2026香港「乳液」推薦好用排行榜Top20

Ko好用推薦：今次試用咗13日nivea luminous 630系列嘅爽膚水精華同埋乳液 我早晚都有搽 次序係爽膚水，精華，最後係乳液 首先講吓三樣嘢一齊用嘅感受先！我覺得一齊用嘅保濕程度好足夠 作為混合性偏乾肌嘅我好鍾意 面上邊係有微微黏立嘅感覺 咁樣我先至覺得夠保濕 夜晚可以安心瞓覺 不過去到四月中嘅時候 天氣已經開始熱 我覺得可以skip咗精華或者乳液其中一樣 保濕程度都已經夠 日頭嘅時候我都會用晒呢三樣產品之後再化妝 個黏立嘅程度可以黏實我個妝 而且完全唔起擦膠碎！下面係妝後 可以見到我個妝勁貼 跟住就係重點重點重點！before after! Day1（搽後）： Day13（搽後）: 大家睇吓顴骨嘅雀斑淺咗！呢個系列好有效！有雀斑嘅姐妹真係要衝！ 講完整體跟住落嚟就專注講枝乳液！ 呢支乳液係白色的 推開就會變冇色 佢有一浸淡淡嘅香味，同同系列嘅爽膚水一樣味，我阿媽超鍾意呢隻味話佢有高級感，各位姊妹可以母親節買俾媽媽試吓 佢陣味唔會好持久 散得比較快 喺乳液入邊佢嘅質地算係濃稠得嚟偏清爽嗰種，作為混合性偏乾皮膚嘅我 夏天用都覺得唔錯 因為好快吸收晒，推開就會薄薄一層有保濕效果 佢

楊一二好用推薦：呢一支乳液係當初購買NIVEA產品送既贈品～ 佢質地流動性強既乳液，容易推開唔黏膩，膚感好，香味唔算濃。 重點佢有專利Thiamidol® 630淡斑成分，從源頭抑製黑色素，淡化色斑，從而提高肌膚透明感。用左一排皮膚的確有光澤d，見好多人話配合埋佢既精華用亮白效果會更加好，會考慮下入手~ #透明感 #美白乳液

WingL好用推薦：L’oreal超水光精華乳，佢個質地呢係好透簿，完全係好適合夏天去使用，查完佢嘅精華水中同精華，最後用埋精華乳，係可以鎖住晒精華喺塊面度，整體去全面呢都係非常之清爽啦，感覺好舒服，而且使用一個星期之後呢已經係見到塊面有明顯嘅改善，所以好推薦用！

Wongwong好用推薦：新出既PDRN乳液，質地水潤、唔黏笠，搽上臉好輕薄。用左一個禮拜，塊臉令左，但抗老化暫時未見效，會再繼續用睇效果。 #火熱新品 #乳液

Chan好用推薦：用咗NIVEA Q10防曬小白管兩個星期，真係又驚又喜！呢支「小白管」質地超輕盈，水水哋一泵就推開，吸收快到不得了，完全唔油唔黏，搽完面都隱形無白痕，適合香港潮濕天氣同混合肌用。 我本身怕防曬悶熱又出油光，但呢支完全唔會，朝早啪一層上去，即刻感覺皮膚有保護又保濕，後續上妝都服貼晒，零卡粉！用咗十幾日，發現細紋同法令紋位置都平滑咗少少，皮膚摸落緊緻咗，光澤靚晒，暗沉都冇之前咁明顯。最正係佢有Q10同抗糖科技，即使我繼續食甜，都感覺皮膚冇咁易鬆弛同生新紋。 SPF50保護力夠晒，仲可以防UVA/UVB同糖化，一支搞掂防曬+抗老，CP值爆燈！30+姐妹如果想日常抗老防曬一步到位，強烈推介呢支小白管，而家已經係我朝早必備，繼續用落去睇更多變化～

bobobeauty好用推薦：這款日乳完全不泛白，不會影響後續底妝顏色，這對上班族來說非常方便。連續兩週配合精華使用，覺得肌膚的健康穩定度提高，日曬後也沒有泛紅或乾澀。雖然它強調抗皺，但對於已形成的深度抬頭紋改善並不顯著，其核心價值更多體現在「預防」及維持肌膚現有的彈性上，作為日常防禦性護膚非常稱職。

