SABON

死海鑽奇三合一磨砂面膜

夏天容易出汗易分泌油脂，要介紹下Sabon呢個三合一死海磨砂面膜，一罐容量好大，可以用好多次！！！ 打開後見到好深黑灰色嘅死海泥，洗乾淨面後，就敷喺面上，我會敷得比較厚，等10-15分鐘左右就可以清洗，等待期間會有一點點白色野浮出黎，個人覺得係死海鹽？？？或者係佢啲磨砂粒子，洗嘅時候加水再打圈按摩，可以deep clean皮膚同時去角質，洗嘅時候要啲時間，因為個面膜真係好黑，唔係咁容易洗走哂。 洗完感覺到皮膚好乾淨，但會稍為偏乾，要用toner保濕返會比較好，一星期用2次就夠，整體而言，以泥膜黎講，效果係洗得幾乾淨嘅，呢隻有個特點係容易搽上面，因為呢隻死火黑色泥有少少濕度，以前用過有啲泥膜開得耐會乾左，但呢隻唔會，所以呢點都值得稱讚。

- 三合一面膜代表能夠做到清潔、去角質、排毒同時保濕效果嘅面膜。成份就係蘊含90%死海泥同礦物質去除肌膚的污垢和油脂，深層清潔毛孔，同時預防暗瘡粉刺形成。 - 因為成份有保濕去角質就要塗全面，起初好怕乾到敏感，結果反而皮膚好細嫩好柔軟好舒服！ - 上面會感覺到有好多好幼細嘅粒子質地同時都好細滑。有香味但好淡，好似做spa感覺 - 面膜會隨著時間愈長，面膜會冇左水份變得好乾燥同繃緊，可以用用水輕輕按摩面部，令磨砂粒有透過按摩去角質，洗完面皮膚好細緻、唔會乾，感覺更平滑 - 盒面膜放耐左都唔會變得乾，所以可以變得耐用，推薦！

使用時非常容易推開 可以沖涼時敷 可以用響面同全身體 清洗乾淨後面部並冇繃緊感覺 比我想像中有滋潤感，亦比其他牌子嘅深層清潔泥面膜餃滋潤 使用後感覺非常乾淨皮膚亦很滑溜

香味療癒，令人放鬆舒服。可溫和去角質，但深層清潔的力度實在太薄弱，無助於吸走黑頭粉刺，可能適合啲皮膚比較容易敏感的人使用。

呢盒面膜我想買好耐咖喇！自從買左佢同系列的body mask之後就一直對Sabon呢個牌子充滿好感😍好多謝@cosme會員禮的獎品🥰 呢盒面膜集排毒、保濕、磨砂於一身，毋庸置疑係懶人必備嘅恩物！我一星期用佢一次，每次會將佢搽係塊面度10分鐘左右，之後輕力地捽住過水。用完之後我覺得塊面明顯地滑左好多好多，而且仲會feel到塊面好乾淨而不乾燥😃再加埋佢既香味就直程係做spa既級別😚 雖然價格少貴，但佢絕對對得起呢個價錢，會係我回購之選！

皮膚狀況: 冬天乾敏肌，夏天混合偏乾+少敏感 炎炎夏日最需要定期為皮膚進行深層清潔！ 作為混乾肌的我，近期明顯感受到T字位容易出油，提醒咗我係時候進行角質護理。 以往對磨砂面膜有所顧慮，主要擔心使用後會引起泛紅和緊繃感。 但Sabon依款三合一磨砂徹底改變了我對磨砂面膜嘅觀感！ 面膜含有90%死海泥及豐富礦物質，能有效去除厚重角質層和多餘油脂，深層潔淨毛孔。有香味但不刺激，配有細緻磨砂顆粒，敷完10分鐘後用溫水輕柔按摩即可去角質。 最令人驚喜嘅係，洗完面皮膚反而感覺保濕滋潤，完全冇任何緊繃不適！

