SUQQU 好用推薦產品

Bec好用推薦：單用手上也可以揸出奶油肌妝感，唔會睇落粉樣，遮瑕算係適中度,持妝幾long lasting 👍🏻 建議揀淺一度,因為耐咗都有啲變暗

Fng好用推薦：suqqu 打底夠滋潤，搽上面等30秒會吸收，同埋有少許提亮效果， 毛孔會隱形30%，但spf15略為不夠，要額外補防曬， 有時朝早趕時間， 唯有用其他品牌嘅打底霜。😑

zetalhc好用推薦：含有滋潤油嘅成分，皮膚覺得好水潤，而且有少少粉紅色嘅提亮效果，後續上妝都好貼服

rachelnoni好用推薦：買左07彩望，顏色係透薄自然，掃一兩次方便日常返工用，要顯色要掃多幾次。原本會右面的珠光會太閃顯毛孔，但上面後只有自然光澤好靚，不會太誇張，好鍾意

Shirlin Ho好用推薦：今次買咗SUQQU嘅胭脂（103號 撫子染），上面嘅顏色好自然，同埋有埋細掃，攞佢出街補妝真係好方便👍🏻👍🏻重點係，用佢個掃上面嘅胭脂都好均勻。

Bchonfrise 好用推薦：Suqqu既閃係世一的！無用置疑！ 12月去咗行街，行到Suqqu時見到有限定色眼影，上手swatch覺得好似好深色好難用，然後BA行過嚟介紹，覺得佢眼妝好靚，就問佢用緊咩，原來就係限定色呢盤！

maylam好用推薦：我係Suqqu眼影嘅忠實fans 喺日本買咗春季新色號14號夕琥箔 係超級靚嘅粉棕色 好日常 搽上眼會顯得幾精神 難怪香港至今仲斷緊貨！ 我仲有限色號129 甘艷 又係勁靚 好推介去日本旅行嘅時候買Suqqu 眼影！

Connor好用推薦：紫色係柔雾效果，不含珠光顆粒，上臉會有絲絨柔滑感，令皮膚望上去有薄透感。 我本身黄皮用咗有瞬間提亮去黃，仲有小小遮毛孔效果。 產品設計更自帶刷子同收納袋，帶出街就更方便 #火熱新品

Viff好用推薦：最近喺化妝界紫色太Hit了！！我係混合性皮膚，所以買咗Soft Matte，跟埋掃，個質地都幾舒服。 佢Blur毛孔效果好好，而且放喺眼下淚溝嘅位置，會即時有膨脹感！ #火熱新品 

Kitty 好用推薦：SUQQU呢支面部顏彩液，質地水潤好易推，用手指或者化妝掃上都OK。推開之後會見到好幼嘅細閃，係自然透光嗰種，唔會誇張到成塊面反光，低調得嚟又有少少立體感。 顯色度方面偏自然，一層係薄薄嘅透感，想要更出可以疊多層，都唔會厚粉。最啱追求透明感、偽素顏妝效嘅姊妹，望落似由皮膚底層透出嘅光澤。 我自己鍾意混合粉底液用，或者上完底妝後輕輕拍上面頰、眉骨位置。如果想試貴婦級光澤感又怕閃片太明顯，呢支值得入手！ #火熱新品

Nicole 好用推薦：初用就愛上！我買的是01色，質地水潤輕盈，紫色能自然修飾蠟黃，透出透明感。細緻珠光讓臉頰有澎漲感和光澤，無明顯亮片。粉底後輕點顴骨鼻樑，光澤更立體不破壞底妝。用量超省，價錢可接受，效果高級持久，絕對會回購。 #火熱新品

mandy好用推薦：SUQQU Protecting Day Cream 晶采防曬日霜 SPF50 PA++++ $500/ 30ml 來自日本的貴婦化妝品品牌SUQQU的晶采防曬日霜，價格的定位倒也挺貴婦的，但質地卻是防曬產品中數一數二的好。成分方面添加了不少美肌成分，包括：防曬成分、保濕成分、抗衰老成分、抗氧化成分及鎮靜消炎等成分，也是比一般的防曬產品多(市面產上有些防曬產品是沒怎樣添加防曬以外的美肌成分)。缺點除了貴婦價格外，成分方面因含有酒精及香料，敏感肌最好先做patch test或是如果您本身對酒精或香料敏感，要考慮使用風險。 SUQQU晶采防曬日霜達SPF50 PA++++的防曬保護很充足，即使戶外活動也夠用。 晶采防曬日霜的質地是非常水潤易推開，保濕力很不錯，而且完全沒有黏笠感，使用感非常清爽舒適，塗抹後依然輕盈無重，完全沒有好潤好焗的感覺，使用後也不會泛白，並且不影響後續上底妝。這樣優秀的質地及使用感真的讓人很想回購呢(哈～但是考慮到價位又令人有點卻步)！ 含防曬成分：氧化鋅, 桂皮酸鹽, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,

Fng好用推薦：質地水潤， lotion質感 ，成膜後非常清爽， 唔會造成假白， 後續上妝更貼服，去戶外活動用佢冇曬黑， 用完試用裝後，買咗支貨size。

Kitty 好用推薦：我呢盒系04號，由淺至深有三隻色： 最淺色：帶少少灰調嘅淺棕色，唔會偏紅或者偏黃，用來畫眉頭同埋暈開成條眉，效果超級自然，一啲都唔硬掘掘。 中間色：深棕色。同我哋亞洲人原生眉毛嘅顏色融合得好好，出嚟嘅效果係一種好柔和、好有毛流感嘅立體感，完全唔會似蠟筆小新！ 最深色：係實淨嘅深灰黑色。我會用嚟重點加深眉尾，令成個眉形更有骨幹。對於黑髮嚟講，用佢來勾畫線條就最啱，顏色實淨得來又唔會死實。 總結就係，如果你係原生黑髮，或者染緊深色頭髮，04號絕對係你嘅本命色，嗰種自然到好似你天生對眉就係咁靚嘅感覺，真係無得頂。 ✨ 粉質與妝效：貴得有道理 Suqqu嘅粉質真係無得輸！超級幼細軟滑，一掂上皮膚就知同開架貨係兩回事。佢唔會飛粉，亦唔會結塊，好容易就暈染得均勻。 最正係，佢出嚟嘅妝效係令對眉望落去好似本身毛茸茸咁，充滿空氣感，完全唔會膠或者粉感重。持久度亦非常好，我試過出街成日，對眉都依然企企理理，冇乜點甩色。 💰 性價比：一盒真係用到天荒地老 無錯，Suqqu眉粉嘅價錢確實係有啲肉赤，屬於專櫃級數。但係，我同你講，佢真係可以用到天荒地老！ 盒裏面嘅粉壓得超級實淨，用咗成年，都只係見

Fng好用推薦：買咗02號色，三格顏色，轉咗髮色都啱用，夠百搭自然，輕易畫出毛流感覺。缺點係有啲貴，持久度幾好，當然唔可以搵手捽佢， 一般出汗出油都唔會溶妝。

Christy好用推薦：混合肌嘅好幫手，保濕又提亮，超自然！ 質地好似護膚精華咁滑溜，粉紅色調輕輕提亮暗沉，抹開即吸收，唔黏笠。T區出油少咗，香港熱天都keep到奶油光澤，好重要！ 保濕幾好但唔油膩，毛孔即刻模糊，朝早趕時間都易打底。

Viff好用推薦：全色購入！霧面質地就係會有種時尚感。質地唔乾，顯色度高，大大減少咗補妝嘅次數，非常方便。