konrinn好用推薦：今次試用同時使用三隻產品,分別係 1. 皮奧寧祛痘強效消炎膏 2. 皮奧寧祛痘清爽乳液 3. 皮奧寧防痘,身體護理噴霧 產品測試心得分享 測試背景 膚質類型： 混合性偏油肌膚 測試環境： 濕熱天氣，長期處於冷氣環境 特殊狀況： 測試期間經歷生理期，肌膚狀況較不穩定 分返三篇評價。 2. 皮奧寧祛痘．清爽乳液 質地與使用感受 乳液有輕微的產品香味，質地介於水狀和乳狀之間，推開容易且吸收快速，使用後肌膚不會有黏膩感。在濕熱天氣下，控油效果雖然有限，但整體使用感受仍算舒適。 妝前效果 作為妝前護理步驟表現優異，無需額外使用隔離霜或面霜，直接上粉底液也不會出現搓泥或打架的情況。更重要的是，使用後不會突顯毛孔，讓後續底妝更加服貼自然。 功效表現 與消炎膏相似，對淡化痘印有一定幫助，但對於生理期間新冒出的痘痘以及特定部位反覆出現的頑固痘痘，改善效果較為有限。可能需要長期使用或搭配其他產品才能看到更明顯的效果。 整體評價 作為日常保養和妝前準備的多功能產品表現不錯，但祛痘功效仍有提升空間。 （使用後，面額暗瘡痕跡有變淡） （頑固瘡效果有限）

cathy好用推薦： 好開心彩豐同 @Cosme 抽中我試用JOSERISTINE 皮奧寧祛痘系列中嘅皮奧寧祛痘．清爽乳液🤩 最近天氣成日都好熱好乾燥🌞，而且Office冷氣開到好足❄️，成日吹住，搞到身體好乾，唔夠水份。但有時天氣又不斷落雨🌧，連續落幾日，所以好潮濕💦。由於天氣變化好大，溫度有時又超炎熱，有時落大雨後又降溫，所以皮膚狀況變得唔穩定，容易生暗瘡。 而今次嘅皮奧寧祛痘．清爽乳液就好適合我！因為乳液當中嘅皮奧寧(Pionin)，對於引致暗瘡嘅丙酸桿菌(Propionibacteria)有強效抗菌作用，能夠控制皮膚多餘嘅油脂，從而改善皮膚閉塞，所以可以抑制痘痘再生！唔洗驚成日爆暗瘡～ 乳液係白色的，有淡淡藥草香味🌱，質地輕盈，延展性高，所以都好容易推開。我搽上臉後再按摩幾下，覺得吸收速度唔錯，幾快。用後皮膚唔會好痴笠笠同油膩，都幾清爽的。 而且乳液含有水楊酸成份，能夠深入毛孔溶解油脂同埋老廢角質，所以可以代謝角質同埋改善粉刺痘痘！我用左之後，的確少左粉刺👍🏻 我連續用左9日，覺得保濕效果同退紅效果都唔錯，T字位出油少咗，所以控油能力都唔錯，而且皮膚狀態穩定了，生少左暗粒粉刺同暗瘡。用左之

MoonMoon好用推薦：KANEBO 彈潤盈采精華乳液使用心得 質地似輕身乳液，推開好滑，吸收快，唔黏笠。搽完塊面即刻有水潤光澤感，乾紋冇咁明顯，摸落軟熟。 保濕力夠，冷氣房都頂到半日。香味係淡淡花香，接受到。 缺點係偏貴，同埋夏天油肌可能覺得立。 整體：乾肌、混合肌秋冬值得試，妝前用都得。 #火熱新品

Jan好用推薦：#火熱新品 細膩柔滑的乳液觸膚即融，迅速形成一層緊密貼合肌膚的飽滿彈潤的膜層。 為肌膚持續注入水分與滋養的同時牢牢鎖住水分，令因乾燥產生的細紋不易顯現。

Emily Leung好用推薦：Curel水凝保濕乳液 真心用後感 我本身係混合偏油肌，T字位勁出油，但兩邊面頰有時會乾到甩皮，仲要少少敏感，有時搽錯嘢就會紅一撻。 當初見Curel呢支水凝乳液好多人講，話清爽唔笠，就諗住買嚟試下。 第一次用嘅感覺： 唧出嚟係白色Gel狀，一推開即刻變水珠，輕到好似無搽嘢咁。我仲驚唔夠保濕，特登搽多層，點知都係秒吸收，塊面即時滑咗，但完全唔會反光或者黐頭髮。 用咗兩個禮拜之後： · 出油情況： 明顯少咗，可能因為保濕夠，皮膚唔使狂出油自救。以前返工半日已面油紙印到滿，而家頂到放工先少少油光。 · 敏感問題： 試過轉季面頰泛紅，照樣搽呢支，冇刺痛、冇惡化，仲舒緩到，紅嘅範圍細咗。 · 暗瘡： 我易生石頭瘡，但呢支用落完全無塞毛孔，連下巴暗粒都冇多到。 要講嘅缺點： · 乾肌冬天一定唔夠。 有次天氣得12度，我單搽呢支出門，乾到鼻頭起皮。之後要加返同系列嗰盒深層保濕面霜先得。 · 份量要控制。 第一次我用咗兩泵全面連頸，點知T字位有少少黏，後尾改為一泵全面，啱啱好。 評分（10分滿分）： · 清爽度：10/10 – 完全唔笠，秒吸收 · 保濕力：7/10 – 日常夠，乾

