2026香港「眉筆」推薦好用排行榜Top20

natanatalie好用推薦：本身我最擔心係眉妝會因為出油而好快脫落。但用咗呢支 3合1眉筆之後，我發現佢嘅持久度真係幾穩定。即使我夏天出汗、皮膚出油快，眉型都可以維持到成日，唔會好快暈染或者變得模糊。呢種穩定感，令我覺得安心。🤤 佢有三個功能：眉筆、眉粉、眉刷。我通常先用眉筆勾勒眉型，再用眉粉填補空隙，最後用眉刷掃勻，令眉毛睇落更自然。呢個設計好方便，唔需要再帶多幾支工具，一支就搞掂。👏🏻 顏色方面，眉筆色澤自然，唔會太深或者太淺，配合眉粉之後，眉毛有層次感。即使我本身係油性肌，眉色都唔會因為出油而「浮」起，反而慢慢融合，效果更貼服。🙆🏻‍♀️ 卸妝方面，佢雖然持久，但用普通卸妝水就可以卸乾淨，唔需要大力摩擦。對我嚟講，減少咗刺激，卸妝過程舒服好多。👍🏻 呢支眉筆對我呢種油性肌算係可靠：防水防汗、持色力佳，三合一設計方便又省時，顏色自然易融合。用嘅時候只要記得分步操作，眉妝就會乾淨自然，成日都唔怕走樣。💯

Sanna Cher好用推薦：使用色號03，是觸感很硬，剛落筆接近沒有色調，需要來回擦塗十次所得的深度。順著眉毛方向填補，見眉毛有被霧化，色調上亦有不其然的加深，總括而言，是非常新手友好，幾乎不會出錯，一定能夠使用的產品。完妝的照片

Wuxx好用推薦：首先好開心成為Cosme第10屆美狀元！！！ 估唔到寫下寫下原來就寫咗咁多篇， 嚟緊我會繼續寫多啲好評/差評俾大家參考🤪 我收到嘅獎品其中之一係依枝眉筆， 但因為本身我就用緊呢支產品， 所以上黎打返篇使用心得。 用呢支眉筆之前我係用呢個牌子嘅眉粉畫眉， 不過有時太懶得去洗眉掃，上眉粉就好易一舊舊， 同埋眉粉用耐左會有層油漬住，要久唔久痴下佢。 雖然眉粉新手易用，但打理真係有啲煩， 所以我就轉咗用眉筆。 呢支眉筆係我喺日本藥妝店度買， 佢筆芯係扁狀嘅，同傳統圓狀嘅分別係佢點用都係刀型， 方便勾畫細緻型嘅眉型。 之前好興嘅野生眉或者尖眉尾都好易畫到， 唔洗成日搵刀刨尖佢。 不過美中不足嘅係佢冇蓋🫩 嗰陣我搵咗好耐，仲以為自己唔見咗， 更加一度以為而家美妝變態到連個蓋都要分開買😬 如果唔介意冇蓋嘅朋友，呢支眉筆我都幾推薦！**扁扁嘅筆芯，唔洗成日刨尖，good！！

TsuenMa好用推薦：#一試愛上系列 一條精神嘅眉毛，可以令到你成個妝容加分，堪稱畫龍點睛😆 但係亦都要小心，唔好畫到成個蠟筆小新咁樣。 本身我自己條眉毛都算濃密，係眉尾唔夠深，需要再加強，所以如果對於我嚟講，眉筆會比眉粉好。更好控制於畫眉嘅角度同準確性😀 顯色度👍🏾 飽和度高、但係顏色唔會太死實，可以做到自然嘅感覺。 防水度👍🏾 產品對得住aqua resist的稱號，防水防油程度吾錯，基本上一日出汗、做運動都吾會出事。 色號係soft brown，自然的啡色，如果好似我本身係黑眉，就可能需要另加用染眉膏，令到條眉的顏色變返平均自然😄 整體使用感覺良好🫶🏾

