Avene 好用推薦產品
Avene 推薦產品一覽 96 件
Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！
<看全文>KK好用推薦：質地清爽水潤、延展性佳，上臉後能快速補水並降低乾繃。吸收後不黏膩，膚觸較柔嫩；整體偏舒緩保濕路線，適合敏感或乾燥時期日常使用。
<看全文>
lonia好用推薦：前一排有幾日皮膚狀態極度不穩，塊面有泛紅、痕癢情況，所以搽上面嘅產品都唔敢亂用，即刻揾返啲防敏品牌嘅產品，呢款Avène極速舒敏修護霜真係好幫得手！ 佢適合高度敏感、過敏性肌膚，不含防腐劑，含有舒敏、鎮靜成份，可以減低皮膚敏感所帶嚟嘅不適。皮膚敏感嗰幾日，我都唔敢搽太多護膚品，以免對皮膚造成太大負擔。只係早晚簡單使用呢款極速舒敏修護霜，為皮膚做好補濕、打返好個底，鞏固返肌膚屏障。 呢款面霜質地界乎於lotion同cream之間，算容易推開，減低塗抹時對皮膚嘅拉扯。搽完之後，感覺皮膚形成一層保護膜，有足夠保濕力。對於皮膚敏感痕癢嘅問題，有即時舒緩止痕作用。連續使用幾日，皮膚泛紅亦有慢慢好轉。推薦俾敏感肌女生，長備不時之需。
<看全文>poonpoon好用推薦：質地係白色乳霜狀，中等厚度滋潤感高，容易推開，吸收後留有一層滋潤感，保護皮膚屏障。 tolerance 充滿住Avene 護膚品嘅味道，好唔好聞就見仁見智，不過我就慢慢接受，因為知道呢個法國醫學品牌敏感皮膚都用得，證明材料唔會添加太多物質。 用後即時做可保濕，降紅效果，用完皮膚沒有負擔，舒緩敏感皮膚表面☺️佢有好多隻唔同嘅保濕護膚霜，呢支算係中等保濕嘅，仲有一支保濕到最高嘅係cicalfate，而家手上呢支tolerance比較適合乾性皮膚入秋使用/中性至混合性皮膚冬天使用/敏感皮膚急救用，都比較適合。呢支嘅護膚功效相當唔錯，搽咗幾次就令皮膚問題修復得貼貼服服。
<看全文>
Chloeincosme好用推薦：呢排天氣忽冷忽熱又濕，皮膚敏感爆發，終於試咗傳說中嘅 Avene冷霜，佢同平時用開嘅乳霜好唔同，質地超厚身，係專門為敏感肌發作、皮膚屏障受損時修復用嘅～ 🤍 修復力：5/5 皮膚泛紅脫皮時厚敷一層，第二朝即刻舒緩好多！摸落去冇再粗糙，刺痛感亦明顯減輕，修復屏障效果肉眼可見～ 🤍 質地與用法：3/5 質地真係好厚，似雪花膏～要用掌心搓熱乳化先易推開，建議晚間使用，日頭用會太厚重～ 🤍 溫和度：5/5 成分極簡，就算同醫美後皮膚用都零刺激，安心度滿分！ ### 總結： Avene冷霜絕對係「皮膚急救神器」！平時健康肌可能覺得佢太潤，但當皮膚鬧情緒、屏障受損時，佢就係最可靠嘅守護者～會常備一支看門口！推薦比極乾肌、敏感肌同需要修復屏障嘅你！
<看全文>Kura好用推薦：萬用嘅冷霜加唇膏，搽身又得搽嘴又得，我通常會用黎搽嘴多，當潤唇膏用，係我一年四季都好鍾意用嘅護唇膏，質地雖然滋潤，但搽上嘴唔會覺得油，特別適合秋冬季節，搽完個嘴會變到嫩，修復到唇紋，無香味，無酒精，我亦都鍾意係搽有色唇膏之前用呢款潤唇膏做打底，後期嘅效果都超靚，價錢好平，CP值好高嘅一款潤唇膏，四季都要必備，一支都用到好耐，如果鍾意搽潤唇膏嘅朋友必試之選，同埋Avene嘅產品適合敏感皮膚，強力推薦，產地係法國 @cosme
<看全文>葉子🍃好用推薦：呢款保濕修護面膜好適合肌膚唔穩定時用，效果顯著又溫和，最近日曬後用佢真係快速降紅，面膜很薄身貼面，最鐘意係敷10分鐘期間好舒服，感覺肌膚有吸收到，袋入面仲有好多白色精華，我都係倒埋上面一齊敷，完左按摩吸收
<看全文>楊一二好用推薦：呢款面膜專門用喺清黑頭之後！ 撕完黑頭貼鼻頭會受損泛紅，我會用呢款面膜去舒緩皮膚屏障。面膜精華份量岩岩好，唔會滴到周圍都係👍🏻，所以敷10分鐘左右就已經乾可以搣落嚟～精華係乳白色，幾乎零氣味，無香精刺鼻味。敷完有滋潤感覺但唔黏笠！
<看全文>Tobimak好用推薦：呢支Avene既無皂潔膚泡沫啫喱我入手嘅原因係因為佢敏感肌都適用，我用完的確沒有敏感狀況呈現過。用後會感覺到乾淨但不會乾燥。但是徒手使用的話就較難起泡，建議連同起泡網一起使用。佢呈透明啫喱狀並且無色無味。
<看全文>mavis好用推薦：敏感肌屋企必備 當皮膚敏感時 搵唔到適合嘅產品洗面用佢就一流 唔刺激唔會太乾
<看全文>
