JOSERISTINE 彩豐

皮奧寧祛痘．清爽乳液

今次試用同時使用三隻產品,分別係 1. 皮奧寧祛痘強效消炎膏 2. 皮奧寧祛痘清爽乳液 3. 皮奧寧防痘,身體護理噴霧 產品測試心得分享 測試背景 膚質類型： 混合性偏油肌膚 測試環境： 濕熱天氣，長期處於冷氣環境 特殊狀況： 測試期間經歷生理期，肌膚狀況較不穩定 分返三篇評價。 2. 皮奧寧祛痘．清爽乳液 質地與使用感受 乳液有輕微的產品香味，質地介於水狀和乳狀之間，推開容易且吸收快速，使用後肌膚不會有黏膩感。在濕熱天氣下，控油效果雖然有限，但整體使用感受仍算舒適。 妝前效果 作為妝前護理步驟表現優異，無需額外使用隔離霜或面霜，直接上粉底液也不會出現搓泥或打架的情況。更重要的是，使用後不會突顯毛孔，讓後續底妝更加服貼自然。 功效表現 與消炎膏相似，對淡化痘印有一定幫助，但對於生理期間新冒出的痘痘以及特定部位反覆出現的頑固痘痘，改善效果較為有限。可能需要長期使用或搭配其他產品才能看到更明顯的效果。 整體評價 作為日常保養和妝前準備的多功能產品表現不錯，但祛痘功效仍有提升空間。 （使用後，面額暗瘡痕跡有變淡） （頑固瘡效果有限）

好開心彩豐同 @Cosme 抽中我試用JOSERISTINE 皮奧寧祛痘系列中嘅皮奧寧祛痘．清爽乳液🤩 最近天氣成日都好熱好乾燥🌞，而且Office冷氣開到好足❄️，成日吹住，搞到身體好乾，唔夠水份。但有時天氣又不斷落雨🌧，連續落幾日，所以好潮濕💦。由於天氣變化好大，溫度有時又超炎熱，有時落大雨後又降溫，所以皮膚狀況變得唔穩定，容易生暗瘡。 而今次嘅皮奧寧祛痘．清爽乳液就好適合我！因為乳液當中嘅皮奧寧(Pionin)，對於引致暗瘡嘅丙酸桿菌(Propionibacteria)有強效抗菌作用，能夠控制皮膚多餘嘅油脂，從而改善皮膚閉塞，所以可以抑制痘痘再生！唔洗驚成日爆暗瘡～ 乳液係白色的，有淡淡藥草香味🌱，質地輕盈，延展性高，所以都好容易推開。我搽上臉後再按摩幾下，覺得吸收速度唔錯，幾快。用後皮膚唔會好痴笠笠同油膩，都幾清爽的。 而且乳液含有水楊酸成份，能夠深入毛孔溶解油脂同埋老廢角質，所以可以代謝角質同埋改善粉刺痘痘！我用左之後，的確少左粉刺👍🏻 我連續用左9日，覺得保濕效果同退紅效果都唔錯，T字位出油少咗，所以控油能力都唔錯，而且皮膚狀態穩定了，生少左暗粒粉刺同暗瘡。用左之

感謝 @cosme 提供今次「皮奧寧祛痘．清爽乳液」嘅試用機會！ 【我嘅肌膚狀況】 我平時雖然唔算大爆痘，但間中都會生暗瘡。最煩惱嘅係皮膚好容易泛紅、留暗瘡印，平時粒痘起碼要糾纏成個星期先肯謝。而且我鼻翼同鼻內都特別容易生暗瘡，一發炎就又紅又痛，平時真係好難斷尾。 【質地與使用感】 雖然佢係祛痘產品，但質地完全唔會乾，反而好滋潤保濕！打圈搽開之後好快吸收。不過可能因為佢偏向滋潤，吸收後會帶有一點點黏膩感，但係完全可以接受。就算搽埋喺鼻翼同鼻內呢啲敏感薄弱嘅位置都好舒服，唔會覺得悶痘或者刺激。 【真實用後效果】 消炎控痘：對付啱啱起緊嘅暗瘡真係一流！搽咗幾日之內，暗瘡就已經明顯消褪、平復晒，謝得快過平時好多。最驚喜嘅係，平時我最頭痛嘅鼻內暗瘡，今次搽左兩日痛感已經少咗好多，去到第三、四日已經完全唔痛兼謝晒，效果超驚喜！而且用咗一星期多啲，發現完全冇起新暗瘡！ 舒緩褪紅：佢嘅舒緩褪紅效果好明顯，原本發炎發紅嘅位置，幾日就已經成功褪紅，膚色望落均勻返。 去印表現：最令人滿意嘅係，呢次新謝嘅暗瘡完全不留暗瘡印，皮膚好似冇生過痘痘咁！不過，如果係以前留落嘅舊暗瘡印，暫時就未見有明顯減

