2026香港「眼線液」推薦好用排行榜Top20

Hoikiki好用推薦：Ettusais 眼線液用後感：順滑但係「雙面刃」 · 筆頭係「海綿芯」而唔係「毛筆頭」：呢個係最大分別！佢似幼身 Marker 筆頭，有一定硬度，新手畫外眼線超好控制，唔會分叉，而且出水量好均勻。但壞處係筆頭偏粗，大概 0.8mm，如果想畫極幼嘅眼尾拉尖效果，佢做唔到 Kate 嗰種 0.03mm 嘅精緻感。 · 顏色係「柔和黑」：佢嘅 03唔係極黑，係帶少少自然嘅灰黑色，望落冇咁銳利，好適合返工返學偽素顏。但如果你鍾意韓妝嗰種「顯眼深邃」嘅感覺，呢支會唔夠滿足。 · 防水防油表現（香港實測）：老實講，比 Kate 弱。行街半日，眼尾會有少少化開嘅跡象（尤其係油眼人）。不過佢有個優點：暈開係「漸變淡」而唔係「起粒粒」，即係唔會變熊貓眼，只係條線會變得冇咁實色，望落似自然淡妝。 · 最大優點：卸妝極速！佢係溫水可卸配方，沖涼時用暖水捽兩吓就甩晒，唔使特登用眼唇卸妝液，對成日捽眼嘅人嚟講好方便。 · 持久度問題：因為佢溫水可卸，所以唔防油汗。夏天如果要去戶外，呢支一定頂唔順。但如果你係乾眼／辦公室冷氣環境，佢就啱啱好。 💡 用後貼士：用完記得筆頭向下存放，如果發現出墨斷斷續續，

FishFish好用推薦：ettusais眼線液筆，開架彩妝入面嘅驚喜之作。 筆頭極細，得0.1mm，畫內眼線同填睫毛空隙都精準到位，唔會畫到一撻撻。 最鍾意佢嘅防水防油力，香港潮濕天氣全日都冇暈染，到夜晚只係眼尾少少褪，持久度對得住價錢。 筆身輕巧，手感好就手，新手都易控制，畫出嚟嘅線條流暢，一筆過就均勻上色，唔會中斷。 我通常畫完等幾秒就乾透，唔會印上眼蓋。卸妝用專用卸眼液就乾淨，唔會捽到眼皮紅。 總括嚟講，性價比高，係日日化妝必備嘅眼妝好幫手，回購咗好幾次喇！😊

Fng好用推薦：KissMe 極細眼線液筆用後感 （春夏・熟齡混合偏乾肌） 👁️✨ 化妝咁多年，最怕兩件事：眼線出水唔順，同埋未到中午就溶成熊貓眼。 尤其香港春天濕到牆滴水，夏天又熱又焗，眼線撐唔住真係好狼狽。 KissMe 呢支眼線液筆（約HK$65 / 0.4ml）我聽過好多人讚，但一直半信半疑。一支筆，扭轉我對開架眼線嘅印象 筆頭極細，新手都控制到 0.1mm 極細筆尖，就算手震都唔會「畫出界」。我用嚟填補睫毛根部同畫眼尾，精準度拍得住專櫃筆。 出水順暢，唔會斷斷續續 輕輕掂到皮膚就出到色，唔使㩒到手指痛。 顏色夠黑，一筆到位 我買黑金色，係實實在在嘅濃黑色，唔係灰灰淡淡嗰種。 潮濕天氣實測：溶唔溶？ 講到眼線，防油防暈先係關鍵。我特登喺以下情況測試： · 全日冇補妝：朝早8點化好，夜晚10點返到屋企，眼尾完整無缺。 · 出汗 + 戶外：行咗半日街，鼻翼出晒油，但眼線依然喺度。 · 眼油困擾：我係內雙眼皮，好易溶妝。呢支捱到8小時先有少少褪色（已經好叻）。 👉 一句總結：防暈力強💯，春夏天用都好安心。 不過都有少少嘢要留意 · 眼線膠筆 vs 眼線液筆：如果你想要好柔和自然

ArielG好用推薦：有多種顏色選擇，05色相對比較自然，較易控制粗幼易畫，溫水即可卸👍🏻

shinchan好用推薦：以宜家天氣 (春天) 嚟講，我嘅肌膚係混合偏油。眼皮即使定咗妝都仲會出啲油，所以眼部彩妝要用持久同抗油水嘅。 我一路有化開淡妝，但從來都冇研究過畫眼線嘅秘技，因為手殘🤣直到最近開始想學化靚嘅眼妝，第一次挑戰就膽粗粗買咗呢枝眼線液。好多YouTuber同身邊嘅朋友都推介，所以即使眼線液難用都想嘗試。我買嘅係Kiss Me Heroine Make 纖細眼線液 (03 深啡黑色)。佢係一隻深啡帶黑嘅顏色嚟，正如色號所形容🤣買佢嘅原因係因為黑色會太兇惡，啡色又太普通。呢枝眼線液好順滑，完全冇斷墨，筆頭好尖好幼，可以好精準咁畫到一條幼嘅眼線出嚟。持久又抗油，非常推薦🫶🏻我朝早7:30畫好條眼線 (冇定到妝)，放工後食完飯去咗飲酒，到夜晚11:30先返到屋企。眼影已經甩晒，唯獨係條眼線仲留咗喺度！好癲，大推！下面幅圖可以見到雙眼皮皺摺位堆積咗嘅眼影粉，雖然條眼線有少少甩，但正常社交距離都仲清晰可見！因為第一次畫想試吓佢有幾持久，所以冇定到妝。之後/夏天我會再努力定妝，等佢可以更持久🤣價錢: 10/10 持久: 10/10 抗油: 10/10 回購: 100/10💕