Poyobb好用推薦：透明gel狀，滴管方便控制分量，茶完有少少黏立感，要俾少少時間等佢吸收，吸收用完好似變咗水光肌，水潤感強，有效減少乾燥引起既不適感 ，適合而家轉季天氣✨用完面部充滿水感，因為我混合性皮膚，即使上完toner+依支b5 serum，然後直接上base+粉底已經好足夠，冇咩出油，見得保濕力強💧 之前夏天嗰陣時候用皮膚好焗黏，而家天氣乾燥咗就適合喇 但留意返25年頭電視廣告話可以溝落foundation ，但我溝完之後上面再上碎粉就起擦膠碎，可能要睇咩粉底先可以溝🫠 始終純保濕精華市面有超多選擇，可以試吓啱唔啱質地先買🫶🏻
<看全文>Jasmine L好用推薦：用咗Avene極速保濕水漾精華一星期，質地超水漾輕盈，一搽即刻吸收，唔黏膩。 作為敏感混合偏乾肌，即時覺得面部水潤，乾燥脫皮少咗，肌膚柔軟有光澤。化妝都好似貼服咗，冇刺痛反應。
<看全文>
Hellobeauty 好用推薦：Avene 細胞激活水漾乳霜 Avene個品牌嘅產品一直陪伴咗我好多年,Avene 細胞激活水漾乳霜係其中一樣令我無限次回購嘅產品. 首先,佢係醫學護膚產品,成分絕對係溫和,絕對唔會擔心對皮膚造成敏感問題,而且佢入面嘅活泉水成分,保濕方面達到極致效果； 另一維他命 B3成分,具備縮小毛孔、保濕修護、舒緩泛紅、抗老淡紋等核心功效,絕對係多功能面霜； 面霜質地呈半透明狀態,感覺上非常適合春夏天使用,但其實佢質地並不屬於清爽,而係順滑易推,易吸收,塗上面後感覺似有一層水膜包住自己嘅皮膚,有一種飲飽水嘅感覺,擁有水光肌一樣。因此，我絕對認同,上妝前用此面霜打底,令妝容上粉更加貼服； 我長期回購此產品嘅原因係，我因應唔同嘅季節及情況，多元化使用佢，發揮其功效。 日間或夏天：指薄薄塗一層作為面霜，所以擔心面霜有黏立感嘅朋友可以調較份量，其實份量少少都已經感覺到面上被此面霜包裹，感覺舒服； 夜間：特別係冬天時間，我會厚厚塗上一層，直接當睡眠面膜一樣，翌日起身，發現面霜完全被皮膚吸收，明顯令皮膚進入極致水潤狀態； 急救化妝神器：此面霜除了化妝前塗上，令妝容更加貼服外；係我嘅化妝急救神器。因為有一次睡眠
<看全文>Jeniel好用推薦：Avene呢個牌子我用咗好多年，呢款細胞激活水漾乳霜係我其中一款會不停回購嘅心頭好。 成分夠晒溫和，用落完全唔怕敏感。入面嘅活泉水成分將保濕效果做到極致；另外仲有維他命B3，可以收毛孔、保濕修復、退紅抗老，一次過搞掂幾個皮膚問題，好實用。 質地係半透明狀，望落好水潤，實際推開感覺順滑，唔算好清爽但絕對唔黏，吸收之後好似有一層水膜包住塊面，飲飽水咁樣，有種水光肌嘅感覺。上妝前用佢打底，粉底會貼服好多。 但我最常既用法係夜晚或冬天，臨訓前，我會厚敷一層當睡眠面膜，第二朝起身發現面霜完全被吸收，皮膚會勁彈勁有光澤！ 總括嚟講，呢支面霜四季都用得，多功能又溫和，真心推薦俾心思思想試既你！ 保濕度： ★★★★★ 溫和度： ★★★★★ 多功能性： ★★★★★ 吸收貼服度： ★★★★☆ #Avene細胞激活乳霜 #無限回購 #水光肌神器 #急救化妝法寶
<看全文>
Chloeincosme好用推薦：🤍 保濕度：4/5 Avene呢支輕盈保濕乳液，質地真係比同牌子既cream薄身好多～推開後迅速吸收，皮膚即刻有種水潤感，適合春夏季或者潮濕天氣使用，唔會覺得厚重或黏膩！ 🤍 溫和度：5/5 秉承Avene一貫溫和作風，冇香料冇酒精，敏感肌用都完全唔刺激，就算轉天氣時皮膚唔穩定，用佢都唔會加重負擔！ 總結： 如果你係混合肌，或者春夏季想搵一支清爽得嚟又有足夠保濕力嘅乳液，Avene呢支輕盈保濕乳液絕對係理想選擇！佢完美平衡咗保濕同清爽感，溫和配方更適合敏感肌使用～會回購！推薦比所有追求輕薄保濕嘅你！
<看全文>海女好用推薦：最近臉部皮膚有啲敏感，成日泛紅 所以想買返支適合敏感肌膚嘅面霜 見消委會推薦過Avene嘅乳霜 就去咗個人護理店試下啲產品 試左呢支「長效鎖水輕盈保濕乳Hydrance LIGHT Hydrating Emulsion」 搽上手推開唔會笠，所以買咗黎試下 搽上面都唔會笠，唔會反哂光 就算早上搽完，到午飯後，都唔會泛油光，而且保濕能力都keep到 ❣️因為敏感，所以冇額外搽防曬同上碎粉，淨係搽左另一品牌嘅toner同精華gel
<看全文>