Curél 好用推薦產品
Curél 推薦產品一覽 50 件
Kmggigi好用推薦：Curél 碳酸泡沫潔面乳 — 微細泡沫深層潔淨，同時守護肌膚屏障✨ 質地: 呢款潔面乳一按即出豐盈細緻嘅碳酸泡沫， 完全唔需要自己起泡或者大力搓揉， 對皮膚更加溫和。泡沫細密有彈性， 可以包裹住皮脂同污垢，深入毛孔徹底潔淨之餘， 亦減少對肌膚嘅拉扯。 無香料、無色素、無酒精，並通過敏感測試， 配方相對溫和，日常使用都好安心， 特別適合乾燥或敏感膚質。 效果: 針對暗啞肌膚設計，泡沫具有一定吸附力， 可以帶走因空氣污染或者氧化皮脂而形成嘅頑固污垢。 洗完之後皮膚唔止乾淨，仲會呈現一種水凝透明感， 感覺清爽但唔繃緊。 蘊含「潤浸保濕 Ceramide 成分」， 潔面同時幫助維持肌膚屏障功能， 避免洗完面後乾燥繃緊。清潔力足夠， 但唔會帶走過多水分，用完皮膚仍然保持滋潤柔軟。 總結：潔淨力與溫和度兼備嘅安心之選 Curél 碳酸泡沫潔面乳集方便、潔淨同保濕於一身， 特別適合想溫和深層清潔，又唔想洗走屏障嘅人， 日常早晚使用都幾舒服✨
<看全文>Tung Yi好用推薦：主打功效：比毛孔還小的碳酸泡沫能深入毛孔，浮起並帶走導致暗沉的油脂污垢及老化角質，無須過度搓揉即可溫和潔面。 洗後肌膚水潤不緊繃、不乾澀，洗後提亮且清爽。敏弱友善： 無香料、無色素、弱酸性，品牌經典的添加神經醯胺（Ceramide）成分能修護屏障，敏感肌用起來相當安心。已經用空了三瓶。
<看全文>
Jeniel好用推薦：見寫「水潤」，一定要提起： Curel的 Moisture Cream 因為天氣忽凍忽熱，我塊敏感混合肌就開始作反，又乾又泛紅😭 好彩用開Curel呢罐皇牌面霜用黎命。佢專為敏感肌設計，無香料無色素，用落零刺激～ 質地係輕盈嘅乳霜狀，推開嗰下好似化水咁，超級水潤！吸收得快，完全唔會黐立立或者留低油膜感～ 保濕力一啲都唔弱，就算開住暖氣瞓覺，朝早起身塊面都仲係潤嘅，鼻翼同額頭冇再甩皮卡粉✨ 我最鍾意佢夠溫和但又有修復力，用咗幾日，面頰嘅泛紅同緊繃感明顯減退，皮膚狀態穩定返好多。如果遇到極乾日子，我會直接厚敷一層當睡眠面膜，第二朝皮膚即刻飽滿返，上妝都貼服啲！ 總括嚟講，呢罐面霜係敏感肌同乾燥肌嘅冬日恩物，溫和、保濕、穩定，一支搞掂晒👍 會無限回購！ 保濕度： ★★★★★ 溫和度： ★★★★★ 吸收速度： ★★★★★ 修復穩定： ★★★★☆ #敏感肌救星 #冬季必備 #Curel面霜 #水潤
<看全文>Lindabb好用推薦：Curel深層高效保濕面霜使用心得 身為一個注重 護膚，尤其係 冬天 皮膚會變得極度乾燥敏感嘅人，每年一到 冬季 就要展開一場保濕大作戰。今次想同大家分享我喺 冬季護膚 流程中，不可或缺嘅好幫手——Curel深層高效保濕面霜。 1. 質地與使用感： 面霜嘅質地係白色乳霜狀，望落有啲厚度，但非常好推開，一接觸皮膚就好快化開，吸收速度驚人。