CANMAKE TOKYO

柔滑眼線筆

因為太易用太百搭，所以已經回購過幾次03色，同埋買過其他顏色。依家有喺手就係呢幾枝。幼身扭出嚟扭唔返入去嘅包裝，每次都係扭少少出嚟畫。有試過唔小心跌落地但未試過斷芯。 ✅多顏色選擇 Canmake呢隻眼線筆時不時都會出新色迎合眼妝潮流。好似之前興色彩診斷，好多日本妹都會講邊個色號啱邊類人，正因為佢有冷色有暖色，好易會搵到啱自己嘅顏色。而最近多咗人畫下至線，佢又出咗15號cappuccino pink，相對淡而有血色感，我都考慮緊買唔買。✅線條流暢不暈染 當然最緊要係佢有一枝眼線筆必備嘅條件先咁受歡迎。本身筆芯偏柔軟，所以好易就畫到流暢線條，尤其畫內眼線唔會刮眼。等乾咗之後就唔會暈染，不過唔係完全唔會甩，而係就算甩佢都係一粒粒咁冇咗，而唔係溶到黑一撻救唔返。 整體我覺得佢係小資女開架品牌眼妝嘅好選擇，佢未必係好完美嘅產品，但一定係好高性價比嘅產品。未買過唔知揀咩色嘅，推介03 Dark brown，令眼妝更有神得黎唔會太銳利。

canmake家最好用的眼線筆 很喜歡這個細筆頭，能精準畫眼尾！筆芯很順滑好上色，乾得也快，很適合新手。 02淺棕色和03深棕色都是我愛用的顏色，都很日常好看！ 最重要是這款眼線筆防水防汗，用清水沖洗然後用手搓都沒有搓掉。畫了內眼線，一整天下來也沒有暈妝！真心推介！

佢係眼線膠筆，比傳統眼線筆無咁容易溶。02 03都用過 ，比較喜歡02 棕色。佢顏色飽和度高，唔會一撻撻。眼線筆超級順滑，超級有驚喜。畫出嚟好順滑流暢，好容易畫到一條好靚嘅上眼線。我比較容易出眼水就冇試過用喺內眼線。唔係完全唔會用溶，但過咗全日都維持到七八成。 因為筆芯較軟身，要留意嘅係筆芯不能迴轉，用幾多扭幾多，扭太多容易斷。 幾廿蚊一支，抵用又質素非常高。而家新款仲出咗啲淺色，一定會搵到支啱用嘅。

一直都知呢支眼線筆好出名，所以咁啱用完就諗住試新嘢😆，而且價錢便宜。 買咗03號色，筆芯真係好易畫👍🏻，輕輕力就可以畫出，所以畫內眼線好容易，而且顏色靚。 但係我點樣用都會溶咗落下眼😭，亦都俾咗機會支眼線筆4次🫠🫠 第一次用就去咗打邊爐，以為因為打邊爐有蒸氣所以溶啦，所以我覺得唔太作準。 第二次就普通出街(夏天天氣熱)，溶😭 第三次測試就普通落街食個晚餐，因為有行出戶外，都一樣溶🫠 到最後第四次，因為自己想再俾多次機會支眼線筆，所以今次我畫完後再用眼線液係上面覆蓋一次個顏色，好喇🫣，結果就係無咁快溶，係有延長到壽命，但經過8小時後回到家一樣有溶到😵‍💫。 雖然個個都話好用唔甩，但對我就是雷品，可能每人不同吧😓😓，勝在價錢平唔會心痛，而家俾我打入冷宮了。

呢排用緊 Canmake creamy touch liner，佢有幾隻色，我買咗基本黑色試下，都算好用！筆頭好幼細，質地順滑，即使甩色都唔會一撻撻～唯一唔鍾意係包裝設計，扭出嚟就冇得扭返入去🥲 🤍 筆頭精準度：4.5/5 超幼細筆尖可以畫到好精準嘅內眼線同細緻眼尾，適合淡妝同自然系妝容！ 🤍 質地與顯色：4/5 質地creamy易上色，黑色夠實淨，一筆已經好顯色，而且唔會拉扯/刮眼皮！ 🤍 持久度：3.5/5 正常出汗出油會輕微甩色，但唔會暈成熊貓眼，冇咁尷尬！ 🤍 包裝設計：2/5 最大缺點！扭出嚟太多就收唔返😭😭 總結： 如果你鍾意自然幼眼線同容易控制嘅筆頭，Canmake呢支性價比唔錯～但包裝設計真係要小心使用，如果改善咗就完美啦！暫時未必回購，想試吓其他牌子先！

