左持久控油成份，抑制油光，避免脫妝，持妝一整天都不會出現油光滿面既尷尬情況👍🏻 價格偏高，個人認為作為貴婦日系品牌級別是可以接受的喔！效果不說謊🤓！我會回購啊✔️ 前後對比🆚圖： 1️⃣面頰顴骨位置沒有使用任何濾鏡下，色素淡左 2️⃣毛孔撫平左八成，皮膚滑左通透左 3️⃣嘴角、鼻翼同虎紋位置都提亮左 4️⃣面頰泛紅位置減淡左 5️⃣整塊面膚色明顯均勻 質地 ⭐️⭐️⭐️⭐️ 控油 ⭐️⭐️⭐️⭐️🌟 遮瑕 ⭐️⭐️⭐️⭐️🌟 提亮 ⭐️⭐️⭐️⭐️⭐️ (⭐️⭐️⭐️

Lindabb好用推薦：《CPB光凝妝前乳霜》使用心得 老實講，對於妝前產品，我一向抱持「可免則免」嘅態度，總覺得多一層就多一份負擔。但CPB呢支光凝妝前乳霜，確實令我改變咗諗法。 第一印象，係佢嘅質感。 唔係一般防曬嗰種「澀」或「笠」，而係一抹開就化成薄薄一層柔焦膜，貼服得嚟帶少許滋潤，但又唔會令後續粉底起擦膠碎。佢嘅高明之處，在於「修飾」而唔係「遮蓋」——毛孔細紋被輕輕撫平，膚色變得均勻透亮，但又保留到皮膚本身嘅紋理，望落就係「我本身皮膚好好」嘅感覺，而唔係「我搽咗好多嘢」。 最深刻嘅，係佢同皮膚嘅互動。 好多妝前產品，一開始靚，但過幾個鐘就走樣。CPB呢支有趣嘅地方係，隨住時間同皮膚油脂融合，光澤反而更自然，冇嗰種「浮粉」或「暗沉」嘅尷尬。對於香港呢種潮濕天氣，佢做到「控油而不乾，滋潤而不膩」嘅平衡，確實難得。 當然，佢唔係完美。 價錢係一個考慮因素，貴婦級別妝前乳唔係人人覺得需要。另外，如果本身皮膚極乾，冬天用之前一定要做好保濕打底，否則會覺得唔夠潤。仲有，佢嘅角色係「輔助」多於「修正」，如果期望一搽就遮晒所有瑕疵，咁你會失望——佢擅長嘅，係將你本身嘅優點放大，而唔係將缺點隱藏。 回購與

Maggie Wong好用推薦：夏日持妝必備好物！ 夏天天氣又熱又濕，出街幾小時後T字位容易出油且會把底妝溶掉！試用SOFINA Primavista BLACK 重點控油修飾棒後，立即把這個問題解決了！ 本人T字位易出油，因此會在保濕後先在T字位塗上一層控油修飾棒。之後再上底妝 未使用產品前，即使在辦公室半天，鼻及鼻側易出油位置會把底妝溶掉一點 用了控油修飾棒後，即使是在夏天行街，T字位出油明顯改善，底妝還是完整無缺，而且感覺不黏立，也不會感到乾燥，體驗感非常良好！而且小小一枝，帶出街補妝也非常方便，推介！#火熱新品

Paris merci 好用推薦：Primavista BLACK重點控油修飾棒 Sofina pore新品毛孔隱形gel就只可以化妝前用，控油棒同時可以補妝後用到，佢嘅質地比較薄身，係T位劃幾劃，就可以查勻。佢嘅控油棒係冇任何顏色搽完上嘅位置就會有少少乾燥感，不會影響上粉底效果，用完係鼻翼位置不會再浮粉。 同埋佢係方便攜帶出街，尤其而家嘅30幾度天氣實在太熱，補妝嘅時候我可以輕印面部汗水油脂，用完控油棒之後再拍蜜粉。 重點係雖然佢係有隱形毛孔作用，但卸妝都好容易捨得乾淨。 #火熱新品

