找產品
日本眼線 推薦好用產品
48 件
Hoikiki好用推薦：Ettusais 眼線液用後感：順滑但係「雙面刃」 · 筆頭係「海綿芯」而唔係「毛筆頭」：呢個係最大分別！佢似幼身 Marker 筆頭，有一定硬度，新手畫外眼線超好控制，唔會分叉，而且出水量好均勻。但壞處係筆頭偏粗，大概 0.8mm，如果想畫極幼嘅眼尾拉尖效果，佢做唔到 Kate 嗰種 0.03mm 嘅精緻感。 · 顏色係「柔和黑」：佢嘅 03唔係極黑，係帶少少自然嘅灰黑色，望落冇咁銳利，好適合返工返學偽素顏。但如果你鍾意韓妝嗰種「顯眼深邃」嘅感覺，呢支會唔夠滿足。 · 防水防油表現（香港實測）：老實講，比 Kate 弱。行街半日，眼尾會有少少化開嘅跡象（尤其係油眼人）。不過佢有個優點：暈開係「漸變淡」而唔係「起粒粒」，即係唔會變熊貓眼，只係條線會變得冇咁實色，望落似自然淡妝。 · 最大優點：卸妝極速！佢係溫水可卸配方，沖涼時用暖水捽兩吓就甩晒，唔使特登用眼唇卸妝液，對成日捽眼嘅人嚟講好方便。 · 持久度問題：因為佢溫水可卸，所以唔防油汗。夏天如果要去戶外，呢支一定頂唔順。但如果你係乾眼／辦公室冷氣環境，佢就啱啱好。 💡 用後貼士：用完記得筆頭向下存放，如果發現出墨斷斷續續，
<看全文>FishFish好用推薦：ettusais眼線液筆，開架彩妝入面嘅驚喜之作。 筆頭極細，得0.1mm，畫內眼線同填睫毛空隙都精準到位，唔會畫到一撻撻。 最鍾意佢嘅防水防油力，香港潮濕天氣全日都冇暈染，到夜晚只係眼尾少少褪，持久度對得住價錢。 筆身輕巧，手感好就手，新手都易控制，畫出嚟嘅線條流暢，一筆過就均勻上色，唔會中斷。 我通常畫完等幾秒就乾透，唔會印上眼蓋。卸妝用專用卸眼液就乾淨，唔會捽到眼皮紅。 總括嚟講，性價比高，係日日化妝必備嘅眼妝好幫手，回購咗好幾次喇！😊
<看全文>
AnnaChan好用推薦：今次要介紹呢隻日本開架品牌 Ettusais眼線膠筆 -滑順到零拉扯感！ 筆芯質地好軟滑，輕輕一畫就已經好顯色，完全唔會拮眼皮、扯住皮膚。就算係眼皮好敏感、或者化妝新手，都可以畫到一條順滑嘅線條。佢雖然顯色，但唔會一下子就冇得用棉花棒抺走。岩哂我呢啲新手。 -極細筆芯，畫內眼線、填補睫毛空隙超good 筆芯設計得極之幼細，可以好精準咁「攝」入睫毛根部，填滿空隙。畫出嚟嘅眼線自然到好似天生濃密睫毛咁，完全唔會有生硬嘅「死黑線」感，偽素顏妝容靠晒佢！而家興啲柔和自然既眼線，呢支顯色得黎又自然👍🏻👍🏻 -勁多百搭易襯色 除咗基本嘅黑同深啡，佢出咗好多勁靚嘅日系色號（例如焦糖啡、橄欖綠等）。唔單止日常百搭，仲可以完美融入唔同嘅眼影盤，望落去溫柔又精緻。我揀既係11號玫瑰木色，偏cool tone既啡，唔係偏黃或者偏紅既啡，營造到長眼睫毛造成嘅陰影嘅感覺，天生自然，亦都好襯平時偏粉棕色嘅眼影😝 -防水防油、抗暈染能力好 一整日唔會變熊貓眼！乾透之後直情好似紋咗上去咁，夏天就算大汗淋漓或者眼皮勁出油都完全唔甩妝 適合嘅人：化妝新手、手殘黨、容易暈妝嘅油眼皮、鍾意日系偽素顏同溫柔大眼妝 注
<看全文>zzzhelen好用推薦：依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）
<看全文>
Sanna Cher好用推薦：多年前於海外購入，色調是orange和灰藍色，本來眼線筆所呈現的顏色已帶點透明感。觸感方面，適合描繪幼細線條，用手輕輕抹走可重畫，有妝感但色調較輕，是我心目中非常切合日系妝容的產品。使用產品前後分別，見眼線效果不會太明顯，而有妝容感。完妝的照片，非常適合淡色感的妝容。
