EVE LOM 好用推薦產品

chewyfruit好用推薦：Eve Lom 經典急救面膜測評 首先講下質地，佢係灰白色的泥狀，帶有明顯的樟腦味道，唔係人造香味，感覺好清新提神。入面仲有啲細細粒的杏仁粒，用嚟溫和去角質。 用法方面，洗完面薄薄敷一層就得。如果皮膚好缺水，一開始可能會少少刺刺地，但好快會消失。敷大約 10-15分鐘，面膜乾咗之後，就可以用溫水打圈按摩，啲杏仁粒會幫手帶走死皮同黑頭。官方建議用佢嘅「瑪姿林布」沾溫水抹乾淨，效果會更好。 用後感分享：洗完塊面即時好乾淨、好透氣，完全唔繃緊。佢嘅強項係急救暗粒、痘痘同去水腫，有助舒緩紅腫敏感，毛孔睇落都乾淨晒。如果你膚質偏乾或敏感，建議每星期用1次就夠，集中敷T字位；油性或混合肌就可以用2-3次。 總結一下： 👍 優點：清潔力強、急救去水腫暗瘡一流、用完有提亮感。 👎 注意：樟腦味唔係人人鍾意、質地易乾同分層（用前要攪拌）、價錢偏貴。 總括嚟講，如果你成日有暗粒、水腫，或者想搵一款強勁深清面膜，Eve Lom 係一個幾好的選擇，一大罐可以用好耐。

Yuki好用推薦：見網上介紹係全能面膜就入手左 買左已經一段時間 只係用左大概一半最後放到面膜都乾乾地 閒置主因係陣味唔好聞 係好濃烈嘅樟腦味 一路敷住聞到好頭痛 就算過完水陣味都會殘留面膜質地好厚係泥狀嘅mask 有杏仁研磨顆粒可以去角質要俾d時間慢慢推開敷到一定厚度 太薄會好易乾哂 敷左唔夠10分鐘已經乾到裂所以自己每次最多只會敷10分鐘 另外面膜比較難清洗 係清洗過程好易拉扯到皮膚 自己用完覺得有白淨左 但皮膚同時覺得乾左 感覺似做左次深層清潔 可能面膜比較適合油肌用 對於乾肌泥講用落冇咩功效 之後應該唔會再回購喇

Emily Leung好用推薦：Eve Lom 卸妝膏測評：真係「卸妝膏界愛馬仕」？ 今日同大家分享吓呢支貴婦級嘅 Eve Lom 卸妝膏，究竟係咪真係咁神？ 一打開個罐，佢係淡黃色嘅膏體，裡面有啲細細粒嘅顆粒。聞落有陣草本精油味，唔係嗰種人工香味，幾舒服嘅！不過如果你唔鍾意藥油味，可能要用慣先接受到。 跟足官方教嗰套「儀式感」用法先最正！挖一啲膏（唔使太多），係乾手乾臉度搓溶佢，然後按摩全臉。佢會慢慢變油狀，連埋個瑪姿林棉布用溫水敷臉，重複幾次（真係好似做Spa咁！）。敷完個刻，個臉滑到唔信，毛孔好似識呼吸咁！ 堅勁！我試過用防水眼線、唇釉，佢都輕鬆溶到，零殘留。而且用完唔會乾繃繃，反而有層保濕感，唔即刻搽護膚品都頂到一陣。 缺點： 1. 價錢貴：真係唔平，買個陣個心滴緊血⋯⋯ 2. 步驟多：如果趕時間返工/卸妝，真係冇心機跟足步驟。 3. 布要洗：跟嚟塊棉布雖然好用，但懶人可能會覺得麻煩。 總結： 如果你係「護膚儀式感」愛好者，又budget鬆動，呢支真係值得投資！尤其係皮膚敏感、易生閉口粉刺嘅人，用完會覺得成塊臉乾淨晒。

Kitty 好用推薦：打開罐就聞到陣好舒服嘅草本味🌿，有少少似花療精油嗰種感覺。夏天膏體會變軟，冬天會更實淨，但一捽上手心就會溶化做油狀。入面有少少細微顆粒，但唔會刮面～ 佢官方用法比較有儀式感，要按摩+熱敷儀式，真係會愛上卸妝嗰幾分鐘🥰： 1. 乾手乾面捽一嚿（約一粒車厘子大），用手指打圈按摩💆🏻‍♀️，膏體瞬間變油，化妝品即刻溶出嚟！ 2. 跟住用佢附送嘅小毛巾🧽，浸熱水（越熱越好！）扭乾，敷上面等10秒，重複3次——呢下真係爽到震！🔥 毛孔好似識呼吸咁～ 3. 最後用凍水浸巾再敷一次，收返啲毛孔～✨ 過完水塊面係乾淨到反光✨！完全冇油膩感，但同時又唔會乾爭爭，摸落去係柔軟保濕嘅觸感～ 最驚喜係鼻翼兩側嘅白頭粉刺，會浮晒出嚟，輕輕一推就冇晒！👃🏻 不過用落來我總結左幾個缺點： ❌ 價錢偏貴，性價比唔算高，同埋香港唔係度度都買到 ❌ 步驟有啲繁複，懶起上嚟真係會想skip熱敷😂 ❌ 天氣凍時膏體勁難挖，要用力捽先溶到 如果你鍾意儀式感+享受按摩過程，呢罐絕對係值得投資嘅居家SPA卸妝膏🧖🏻‍♀️！皮膚會變得乾淨透亮，後續精華都吸收快啲～ 但若果你係快手快腳型，可能覺得嘥時間。我自己就一星期用1-2