Kathy Wai好用推薦：Curel（珂潤）水凝保濕乳液係一款專為乾燥敏感肌設計的基礎保濕產品，主要賣點係無酒精、香料、色素，弱酸性，低刺激。 先講質地：似「溶化嘅啫喱」 唧出嚟係白色半透明、少少流動嘅凝膠狀。一推開即刻「化水」，好似冰粒喺熱水上面溶咁，幾秒就吸晒。 最正係完全唔痴——你試過摸完面，再摸手機個mon冇手指模就知。夏天用直頭爽過敷冰。 用完之後皮膚嘅感覺： · 即時：塊面好似飲咗水，飽滿咗，但唔會假滑。輕輕摸會feel到係「柔軟」，唔係油膩嗰種淋。 · 隔一陣（約15分鐘）：依然清爽，但手背貼落面頰會feel到一層好薄嘅水膜鎖住咗。唔會繃緊，連鼻翼兩邊平時易乾到起皮嘅位都平滑。 · 第二朝起身：混合肌嘅T字位只有少少油光（比起用其他乳液少一半以上）。面頰依然軟軟地，冇爆乾紋。 · 長期用（一星期後）：皮膚明顯穩定咗。以前成日紅一撻、痕一撻嗰啲小敏感，幾乎冇再出現。上粉底貼到好似第二層皮膚，因為角質唔再乾到起屑。 特別一提 – 敏感/泛紅時候嘅表現 試過轉季塊面熱熱地、有粒粒，照用佢。搽嗰下冇「拿」，過一陣啲熱感退咗。第日泛紅淡咗一半，而且冇惡化。呢個「降溫穩定」效果真心加分。 唯一要彈嘅情

Kathy Wai好用推薦：藥用雪肌精美白乳液 廣東話使用心得 💧✨ 講到美白，好多人都會諗起雪肌精，我之前都心思思買咗支藥用雪肌精美白乳液嚟試，而家就用咗成兩個月，同大家分享吓感受。 質地同氣味 支乳液係白色嘅，質地偏水潤，唔算好厚身，流動性都幾高，吱出嚟好易推開。氣味方面，一打開就聞到陣好濃嘅酒精味，仲有少少藥草味，初初真係有啲唔慣，覺得好刺鼻。不過搽上面之後，陣味好快就散，都算接受到。 使用感受 我通常喺洗完面、搽完化妝水之後用，攞大概一毫子咁多，喺塊面度推開。佢吸收得幾快，唔會話好笠，但搽完之後塊面會有一陣涼涼哋嘅感覺，應該係因為有酒精。夏天用都OK，但冬天用就覺得有啲乾，可能要再加多層面霜。 美白效果 講到最緊要嘅美白效果，我用咗兩個月，老實講，又冇話白到成個層次，但係塊面嘅膚色均勻咗，冇以前咁黃，同埋啲暗瘡印都淡咗少少。不過要提提大家，用美白產品一定要搽防曬，如果唔係點用都冇用！ 優點 · 質地清爽，夏天用唔笠 · 吸收快，唔使等好耐 · 膚色均勻咗，暗瘡印淡咗 · 大支裝，可以用好耐 缺點 · 酒精味好濃，敏感肌要小心 · 冬天用保濕力唔夠 · 美白效果比較慢，要耐心用 · 酒精

Yty好用推薦：KOSE 雪肌精藥用美白乳液試用裝 用後感： 質地極之水潤輕盈，流動性高，喺面上輕推開即刻化開，秒速被肌膚吸收，完全唔會留下任何黏膩或者悶厚感 保濕力剛剛好且極之清爽，能及時補充水分並鎖住潤澤，洗完臉後擦上能即時撫平乾紋，令膚觸摸落去極之柔嫩平滑 #乳液部門