Luna好用推薦：Sofina Ange控油持妝隔離底霜（粉色）：$100有找嘅油肌恩物？實測8小時唔溶妝 講到開架控油妝前，Sofina Ange呢支粉紅色隔離霜可以話係「長青樹」，台灣同日本@cosme長期上榜。今次就由質地、控油力、潤色效果同持久度，同大家實測下佢係咪真係咁神！ 包裝 & 質地：輕盈流質，粉紅色有驚喜 支裝設計，唧出嚟係好流質嘅粉紅色水乳液，推開勁快，輕盈到好似冇搽嘢咁。粉紅色調明顯有潤色效果，可以中和亞洲人嘅蠟黃同暗啞，均勻膚色之餘唔會死白，仲帶微微自然光澤，後續上粉底會慳返好多！ 控油力 & 持久度：油肌實測8小時 呢支最出名就係皮脂固定粉末技術，實測報告話佢可以吸收多餘油分，同時防止油光浮面。小編親身試過，喺濕度80%以上嘅日子： · 頭4個鐘：完美，妝容完好無缺，T區零油光。 · 6個鐘：鼻頭開始有少少光，但唔會話溶到一撻撻，用紙巾輕印就搞掂。 · 8個鐘：面頰依然啞緻，鼻翼位有輕微脫妝，但以開架嚟講，呢個持久度絕對係頂級水平！ 潤色 & 修飾毛孔：自然偽素顏 粉色版比舊版（控油白瓶）多咗輕度調色功能，薄薄一層已經可以撫平毛孔凹凸，仲有SPF25 PA+++，

mandy好用推薦：SOFINA Ange Long Keep Base UV 控油持妝隔離底霜 SPF16 PA++ #Pink $99 from Watsons (購於再打88折之時) 控油持妝隔離底霜改版後共推出3色供選擇， 粉色可以均勻膚色，橙色可以提亮，綠色可以遮蓋面上泛紅，跟舊版一樣，3色皆具控油效果及少許防曬功效。本文使用的控油持妝隔離底霜是粉紅色，成分方面以保濕成分、防曬成分及控油成分為主。由於防曬功效只有SPF16 PA++，大家最好在上控油持妝隔離底霜前使用足夠的防曬產品。 控油持妝隔離底霜的質地是很流動的乳液狀，延展性極佳，可以輕易在全面均勻推開，並有效均勻膚色及帶少許提亮功效。使用控油持妝隔離底霜後，底妝的持久度提昇不少，午後也沒有溶妝，省卻不少補妝的時間及工夫。 以$99的happy price開架價位來說，控油持妝隔離底霜仲有3色供選擇，算是品質不錯，性價比高的隔離底霜，還有助持妝，實在很值得入手。 含保濕成分：矽靈, 硬脂酸, 氫氧化鋁 及 玻尿酸鈉 防曬成分：氧化鋅, 二氧化鈦 及 桂皮酸鹽 控油成分：矽石, 氫氧化鋁 及 滑石粉 鎮靜消炎成分：氯化鋅 及

WSum So 好用推薦：多謝cosme今次揀中我試用GROWN ALCHEMIST 隔離霜，肌底防禦啞緻隔離霜！呢個品牌都係我第一次接觸，非常之期待☺️ 先講下佢嘅包裝，佢係走簡約風，全白底黑字嘅外盒，而產品本身就係粉紅色為主！依一個包裝已經加左分，有種覺得佢將錢都放係產品自身而唔係極fancy 嘅包裝😂 然後，通常隔離霜都會係cream狀，主要都係為左調色/保濕等等。 而呢板GROWN ALCHEMIST 隔離霜係選用左啫喱狀，而且係target matters嘅效果。🥹 今次係我第一次試用matte效果嘅隔離霜，會有少少擔心會唔會擦子膠碎嘅問題。不過試用落嚟，其實質地非常次易推開，質地清爽，控油效果非常之出色，我認為適合混合性肌膚局部使用。👏 另外毛孔遮蓋效果都幾理想，但係法令紋位置搭配粉底後，可能出現卡粉情況。建議搭配質地更輕薄的粉底使用，以減少以上嘅問題。而當配搭啞妝感嘅粉底的確非常之容易做到一個完整啞妝感！😍 如果大家比起水光肌更喜歡啞妝感就可以一試！☺️👍🏼

楊一二好用推薦：大油皮既我會係夏天用呢支隔離底霜🌞 我一般只搽T區同臉頰毛孔粗嘅地方，唔會全臉搽。質地係水潤啫喱，清爽零黏笠，仲係0硅配方，唔使擔心塞住毛孔爆暗瘡✌️搽完上面有涼涼地感覺，夏天用係一大享受🤣～吸收後呈細緻霧面膚感，我覺得壓抑油光既效果明顯，但柔焦毛孔一般🤔 另外呢款底霜冇潤色提亮功能，唔可以單擦當素顏霜，想提亮膚色需要搭配粉底液一齊用，追求霧面控油嘅油皮值得入手。 #底霜

