KANEBO

原生活力精華粉底霜

我本身係乾肌，試過用唔同牌子嘅粉底都好容易浮粉，所以我平日只會用有色防曬修飾吓皮膚就出門。今次有好幸抽中KANEBO 推出既升級版原生活力精華粉底霜，所以又再有機會重新試吓用粉底。Kanebo呢隻係粉底霜，聲稱將 「裸肌感」同「遮瑕」結合，使用獨家「活力美肌技術 Lively Skin Technology」，靈活運用光線散射效果模糊瑕疵保持原生肌膚質感同時遮蓋色斑、暗沉和毛孔。 呢隻粉底霜嘅質感係比較厚實，唔似平時粉底液咁有流動性，我以為會好難推開，點知佢延展性又非常之好，我就咁用手搽上面已經可以搽得好均勻。之後我再用粉撲試，上面效果有較高遮瑕度。基本上我薄薄搽一層已經遮到毛孔同黑頭，皮膚已經好似原生肌咁嫩滑。同埋用咗粉底霜之後皮膚都變得有光澤咗。如果想再遮多少少暗瘡印或者色斑，用完粉底霜再加遮瑕膏都完全融合得好好。即使過咗幾個鐘頭，暫時都未見到有浮粉或暗沉嘅情況，佢同肌膚反而會越嚟越融合。同埋喺依家天氣比較悶熱嘅日子使用，皮膚都唔覺得焗。整體而言，妝效都幾可以維持貼服，唔乾燥，唔起乾紋，而且都夠水潤。 唯一美中不足嘅係，佢只有SPF24同PA+，所以一定要搽咗防曬先可以用粉底霜。所

超級開心可以抽到Kanebo既試用！！ 一直都聽到唔少人講Kanebo粉底霜好用，但由於佢既設計係開蓋式，好驚一開唔即刻用完就會變質，同埋都擔心衛生問題。 粉底霜附有小刮棒，可以輕鬆取粉。另外仲有塊透明小蓋，感覺衛生。不過一打開黎就聞到陣好濃烈既酒精味，就有啲嚇親我啦。 粉底霜既延展性非常高，只係拎少少粉底霜就可以輕易推開，而且濕潤度非常夠，好自然同埋帶有光澤感，唔係啲好厚重既粉底霜。所以對於既佢遮瑕度就唔抱太大期望，試上臉遮下紅印，又有啲驚喜，都遮到6-7成，仲可以保持到自然妝感，大讚！！！！ 產品說明有一點最吸引到我，就係長效持妝不變色！當然要實測一下效果啦！今次收到既係自然色240，早排曬黑左，所以搽上手有明顯色差。粉底霜氧化方面呢就有少少失望，搽上手試色大概15分鐘後再上新既粉底霜做比較，其實都有好明顯既變色，不過變色後既顏色對於我黎講反而更加自然，唔係死白，所以都過關啦！ 作為乾肌既代表，呢隻粉底霜絕對適合，而且妝感非常自然又唔厚重，保濕能力高，妝感水潤亮澤，無卡粉浮粉既情況出現，遮瑕度有，推薦！！

好開心今次收到@cosme 嘅試用！ 本人35歲，混合乾肌，本身就嚟轉季都想搵一隻滋潤養膚對皮膚無負擔啲嘅粉底，kanebo呢款都係我嘅心水之一，因為佢蘊含養膚精華，強效注水鎖水，另外佢主打現時好興嘅裸肌感同自然原生水光妝效，啱晒我唔想咁重妝感👍🏻 收到嘅240色好適合香港一般自然膚色既女仔👇🏻 素顏照，有暗瘡，毛孔粗大，下巴多暗瘡印用手指薄搽一層效果，遮瑕力六成左右，但毛孔修飾得好好，偽素顏妝效，光澤感好出色，顴骨位同鼻樑搽咗高光甘上妝8小時後，同剛上妝分別唔大，係皺紋地方有少少卡粉，其他地方保持得好好，亦都冇暗沉，光澤保持得好好。總結嚟講，我覺得呢隻粉底霜好有驚喜，佢好啱做我嘅素顏霜，用手指隨便查就可以有滋潤保濕遮瑕效果，最緊要佢妝效同原生肌膚好似，但係上妝後膚色乾淨透亮，有自然光澤，零粉感效果，另外有驚喜嘅係係香港甘潮濕同熱辣辣嘅天氣下都做到長效持妝，維持貼服唔乾燥，亦都唔會成面油淋淋，如果鍾意呢種妝效嘅大家都可以試下佢，大推👍🏻