<看全文>Samantha228好用推薦：呢支 UZU 眼線液一直都好hit，我自己都用過 5-6 支。因為去日本買成日都斷貨買唔到，所以我一直都係喺香港買。雖然以開架品牌嚟講佢價錢算偏貴，但因為好用我都一直回購。我本身係內雙加油眼，平時用好多牌子嘅眼線液都會溶，唯獨呢支可以 keep 得好好、唔會溶，而且佢隻Brown Black 啡黑色夠深，隻啡色調得最靚！ 不過我近 2 年買嘅新版本真係唔同左。雖然用起來一樣咁持妝，但近年用個2支，都係用咗個幾月左右就開始變乾，跟住直頭唔點出墨，變得好難畫！依家對佢有少少失望，已經轉咗用其他牌子，但如果佢之後改善左呢個問題，為咗呢隻最靚嘅啡色我依然會想用返佢。
<看全文>
Kitty 好用推薦：Love Liner 眼線筆 -- 粉紅風暴！夏日玩妝必備，筆尖幼過針、持久到喊！💖 講真，用厭晒啲例牌黑色啡色眼線未？今次真係忍唔住要同大家分享呢支Love Liner 眼線筆！本身佢係日本開架紅牌，出名夠持久同筆尖超幼，最癲係顏色多到揀花眼👀！我今次專登破格揀咗粉紅色！冇錯，就係粉！紅！色！夏天熱辣辣，成日化黑棕真係悶到瞓著，不如玩大啲，用粉紅眼線撞出夏日元氣妝啦～✨ 重點實測：係咪真係咁神？ ✅ 1. 筆尖幼到離譜！手殘都勾到精緻線條。 講真，我呢啲成日手震嘅人最驚畫眼線！但 Love Liner 支筆尖真係幼過針咀，畫落眼瞓超順滑，零拉扯！勾眼尾尖位、填內眼線，甚至喺下眼瞓畫幾條假睫毛都冇難度，精準度💯！筆頭夠硬淨唔會散，新手都操控到～ ✅ 2. 顯色度爆燈！粉紅一畫即搶FO 買粉紅色最驚唔顯色或者似發炎… 但 Love Liner 呢支粉紅一畫就出色，仲要係好透亮嘅櫻花粉💕，唔會俗豔！質地水潤，一筆就均勻上色，唔使來回畫（來回畫易甩㗎！）。日光下睇似夏日汽水咁清爽，夜晚有燈光仲會帶少少光澤，靚到癲！ ✅ 3. 持久力真係痴線級！油眼都頂到全日 重點嚟喇
<看全文>Emily Leung好用推薦：Love Liner眼線液用後感｜手殘都畫到超順滑眼線！ 近期化妝袋必備！Love Liner纖密流暢防水眼線液真係名不虛傳，絕對係手殘黨恩物！ 包裝少女心滿分！支筆身好拎，筆頭係彈力毛刷款，唔會太軟亦唔會太硬，超易控制。 點解咁好用？ 最大賣點係個毛刷筆頭，出水量啱啱好，一畫落去就好流暢，顏色濃黑，一筆就已經好顯色。完全可以畫到由幼到粗嘅唔同線條，連眼尾嗰下「小勾」都可以好輕鬆完成！ 睇下個筆尖幾幼細！喺手背畫線，線條實淨又順滑，零斷開。 持久度爆燈？ 我試過帶妝成日，又出汗又出油，條眼線都冇溶開冇暈染，真係堅防水防油！夜晚返到屋企，都仲係完好無缺，唔使做熊貓眼。 畫出嚟條眼線好sharp又順滑，仲可以好輕鬆拉長眼尾，放大雙眼效果一流！ 總括來講： ✅ 優點： 筆頭極易操控、畫出嚟線條流暢、持久防暈、顏色濃黑 ❌ 缺點： 相對開架價錢貴少少，但絕對值！ 咩人必入？ ➡️ 成日手震畫唔到直線嘅新手！ ➡️ 油眼人士，受夠咗暈妝煩惱！ ➡️ 鍾意畫精緻眼線嘅你！ 一支解決晒畫眼線嘅煩惱，真心推薦！
<看全文>