多謝@cosme比我用到咁好既產品 依家夏天真係非常熱 油性肌膚就梗加慘，皮膚係咁出油會令到毛孔好易粗大或者清潔得唔夠就會生好多黑頭粉刺，所以哩種天氣要一星期都要一次好深層咁清潔塊面 哩款三合一磨砂面膜可以厚敷係T字位、鼻翼兩側同下巴位大概10分鐘，跟住就用水不停打圈以清潔毛孔裡面污糟既野 清潔完之後會有d粉刺出現我會用粉刺夾夾走佢再即刻用濕左爽膚水既棉花敷住佢收細毛孔。哩款面膜用完唔會乾同埋好乾淨大推

早前在日本購入呢支Sabon三合一死海鑽奇磨砂面膜，因為自己本身係敏感及混合偏油肌，平時都盡可能唔用磨砂嘅面膜，但今次想吓，所以先買一支50ml而唔係一大樽。每逢夏季悶熱天氣特別需要多做清除角質層，如果唔係都會容易出暗粒，最近都勤力用多咗，一星期大概建一次，一般敷15至20分鐘後清洗，感覺都清爽，皮膚有平滑咗，亦沒有緊繃感。

Sabon 死海傳奇三合一面膜代表清潔、去角質、排毒及保濕面膜。其蘊含90%死海泥和礦物質，可以有效去除肌膚的污垢和油脂，深層清潔毛孔，也能預防暗瘡粉刺。因為有磨砂粒，使用後肌膚感覺更平滑，且有舒緩肌膚的效果。 一塗上面到，就有香香的味道，覺得面膜幾好聞。因為係深層清潔，隨著時間愈長，感到肌膚略為乾燥及繃緊，其後再用水輕輕按摩面部，直至面部乾淨為止。用後，感覺上反而不會太乾，或太崩緊，用後感良好。 適合肌膚：敏感肌、乾燥肌測試後先用 成效度：4/5 質地：泥狀 持香度：3/5 值得推薦度：4/5

SABON咁多款面膜中嚟款三合一死海磨砂面膜係最好用 不過佢成日都斷貨🥺 所以見到有貨一定要囤返兩三瓶 如果唔係想用就無🫠 將面膜塗抹臉上 要完全覆蓋皮膚，敷15分鐘左右 然後微微沾濕 雙手於面部打圈並按摩全面 之後就可以輕易沖乾淨 佢面膜中有微細嘅磨砂粒子，唔刺激皮膚之餘 打圈按摩面部時可以有效去除角質👍🏻 用完之後皮膚即時明亮有光澤 而且細緻滑溜🤣 皮膚好似煥然一新🥳 嚟款面膜我一直keep住有用 清潔得嚟又可以去角質 超方便～ 大家可以一試🤟🏻

Sabon Dead Sea 3-in-1 Facial Mud Scrub Mask 死海鑽奇3合1磨砂面膜 集合保濕、磨砂及滋潤的三合一功能， 既是磨砂，亦是面膜，一次過完成，省時方便。 官方建議用法: 按摩面部1-2分鐘，再作面膜敷10-20分鐘， 再用水沖洗乾淨。 個人的使用

首先要感謝@cosme之前送出嘅活動會員禮，可以試用到呢款Sabon嘅死海鑽奇3合1磨砂面膜。 呢款面膜非常方便，清潔毛孔同去角質一步到位。佢帶少少香味，聞落令人感覺好放鬆。用法同一般泥mask差不多，避開眼部四周位置，均勻搽上面，大概等10至15分鐘，用暖水洗淨就可以。 一般清潔毛孔或者去角質產品，使用之後容易出現皮膚繃緊嘅感覺，好似抽乾皮膚嘅水份咁。但呢款面膜就完全冇呢個問題，唔會感覺好乾，使用之後皮膚感覺乾淨咗、膚色亦明亮咗。以清潔皮膚產品嚟講，效果真係令人好滿意。而且一樽200ml，其實真係有排用，咁樣計落都唔算貴，用完呢樽絕對會繼續回購！

