2026香港「去角質」推薦好用排行榜Top20

Kathy Wai好用推薦：Sofina IP碳酸去角質美容液測評 Sofina新出呢支「水光去角質碳酸精華」，個名就話俾你聽係想做到水光效果，但其實佢主打係溫和去角質。所謂「水光」，即係清潔完之後短暫令皮膚望落水潤、透亮，唔係真係打完針嗰種誇張光澤。 ✨ 最正嘅地方： · 冇磨砂粒子，用完唔會捽到塊面紅晒 · 唔會搓泥，敏感肌都啱用 · 用完之後上妝，最明顯嘅效果就係 「貼服」 ，粉底唔會一忽忽 💧質地 & 使用感受 · 擠出嚟係碳酸慕斯：好輕身、綿密，似剃鬚膏嗰種感覺，但更加軟滑。 · 上面感覺：好舒服，完全冇拉扯感，亦冇磨砂粒子。按摩嘅時候會feel到少少涼涼地，碳酸氣泡輕輕「嘶」一聲化開。 · 抹走之後：用化妝棉一抹，唔會見到黃黃哋嘅角質碎屑（唔似某啲去角質水會捽出擦膠碎），但皮膚明顯滑咗、平咗，下巴粉刺都少咗！ Before：After： 🧴 點樣用： 1. 洗完面之後，保持乾手乾面 2. 搖勻支精華，按一泵 3. 擠出嚟係慕斯質地，直接搽上面 4. 打圈按摩大約10秒 5. 用化妝棉輕輕抹走（唔使過水） 6. 之後照常搽返水、精華、面霜就搞掂 📌 建議用法： 普通清潔嘅日子，隔兩日先

Fng好用推薦：SOFINA iP 水光去角質碳酸慕絲精華 講真，我對去角質產品又愛又恨。愛嘅係用完塊面會滑，恨嘅係——又要捽、又要過水、有時仲要乾到繃緊。搞到成日懶懶閒，一星期都做唔到一次。 但SOFINA iP呢支「水光去角質碳酸慕絲精華」（HK$300 / 120g），聲稱唔使過水、每日用得、仲要保濕——我承認，我有被燒到。 質地：好似梳乎厘咁綿密 一唧出嚟係超綿密嘅碳酸泡泡，質感好厚實彈性，唔係稀稀拉拉嗰種。上面輕輕打圈，感覺好似幫塊面做緊SPA按摩，完全冇傳統磨砂嗰種「刮肉」感。 官方話係「100%碳酸慕絲技術」，配合角質層潔淨成分，可以溫和軟化老廢角質。我用落真係零刺激，敏感肌都用得（佢哋仲做咗敏感肌貼布測試）。 用法：簡單 ① 洗完面，乾手乾面 ② 搖勻5下，唧大概直徑3cm嘅泡泡 ③ 放上臉（雙頰、額頭、下巴、鼻） ④ 輕輕打圈按摩約10秒 ⑤ 用化妝棉由內向外抹走——搞掂，唔使過水！ 每日用得，唔使就時間，懶人恩物無誤。 效果實測：用完即時「滑一滑」 我用咗約一星期，有以下感受： · 即時柔滑感：用完抹走之後，摸塊面係滑咗一層，暗粒位明顯平滑咗 · 透亮感提升

Fng好用推薦：Fresh黃糖磨砂面膜 （春夏・熟齡混合乾肌） 🍋✨ 我係熟齡混合偏乾肌，春夏最怕磨砂「太粗刮到痛」或者「用完塊面乾爭爭」。Fresh呢支黃糖磨砂面膜（約HK$570 / 125g）主打溫和去角質＋提亮，用咗一個月，分享吓感受～ 🧴 質地：軟滑糖粒，遇水即溶 · 軟膏狀帶有細緻黃糖粒，唔會粗鞋刮肉 · 沾濕手指打圈，糖粒會慢慢溶化，越磨越溫柔 ✅ · 洗完唔會乾繃，反而有層薄薄嘅保濕膜 🌸 點樣用先做到透明感？ · 方法❶（我常用）：洗面後印乾水，敷一層薄嘅，等5-10分鐘，加少少水打圈按摩，過水 👉 效果：皮膚即時平滑＋提亮，好似打咗蠟咁反光 ✨ · 方法❷（深層滋養）：敷完等10-15分鐘，唔按摩直接過水 👉 效果：滋潤度高，適合偏乾位置 ✨ 透明感實測 用咗4-5次（每星期1次），最明顯係： · 即時提亮：過完水塊面望落「飲飽水＋反光」，暗沉黃氣減退 · 粒粒平滑：額頭同下巴嘅小粒粒撫平咗，上粉底貼服好多 · 後續吸收加快：用完再搽精華，感覺快吸收咗 透亮感嚟自 黃糖天然果酸 溫和溶解老化角質，加上 保濕油分 鎖住水份，所以磨完唔乾、仲要識發光。