Emily Leung好用推薦：Benefit毛孔細緻霜測評 質地： 搽上手第一感覺係「滑得嚟有啲矽感」，唔會立癡癡，推開個陣有啲似慕絲咁，好快就啞面，完全唔油。如果你試過佢哋嘅反孔精英，呢個霜嘅質地會再輕薄少少，似一層好薄嘅柔焦濾鏡咁罩住皮膚面頭。乾皮用可能會覺得有少少繃，建議局部用喺毛孔粗大位（多數係T字同鼻翼兩側）。 毛孔細緻效果： 即時效果明顯，填平凹凸窿窿嘅能力幾強，尤其係鼻翼兩側同眉心位嘅細小毛孔，搽完即刻睇落平滑咗，有種「磨皮感」。但注意，佢唔係真係收細毛孔，而係透過填充同光線折射令毛孔「睇唔到」。持久度大概可以keep到半日左右，如果出油多，晏晝可能要用紙巾印一印油，再補少少。 小貼士： 1. 唔好當全臉面霜用，只搽喺毛孔明顯嘅位置，否則可能會有屑或者太乾。 2. 建議用完保濕打底（等吸收晒）先搽，之後再上粉底會更貼服，毛孔隱形效果會加倍。 3. 如果追求天然妝感，可以單用呢支霜，再薄掃一層碎粉定妝，已經有好靚嘅柔焦效果。 總結： 適合油性/混合肌，或者需要即時修飾毛孔嘅場合（例如約會、見工）。但如果你期望長期改善毛孔粗大，就要配合其他護膚品（例如果酸、維A醇）。一支都幾耐用，值得入手試吓！

Lindabb好用推薦：Benefit毛孔細緻霜（即係「反孔精英」妝前霜 質地： 搽落係滑溜溜嘅「慕絲」感覺，唔油膩，推開後有啲啲粉感，但唔會好乾。顏色係肉色，但上臉後會變透明，唔會影響後續粉底顏色。 功效： 1. 即時收毛孔： 塗喺鼻翼、眉心同面頰毛孔粗大位置，真係有「磨皮」效果，毛孔望落細咗好多，皮膚睇起嚟平滑咗。 2. 控油同持妝： 對於混合性同油性皮膚幾友好，可以延緩出油，令粉底冇咁易溶妝。乾皮膚可能要用少啲，或者局部用。 3. 妝前打底： 可以令粉底更貼服，唔會容易浮粉，尤其適合夏天或者潮濕天氣用。 缺點： · 如果用量太多，或者手法唔啱（例如用力摩擦），有機會有「搓泥」情況。 · 單用唔夠保濕，乾皮膚可能要額外加保濕霜打底。 · 效果偏向「即時修飾」，長期用未必真正縮細毛孔，主要係化妝時視覺上改善。 使用心得： 建議用手指輕輕拍開，唔好來回捽。局部用喺毛孔粗大位置就夠，唔需要全臉搽。最好等半分鐘左右，等佢乾咗先上粉底，效果會更持久。 總結： 適合毛孔粗大、容易出油、想要妝前平滑皮膚嘅人。如果你經常化妝，想個底妝睇落更精緻，呢支值得試。但如果你追求天然護膚、或者係極乾皮

Emily Leung好用推薦：日本必買防曬，Canmake美人魚防曬啫喱！ 日本藥妝店很火的一款防曬！一共有五個顏色，各有不同的功效！ ⭐️ 01透明：任何膚色的人都可以使用的無色型。 ⭐️ 02白色：上臉後有提亮作用，可讓肌膚有美白效果 ⭐️ C01薄荷綠: 含有積雪草葉提取物,改善泛紅和暗沉的綠色型。 ⭐️ C02黃色款黃色的抗氧化成分，可以糾正不均勻的顏色。 ⭐️ C03薰衣草紫: 改善泛黃和暗沉的保濕成分。 ☘️防曬度：SPF50+ / PA++++ ☘️成份：含83%精華成分 ☘️質地：質地水潤易推開，成膜巨快。 🍀效果：控油能力不錯，一天下來不怎麼氧化。 我最愛是C03紫色款，可以遮盖暗沉，調節膚色！它不僅可以用於面部，還可以用於全身。洗完臉後，可以用這一款做護膚、保濕打底、防紫外線打底。質地水潤不會搓泥，不影響後續上妝！