這款清爽乳液擁有按壓式的瓶身設計，使用起來非常衛生且好控制用量。它的質地非常水潤輕盈，介於乳液與凝露之間，推開後瞬間化為水狀，吸收速度極快，完全不會為油性或混合肌帶來任何負擔感。在局部點完消炎膏後接著使用全臉，它不僅能為肌膚提供剛剛好的保濕度，維持水油平衡的狀態，還能明顯感覺到 T 字部位的出油量減少了許多。持續使用一段時間後，全臉的膚況變得更加穩定，原本零散的舊痘印也漸漸淡化，肌膚透出健康的光澤感。它溫和不刺激的特性，即使在換季或是肌膚比較敏感不穩定的時候使用，也能發揮很好的舒緩鎮靜效果。這系列產品的優勝之處在於它能全方位地調理出健康的肌膚底子，特別適合在炎熱潮濕的春夏季節作為日常保養的控油利器。

多謝 @cosme 邀請試用 JOSERISTINE 彩豐 皮奧寧祛痘．清爽乳液！我用咗大約一星期，同大家分享用後感。 先講吓我塊面——夏天一到就係名副其實嘅「大油田」，一焗一熱就狂爆瘡，油光加粒粒係家常便飯。偏偏揀祛痘、控油產品最頭痕，因為我係乾到狂爆油，好多都係控得到油、補唔到濕，搽完塊面好乾甚至甩皮。所以呢支主打「控油又保濕」嘅清爽乳液，一開始就好啱我嘅需要。 質地係我幾中意嘅一環，介乎 gel 同 lotion 之間，比化妝水稠身、又比一般乳液輕盈：唔會「一陣風」咁搽完好似乜都冇、補唔到嘢，但同時又唔會好乾同緊繃。推開之後好快吸收，唔黐笠、唔會漿住塊面，夏天潮濕天氣好適用。它有輕微嘅茶樹油香氣，淡淡哋、聞落好舒服，唔會攻鼻。配方入面除咗皮奧寧同水楊酸，仲加咗神經醯胺同透明質酸打底，所以就算係祛痘產品，都保留到基本保濕，唔會似以前用開嗰啲咁「搽完乾一輪」。 效果方面，我想老實講：用咗一星期，控油暫時未見得令我塊面出油量大幅減少，中午 T 位一樣會泛返光。不過就明顯感覺到皮膚「穩定咗」，冇日日狂爆新瘡，新粒粒少咗、亦冇再谷到又紅又大，整體狀態冇咁失控。我明白調理油脂、真正睇到控油成

膚質：混合性、間中會出暗瘡粉刺、偏敏感 使用時間：約1星期，每日早晚使用 我今次試咗同系列3樣產品：3號 Spot Treatment暗瘡膏、4號 Refreshing Emulsion潤膚乳液、同埋 Acne Body Spray身體噴霧。 3. Pionin Anti-Acne Refreshing Emulsion 4號 潤膚乳液 質地：好輕盈嘅乳液，唔笠 使用感：保濕力唔算好高，對於我嚟講有少唔夠潤，但好處係完全冇引起敏感、不適或者塞毛孔，油性/暗瘡肌用都安心。 評分：★★★☆☆ 清爽無負擔，但乾肌可能要再加保濕 三個產品共通點都係：非常溫和、零副作用、冇反效果，但效果亦都唔算非常明顯突出。唔會有即時驚艷嘅感覺，比較適合想溫和調理、追求穩定唔刺激嘅暗瘡肌，或者係暗瘡情況唔算好嚴重嘅時候作日常護理。 如果追求第二日即刻消腫、強力見效嘅朋友可能會覺得唔夠力。但如果你怕用猛藥會敏感、爆更多瘡，呢個系列都可以一試。 整體會回購嗎？噴霧會因為方便而考慮回購，其他兩樣持觀望態度。