多謝@Cosme抽中我 因為我係Kanebo品牌fans，之前有用過日霜晚霜都蠻好用，今次可以試用呢款Kanebo原生活力精華粉底霜（色號Shell）真係超開心🥰 黑色瓶身好有質感，仲配有匙羹！ 第一下推開就好驚喜，質地滋潤唔會有「一撻撻」嘅卡粉情況，我覺得粉霜最適合我的上妝方式就是手指拍開，而不是粉撲或粉底刷，持妝效果不錯，我沒有使用定妝噴霧和散粉，就算冇用打底精華都唔乾。唯一缺點係三十度天氣用，8小時後會有少少暗沉，T區有出油（因為我本身混油皮）但不會出現脫妝的白色點點，建議大家買之前最好去櫃面試色，可以適當白一色號！ 呢隻粉底嘅遮瑕度對於我就啱啱好，唔會似戴咗面具，有種「天生好皮膚」嘅通透感。 仲有個細節好加分，就係佢嘅香味同卸妝後嘅膚感。唔似好多粉底有刺鼻嘅化學味，呢隻有淡淡嘅植物清香，上妝時心情都好啲；最關鍵係夜晚落妝後，塊面唔會有「悶住唔透氣」嘅緊繃感，用溫和嘅卸妝乳清潔完，膚質仲好軟滑，冇出現因為粉底悶住而爆痘嘅情況！ 總體嚟講，呢隻升級版粉底真係做到「保濕、遮瑕、通透」三者平衡，尤其適合秋冬或者乾性、混合性膚質嘅朋友，想揾一款唔會太厚重但又夠力遮瑕疵嘅粉底，呢

一向都覺得粉底霜會比粉底液厚身啲，但KANEBO呢款粉底霜真係令我完全改觀。雖然都係霜狀，但上面之後個質地好滑，用海綿好容易就推得勻，而且好快就同皮膚食埋一齊，完全唔會有好厚粉嘅感覺，個妝勁貼服 佢嘅遮瑕力真係幾好，我臉上啲比較深色嘅暗瘡印，淨係搽一層都已經遮到八成，基本上都唔使再另外用遮瑕膏。化完之後，個妝感係好靚嘅奶油肌，有種好精緻嘅光澤感，令到皮膚望落好飽滿、好有質感，絕對唔係嗰種死白面具感。 為咗試真啲佢嘅持久度，我第一次用就決定直接挑戰35度高溫天氣，帶住個妝去迪士尼玩足一日！我由朝早9點上妝到下晝兩三點，喺戶外又曬又行咗幾個鐘，塊面開始出咗少少油，但個底妝依然勁貼。只係鼻翼同嘴角呢啲易出汗嘅位有少少浮粉，但完全唔影響，影相出嚟個妝都仲係好完整，亦都冇乜點氧化變暗。一直keep到夜晚8點幾臨落妝，塊面仲係好靚嘅奶油肌，出咗少少油之後，個光澤感仲好似仲靚咗啲！仲要眼底、眼蓋位完全冇積線起乾紋，T字位呢啲出油重災區又唔會浮粉變到一撻撻。玩足全日，又室內又室外，咁熱嘅天氣都完全唔甩妝，係幾好用！

多謝@cosme揀中我試用，今次收到Kanebo 原生活力橢華粉底霜 升級版 240 Linen色號，會就以下幾點分析🌟 1️⃣質感與延展性 
粉底霜質地好似啫喱咁，用手指推開，即刻變成奶油質地，細緻柔滑，延展性佳，上臉時能輕鬆推開，即使用手指上妝，都能均勻服貼地融合於肌膚，不會卡粉或斑駁。 2️⃣遮瑕力與貼服度單層塗抹後，遮瑕力屬於中等級，能有效遮蓋膚色不均、小瑕疵與毛孔。再塗抹多一層，鼻翼嘅紅印遮到8-9成，好有驚喜！而且依然能保持輕薄自然的妝感，不會讓肌膚顯得厚重或假面。整體貼服度很高，像是與肌膚融為一體。 3️⃣膚色均勻與妝效呈現 
這款粉底霜在均勻膚色和遮蓋瑕疵方面表現優秀，能修飾毛孔和細小瑕疵，同時保持自然光澤感。妝效乾淨透亮，給人一種「素顏好皮膚」的錯覺，真正達到了「零粉感」的效果。 4️⃣持妝表現帶妝8小時後，粉底霜並未出現浮粉的情況，膚色依然明亮自然。同時，妝容保持清新貼服，不乾燥、不出現乾紋，肌膚看起來依然水潤有光澤。 5️⃣與其他產品的比較 
與過去使用的粉底霜相比，這款粉底霜在自然度與輕薄感上表現更佳，不會有厚重的情況出現，妝感更貼近真正的好肌膚效果，適