shinchan好用推薦：以宜家天氣 (春天) 嚟講，我嘅肌膚係混合偏油。眼皮即使定咗妝都仲會出啲油，所以眼部彩妝要用持久同抗油水嘅。 我一路有化開淡妝，但從來都冇研究過畫眼線嘅秘技，因為手殘🤣直到最近開始想學化靚嘅眼妝，第一次挑戰就膽粗粗買咗呢枝眼線液。好多YouTuber同身邊嘅朋友都推介，所以即使眼線液難用都想嘗試。我買嘅係Kiss Me Heroine Make 纖細眼線液 (03 深啡黑色)。佢係一隻深啡帶黑嘅顏色嚟，正如色號所形容🤣買佢嘅原因係因為黑色會太兇惡，啡色又太普通。呢枝眼線液好順滑，完全冇斷墨，筆頭好尖好幼，可以好精準咁畫到一條幼嘅眼線出嚟。持久又抗油，非常推薦🫶🏻我朝早7:30畫好條眼線 (冇定到妝)，放工後食完飯去咗飲酒，到夜晚11:30先返到屋企。眼影已經甩晒，唯獨係條眼線仲留咗喺度！好癲，大推！下面幅圖可以見到雙眼皮皺摺位堆積咗嘅眼影粉，雖然條眼線有少少甩，但正常社交距離都仲清晰可見！因為第一次畫想試吓佢有幾持久，所以冇定到妝。之後/夏天我會再努力定妝，等佢可以更持久🤣價錢: 10/10 持久: 10/10 抗油: 10/10 回購: 100/10💕
<看全文>Poyobb好用推薦：市面上出咁多五彩繽紛嘅眼線液，其實最務實一定係用返黑、啡、灰色，百搭顏色✏️ 呢支係Kiss me Heroine Make 系列極緻持色纖細眼線。筆尖十分幼細，毛筆在十分尖細，只有超細0.1mm，即使貼住睫毛填空白位都好容易，上眼線可以描繪到好完美既弧度粗幼，非常乾脆俐落。如果新手想用眼線液買佢就練習最好。 墨水出色均勻，沒有化開 ，顯色強。市面眼好多眼線液嘅黑色同啡色相差不大，超推薦我手上呢05灰啡色，添加返眼神之餘，又帶點柔和感🫧 即使上翹形眼線or平衡延伸眼線，當天鍾意邊個造型都可以使用。一直以來用眼線筆描繪內眼線，會痕到流眼水，反而用返呢支眼線液就冇問題。 持久力強，而且係寫住super water proof。用於內眼線全日都沒有溶妝，夏天去沙灘眼妝淨係用眼線液同睫毛液，眼線液係唔會甩，唔會化開。但一用卸妝油就已經寫卸好乾淨沒有殘留。 好多開架日本品牌嘅眼線液好好，Love Liner dolly wink，但最後都係揀返Kiss me 💕
<看全文>
Sakura醬好用推薦：Canmake 柔滑眼線筆 03 Dark Brown – 窮人恩物！唔暈唔化仲要夠深啡！ 各位sis，今日輪到介紹我袋入面長期擺住嗰支「看門口」嘅眼線筆——Canmake 柔滑眼線筆 03 深啡！真心想頒個「性價比之王」畀佢。 包裝質感： 先講外表，Canmake不嬲都係行緊少女風，呢支筆就係經典嘅黑金配色，夠輕身，帶出街完全冇負擔。最正係佢筆尾連住個迷你刨筆器！呢個設計真係要畀個Like，唔使另外搵筆刨，隨時隨地都刨到尖，好適合我呢啲成日唔見嘢嘅人（笑）。 質地畫感： 講返最重要嘅質地——真係滑到冇朋友！ 佢叫得做「柔滑」真係冇改錯名，畫上去嗰種順滑感好似朱古力醬融化咁，完全唔會「刮肉」，唔使用力都已經上到色。對於我呢啲內雙眼皮，成日驚畫到一半會「疾下疾下」斷斷續續嘅人嚟講，呢支真係大救星。 顏色分析（重點！）： 至於呢支 #03 Dark Brown，我極力推薦俾所有想搵「自然大眼效果」嘅人！ 市面上好多啡色眼線筆一係太淺變咗「紅啡」好怪，一係深到似黑色完全冇驚喜。但呢支#03係帶微微啞光嘅濃朱古力色，唔會太搶眼，但又夠深色勾勒到條眼線出嚟。畫完對眼即刻有神咗，但又保持到嗰