塗上臉完全唔會覺得油膩或黐立立，反而係一種被溫柔包裹住嘅滋潤感。對於 冬天 寒風吹到塊面繃緊、甚至脫皮嘅狀況，佢能夠即刻提供舒緩。 2. 保濕續航力： 呢一點真係要大力讚！冬季 嘅乾燥天氣，好多保濕產品可能到下午就已經覺得打回原形。但Curel呢罐面霜嘅鎖水能力非常出色，搽完之後一整天都能感受到皮膚保持住水潤軟嫩嘅狀態，完全抵禦到室內暖氣同室外冷風嘅雙重夾擊。作為 冬季護膚 最後一步嘅鎖水產品，表現非常稱職。 3. 溫和性與效果： 產品標榜適合敏感肌，我用落真係覺得好溫和，無香料無酒精，完全唔刺激。經過一整個 冬天 嘅使用，皮膚嘅穩定度提升咗好多，以往 冬季護膚 最煩惱嘅泛紅同乾燥痕癢問題，今年真係大大減少。皮膚角質層好似被修護好，摸上去更飽滿光
<看全文>
Emily Leung好用推薦：敏感肌專用洗面奶 非常好用的一款日常潔面!專門為乾敏肌設計，氨基酸配方➕弱酸性非常適合我這種混乾敏感肌，溫和不刺激。 按壓設計很省心，每次一按，綿密泡沫就出來了，不用自己費勁搓泡，省事兒又均勻。 洗臉時，泡沫敷在臉上軟軟的，像輕雲裹住皮膚，溫和清潔，帶走油脂和灰塵，還不會過度清潔，洗完臉蛋清爽舒服，沒有緊繃拔乾的感覺 。 有兩款哦，一個是保濕一個是控油，可以根據自己的膚質去選擇。 ·
<看全文>莓莓好用推薦：敏感肌姊妹都用到嘅「屏護級」洗面奶！！ 敏感肌姊妹揀洗面產品真係要小心啲 清潔力太強或者太弱都會傷到皮膚 所以我對洗面奶要求都好高 我成日用嘅係——珂潤潤浸保濕潔顏泡沫 珂潤係專門研究乾性敏感肌嘅老字號 已經有接近40年歷史 我由大學開始用到而家 可以話呢支係第一支令我覺得洗感好舒服嘅洗面 洗得乾淨之餘，對皮膚又好 點解話佢係「屏護級」洗面呢？ 首先成分都好溫和， 冇色素、香料、酒精呢啲添加 洗完塊面都係水潤唔拔乾 其次係雙重氨基酸表活專利配方 + 弱酸性 徹底清潔嘅同時，仲可以避免皮膚自身神經酰胺流失 牢牢鎖住皮膚內外嘅水分， 清潔力同溫和度都做得好好 對於敏感肌姊妹真係好友善， 話佢係「屏護級」洗面一啲都唔過分！ 按壓泵設計 一按就出泡沫 好似啲雲咁 綿綿密密 好易沖洗乾淨， 洗完又唔會有假滑、繃緊嘅感覺 雖然配方溫和 但清潔力都好夠 洗感真係好舒服一年四季都用得，洗完肉眼見到皮膚光咗， 塊面啲疲態一掃而空 就算轉季都唔會有負擔～
<看全文>
Chloeincosme好用推薦：Curel 保濕潤唇膏 🤍 係日本藥妝店睇到話專為敏感乾燥唇部設計，一試愛上！ #轉季 及 #換季 必備 🤍 保濕修護：5/5 成分簡單溫和，冇香料色素，唇部脫皮時厚敷過夜，第二朝死皮自動脫落，即時回復柔軟～ 🤍 質地吸收：4.5/5 偏乳液狀膏體，推開化水唔油膩，吸收後有層薄薄保護膜，唔會黐頭髮～ 🤍 溫和度：5/5 試過唇炎發作期間用都零刺激，仲有舒緩效果，真正做到「修護型潤唇膏」～ 🤍 妝前打底：4/5 薄搽一層等吸收再上唇膏，有效防止卡紋，但又唔會過潤影響啞光唇膏顯色～ 總結： Curel呢支潤唇膏絕對係敏感唇恩物！修護力強得嚟質地舒服，已經取代咗我常用嘅潤唇產品～會無限回購！推薦比經常唇乾、敏感，甚至受唇炎困擾嘅你！