有幸抽中KANEBO 新推出的升級版原生活力精華粉底霜，可趁着炎夏試一試效果。這次使用的色號是最淺色110 SAKURA，這款粉底霜質地雖然較挺身，但延展性很好，用手塗上臉已經可以推勻並均勻塗抺上臉，薄塗一層已經能夠遮沒細紋、粗大毛孔、黑頭和色斑，感覺輕柔舒適不黏笠。有一點我特別喜歡的是上粉後皮膚很有水亮的光澤感，感覺皮膚很天然健康。 由於我是乾性皮膚，用過不同牌子的粉底都很容易浮粉，這款粉底霜就沒有這種況，而且不會有假白和厚重感，上粉五小時後亦未有見到明顯氧化變暗或浮粉的情況。推薦給各位。

首先多謝@cosme 今次抽中做試用 今次收到係240 自然色 試上手睇落好似有d 深色 推開左就接近膚色，如果唔氧化既話效果幾好 原膚況 比較多雀斑同乾 理論上係比較適合粉底膏呢d 偏滋潤同遮瑕力既產品 上左2層 可以遮到大概7成雀斑 毛孔可以遮到 質地比一般粉底膏輕身 好岩香港夏天用 但就相對冇咁高遮瑕力 持妝7小時效果途中有出過汗， 甩左小小，但妝感可接受 持妝16小時，大致甩左5成同有d 斑駁。 夏天黎講持久度已經好好。 結論， 因為比較輕身同埋係啞面既粉底，搽上面後比較快乾，要逐part 上妝避免推唔開，而且因為咁都比較乾，乾肌要做好保濕先，試左溝精華用，但因為太快乾而唔係好溝得埋🤣 但溝左個妝感會變左奶油肌咁好靚。 但正正因為呢個質地，令到呢個product 好岩香港，由其係偏油肌，覺得平時粉底膏太厚太笠既人用。

好開心今次可以抽到@cosme嘅試用品，我試用嘅色號係230 vanilla。 kanebo呢隻粉底霜包裝嘅開口比較大，所以開封之後入邊嘅粉底霜會直接接觸到空氣，令人有少少擔心會氧化變色，同埋比起平時泵裝嘅粉底液好似冇咁衛生。盒入面附一枝小刮棒可以用嚟𢳂粉底，比起直接用手或者用化妝掃攞粉衛生。 由下面嘅圖片可以見到粉底霜喺15分鐘內會暗沉大約一個色號，15分鐘後展示出嘅基本上就係最終嘅顏色，唔會繼續暗沉落去。如果想買嘅最好買比自己膚色淺1度嘅顏色，或者去專櫃試色並觀察15分鐘以上。 之後我將粉底霜搽咗喺手腕上面觀察佢嘅遮瑕度，見到一啲比較幼同埋唔明顯嘅血管基本上都可以遮蓋到。我本身毛孔比較粗大，有暗瘡同埋暗瘡印困擾，膚質混合偏油。值得一讚嘅係呢枝粉底霜對毛孔嘅修飾能力十分好。一般嚟講有光澤嘅粉底會顯得我嘅毛孔十分明顯，但係呢支粉底霜可以保留光澤同時修飾毛孔，而且長時間帶妝或者出油後依然可以維持到呢種修飾效果，強烈推薦有毛孔粗大困擾嘅人去試吓。呢隻粉底霜整體嘅妝效比較自然貼膚，遮瑕度大約6-7分，一般膚色不均、紅血絲、泛紅嘅問題都可以修飾到，但係對於黑眼圈及暗瘡印遮瑕效果有限，而

KANEBO原生活力精華粉底霜❤️ 每日化妝嘅我對於底妝嘅要求係非常之高，因為底妝好影響整個妝嘅觀感，好嘅底妝可以令你嘅妝容持久同遮蓋到面上嘅瑕疵😆 收到來KANEBO新推出升級版【原生活力精華粉底霜】，以往多數用粉底液化妝，粉底霜真係第一次試，因為總覺得粉底霜質感比較厚，同粉感比較重。而呢款粉底霜正正令我改觀。 未上妝前上妝後 估唔到佢嘅延伸力都非常之好，面上本身有泛紅都遮得好好，感覺有滋潤保濕嘅效果，過咗8小時，亦都唔會有明顯暗沉及浮粉。  相對粉底液，遮瑕效果係高出八成，同時保留光澤感，如果想打造韓式水光咁，建議唔用散粉，直接定妝噴霧定妝，效果會更加出色🫶 基本每日化妝，妝感比想像中透薄，面上唔會因為長期化妝而有暗粒 推薦到：⭐️⭐️⭐️⭐️/5 減嘅一粒⭐️係因為價錢偏貴，但一分錢一分貨，可以一試❗️