<看全文>Yty好用推薦：Canmake 眼線膠筆 #06 Plum Brown 如果你畫黑色眼線覺得太兇、棕色又覺得太普通，這支 Canmake 06號色 絕對是開架眼線筆的神仙色，用過直接無限回購！ 實用優點： 溫柔感爆棚的莓果紅棕（06色）： 這款 06 是帶有一點紫調的紅棕色。畫上眼線或拿來開眼角、畫下眼至，眼神會瞬間變得溫柔又帶點無辜感，比死黑或純棕色更顯得有精緻心機。 奶油般滑順，新手不扯眼皮： 筆芯超級軟、滑順度簡直像生巧克力！輕輕一劃就極度顯色，完全不會拉扯到脆弱的眼周肌膚，拿來填補內眼線也完全不費力。 防水抗汗的焊死持妝力： 雖然它質地軟，但一經定型之後，抗油防水的能力非常驚人。大熱天出門大汗淋漓、或者眨眼，整天下來幾乎完全不暈染、不變熊貓眼。 💬小提醒： 因為它的筆芯是「轉出來就轉不回去」的設計，每次用真的只需要轉出 1mm 就可以了，不然很容易斷。想要打造日系溫柔感眼神，這支閉眼入就對了！ #「日系彩妝」
<看全文>
wingche好用推薦：真係非廣告‼️純分享著數 作為慳妹平時鍾意lunch格下價，之前見到呢間 化妝品店 搬遷 全部嘢半價🤩有啲仲3折，抵過萬寧、屈臣氏…不在話下，連ANESSA 支防曬仲平過我日本買~ 所以上星期掃咗一堆洗頭水、護髮素同沐浴露，返到去同我妹分享呢個優惠 對化妝品熟悉嘅佢，即刻話呢支DUP Silky Liquid Eyeliner嘅眼線筆好用，防水唔甩之餘又唔難卸妝，因為之前佢轉過另一個牌子，已經用埋眼唇卸妝液都攪唔掂，捽餐懵～傷皮膚 最重要佢話 SASA 買呢支 D-UP 絲滑特濃防水眼線液特價都要$7X 而家5折完 $47.5💰仲要冇咁多色，所以幫佢買左Milk Cappuccino同Apricot Brown ，不過Chiffon Brown 賣曬 大家啱嘅可以望埋 Canmake 或者護膚品 Curel, MINON…都係半價 ❇️❇️希望贏到shu uemura 植村秀 unlimited 無限輕透持妝粉底液（小方瓶2.0）🤭聽日再努力出post
<看全文>3寶mamama好用推薦：大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！
<看全文>
royu3好用推薦：為UZU Eye Opening Liner 的前身，是到目前為止我心中No.1 眼線液🌟當中最常回購的是啡黑色及淺啡色。首先，8角形微閃的筆桿設計超有質感，美感滿分💯而且手感良好，握筆時不滑手，方便繪畫細緻的眼線👍🏻 其次，它與有世界第一化妝筆之稱的「熊野筆」合作開發。雖然筆頭看上去非常尖細，毛量竟是一般眼線筆的1.4倍(#ﾟДﾟ) ，且用上4種優質毛料，使筆頭觸感非常細軟；難怪使用時特別順滑，輕易就能繪畫出理想的線條與弧度⭕️成分方面，眼線液內含有滋潤睫毛的美容成分，而且標榜可防水、防油、防暈染達24小時，卻不會造成色素沉澱👍🏻用水沖擦也完全沒有問題⭕️用紙巾來回磨擦了幾下，也沒有化開⭕️它無論是用料、設計，還是功能都非常優秀！幸好在改版前囤了好幾枝(˶‾᷄ ⁻̫ ‾᷅˵) 即使推出了新版本，Mote Liner依久是我心中最愛呢！ #出遊不能沒有它
<看全文>natanatalie好用推薦： 買左黑色嘅我絕對會比呢支眼線液100分！💯 本身係油眼，用開嘅眼線液好易會溶會甩，但呢一支持妝效果好好，除左本身好易畫，好出色之外，最重要係防水防油效果好出眾！❤️ 我可以去出租廚房玩足一日，因為我最中意煮野食，但對住油煙火氣十足嘅爐頭，煮完兩個餸，眼線睫毛液都會甩光光！用左呢支防水眼線液，能夠做到防水防油持久不染暈！到時星期六日就可以約埋一大班志同道合嘅朋友，煮足十個菜，大合照時依然有對精靈大眼！👀💕