lonia好用推薦：有關提亮膚色，除咗用化妝品之外，打好皮膚底子，定期去角質去除皮膚沉積嘅代謝廢物，幫助護膚品吸收，都有助令膚色回復亮白。 之前search去角質好物，就入手咗fresh呢款黃糖滋潤亮采面膜。一般去角質產品都建議每星期使用一至兩次，而呢款產品官網介紹係每星期可使用三至四次，温和去角質。呢款係膏狀面膜，入面有黃糖同見到有士多啤梨籽。洗完面，濕面狀態搽上面膜，帶有少少香甜嘅果香味，輕輕打圈按摩直到黃糖完全融解，再敷5至10分鐘，用暖水洗淨就可以。暖水洗完面之後，塊面會有一種油份嘅滋潤感，但唔算黏笠。所以秋冬季使用都唔怕因為去角質而導致皮膚乾燥痕癢，甚至引起泛紅。 使用呢款面膜之後，覺得佢可以改善皮膚暗啞，令膚色提亮咗，光澤感都出返晒嚟。特別推薦俾乾性皮膚，揾緊合適去角質產品人士～

Evolllwong14好用推薦：我最近超愛用【毛孔救星】Takami小藍瓶精華，因為它真係屬於「溫和角質調理」但又好唔刺激嘅類型，對我呢種會成日長閉口、鼻翼毛孔又易顯嘅肌膚特別有感✨ 我第一次用就覺得佢吸收好快：水水狀、完全唔黏膩，上面皮膚冇負擔。平時洗完臉我會直接上佢（其實唔使再用化妝水打底），按壓一陣就吸收晒。用完之後我會覺得皮膚軟軟滑滑，摸落去好細緻，最重要係——肌膚開始有「透明感」嘅感覺💧🌿 堅持咗一段時間，我發現鼻翼嗰啲毛孔同小閉口的確有減少，粉底液都會更易推、更貼、更服帖。整體膚感就好似「皮膚飲咗水」咁，清爽又透氣；唔會再覺得暗沉或者粗糙頂住塊面😌✨ 如果你都想搵到一款幫你提升透明感、又唔想太刺激嘅護膚品，我真心推薦你試下呀！🩵

Kelvin好用推薦：日本小眾牌子，lane Crawford 同Cosme尖沙咀旗艦店先見到有得賣行貨。Takami調理肌膚底平衡水油嘅toner，令到皮膚唔會咁容易出油暗瘡。但佢係唔會令到你啲毛孔收細，即係肉眼上唔會有明顯分別。 比較神仙水，冇一大浸發酵味，容易令人接受。我都係手上面再拍上面，唔會有刺激，相對神仙水更加溫和，而用完之後就算依排天氣忽冷忽熱，皮膚都唔會特別甩皮或者出粒粒。佢係水劑嘅精華水，用完會清爽，冇油份。不過佢係滴管狀比較細支，我一次要用兩吱份量，一個月就用晒一支，計返同神仙水價錢差唔多。

Sanna Cher好用推薦：產品是透明水份質地，不帶油份和乳液精華，非常爽身。 使用份量是將爽膚水擠出三至四次，倒在化妝綿上，再輕輕抹塗於面部。可在洗臉後使用產品，增加面部保濕。使用產品後，面部帶有輕微光澤。