好多謝cosme今次抽中我 今次收到既係230色 膚色剛剛好 我係混合偏乾肌，成日遇到個問題就係 T 字位易出油面頰乾 上妝前有斑及膚色不均 上妝後已遮蓋七成瑕疵 粉底質地係偏乳霜狀，推開時延展性好高，上臉之後好快就融合皮膚，有光澤感，薄薄咁上一層，已經可以遮到膚色唔均同啲斑。遮瑕力我會比中上分數，但妝感依然保持得自然。最欣賞係佢貼膚度好高，毛孔會平滑晒，整體膚質睇落滑咗一級。 上完妝之後有種由內而外嘅自然光澤，好似皮膚自己發亮咁，粉感唔重，遮瑕力又剛剛好，整體妝感令人滿意。 大約九個鐘後會偏向奶油肌效果 大約九個鐘之後都冇變暗、冇氧化。T字位輕微出油，個妝會更貼。兩邊面頰都冇乾紋或者卡粉情況，妝效仲保持到有少少光澤感。 算係我近期用過最自然、最貼膚嘅粉底。遮瑕有、光澤有、又唔假白，成個妝睇落就好似天生好膚質。

多謝 @cosme 抽中 @kanebo 原生活力精華粉底霜升級版試用❤️ 我原本已經自購第一代kanebo粉底霜，今次有得使用升級版超級開心🥳🥳🥳 同舊版一樣，粉底霜呈現果凍質感，今次完全感受到升級版嘅威力。 升級版加入養膚精華，明顯感受到加強保濕，加上面5個鐘都完全唔乾，甚至秋季轉季皮膚敏感的me都用到☺️ 上面質地好似奶油般絲滑，非常容易推開，妝感自然得來又有遮瑕力👍🏻 整體妝效又保濕又唔厚重，似皮膚second skin✨✨ 完全無暗沉情況，最後一張相純粹係夜晚黃光效果引致，請ignore燈光問題！ 總括而言，呢個粉底我非常之滿意，超級推薦比同我一樣沙漠乾肌嘅你哋💁🏻‍♀️

首先多謝@cosme 提供試用呢款新上市原生活力華粉底霜！ 收到嘅色號係110 ，帶點粉既色 粉底霜包裝口較大，呢個不足之處，開咗後好容易接觸空氣，都擔心比較易氧化 隨盒附送一個刮刮棒，相對乾淨衛生 呢款粉底霜有養膚精華，強效注水鎖水，啱晒乾肌 亦都好容易推開，延展性高 圖片係妝前，可以見到比較乾以下圖片係持妝五個鐘頭後，有微微光澤，尚算貼服自然，唔會太厚粉，不過顏色有少許氧化變暗，變得更加自然 推薦呢款粉底比皮膚較乾嘅靚靚，可以做到自然光澤感，唔乾燥，唔會太厚重！

@cosme，感謝選中我試用日本品牌Kanebo推出的升級版《原生活力精華粉底霜》我收到嘅色號係220色，適合皮膚較白嘅人群使用，隨附送了一支棒。 首先講下個質地，粉底霜嘅質地比較濃稠，雖然他是霜狀，但是它的延展性很不錯，很容易推，我個人喜歡先拿附送的棒沾取粉底霜，再用粉底刷把粉底霜均勻的塗上面再用美妝蛋或粉撲把粉底壓實，由於加入了獨家《活力美肌技術Lively Skin Technology》 靈活運用光散射效果，所以它的遮瑕力很高，把我的毛孔，紅血絲通通都能遮蓋了，我特地在沒有定妝底下在炎熱的天氣夜跑了3小時，妝容沒有氧化或溶妝，只是會出油，出了油感覺更奶油肌，有越夜越美麗的感覺，這款粉底霜我很喜歡令我有驚喜，化妝同時養膚，出去玩一整天妝容依然很漂亮，真心推薦比愛化妝同時又追求護膚，希望各位愛美人士能打造一個漂亮高級妝容🩷

多謝@cosme同 Kanebo 抽中我試用呢枝原生活力精華粉底霜升級版，非常喜歡同埋推薦 Kanebo 呢款粉底霜，質地絲滑柔潤，延展性幾好，只需少少就可以輕鬆推勻全面，完美貼合肌膚，吾會有粉感堆積或假面嘅感覺。 另外，佢嘅遮瑕力恰到好處，可以自然修飾毛孔同埋不均膚色，但又保持輕薄透氣，好似原本皮膚好好咁。妝效乾淨透亮，顏色自然唔會假白，整體精緻，非常適合日常番工或者岀街約會使用。 使用前:使用後: 8小時後: 最驚豔係佢嘅持妝表現，即使經過成日返工帶妝，收工時粉底依然明亮不暗沉，唔會氧化發黃。 特別稱讚呢款粉底附贈嘅精緻小勺！每次用都能夠精準控制用量，不僅衛生方便，更完美解決左用手指取用容易過量嘅困擾，令每次上妝都充滿儀式感。