<看全文>
Fng好用推薦：Dolly Wink 嘅液體眼線筆，見好多化妝新手同老手都讚好用，就買枝嚟試吓！我夏天悶熱天氣下用咗幾日。。。。。。 ✅ 優點: 佢抗油力唔錯，夏天或者油眼皮都用得，唔易變熊貓眼。筆頭幼細，刷毛軟硬適中，畫內眼線、外眼線都好順手，新手都易控制。 顯色度高，一筆上色，顏色夠實，唔會斷斷續續。 ❌ 缺點：相比開架品牌（如Kiss Me、Kate），佢稍貴少少，但質素對得住個價。乾得快：如果手慢，可能未畫好就乾咗，要快手少少。 🤑平價替代：如果想平啲，可以考慮 Kiss Me 或者 MSH Love Liner，但Dolly Wink嘅持久度稍勝一籌。 💞最自然嘅顏色推薦： 1. #1 深邃黑（Black)：最百搭，顯精神，適合濃妝或夜蒲。 2. #2 咖啡棕（Brown)：自然柔和，偽素顏或淡妝首選，唔會太硬朗。 3. #3 深灰（Dark Brown)：比黑色柔和，比棕色更顯輪廓，適合低調妝容。 💡如果想眼神溫柔啲，揀棕色系就最穩陣；黑色就適合想要鮮明線條嘅人。 🔆總結： Dolly Wink 眼線筆係性價比高嘅選擇，尤其推薦#2 咖啡棕 畀
<看全文>Sccan好用推薦：眼線液用開都係Kiss me, Dolly wink, Loverliner 三大人氣開架品牌，一向鐘意眼線筆自然妝感但眼油多易暈染， 所以都會揀返啡色系列嘅眼線液，日常通勤妝岩晒。 對比Dolly wink 同 Loverliner ，兩個牌子都好進取，成日出改良版同限定色。Dolly wink 出嚟嘅效果係我比較喜歡，Loveliner 好顯色但好硬， 而且多眼紋嘅話，會順住眼紋化出去。 Dolly wink 就好自然，有啲似用眼影沾水畫眼線嘅效果。 色號：05 淡啡 效果：透明感十足，持久度不錯，捽完都只係甩少少，依個色可以畫埋卧蠶 質地：液狀，水較少，但好貼服 缺點：可能得揀淡啡所以顯色度一般，但加多幾筆都唔會起刷子膠碎；用量大容量少好快會無墨咁
<看全文>
Fng好用推薦：KissMe 極細眼線液筆用後感 （春夏・熟齡混合偏乾肌） 👁️✨ 化妝咁多年，最怕兩件事：眼線出水唔順，同埋未到中午就溶成熊貓眼。 尤其香港春天濕到牆滴水，夏天又熱又焗，眼線撐唔住真係好狼狽。 KissMe 呢支眼線液筆（約HK$65 / 0.4ml）我聽過好多人讚，但一直半信半疑。一支筆，扭轉我對開架眼線嘅印象 筆頭極細，新手都控制到 0.1mm 極細筆尖，就算手震都唔會「畫出界」。我用嚟填補睫毛根部同畫眼尾，精準度拍得住專櫃筆。 出水順暢，唔會斷斷續續 輕輕掂到皮膚就出到色，唔使㩒到手指痛。 顏色夠黑，一筆到位 我買黑金色，係實實在在嘅濃黑色，唔係灰灰淡淡嗰種。 潮濕天氣實測：溶唔溶？ 講到眼線，防油防暈先係關鍵。我特登喺以下情況測試： · 全日冇補妝：朝早8點化好，夜晚10點返到屋企，眼尾完整無缺。 · 出汗 + 戶外：行咗半日街，鼻翼出晒油，但眼線依然喺度。 · 眼油困擾：我係內雙眼皮，好易溶妝。呢支捱到8小時先有少少褪色（已經好叻）。 👉 一句總結：防暈力強💯，春夏天用都好安心。 不過都有少少嘢要留意 · 眼線膠筆 vs 眼線液筆：如果你想要好柔和自然
<看全文>ArielG好用推薦：有多種顏色選擇，05色相對比較自然，較易控制粗幼易畫，溫水即可卸👍🏻
<看全文>