<看全文>Emily Leung好用推薦：空樽|Curel 保濕潤唇膏 我一直覺得，扭出膏體嘅設計係最方便嘅潤唇膏包裝。 珂潤呢支潤唇膏就係扭管裝， 夠輕身易拎之餘，仲有足4.2g。 美中不足係扭得太多就扭唔返轉頭， 要用手將膏體撳返入去。 完全冇氣味， [讚] 唔油膩但保濕力夠， 頂得順南方嘅冬天。 [弱] 缺點就係黐。 無論包裝定係膏體，都好似漿糊筆咁。 搽嘅時候已經覺得唔順、有阻力， 搽完之後個嘴有啲黐立立， 每次搽完我都會不自覺用力抿嘴， 驚黐到頭髮。 整體嚟講好好用， 最後嗰啲我都用棉花棒挖清光。 未搵到性價比高過佢嘅潤唇膏之前，都會回購！
<看全文>
Kathy Wai好用推薦：Curel（珂潤）水凝保濕乳液係一款專為乾燥敏感肌設計的基礎保濕產品，主要賣點係無酒精、香料、色素，弱酸性，低刺激。 先講質地：似「溶化嘅啫喱」 唧出嚟係白色半透明、少少流動嘅凝膠狀。一推開即刻「化水」，好似冰粒喺熱水上面溶咁，幾秒就吸晒。 最正係完全唔痴——你試過摸完面，再摸手機個mon冇手指模就知。夏天用直頭爽過敷冰。 用完之後皮膚嘅感覺： · 即時：塊面好似飲咗水，飽滿咗，但唔會假滑。輕輕摸會feel到係「柔軟」，唔係油膩嗰種淋。 · 隔一陣（約15分鐘）：依然清爽，但手背貼落面頰會feel到一層好薄嘅水膜鎖住咗。唔會繃緊，連鼻翼兩邊平時易乾到起皮嘅位都平滑。 · 第二朝起身：混合肌嘅T字位只有少少油光（比起用其他乳液少一半以上）。面頰依然軟軟地，冇爆乾紋。 · 長期用（一星期後）：皮膚明顯穩定咗。以前成日紅一撻、痕一撻嗰啲小敏感，幾乎冇再出現。上粉底貼到好似第二層皮膚，因為角質唔再乾到起屑。 特別一提 – 敏感/泛紅時候嘅表現 試過轉季塊面熱熱地、有粒粒，照用佢。搽嗰下冇「拿」，過一陣啲熱感退咗。第日泛紅淡咗一半，而且冇惡化。呢個「降溫穩定」效果真心加分。 唯一要彈嘅情
<看全文>YYeman好用推薦：Curel 潤浸保濕乳液 - 敏感乾肌嘅「簡簡單單」救星？ 最近轉季，塊面又開始痕痕乾乾，搞到我心煩。聽講日本嘅 Curel 系列專為敏感肌而設，於是就試咗佢支皇牌「潤浸保濕乳液」（佢有分I, II, III號，我試嘅係最清爽嘅I號）。用咗兩個星期，同大家分享下真實用後感！ ✨ 質地同使用感： 一泵出嚟，係好似牛奶咁嘅稀身乳液，流動性幾高。搽上面嗰陣好水，推開嘅過程已經feel到好潤澤，但絕對唔係黐立立嗰種。吸收速度中等，輕輕按摩多幾下就入晒皮膚，之後摸落去係好軟滑，有層好薄嘅保濕膜喺面頭，但唔會焗身。對於我哋呢啲怕油膩嘅廣東天氣來講，呢個質地真係好加分！ 💧 保濕力到底夠唔夠？ 我嘅皮膚係兩頰偏乾，T字位少少油。用佢之後，最明顯係洗完面後嘅繃緊感即刻消失。佢嘅保濕效果屬於「細水長流」型，唔會一搽就勁潤，但會幫你長時間保持肌膚水潤。朝早用完，到下晝皮膚都依然保持住柔軟狀態，冇因為喺冷氣房而抽乾水。如果係極乾嘅朋友，可能會覺得要加返隻潤啲嘅面霜先夠力。 🌿 成分同溫和度： 呢一點係Curel嘅賣點！冇香料、冇色素，用落真係零刺激，我皮膚有少少敏感嗰陣用，都完全冇刺痛或者泛紅。佢加入