糯米喵好用推薦：呢一支打底係我係松本清買福袋嘅時候入面有嘅，因為見呢隻都好似好出名，所以都比較有興趣。 用完嗰吓心心眼咗，因為佢十分之保濕，冬天用係一流，自己已經回購咗一次！佢係黃色嘅膏體，會提亮到皮膚，而且搽完會好有水光感。 自己係十分之鍾意呢種保濕感好強嘅打底，上裝嘅時候都十分之貼！呢一支已經成為咗我上妝前必用嘅產品，以佢嘅價錢嚟講，性價比係好高，因為佢先$100樓下，所以長期來講自己都會繼續回購，因為真係好好用！

Fng好用推薦：Sunplay Skin Aqua彩虹防曬 (紫色)用後感 ——平價版「美顏濾鏡」，黃皮救星！ 🌈✨ 我係熟齡混合偏乾肌，香港又濕又熱，最怕防曬「立」同「假白」。見樂敦呢支2026年新版紫色防曬（約HK$60-80 / 80g，SPF50+ PA++++）好評多～ 🧴 質地：水感輕薄，秒速吸收 · 質地係輕盈水潤嘅乳液狀，延展性極高，好易推開 · 上面後成膜速度快，清爽唔立，油肌都輕鬆駕馭 · 唔會厚重或者搓泥 · 帶淡淡花香，唔會太濃俗 💜 調色效果：黃皮「即時美顏」神器 · 擠出嚟係淡淡薰衣草紫色，用補色原理中和亞洲人嘅蠟黃暗沉 · 上臉即時提亮均勻膚色，望落有透明感同好氣色，唔會死白 · 含極細珍珠粉，有細緻珠光，望落皮膚飽滿有光澤 💧 護膚成分：防曬同時養膚 · 透明質酸、角鯊烷及水解膠原蛋白：提升保水力，用完唔乾 · VC美白導入成分：預防紫外線同時亮白肌膚 · 無防腐劑、無礦物油、弱酸性，已通過敏感肌測試 🌊 防水持妝：夏天流汗都頂得住 · 速乾耐汗配方，優秀嘅耐水耐汗能力 · 可作妝前打底使用，後續上粉底貼服 · 臉部同身體都用得；潔面產品可直接清洗 🌸

Kayyan22好用推薦：呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！

Emily Leung好用推薦：RMK 隔離霜 ｜想要「水潤透亮」同「貼服持久」底妝嘅人，揀佢！ 👍 優點： · 質地輕薄： 乳液狀，好推唔黏立，保濕度夠，皮膚冇負擔。 · 修飾一流： 帶少少珍珠光澤，可以即時提亮膚色，睲神兼有「透光感」，但唔會誇張到滿面閃粉。 · 貼服度爆燈： 因為夠潤，令後續粉底癡到實一實，減低浮粉同卡粉機會。 · 日系靚妝： 完美做到嗰種自然、有光澤嘅「偽素顏」底妝效果。 👎 缺點： · 遮瑕力弱： 主要係調同提亮膚色，唔好期望佢可以遮到痘印瑕疵。 · 控油一般： 對大油皮嚟講，夏天可能唔夠持久，比較適合乾性至混合性肌膚。 · 價錢中上： 唔算平，但用量省，一支都用好耐。 結論： 如果你底妝追求自然光澤同貼服感，唔係要超強遮瑕同控油，RMK呢支隔離霜絕對係「神隊友」級別，能令你成個底妝質感即刻升級！

Yeonjung好用推薦：【RMK水漾隔離霜用後感】🌊 開頭先講，我係混合肌，T區易出油，兩頰偏乾。一直對日系品牌嘅底妝有好感，貪佢細緻又貼面。今次試RMK呢支水漾隔離霜（Smoothing Gel Base），真係有驚喜。 質地係Gel狀，一推開就化水，好輕盈。佢唔似傳統底霜咁厚，反而似保濕精華，上臉零負擔。最鐘意佢帶少許柔焦效果，唔會死白，係自然提亮，毛孔即刻隱形咗一半。後續上粉底勁貼服，冇擦膠碎，全日唔覺得乾。 保濕度：★★★★☆（夠應付冷氣房） 控油度：★★★☆☆（T區要碎粉定妝） 遮瑕度：★★☆☆☆（主力係調色同平滑膚質） 如果你追求輕透、自然光澤感，呢支值得入手。但瑕疵皮就要配返遮瑕膏。總括嚟講，係夏天合格嘅打底好幫手！ #RMK #水漾隔離霜 #日系品牌 #底霜實測 #混合肌適用 #輕透妝感 #化水質地 #妝前打底