呢罐野真係好癲！ 個人覺得聞落好舒服，敷左10分鐘係有DD繃緊既，去到後尾，加少少水按摩塊臉仲可以去埋角質，洗完臉覺得皮膚乾淨左，滑左，仲好似少少bling bling效果添🙈 因為有去埋角質所以都唔可以日日用呀，用完會回購！

係cosme贈送嘅試用裝 Sabon Dead Sea 3-in-1 Facial Mask & Scrub 死海鑽奇3合1磨砂面膜 我上星期用咗一次 今個星期再用第二次 皮膚用完之後亮白, 敷上面唔容易跌落嚟 係第一次用呢種面膜, 使用好方便 覺得好好用👍 磨砂去角質令到皮膚光滑, 今次仲用埋喺心口膊頭同埋手臂 手臂嘅死皮多, 夏天著小背心啲皮膚會看上去靚好多 用完之後手臂好乾淨, 搽上lotion之後更加快吸收 感覺好正😎 下次試下敷埋小腿, 預備著夏天短裙 😀 除咗面部,其他身體部位都值得可以試下👍 用完皮膚真係靚

Sabon呢支三合一死海泥面膜，真係好襟用😂 禮拜一到禮拜兩次，用咗差唔多一年， 仲有半支幾剩，抵到爛啊！ 真係好推介！ 清潔效果一流，用完塊面滑溜到好似剝殼雞蛋咁🥚 保濕補水修復乾燥💦 鎮靜皮膚！ 滋養💦 促進血液循環💫 去暗啞去黃提亮膚色！ 美白透光💡 佢哋專門搞有機護膚， 堅持從天然植物花草度提取精華👍 所以連孕婦都可以放心用🤰🏻 呢支真係可以用到天荒地老😂

本人混油/油肌，覺得唯一缺點是貴😂 佢有2隻用法，磨砂膏同深層清潔面膜。我覺得最好用法係先沖涼（熱水打開毛孔😎）之後當磨砂，起T字位/多粉刺黑頭位打圈先，再當深層清潔咁全面敷。10分鐘後再邊打圈邊洗走！！ 佢同其他清潔類產品唔同既地方係：無刺激（不痛不癢），不繃緊，用後保濕，皮膚細滑，粉刺黑頭肉眼睇少左。 佢係全年可用既產品，我睇下點買先最抵啦😭，必定回購！

呢支三合一死海傳奇磨砂，啲泥好黑，好似好有用咁，敷喺塊面度，過咗10分鐘左右，佢會有一啲白色一粒粒嘅好似粉刺嘅嘢浮咗出嚟，好似真係可以排毒咁，洗面嘅時候，一邊打圈按摩，再捽走污糟嘢，再一邊過水，洗完之後塊面確實係白淨咗好多，毛孔細緻咗

呢隻泥漿mask 其中一種不停回購嘅產品之一‼️我想講佢真係好啱懶人用😂 自己預設份量 ,厚薄 通常我敷完10分鐘之後 就會再用洗面巾去磨砂 因為mask本身有粒子成份,除咗去角質仲可以磨砂 ,敷完都唔會有皮膚繃緊嘅狀態 🫶🏻用完佢就可以再保濕 方便我哋勁忙碌嘅香港人啊

Sabon死海鑽奇3合1磨砂面膜，黑色幼沙好細滑, 唔會刺激皮膚，磨砂之後感覺皮膚滑咗，啱啱查係黑色再磨多一陣，變咗碳黑色。有清香味，通常敷鼻頭及兩面珠墩，一星期一次或者兩次。用完塊面白左乾淨左，唔會掹掹緊，潔淨程度很高，推介。

Sabon呢隻死海鑽奇3合1磨砂面膜用黎deep clean, 黑色幼沙好密麻細滑, 同埋真係好黑, 但又有陣清香味, 通常敷T字位, 一星期兩次, 等10分鐘後打圈再過水, 用完塊面白左乾淨左, 唔錯幾好用，大大罐都有排用，回購之選!!!