皮膚狀況: 冬天乾敏肌，夏天混合偏乾+少敏感 產品使用心得: 平時用開眼線液，感謝cosme今次贈送canmake 柔滑眼線筆，俾我對比下兩者嘅分別 同系列眼線筆有多款顏色選擇，而10號依支係啡色，顏色算係好百搭 眼線筆芯偏柔軟，畫嘅時候質地好順滑，好容易畫出流暢線條，亦唔會刮眼 對比眼線液有啲唔同，上眼嘅時候眼皮必須乾及冇油，否則會上唔到色 另外比較麻煩嘅係筆芯只可以往一邊扭，扭太長會容易斷，冇得收返入去 總括而言，價錢抵，畫出嚟嘅效果亦唔錯，性價比高🥳

一直都幾鐘意用啡色 #眼線 筆 貪佢無黑色咁正經 畫完可以放大眼睛之餘睇落又幾溫柔💓 Canmake Creamy Touch Liner 💡主打超幼1.5mm筆芯⭐️ 膏狀質地超順滑，完全唔會拉扯眼皮 💡上色實淨，一筆已經夠深色，防水抗汗抗油又唔易smudge，持久力極高！ 要留意番🔔🔔 🔔筆芯好軟，要小心唔好扭太多 🔔畫之前最好搵紙巾捽一下個筆頭 如果唔係好易出現我第一筆咁 有一pat色 就唔靚啦 🧏🏻‍♀️🧏🏻‍♀️ 我手上喱支係09色 屬於偏紅紅哋嘅啡色 當日眼影襯酒紅/橙系都會幾好睇💓

最近我試咗 Canmake Tokyo 嘅柔滑眼線筆，整體使用體驗真係好滿意，以下係我嘅一些心得分享： #### 1. 產品質地 呢款眼線筆質地好柔滑，塗上去完全唔會拉扯到眼皮，可以輕鬆勾勒出清晰嘅眼線。即使係新手都可以輕鬆掌握，無需太多練習就能畫到理想嘅效果。 #### 2. 色彩飽和度 我選擇嘅顏色好飽和，顯色度高，無論係日常妝容定晚妝都可以輕鬆搭配。深色眼線可以令眼睛睇落更加有神。 #### 3. 持久性 呢款眼線筆嘅持久性都幾好，經過一整日活動之後，眼線依然清晰可見，幾乎冇暈染嘅情況。對於需要長時間保持妝容嘅場合嚟講，呢個特點真係加分。 #### 4. 易於卸妝 雖然持久性好，但都唔難卸妝。用一般嘅卸妝產品就可以輕鬆清除，對眼周肌膚唔會造成太大負擔。 #### 5. 價格親民 最後，Canmake Tokyo 嘅產品一向都好平價，呢款眼線筆性價比高，適合各種預算嘅消費者。 ### 總結 總括而言，Canmake Tokyo 嘅柔滑眼線筆係一款值得推薦嘅產品。無論係質地、顏色定持久性方面都表現出色，適合各種場合使用。如果你搵緊一款高性價比嘅眼線筆，不妨試下呢款！

超级好用的眼线胶笔，本人已经无限回购过N支，试过啡色、棕色、酒红色都很好看。虽然价格白菜，但是一支优秀眼线笔该有的特征它都有。 对于手残党和化妆新手来说，眼线胶笔要比普通眼线笔好画很多，即使手抖不小心画坏了，也可以马上用棉签沾水轻轻擦拭干净。新手有时候力度掌握不好，即使稍微重手一点也不会断芯。 上脸效果持久不晕妆，夏天也不会因为出油而晕染，妆效超级自然，有时候还可以拿来当痣点几颗在脸上。唯一的缺点可能就是笔头的设计和大多数眼线胶笔一样，转出来了就没办法缩回去啦。 总而言之，是本人会一直继续回购的一款宝藏眼线笔！

Canmake棕色眼線液 淺棕色很容易畫眼線，很自然防水、防汗，令雙眼精神有神，值得推薦使用！

#CANMAKE TOKYO 為人熟悉嘅日本開架品牌，應該每個beauty buddy都會有一件佢地嘅item。一開始學化妝嘅時候，用佢地嘅產品，吾會太傷錢包嘅前提下，就可以入手到想要嘅item。 試過好多吾同嘅eyeliner, 主要都係筆狀為主，一開始用liquid類，但感覺都係比較難乾，好容易化開/溶妝，後來試左膠筆，感覺適合自己多啲，顯色度又夠，比較易乾，可以keep足全日。 呢一枝我都入手左兩、三枝，吾同顏色，每枝上到眼都好靚，望落去會精神好多👀 但係要留意呢枝只可以扭出黎，吾可以轉返入去，同埋比較易斷，所以用個陣要小心啲，吾好轉太長出黎，或者太大力。