連續使用 JOSERISTINE 皮奧寧祛痘清爽乳液約兩星期後的感受: 乳液質地偏厚但尚算易推，塗上後吸收較快，膚面清爽不黏，推開後很快被肌膚吸收。它上臉後的膚感偏向清爽，不會有厚重的負擔感，非常適合在潮濕悶熱、肌膚容易出油的天氣下使用。不過需要注意的是，這款乳液的配方非常針對控油，如果遇到天氣乾燥的期間，塗抹後皮膚會感覺更乾。 在保濕與控油平衡上，它的控油表現相對突出，能顯著減少臉部多餘的油脂分泌，連續兩星期用下來，同一區域的出油速度有下降，患處周邊相對不容易越晚越油。 在控痘方面，使用期間雖然未必能做到百分之百的「零爆痘」，但可以發現即便爆出的痘痘，程度也比平時更加輕微且容易控制，通常幾天內就會消退。 至於淡化痘印的表現，由於目前只持續使用了約兩星期，對於臉上的舊痘印，其變淡的視覺效果並不算非常顯著，需要更長的使用週期才能看到明顯的色素沉著改善。不過，由於它能有效抑制發炎並縮短痘痘的生命週期，因此在預防新痘印形成方面，確實發揮了不錯的防護作用。 這款乳液若要加入日常護膚程序長期使用，有一個較為可惜的缺點，就是包裝上並沒有明確提及和其他日常護膚產品如爽膚水、精華液搭配使

我係混合偏油皮膚，本身多暗瘡同暗瘡印。今次收到cosme送嘅呢支乳液，同Joseristine另一款消炎膏係同一個系列，就順便一齊用。我嘅用法係早晚洗完面之後落toner，暗瘡位就點消炎膏後再上乳液。 外觀同質地： 乳液質地幾稀，推開好快吸收，搽完唔會黐笠笠，亦都唔會好油。味道同消炎膏差唔多，有淡淡嘅茶樹味，唔算刺鼻。夏天或者出油多嘅日子用，感覺幾清爽，係我喜歡嘅質地。 效果： 鼻翼位同下巴暗瘡位搽完唔油唔笠，感覺幾舒服。用咗幾日皮膚冇敏感，暗瘡位冇因為搽咗佢而變差，皮膚狀態都算穩定。不過講到消暗瘡，我覺得效果唔算明顯，個人覺得消炎膏應該有效啲，乳液就似係適合暗瘡肌膚嘅日常保濕。 缺點： 由於我係混合偏油皮膚，兩邊面頰同額頭都比較乾。淨係搽呢支乳液嘅話，嗰啲位置唔太夠滋潤，冬天要再加多層面霜先夠。如果係乾肌或者面頰偏乾嘅朋友，可能要加多一層保濕。 總結： 適合油性或者混油肌嘅人喺暗瘡位/油皮部份用，清爽唔笠，但對偏乾嘅位置就唔夠滋潤。對付暗瘡嚟講，我覺得消炎膏比較有效，乳液就當係配搭用嘅日常保濕，佢嘅質地真係適合暗瘡皮膚同油肌✨

多謝 @cosme 和 JOSERISTINE 品牌邀請試用 JOSERISTINE 皮奧寧祛痘系列產品（皮奧寧祛痘強效消炎膏、皮奧寧祛痘清爽乳液和皮奧寧防痘身體護理噴霧）！ 我係混合肌，呢排皮膚算幾穩定、暗瘡偏少，平時通常係經期前下巴先會爆石頭瘡，而背部暗瘡就一時明，間中冒少少出嚟。 這系列主打來自日本嘅皮奧寧（Pionin）抗菌成份，對引致暗瘡嘅丙酸桿菌有強效作用，可以控制多餘油脂同改善阻塞。 皮奧寧祛痘清爽乳液 圖上左邊個點係乳液 主要添加咗水楊酸、茶樹油同神經醯胺，主打溫和控油同舒緩。但我平時護膚習慣好少用乳液，所以對我嚟講呢款乳液質地仲係唔夠清爽，上面之後存在感幾強，對我嚟講有啲立。雖然保濕力係夠嘅，但可能因為質地偏重少少，控油感受唔算好明顯，不過算侜搽落溫和冇出暗粒。