Poyobb好用推薦：市面上出咁多五彩繽紛嘅眼線液，其實最務實一定係用返黑、啡、灰色，百搭顏色✏️ 呢支係Kiss me Heroine Make 系列極緻持色纖細眼線。筆尖十分幼細，毛筆在十分尖細，只有超細0.1mm，即使貼住睫毛填空白位都好容易，上眼線可以描繪到好完美既弧度粗幼，非常乾脆俐落。如果新手想用眼線液買佢就練習最好。 墨水出色均勻，沒有化開 ，顯色強。市面眼好多眼線液嘅黑色同啡色相差不大，超推薦我手上呢05灰啡色，添加返眼神之餘，又帶點柔和感🫧 即使上翹形眼線or平衡延伸眼線，當天鍾意邊個造型都可以使用。一直以來用眼線筆描繪內眼線，會痕到流眼水，反而用返呢支眼線液就冇問題。 持久力強，而且係寫住super water proof。用於內眼線全日都沒有溶妝，夏天去沙灘眼妝淨係用眼線液同睫毛液，眼線液係唔會甩，唔會化開。但一用卸妝油就已經寫卸好乾淨沒有殘留。 好多開架日本品牌嘅眼線液好好，Love Liner dolly wink，但最後都係揀返Kiss me 💕

Snowy529好用推薦：Love Liner眼線液不嬲都話易畫又好用，最近順手入咗人氣色號 Rose Brown（玫瑰紅棕色），一試真係名不虛傳，變咗我近期化妝袋必備，絕對係手殘黨恩物🥺 外表精緻嘅金屬筆身包裝少女心滿分，拎上手有少少重量感、好穩，畫嗰陣唔怕手震。佢個彈力毛刷筆頭超級幼細，唔會太軟或太硬，超易控制而且完全唔拮眼皮。用後感我用上手，最鍾意佢出水非常順暢，一畫落去流暢、零斷開。 我自己係雙眼皮，最驚眼線筆慢乾會印到上眼皮。但呢支乾得超快，線條實淨，連眼尾嗰下「小勾」拉長都可以輕鬆搞定，由幼到粗隨意控制。 Rose Brown 顯色度啱啱好，畫上眼睛之後又比我想像中尋一啲，所以唔會太浮誇。帶點溫柔嘅紅棕調、令雙眼皮更深邃，唔會好似純黑色咁銳利死板。眼神溫柔得嚟又有神✨。 持久度方面… 防油防汗效果好驚艷！帶妝成日又出汗又出油，收工雙眼皮褶位眼尾亦無溶開，油眼人士真係唔使驚變「熊貓眼」。百幾蚊一支有呢個高質素效果wo。真心超值、抵買

maylam好用推薦：其中一支不斷回購嘅眼線筆！ 色號選擇多 揸上手好穩畫出嚟好順滑 眼線畫得自然又顯色 持久度極佳 全日風吹雨打都唔甩 去日本一定掃貨

wingche好用推薦：真係非廣告‼️純分享著數 作為慳妹平時鍾意lunch格下價，之前見到呢間 化妝品店 搬遷 全部嘢半價🤩有啲仲3折，抵過萬寧、屈臣氏…不在話下，連ANESSA 支防曬仲平過我日本買~ 所以上星期掃咗一堆洗頭水、護髮素同沐浴露，返到去同我妹分享呢個優惠 對化妝品熟悉嘅佢，即刻話呢支DUP Silky Liquid Eyeliner嘅眼線筆好用，防水唔甩之餘又唔難卸妝，因為之前佢轉過另一個牌子，已經用埋眼唇卸妝液都攪唔掂，捽餐懵～傷皮膚 最重要佢話 SASA 買呢支 D-UP 絲滑特濃防水眼線液特價都要$7X 而家5折完 $47.5💰仲要冇咁多色，所以幫佢買左Milk Cappuccino同Apricot Brown ，不過Chiffon Brown 賣曬 大家啱嘅可以望埋 Canmake 或者護膚品 Curel, MINON…都係半價 ❇️❇️希望贏到shu uemura 植村秀 unlimited 無限輕透持妝粉底液（小方瓶2.0）🤭聽日再努力出post