<看全文>
Kitty 好用推薦：🌟無限回購❗️Curel控油保濕毛孔細緻妝前打底霜真係驚艷到爆燈💥 睇完博主推薦買返嚟試，真係好勁咯😱 我係油敏皮👩🦰，但完全唔敏感，用完超正👍控油力MAX💯 搽完塊面滑捋捋，有啲磨皮效果📸，即刻變啞光面，零油光✨真係超級❗️超級❗️超級❗️控油🌬️ ☀️日頭搽完，成日都唔出油💦，仲保持住啞光效果添！放工嗰陣額頭先有少少油光（我主要額頭，鼻翼出油多🧏♀️） 👩🎨之後上妝仲超貼服，完全唔卡粉💄，連妝都持久啲！ 拎俾同事試👥，個個都話正到拍爛手掌👏，真係要無限回購🔄💸 正到喊❗️🔥 #妝前打底
<看全文>Tszki好用推薦：質地透明乳霜 狀滑好推，抹開後迅速變為霧面乾爽質地。修飾毛孔效果明顯，能讓肌膚表面呈現平滑柔焦感適合敏感肌，不會阻塞毛孔，成份友善。「夏日神器」，能顯著抑制 抑制 油光同時保濕 。其成分溫和，無香料、無添加，在控油同時保濕，對敏感不穩的膚況亦很安心使用。
<看全文>
Fng好用推薦：老實講，每日最期待嘅護膚步驟，唔係搽精華，而係——卸妝。將全日嘅防曬、粉底、眼線一次過溶走，望住塊面回復乾淨，嗰種療癒感，好似同個世界講「收工喇」。 Curel 呢支卸妝啫喱（約HK$120 / 130g），係透明、會流動嗰種啫喱。 上面之後唔會滴到周圍都係，可以慢慢按摩。冇香味（Curel 一貫作風），敏感肌友好。 🩷點樣用先最舒服？官方話：乾手乾面用 記住：乾手、乾面。 擠大約2-3cm直徑嘅份量，放喺手心，用中指同無名指（力度最溫柔嗰兩隻）喺面上打圈按摩。 佢遇到皮膚溫度會慢慢溶化，由膏狀變成輕油狀。呢個過程好治癒，好似幫塊面做緊SPA。 按摩大概30秒，你會feel到粉底、防曬好似被「推起來」，但唔會拉扯到皮膚。 加水乳化：用少量水沾濕雙手，繼續按摩。佢會瞬間變成乳白色液體，呢個就係乳化過程。乳化做得夠徹底，沖水之後先唔會有殘留感。 最後用大量清水沖洗乾淨。 💚卸妝力實測：日常妝夠用，眼妝要分開 我平時嘅妝容：防曬 + 粉底 + 碎粉 + 少少胭脂。 Curel 呢支完全可以一次過溶走，洗完塊面乾淨、唔繃緊，仲有少少滋潤感（因為加咗神經醯胺同甘油）。
<看全文>Emily Leung好用推薦：Curel卸妝啫喱嘅真實使用感 我平時化開好簡單嘅妝：防曬 + 薄粉底 + 眉粉同少少胭脂，眼線同睫毛膏！平時我都搵緊一隻適合自己嘅卸妝產品，用化妝油會生容易閉口，用卸妝水又會刺激敏感，聽講呢隻卸妝啫喱係敏感肌專用，所以入手！用後真係好驚喜！ 講返支產品，佢嘅質地好得意，係一嚿 「唔會流」嘅透明啫喱，擠出嚟係一舊，唔會好似油咁漏落手。