好好用🫶🏻之前上化妝班化妝師介紹，平價又好用~~平時除咗用嚟畫上內眼線外，會用嚟畫眼尾! 因為佢無咁快set，可以用平嘅眼線掃輕輕拉去勾畫眼尾，自然得嚟又可以畫到好實色同放大對眼嘅眼線💖 最近買多咗支黑色嚟用❣️推薦❣️

canmake 柔滑眼線筆CP值真係好高，唔使$90就有一枝，學生都負擔到。佢筆頭夠細顯色度高，而且質地順滑，完全唔會唔均匀或粗幼不一，所以容易控制，新手都輕易上手。 我已用過好幾枝，佢唔易甩，夏天都無問題，仲要多色揀，依家仲不繼推出新色號，唯一缺點係轉出肇芯後係轉唔返入去，用時一定要注意只轉出小小就夠，雖然有呢個設計上嘅小缺點，但仍然值得回購。

Canmake 柔滑眼線筆 04色是我近期愛不釋手的眼妝產品！💖 這款眼線筆的質地非常細膩柔滑，一筆就能輕鬆勾勒出精緻的眼線，而且完全不需要擔心拉扯眼皮，對於新手也非常友好。✨ 04色是一個帶有微微紅棕調的自然色，非常適合用來畫內眼線或者打造溫柔的眼妝效果。不管是日常通勤還是約會妝容，都能讓眼神看起來更加深邃又不會過於銳利，真的超百搭！而且這個色調對亞洲膚色非常友好，怎麼畫都不會出錯。

我呢支眼線筆09號色，我鐘意佢能夠好流暢地畫出一條眼線。而且佢仲出晒名係對新手十分友好，我認為因為佢一啲都唔硬，唔使驚會插親隻眼;同埋就算一條眼線分開兩半畫，畫出嚟既效果都可以係好自然好靚😂加上佢唔係遇上油眼既話都唔會好易甩，所以我都好鐘意呢支眼線筆。 不過要留意既就係支芯一扭左出黎之後就扭唔返入去，所以要小心使用。

一直覺得CANMAKE TOKYO係一個CP值好高嘅品牌，開架品牌嘅價錢，但質素絕對唔係將貨就價。之前去日本旅行，諗住睇吓有冇啲唔係黑/啡色嘅眼線筆，可以試吓其他顏色，誤打誤撞就試到呢款超好用嘅眼線筆。由於價錢真係太相宜，毫不猶豫入手兩支～ 買咗06深紫紅同15粉棕色，筆頭其實好幼細，質地亦都好smooth顯色度又高，想畫幼眼線都完全冇難度。另一個驚豔之處，有時我用眼線都會有啲溶妝情況，尤其眼尾特別明顯。但呢款眼線筆完全冇呢個問題，化完眼妝可以維持到一整日。咁嘅價錢有咁嘅質素，絕對冇野可以挑剔。

#平價彩妝 本人屬油眼皮，曾用過眼線筆或眼線膠都有暈染問題，以往一直慣用眼線液，但最近流行的眼妝都偏清透，搭配柔和的啡色或彩色眼線，不再是過往的高飽和度及線條硬的深色眼線，所以見到Canmake推出了特別的深灰色幼眼線筆就敗了一枝來挑戰一下。 眼線筆的筆尖相當纖幼但筆芯柔軟，所以設計是每次使用時只

這款眼線很持久，而且是防水的，所以我很喜歡。40週年的這款顏色我特別喜歡，作為填充眼下十分自然。

酒紅色很特別，流汗冇甩色，一整天都keep 到。膏狀易畫，但我可能更習慣液體嘅順。

超級開心之我都唔記得自己中左會員禮！ 手上個枝咁岩用完準備去買， 翻屋企就收到cosme送左枝新嘅黎，perfect!!! 講翻使用心得先~ 平時買開03色深棕色， 有時需要長時間帶妝我就會先用依枝筆打底， 之後再用眼線液係上面畫多條眼線， 咁就24個鐘都夠打！(雖然唔會真係24個鐘😂) 佢筆頭好幼細，就算想畫尖尾都無問題。 不過要注意佢係扭幾多用幾多， 要小心唔好太貪心扭太長出嚟用， 因為佢好幼好易斷~