Fng好用推薦：作為混合偏乾肌，眉毛稀疏，之前畫眉總係容易花，尤其香港夏天又焗又濕！最近試咗Make Up For Ever Aqua Resist防水精準纖細眉筆（呢支就係傳聞中超持久嗰支），真係救星嚟㗎啦！ 首先，筆芯超細（1mm左右），畫落去好順滑，唔使用力就出色，容易模仿眉毛生長方向，一筆一筆畫出自然毛流感，唔會成塊死黑。對熟齡肌嚟講，唔會卡紋或顯乾紋，膚感輕盈舒服，乾咗之後係霧面自然。 最大亮點當然係防水防汗！香港夏天30幾度加80%濕度，出街行幾個鐘、搭地鐵焗到爆汗、甚至落場突如其來大雨，下班回家都仲係原本樣！好多台灣同外國網友都話24H唔花，的確名不虛傳。 優點：精準易畫、自然持久、防暈染神級、色號選擇多（我用30 Soft Brown，好match亞洲人）。缺點：筆芯細，用得快啲（不過有補充裝），價錢貴少少（$200幾），乾肌妹要記得先塗少少眉毛打底或精華，否則太乾天氣可能略為難push開。 總結嚟講，對我呢個熟齡混合偏乾肌+香港焗身夏天，呢支眉筆係近年最滿意！終於唔使成日補眉，畫完出門自信滿滿～強推啦！

Kitty 好用推薦：唔洗多講，眉筆界經典！硬度高，畫出嚟線條俐落，似真眉毛一條條咁，有毛絨感，又持久。超耐用，一支可以用幾年。而且呢款自動嘅，可以轉出來直接用，唔洗自己刨成砍刀形狀，顏色選擇極多，灰棕色好襯亞洲人。雖然貴少少，但物有所值💸

Sarah好用推薦：自動款跟手刨款的妝感一樣自然，適合新手用。自動款另一特點係帶有眉刷比較方便，又唔洗下下刨筆咁麻煩，推薦！

Paris merci 好用推薦：Benefit 毛流感三叉眉筆，好有科學感嘅設計，上手手感好。顏色超多，通常外國歐美牌子啲產品係顏色特別多。我依支係2.75，適合本身眉毛深色嘅人。 外表幾特別，三支毛係硬嘅海綿頭，同時間可以畫到三條眉毛，類似眼線液嘅墨汁。海綿頭會形成一個斜度。 眉頭上方向上掃，眉毛中間可以45度掃，眉尾部份向斜下畫 感覺比一般嘅眉眼線液eye brow liner ，即係類似眼線液質地嗰種更易用，eye brow liner主要嚟填眉毛中間空白位置，眉尾難畫致幼細。依款因為有三個海綿頭，更易控制，出色度均勻。野生眉效果自然💕

Kmggigi好用推薦：眉毛狀況: 眉毛不算稀疏，有霧眉習慣，平時只需要為眉毛稍微增添色彩 作為新手嘅我以前平時用開眉粉， 但見到仿毛流感嘅眉妝最近咁流行，覺得非常適合我日常化妝風格， 所以決定購入風靡一時嘅Benefit激細三叉眉筆 呢支眉筆嘅設計好貼心👏🏻 三叉頭嘅設計模仿真實眉毛嘅線條，可以輕鬆畫出一條條細緻又自然嘅毛流 眉筆質地適中，唔會太硬或者太軟， 畫起嚟好順手，可以做到細緻嘅補色效果， 效果又好自然，睇落完全唔假！ 最重要係，佢嘅防水防汗效果幾出色， 就算係炎熱夏天，一日落嚟都無脫色或者暈染嘅情況 新手心得🙋🏻‍♀️: 對於新手黎講，初期需要少少練習掌握力度同埋畫眉方向先可以畫得自然 同埋畫完再用眉刷掃會更自然，營造到毛流感😆 效果圖🔽: 畫眉前，已有清晰眉型，只需要喺稀疏位置填補空隙 畫眉後，整體眉型更加明顯，立體感提升，有自然嘅毛流感

Kitty 好用推薦：一支有齊眉筆、眉粉、眉刷，旅行超方便！顯色度適中，畫出嚟好似真毛咁自然，唔會變蠟筆小新😆。眉粉嗰頭填補空隙一流，持久度都OK。顏色選擇又多，可以match唔同髮色！長期回購list一定有佢💯

Kylie L好用推薦：新入手的CANMAKE Tokyo精細薄芯型眉筆，我買的色號是01 自然棕，顏色較淺比較難上色，可能02 灰棕會好一點，但出來的效果自然。 筆芯質地比他們平時的眉筆硬身一點，扁平設計，可以簡單快速地描繪出毛流感，填補眉毛空隙，方便的地方是不用刨筆。

橘子貓好用推薦：Crayon Définition Sourcils Powder Eyebrow Pencil #01 Taupe 一枝令我非常失望的眉筆。三位數的價錢，不如兩位數的品質。 用起來雖然不錯，眉毛自然顏色不死實，但荷包真的傷不起。每次刨筆都斷芯，試了數次，就連畫着眉，稍稍用點力都會斷，浪費的筆芯比用的多。 不建議購買。