推上塊面嗰陣，感覺好滑，但又唔會覺得好油膩，好似將啲保濕啫喱按摩入皮膚咁。 味道方面，我要講：「基本上係冇味㗎！」 真係要好專登去聞先有陣好淡好淡嘅原料味，完全冇香料感。如果你係成分黨或者敏感肌，會好鍾意呢點。 用落感覺點？超級溫和！ 我兩頰好易敏感，但用佢完全冇刺冇痕。乾手乾面按摩一陣，啲粉底同胭脂會慢慢溶開，變成好細嘅白色粒粒。跟住加少少水乳化，佢會變成好稀嘅牛奶水狀，過水好易就沖得乾淨。 不過要講重點：佢嘅卸妝力係「剛剛好」。對我嘅日常裸妝同防曬，係完全夠力，洗完塊面好清爽，唔乾唔繃。但如果我今日用咗持久粉底或者防水防曬，就要按摩耐少少，或者用多啲份量先得。至於眼線唇膏？都係僅僅可以，想乾淨一定要用眼唇卸妝液。 總括來講，佢係一支 「皮膚狀
<看全文>
布吶吶好用推薦：Curel化妝水測評！乾燥敏感肌救星？🤔 Hello大家！最近轉季，塊面又開始扭計，又乾又癢？😭 等黎同大家實測下呢支Curel化妝水，睇下佢係咪真係咁work！ 包裝： 💙簡簡單單嘅藍白設計，好有藥妝feel，夠晒乾淨衛生。 質地： 倒出黎係透明水狀，流動性高，輕輕一推就吸收，完全唔黏笠！👍 使用感： 搽上面之後，好似飲飽水咁，即刻舒服晒！😌 佢冇酒精、冇香料、冇色素，用落真係好溫和，敏感肌嘅朋友可以放心使用！ 保濕度： 覺得保濕力都幾唔錯，特別係滋潤型，對於乾燥肌嘅朋友，應該會覺得好夠潤。佢有分清爽型同滋潤型，大家可以根據自己嘅膚質揀返！ 總結： ✅ 優點： · 平價大碗，性價比高💰 · 溫和無添加，敏感肌好朋友 · 質地清爽，吸收快 · 分兩種滋潤度，選擇彈性大 ❌ 缺點： · 保濕持久度一般，可能要補搽 · 功能比較單一，純粹保濕 Overall， 如果你係敏感肌，或者想搵一支簡單保濕、冇負擔嘅化妝水，Cureil係一個唔錯嘅選擇！👍 但如果想追求其他功效，例如美白、抗皺，就可能要揀其他產品啦！ 評分： ⭐⭐⭐⭐ (4/5) 小貼士： 配合Curel自家
<看全文>Kmggigi好用推薦：香港大多地方都係長時間開住好強嘅冷氣，所以即使係夏天都唔可以忘記保濕 化妝水就係可以保濕得嚟又唔會好笠嘅選擇 皮膚狀況: 冬天乾敏肌，夏天混合偏乾+少敏感 Skincare morning routine: Curel 化妝水 ➡️; skin ceutical CE (早) ➡️skin ceutical 全能眼部精華 ➡️ skin ceutical Ptox -➡️ skin ceutical b5 (如果乾) 產品使用情況: Curel 化妝水分三種保濕濃度，我通常夏天用II，冬天用III (會再滋潤啲) 產品無色無味，無香料，無酒精 所以十分適合乾性敏感皮膚使用 搽完上面好快被吸收，同時唔會有任何刺激 (不過都代表唔係超級保濕 咁嘅價錢冇乜好投訴🤣 效果: 保濕程度適合夏天，保濕得來又唔會太笠 但除咗保濕之外，都見唔到有其他效果，例如收毛孔等 唔知大家有冇其他化妝水推薦呢？🤣
<看全文>