維他他好用推薦：呢支the ordinary 嘅去角質爽膚水非常出名，出名又平又大枝又好用，佢係一支去角質嘅爽膚水，用咗可以改善毛孔，同埋令皮膚更加光滑，建議喺晚上使用。 呢支去角質爽膚水非常有感，因為用完之後塊面會有少少拮拮地，微刺，同埋會泛紅，我試過連續兩個星期夜晚使用，可能用得太多太密，皮膚連日頭都紅卜卜，但係唔係健康嗰隻，係敏感嗰隻紅，哈哈，可能我太刺激皮膚了 所以一開頭用嘅話，可以逐漸使用，唔好連續每晚使用 ，間唔中用下就OK，用完之後，皮膚係會滑咗啲，毛孔會細咗啲，佢都算係溫和嘅去角質，聽講仲可以用喺頭皮上，有好多用法 呢支去角質爽膚水，係真係非常水狀，好似水一樣流動性好高，淡黃色，冇味道，敏感肌嘅朋友應該唔適合，可能會比較刺激肌膚。  呢支嘢間唔中用吓，重點係佢真係好平，好似$100都唔使就有一支大大支，夏天應該可以用得密啲

lingbb好用推薦：- 三合一面膜代表能夠做到清潔、去角質、排毒同時保濕效果嘅面膜。成份就係蘊含90%死海泥同礦物質去除肌膚的污垢和油脂，深層清潔毛孔，同時預防暗瘡粉刺形成。 - 因為成份有保濕去角質就要塗全面，起初好怕乾到敏感，結果反而皮膚好細嫩好柔軟好舒服！ - 上面會感覺到有好多好幼細嘅粒子質地同時都好細滑。有香味但好淡，好似做spa感覺 - 面膜會隨著時間愈長，面膜會冇左水份變得好乾燥同繃緊，可以用用水輕輕按摩面部，令磨砂粒有透過按摩去角質，洗完面皮膚好細緻、唔會乾，感覺更平滑 - 盒面膜放耐左都唔會變得乾，所以可以變得耐用，推薦！

Blooming好用推薦：香味療癒，令人放鬆舒服。可溫和去角質，但深層清潔的力度實在太薄弱，無助於吸走黑頭粉刺，可能適合啲皮膚比較容易敏感的人使用。

Kitty 好用推薦：佢嘅质地係白色泥状，入面有幼细嘅磨砂粒，但唔会刺激皮肤。我通常洗完面之后，搽薄薄一层係T区同下巴，等大概5-10分钟，然后轻轻打圈按摩，再用水冲干净。💆‍♀️ 用完之后，块面即刻滑咗好多，黑头粉刺都浮晒出嚟，轻轻一推就清走咗！😱 最紧要係用完唔会绷紧，反而觉得保湿咗，皮肤透亮咗好多。✨ 用咗几次之后，會觉得皮肤整体干净咗，连化妆都贴服啲！👍 如果你都想拥有干净滑溜嘅皮肤，真係要试下呢支IPSA Clay Mask！💖

Yty好用推薦：日本專門店購入，ipsa新版磨砂面膜有效幫助清潔、吸附油脂、去除老廢角質，可以濕用同乾用，濕用敷5分鐘之後皮膚「透明感」立即提升，睇落去白淨咗同埋膚質變得柔軟，而且磨砂粒子幼細，用完之後都唔會有掹緊乾痕嘅情況，感覺都幾保濕，一個禮拜可以做一次兩次 #「透明感」 #磨砂 #「提升肌膚透明感的護膚品」

Desse好用推薦：CANVAS Beauty 品牌嘅 Rose Otto Polishing Smoothie Cleansing Exfoliator 一款溫和去角質潔面產品，主打天然磨砂同深層清潔，適合所有膚質尤其是暗沉或粗糙肌用，日常一週用兩次簡單方便 質地係細粉狀 smoothie，混水後變成滑溜磨砂膏，按摩臉上輕輕打圈，微粒溫和除死皮同污垢，沖洗乾淨後皮膚感覺光滑水嫩 成分有玫瑰精油保濕提亮、乳木果油滋潤同燕麥種子舒緩，98% 天然有機，敏感肌適合 用後膚色好似提亮咗啲啲，毛孔乾淨咗少少，冇刺激或紅腫，早上或晚上用都可以 留意位🥸 對極乾肌可能稍乾，需要配合保濕精華，但整體溫和實用，值得試～