Noel好用推薦：這個 Radiance Oil 是我的 No.1 護膚油，別無它選❣因為 Eve Lom這款 faical oil令我一試愛上，它的香味相當優雅，淡淡花香，非常療癒💗 而護膚油質地偏近水狀，塗抹到面上，極快被吸收，完全沒有厚重的油膩感 👍 冬天的晚上，一定使用這枝 Radiance Oil，作為我這個大乾肌的屏障。早上起身，皮膚能夠感覺到潤澤，看上去飽滿又水潤❣

Jasmine Yuen好用推薦：lookfantastic 買既set 包括嘅 1. 光澤效果：呈現更亮和光澤的外觀，有均勻膚色，化妝前用一滴加入粉底液，使皮膚散發出自然的光澤。 2. 保濕效果：滋潤成分有助於提供皮膚所需的水分和保濕。用後皮膚感覺更加柔軟、滋潤和彈性，減少乾燥和緊繃感。 3. 吸收性：良好的吸收性，能夠迅速滲透到皮膚中，不會留下油膩或黏膩的感覺。

Fng好用推薦：EVE LOM呢支潔顏霜 🧴 質地：膏狀遇膚即融，草本精油味療癒 帶有微微顆粒感（可可脂）。散發洋甘菊、丁香、尤加利等精油香氣，用完有種「做完SPA」嘅放鬆感。 ⚠️ 有人覺得療癒，亦有人覺得似「萬金油/老虎藥水味」，建議先去專櫃試聞。 ✨ 優點：卸妝＋保濕，一瓶搞掂 用咗一個月，有以下感受： · 黑頭粉刺減少：配合熱敷按摩，下巴同鼻翼嘅油脂粒明顯減少，皮膚望落通透咗 · 洗完唔乾繃：混合偏乾肌用完係清爽啞光感，唔會「卡卡聲」，有評測話即使唔即刻護膚都唔會繃緊 · 改善暗粒閉口：長期用覺得皮膚平滑咗，上妝貼服好多 如果你同我一樣係熟齡混合偏乾肌，又想搵一支「洗得乾淨、洗完唔乾、仲有儀式感」嘅潔面產品，呢支好值得一試。但如果你追求快靚正，可能日系卸妝油更適合你～

takemyokane好用推薦：之前買了套裝，終於有機會用它卸妝外的產品。每次用量大概是一粒波子左右，易起泡、上臉易推、過水幾次清洗乾淨、洗面後不繃緊⋯沒有可以挑剔的地方！唯一可以 Question 的是它有 Eve Lom 產品的獨有味道，是起初用卸妝膏也感到有些困惑的味道，不過久了就會習慣。

Yuki Chow好用推薦：用過此品牌嘅急救mask，今次入手保濕面霜 面霜質地柔軟細滑但比較rice, 即時肌膚補水，柔軟細緻，同時補濕及提升整體膚質。 配方加入抗氧化及抗污染的桃花及苦薄荷萃取，保護肌膚免受污染和氧化傷害，明亮煥膚，煥發活力。適合所有膚質使用。 但如果天氣比較乾燥用就一流，夏天略嫌比較厚，唔夠清爽。

Rin好用推薦：相信在照片中也看得出他的質地是非常黏稠 我是會用在冬天很乾的時候，不要用上手就拍在臉上 這樣你只會得到一個非常差的體驗 正確使用方式是放在掌心用掌心的溫度溶化他 變成薄薄一一層乳狀再按壓上臉 滋潤度非常足夠，很適合肌膚需要滋潤的時候 所以我夏天是不會去使用的 除非在冷氣房已經乾 緊繃了很久

Woy好用推薦：買卸妝膏送的試用裝 要洗既保濕面膜 出乎意料之外的保濕, 亦有鎮定肌膚作用

Kna好用推薦：聖誕禮盒嗰時連埋佢細盒版。洗完好油同又唔覺補濕。敷左1次即入冷宮。

Suewong好用推薦：抗老淡紋、抗皺緊致 膠囊唧出嚟嘅時候，感覺係油質地啫喱，但係搽上面感覺好似有一層膜，係滑溜感覺。第二日皮膚滑流感覺。 職員話一次一粒，有時皮膚狀態差時候，我就會用2粒。 膠囊獨立包裝，出外旅行，用佢方便攜帶又易預份量。

Jasmine Yuen好用推薦：lookfantastic 成個set買既 支serum 普普通通，有基本保濕效果，但呢個價錢我覺得比佢有效既產品多好多，一定唔會喺香港買

Suewong好用推薦：玻尿酸保濕精華 透明質地比較結，份量擦上面冇想像中咁會黐立立。 早晚塗份量一至兩滴就夠。 主要成份玻尿酸，有時在敷面膜前或在家做美容儀前加塗打底，會令效果更好。