好開心今次獲選試用 JOSERISTINE 皮奧寧祛痘系列！我本身係混合偏乾肌，T字位易出油，但面頰偏乾。今次香港夏天又熱又焗，本身已經好易焗出粒粒。最慘係前排趕project，壓力大到爆，晚晚捱夜，搞到荷爾蒙失調，面頰爆發咗幾粒又紅又腫嘅暗瘡，仲有啲暗粒同粉刺，摸落塊面鞋鞋哋。連背脊同心口都因為出汗焗住，生咗好多小暗瘡同紅印，真係好困擾，見到都唔開心。 Step 1：強效消炎膏 — 重點出擊，快速退紅消腫 面部生咗粒粒，於是即刻搽咗呢支消炎膏。佢係淡綠色凝膠質地，好清爽，仲帶有淡淡嘅茶樹油香味，唔刺鼻。唧嘴設計好方便，唔會唧到成手都係。搽上臉好易推開，仲有少少清涼感，好快就吸收晒，完全唔黏笠。 重點係，搽咗第2日已經見到粒暗瘡開始褪紅消腫，大約3-4日就平返，效果比我用過嘅其他暗瘡膏更快見效！最驚喜嘅係，用後皮膚完全冇變乾、冇脫皮，keep到水潤，對我呢種混合偏乾肌嚟講真係加分。 Step 2：清爽乳液 — 全臉保濕控油，皮膚變聽話 搽完消炎膏之後，我會全面搽上呢支清爽乳液。佢質地好輕盈水潤，唧出嚟係白色乳液狀，推開好快就滲透入皮膚，唔會覺得黏立。最初用嗰兩日，因為佢實在太

多謝@cosme抽中今次既試用產品機會💌💌 夏天天氣咁翳焗，揀護膚品真係好頭痛！我面部皮膚係混合型偏乾，T字位同下巴好易標油生暗粒，但兩邊面又偏乾。日頭搽面霜最驚就係笠痴痴，搞到出街無耐就成面油光。最近我將「JOSERISTINE 皮奧寧祛痘．清爽乳液」加入咗我每日護膚程序度，連續用咗七日，效果真係幾唔錯。 我多數會擺喺朝早日間使用，每次擠大約一個一蚊銀嘅大細就足夠搽勻全面。佢嘅質地真係非常之輕盈、水潤，上面之後好易推開，而且好快就被皮膚吸晒，感覺超級清爽零負擔。雖然我兩頰偏乾，但佢都做到足夠嘅保濕度，同時T區又唔會因為咁而狂標油，控油同保濕個平衡拿捏得好好，真心覺得極度適合香港咁濕熱嘅夏天使用。 除咗保濕清爽之外，連續用咗七日，我發現係面上嗰啲原本礙眼嘅舊痘印，真係有慢慢變淡到！平時啲印起碼要一個月先退，今次成個面色睇落都均勻同乾淨咗好多。如果你都係容易出油生粒粒嘅朋友，想搵一支夏天用得舒服、唔會加重皮膚負擔嘅乳液，呢支絕對係我今年夏天嘅好推介！

Joseristine皮奧寧祛痘清爽乳液，油痘肌終於搵到夏日救星！ 是咁的，作為一個終日同油光、暗瘡搏鬥嘅油痘肌人士，夏天搽護膚品真係一大考驗——太潤會塞毛孔，太清爽又唔夠保濕，搞到塊面外油內乾，仲要紅紅哋發晒炎。近排收到@Cosme送出呢支皮奧寧祛痘．清爽乳液，用咗大約兩星期，同大家報告下真實用後感！ 質地 & 膚感：輕盈到似無物！ 一唧出嚟就知佢係「清爽系」選手！乳液質地好流暢、好輕身，推開嗰下好似化開咗嘅水珠，幾乎冇乜存在感。最驚喜係吸收超快，捽兩捽已經滲透晒入皮膚，表面完全唔會留一層油膜或者笠黐黐，之後上防曬、化妝都零負擔，夏天用真係爽皮！ --- 保濕 & 控油：平衡得啱啱好！ 好多控油產品用完塊面乾到緊，但呢支因為有透明質酸同神經醯胺，保濕力出乎意料地好！朝早搽完，到中午T區出油量明顯少咗，塊面保持到一種「微霧面」嘅清爽感，但又唔會話缺水扯住。佢做到嗰種「控油而不乾，保濕而不膩」嘅完美平衡，呢點真心加分。 --- 鎮靜舒緩：褪紅快過打針！ 我下巴嗰排生咗幾粒壓力瘡，又紅又腫仲有少少刺痛。用呢支乳液全面搽，再喺暗瘡位局部加厚少少。第二朝起身，紅腫明顯褪咗大半，粒瘡