3寶mamama好用推薦：大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！

Sanna Cher好用推薦：多年前於海外購入，色調是orange和灰藍色，本來眼線筆所呈現的顏色已帶點透明感。觸感方面，適合描繪幼細線條，用手輕輕抹走可重畫，有妝感但色調較輕，是我心目中非常切合日系妝容的產品。使用產品前後分別，見眼線效果不會太明顯，而有妝容感。完妝的照片，非常適合淡色感的妝容。

Samantha228好用推薦：​呢支 UZU 眼線液一直都好hit，我自己都用過 5-6 支。因為去日本買成日都斷貨買唔到，所以我一直都係喺香港買。雖然以開架品牌嚟講佢價錢算偏貴，但因為好用我都一直回購。我本身係內雙加油眼，平時用好多牌子嘅眼線液都會溶，唯獨呢支可以 keep 得好好、唔會溶，而且佢隻Brown Black 啡黑色夠深，隻啡色調得最靚！ ​不過我近 2 年買嘅新版本真係唔同左。雖然用起來一樣咁持妝，但近年用個2支，都係用咗個幾月左右就開始變乾，跟住直頭唔點出墨，變得好難畫！依家對佢有少少失望，已經轉咗用其他牌子，但如果佢之後改善左呢個問題，為咗呢隻最靚嘅啡色我依然會想用返佢。

Yty好用推薦：WAKEMAKE 持久防水眼線液 03 👁️✨ 想搵一支持久度高、顏色自然嘅眼線液，呢支韓國 WAKEMAKE 03 號色絕對係實力派！ ✨ 用後感與好處： 【柔和自然嘅深邃感】： 03 號通常係極溫柔嘅自然深啡色調。比起死板嘅純黑色，佢上眼更加溫柔自然，畫偽素顏妝或者日常通勤妝都好夾，眼神會變得好柔和。 【超強防水防暈染】： 筆尖極細且出水流暢，新手都能輕鬆勾勒眼尾。最正係佢防水防汗實力驚人，出街成日都唔驚眼尾變熊貓眼，持久度超高。 💡 溫馨提示： 【用前搖一搖】： 用之前先輕輕搖勻，出水會更加均勻流暢，一筆畫到尾唔會斷墨。 💬 總結： 出水順滑、抗暈能力極強，加上溫柔嘅深啡色調，絕對係日常眼妝必備嘅高 CP 值神物！ #韓國彩妝 #眼妝部門#WAKEMAKE #眼線液 #防水防暈

natanatalie好用推薦：性價比高的眼線筆👍🏻 這個品牌的粉底我用了款都覺得很不錯，這次來試試他的眼線筆吧！🤣 它的眼線筆價錢並不貴，個人感覺效果正正常常，中規中矩，並沒有令我很驚艷。首先眼線筆有三款顏色，這次我買了啡色，筆頭非常細膩，也非常容易操作，上手也感覺到很順滑，很容易畫到一條尖頭的眼線。😊 但是它有微微化開的情況，對於我這種油眼的人來說，持妝度可能不是十分持久。因此我個人認為只適合油性肌膚的女生在秋冬使用或是乾性肌膚的人使用。🥰

Tszki好用推薦：筆尖控制力佳,筆頭軟硬適中，適合新手掌控，能輕鬆畫出流暢、顯色的線條。 極細精準,筆尖極纖細，適合填補睫毛根部空隙或勾勒自然纖細的眼尾。 顯色飽和,濃黑色彩一筆即可達到飽和感。 難以卸除,由於防水防油力極強，建議搭配強力的眼唇卸妝液，普通洗面乳或溫水通常難以卸淨。

killkew.b好用推薦：FASIO眼妝產品都幾有口碑，買左收到02號啡色， 因為整左眼睫毛，所以眼妝都係畫少少下眼線同下眼影， 畫少少啡色眼線係眼珠正下方，突顯眼珠， 放大眼睛更加有神，筆頭好容易畫， 顏色比較自然淺色，可以keep到全日😄

tracy22098好用推薦：呢支Lumiurglas 眼線液筆真係完全被低估～我本身用過好多唔同牌子嘅eyeliner都幾易溶，但呢隻完全唔會！我中意用佢嘅Roast Brown色，會比較自然❤️

Simona好用推薦：購自Tokyo lifestyle 尖沙咀Facesss 店 呢隻眼線筆啲筆尖係絲 眼睛敏感嘅我唔會吉眼 佢有3隻色 揀咗支啡色 唔知係咪我用眼多 同朋友出街過左半日居然甩咗

Yty好用推薦：Cezanne 極光閃粉眼線液 (#20色) 呢支真心係我嘅心頭好，經已吹到就嚟用完，準備回購下一支！ 用後感： 【畫臥蠶簡直係神仙級】： 佢嘅閃粉非常細緻自然，點喺臥蠶位置輕輕推開，即刻打亮眼頭同提亮眼神，打造出嗰種水汪汪嘅微醺淚袋感，完全唔會顯得粗糙或者誇張呀 【質地服貼唔落粉】： 筆頭好細好易控制，質地順滑，乾咗之後閃粉鎖得好穩，出門一日都唔會掉到滿臉閃粉，持久度相當唔錯 #開架彩妝