GinGin好用推薦：「 #火熱新品 」 用咗 d program 呢個系列之後真係返唔到轉頭 🤍 今次再入手保濕乳液，夏天用都夠清爽，質地舒服唔黏膩，皮膚即刻變得柔軟又保濕，仲好易上妝 ✨

popocarcar好用推薦： #火熱新品 皮膚有少少敏感時，我就會拎嚟搽。 搽咗大約3日，見到敏感情況有好轉😬

Luna好用推薦：講到 IPSA 隻更生活化美白乳液，我自已都用過一排，真心覺得佢係「慢慢令你塊面冇咁黃」嗰種，唔係嗰啲一搽就白兩度嘅假嘢 質地方面，佢幾水感，推開好快吸收，夏天搽都唔會話好立，但乾肌朋友冬天可能要搽多層或者轉滋潤啲嘅版本先夠。 美白效果呢，我覺得最明顯係均勻膚色，朝早起身塊面冇咁暗啞，但淡斑就真係因人而異，唔好期望太高。保濕度就中性至混合肌啱啱好，油肌夏天都接受到，乾肌就可能覺得爭啲。 用法方面，官方話用化妝棉按三泵，喺爽膚水之後搽。我自己試過用手同用棉，覺得用棉係均勻啲，冇咁快出油。 不過缺點都有嘅，價錢唔平，有啲版本酒精味都幾明顯，敏感肌真係要試清楚先好買。

維他他好用推薦：Ipsa嘅更生活化乳液已經回購咗幾次，個人覺得佢幾好用，所以先會回購 乳液有多達8款號數，大家要去專門店做肌膚測試，先知道邊一隻最適合自己 我呢隻係2號，佢係透明嘅乳液，推開好容易吸收，保濕效果好好，可以keep到成日都唔乾，如果配搭同牌子嘅化妝棉去使用，效果會更加好。佢呢個乳液有好多功效，透亮，細緻，水潤，提升肌膚屏障同防禦能力等等 ipsa其實係資生堂旗下嘅一條line， 個人覺得資生堂嘅產品都唔錯，呢個係比較年輕嘅product，價錢唔係好平，但係都唔係好貴，可以試吓 

MoonMoon好用推薦：IPSA第九代Me乳液使用心得 質地同用法 第九代主打「更貼膚、更透薄」，比第八代流動性再高啲，搽上面推開好快吸收，唔焗促。官方建議配合化妝棉，按三泵，喺爽膚水後、精華前用。好多香港用家話用化妝棉上會均勻啲，直接用手就慳啲但無咁貼。 保濕同穩定 乾肌用家覺得秋冬要加多層面霜；油肌、混合肌就讚佢控油同保濕平衡得幾好，夏天用唔立黐。敏感肌就兩極，有人話泛紅減少，有人話香料或酒精感重，建議先攞試用裝。 METABOLIZER 17款點揀 第九代照舊分R（保濕）、S（美白）、A（抗老）等系列，再按膚質分1-4號。香港專櫃有皮膚測試，唔少人話測完買嗰支真係啱自己多過亂買。網上常見配搭：油肌揀1或2號，乾肌揀3或4號。 缺點 一泵份量固定，有時覺得多；價錢唔平，長期用荷包痛；部分人話改善毛孔、細紋唔算明顯，當維穩產品多過急救。 總結 如果你想搵支日常穩定膚況、唔黏膩嘅乳液，第九代Me值得試；但追求速效抗老或美白，就可能要再配精華。建議先去專櫃試質地同做皮膚分析，唔好盲買。

Jeniel好用推薦： IPSA間鋪既乳液多到分唔清邊枝打邊枝，9 號係店員推薦既😂（唔同膚質同季節都有專屬型號） 佢主打「吸氧保濕」概念，話可以根據皮膚油脂率提升代謝，聽落好高科技？ 質地真係好輕薄，水潤嘅乳液狀（乾肌好少用咁水既乳液，成日覺得唔夠保濕）。 推開幾乎即刻吸收，完全冇油膩感，就算疊加其他保養品都唔會打架。 雖然好稀，但保濕力非常出色，非常水潤，秋天用都夠，夜晚用完朝早起身皮膚依然水嫩。 最明顯既改變係膚色變均勻左，就算熬夜都冇之前咁暗沉，同埋皮膚摸落去細緻咗，有種健康光澤感。雖然價錢唔算平，但效果同膚感都對得住，會回購！ 保濕度： ★★★★★ 吸收速度： ★★★★★ 提亮效果： ★★★★☆ 膚質細緻度： ★★★★☆ #水潤