Bendict好用推薦：好物分享😺👍 我之前皮膚狀態好差 呢支本身只係諗住試下嘅心態去用 用左兩個多星期 每星期2次 （一星期兩次好嘞😂） 每次10分鐘內 洗完面係覺得明顯皮膚光滑咗🙀😻 堅有用 但一個星期唔可以用多過兩次 同每次用都係最多敷10分鐘 唔係會傷到角質層😂

Ceccinmydin好用推薦：The Ordinary呢支AHA 30% + BHA 2% Peeling Solution，係我其中一樣好鍾意嘅product 👍！佢堅係work，一定會回購 初初見到佢嘅質地真係有啲嚇親，係血紅色嘅，搽上臉驚嚇感十足。講到使用感，如果臉上有甩皮，啱啱支完暗瘡有傷口，係會乸同刺痛，同埋如果臉上有水唔係完全乾身，上面會有火燒咁。所以脆弱肌膚千祈唔好試。呢支嘢好鬼勁，一定要跟足指引，每次敷唔超過10分鐘就要洗走 佢係一支好高效嘅酸類去角質煥膚產品，可以去除皮膚多層角質，對付粉刺同暗瘡好有效。我係一個星期用2次，用咗一個月左右，真係覺得皮膚滑咗，膚色均勻同光澤咗。缺點就係佢真係好刺激，一定要慢慢建立皮膚耐受度，新手同敏感肌要特別小心。 但佢咁平，都值得買嚟試下，除咗面之外，敷落armpit位都唔錯😌，真係會白滑啲！用完佢之後記得要做好保濕🧴

Ceccinmydin好用推薦：如果你同我一樣係油皮，定期去角質已經係日常 ，Rosette 呢支藍色嘅果酸去角質凝膠（清爽型）CP 值真係超高 絕對係小資族必備嘅去角質好物，記得去日本旅行嗰陣藥妝店好似只係賣三百幾円😳‼️ - 我買呢個version係加咗炭纖維清潔力更加強，佢係透明凝膠狀 ，搽上面輕輕打圈按摩，好快就會搓到一粒粒擦字膠碎出嚟 ⛔️唯一缺點係，啲擦字膠碎會黐住喺面毛，髮鬢位，要用啲時間先可以摔返出嚟⛔️ - 算係好溫和，用嘅時候唔會刺激，冇乸面嘅感覺，都唔會磨損皮膚，但同時都真係捽到啲死皮污糟嘢走！用完之後，皮膚即刻有滑到，冇殘留感，面上死皮少咗好多 - 氣味都清新，用起上嚟幾舒服😌 推介用法 ： - 除咗面部去角質之外，我極度推介大家用佢嚟做身體去角質！畢竟呢個價錢呢個性價比，買多幾支都完全唔會肉赤😹

貓餅好用推薦：呢隻有啲似bio essence隻去角質，呢隻係透明gel狀，個人覺得要乾手乾面用，就可以捽到好多擦膠碎出黎，感覺去角質好有效咁，哈

Jasmine L好用推薦：RMK 海洋淨透啫喱磨砂潔面膏質地係清爽啫喱狀，帶有細緻海洋礦物磨砂粒子，輕輕按摩就可以有效潔淨毛孔同去除老廢角質，沖洗後皮膚即時感覺乾淨清爽，完全無緊繃或乾燥感用完都好輕盈舒服。 最明顯係提升肌膚透明感同光澤，用咗兩星期後，皮膚暗沉同粗糙問題明顯改善，摸落去細滑柔軟，透亮度提升咗，T區油光亦減少咗。 早晚潔面都好方便，溫和無刺激，敏感肌用得安心，仲可以強化後續保養品吸收。性價比高，日常深層潔淨同提升透明感一步到位，強烈推介敏感混合肌女士使用！