［真實用後感］皮奧寧祛痘．清爽乳液 — 油痘肌嘅「輕食護膚」救星？ 多謝@Cosme邀請試用！今次就試用呢支皮奧寧祛痘．清爽乳液，佢話可以全臉用，兼顧保濕同控油。用咗大約兩星期，同大家分享下我嘅真實感覺。 1. 質地及膚感 — 真係「清爽」兩個字嘅示範 好多標榜「清爽」嘅乳液，一查上面仲係有層膜焗住，但呢支一唧出嚟係水感流動性高嘅乳液，近似Gel Lotion質地。推開嗰下好似化妝水咁薄，手指打兩個圈就完全吸收晒，皮膚表面即時變咗霧面柔焦感，但又唔會乾爭爭。最正係唔會同之後嘅防曬或粉底打架，冇擦膠碎，夏天潮濕天氣用零負擔。 2. 保濕、控油 — 做到「外控內保」嘅平衡 呢個係我最驚喜嘅位。以前用過唔少控油產品，一係吸到塊面乾到緊，一係保濕但出油照舊。 · 保濕度： 搽完後皮膚係飲飽水但又唔油嘅狀態，全日唔會覺得繃緊，就算喺冷氣房都夠力。 · 控油力： 我本身T區係「油田級」，平時朝早起身額頭鼻翼反晒光。連續用呢支乳液早晚搽全臉，大約一星期後，明顯覺得日間出油量少咗三成，尤其下巴同額頭，以前中午要用吸油紙，而家可以捱到下午先少少泛光。佢唔係強行吸油，而係似調理皮脂，等皮膚慢慢回

暗瘡肌終於搵到清爽之選！皮奧寧清爽乳液用後7日真實感覺 前言：暗瘡膏 vs 暗瘡乳液嘅分別 雖然皮奧寧支皇牌消炎膏急救石頭瘡真係一流，但始終唔可以日日搽全臉。好開心今次可以收到@Cosme送出「皮奧寧祛痘清爽乳液」，呢款產品聲稱可以全臉用、控油同時保濕，用咗一個禮拜，同大家分享下我呢個混合肌嘅真實用後感！ 質地：真係「清爽不黏膩」！ 第一次唧出嚟嘅時候，以為係普通白色乳液，點知推開嗰下先驚喜——質感好水、好輕盈，似係凝乳狀，一推就化開。搽均全臉之後等大約30秒就吸收晒，塊臉完全冇嗰種「漿住」或者「立黐黐」嘅感覺。對於香港又濕又熱嘅天氣嚟講，呢個質地真心加分！ 用後第1-3日：控油效果有驚喜 平時返工到中午，T字位一定油到反光。用咗呢支乳液之後，雖然唔係話完全零油光，但出油量明顯少咗，塊臉Keep住清爽。睇返成份有水楊酸同茶樹油，溫和地幫手代謝角質同控油，又唔會好似某啲控油產品咁搞到塊臉「拿」到緊晒。 用後第4-7日：褪紅同舒緩係最大驚喜 我下巴同面頰成日有嗰啲「發極都唔出」、紅紅哋嘅暗瘡印同敏感粒粒。用咗大約一星期，發現嗰啲泛紅明顯褪咗！特別係舒敏佳個複合配方（金盞花、黃芪嗰啲

好開心今次@Cosme比我試用JOSERISTINE 祛痘系列！！成功搵到我的夏天救星！ 因為我皮膚比較容易出油，加上容易敏感，我好怕用好油膩的乳液。呢支皮奧寧祛痘清爽乳液質地好溫和完全不黏膩！使用好方便，取適量塗於面部和頸部，好容易推開，好水和清爽舒服！它主要成份包括水楊酸，茶樹油，透明質酸，金盞花精華等等，好易吸收和保濕。夏天天氣咁熱，我成日出汗，加上工作壓力大，又鍾意捱夜，所以呢排皮膚都幾容易出油和生暗瘡，好彩我用左呢支乳液一星期後臉油出少了，而且暗瘡都少了，皮膚變好了，我都心情靚曬！！🤗

爆暗瘡最怕搽厚重面霜，呢支皮奧寧祛痘清爽乳液就啱晒！ 佢主打水感質地，一抹即化水，超級輕薄易吸收，控油效果唔錯。早晚全臉搽佢，T字位冇咁易出油，連帶額頭同下巴嘅油脂粒同暗粒都少咗。 通常祛痘產品好乾，呢款保濕之餘仲可以收細毛孔，舒緩發炎，有鎮靜效果。用咗兩星期，爆瘡嘅次數都少咗，連頑固舊痘印都有變淡，油性同混油肌一定要試！

首先多謝@cosme抽中成為Joseristine 皮奧寧祛痘系列👍🏻 呢個亦都係彩豐行既王牌系列👍🏻 呢個系列針對暗瘡性皮膚，皮奧寧成份亦都係可以控制油性及暗瘡肌膚的多餘油脂，從而改善皮膚閉塞，有效防止及治療痘痘及閉合粉刺❤️👍🏻 呢支清爽乳液，係可以全面搽的，亦可以搽埋落頸😀 配方採用溫和輕盈、容易被皮膚吸收，感覺清爽不黏立😃 同時，可以抑制油脂分泌，減淡痘痘。 用後感： 呢排天氣非常炎熱，面上少不了會有暗瘡同粉刺，連續使用一個禮拜乳液後，真係冇再生暗瘡同粉刺，本身嘅暗瘡同粉刺亦都減退發紅了，最鍾意嘅就係佢嘅質地輕盈，真係唔會侷促同厚重👍🏻 祛痘效果：⭐️⭐️/5 質地：⭐️⭐️⭐️⭐️/5（清爽完全不黏笠） 香氣：⭐️⭐️/5（不是茶樹味道，但有種說不出的好像西藥既味道😅） 連同消炎膏一齊用，暗瘡已減淡了😀

乳液質地係輕盈奶狀，易推開，唔厚唔笠，吸收得快，搽完塊面係清爽但唔乾。 早晚用咗大約兩星期，T字位出油明顯少咗，面頰又唔會乾爭爭。之前有幾粒發炎痘同泛紅，搽完有鎮靜感，紅退得快啲。保濕力對混合肌啱啱好，夏天用都唔覺得黐。 持續用，舊痘印有慢慢變淡，新痘印都無咁易深色。最鍾意佢溫和，唔會刺激到敏感位，配合同系列暗瘡膏一齊用，控油同褪紅效果更明顯。如果冬天乾燥，可能要加多層保濕。整體係一支可以日日用嘅祛痘乳液，清爽得嚟有保濕，油痘肌會幾鍾意。✨

好高興抽到皮奧寧祛痘．清爽乳液試用！ 本人混合性偏油因荷爾蒙失調容易生痘痘 面上較多暗粒同埋痘痘印 使用前：質地比較清爽搽完會有少少涼涼哋 好適合香港天氣使用 消炎退紅效果非常好明顯 感覺到皮膚穩定咗好多出少咗油同痘痘！ 使用後：產品性價比好高學生都易入手👍🏻 但產品有浸類似藥草嘅味如果唔介意嘅話 非常推薦比同樣容易生痘痘嘅人

多謝@cosme 抽中 @JOSERISTINE 「皮奧寧祛痘系列」試用活動🙏🏻 1️⃣包裝📦 是次產品外型以霧藍色調為主，白色瓶蓋按壓頭設計，缺點為開關蓋設計不夠實淨，容易甩出來😢 2️⃣效果✨ 天氣悶熱🥵最近臉上痘痘較多，下巴位置因過多角質而出現的小粒粒，初期使用兩三天過後已有明顯改善，撫平及舒緩下巴粒粒及其餘暗瘡位置⬇️，而且唔會感覺黏笠，適合油肌使用👍🏻 3️⃣總結👀 整體效果滿意👍🏻會保持長期使用🙌🏻