natanatalie好用推薦：Love Liner眼線筆好用又抵用，已經成為我的化妝櫃中必備的眼線筆！🩷 屬於油眼的我用很多眼線筆都會出油導致溶妝，很多時都會令我很尷尬和困擾，有時工作忙起上嚟未必能夠經常照鏡，便會不自覺地變成了熊貓眼，令我很尷尬。 Love Liner眼線筆卻能夠整天保持不暈染，不會很容易化掉，這一點令我很喜歡它！😘 而且顏色非常飽和，很容易出色，畫線非常流暢，不容易卡住，就算用它來畫內眼線也易於上色。因此我覺得也適合新手使用。🤪  雖然防水，但卸妝時不會太困難，使用普通卸妝產品即可輕鬆去除，不用二次清潔，節省了不少卸妝的時間！😍 Love Liner眼線筆性價比高，非常適合日常使用！🤤
<看全文>jovyjosie好用推薦：呢支眼線筆係我喺日本嘅時候買，見佢長居榜首，回購再回購！ 佢非常之順滑，最適合用嚟畫內眼線！佢嘅筆頭係扁平的，新手都容易畫到一條順滑嘅眼線！ 而佢防水嘅功力更加係超強，直接用落水喉，都唔驚會甩妝！
<看全文>
Kmggigi好用推薦：KISS ME-Heroine Make Long Stay Sharp Gel Liner係一款超易上手嘅眼線筆， 無論新手定化妝高手都啱用！✨ 眼線筆筆尖設計非常順滑好畫， 輕輕一畫就能畫出流暢嘅線條， 對於化妝新手嚟講，使用起嚟特別容易掌握，畫眼線再唔怕手殘！ 雖然呢款眼線筆用落非常好， 但要特別小心蓋筆蓋嘅時候要確保冇壓到筆尖， 避免筆毛出現分叉嘅情況，否則可能會影響之後嘅使用體驗。 上一支用到一半出現分叉嘅情況，確實有啲麻煩， 所以保存時務必要注意。 除咗好畫易用之外， 呢款眼線筆嘅持久度亦非常出色， 畫出嘅線條唔易暈染， 可以輕鬆保持一整日嘅妝容完整， 對於眼妝要求高嘅人嚟講係非常可靠嘅選擇。
<看全文>羅小白好用推薦：呢個牌子防水防汗嘅效果從來都冇令我失望過，同埋用落都幾好，好上色，同埋好容易上手，不過佢嘅筆芯實在太幼，稍為用力都會壓斷咗支筆芯，亦都有可能係因為我唔識用啦，我畫一條眼線都可以壓斷兩次，反而同牌子另一個系列就冇呢個問題，建議可以將支筆芯整得硬啲，新手會容易啲上手。
<看全文>
Sanna Cher好用推薦：產品是其中一項松本清福袋內容。 色號是BR-5，屬於深色調的玫瑰粉紅，是裸色妝容的常備色。觸感方面，擁有眼線膠筆的優點，幼細而準確，不能描繪粗線條，筆芯亦不易斷。使用前後的效果，見眼線有妝容感，沒有邊界感和明顯的線條感，像是打了一層陰影，方便跟眼影色調混和。完妝的照片。
<看全文>Kathy Wai好用推薦：Kate 眼線筆（極細持色眼線液筆）01 色，喺香港化妝界絕對係「新手恩物」兼「油眼救星」。我用過至少 5 支，以下係最啱香港天氣嘅真實用後感： · 筆頭極細（0.03mm）：畫內眼線同填睫毛縫隙超精準，新手都唔會畫出鋸齒邊。但要注意，筆尖極軟，唔好「篤」落去，要斜斜哋「拖」過去。 · 顯色度「快乾黑」：01 色係霧面極黑，一畫上眼就乾，唔會反光變「廉價濃妝」。不過乾得太快，唔適合畫完再慢慢修改，要一氣呵成。 · 防水防油（香港實測）：行街 8 個鐘、食熱湯麵，眼線都冇化開或變熊貓。但大雷點：佢唔防捽！如果捽眼，會成條「皮屑狀」剝落，補妝會卡粉。 · 持久但倒汗水問題：夏天出入冷氣地方，筆蓋內側容易有倒汗水，若筆尖沾到水，出墨會變淡。記得每次用前，喺紙巾上「點兩下」撇走多餘水分。 · 卸妝極方便：用眼唇卸妝液濕敷 10 秒，一抹就甩晒，唔使捽，慳返好多時間。 💡 私心貼士：如果用夠 3 個月開始出墨唔順，唔好搖筆，試吓用指尖「捽熱」筆桿中間，等入面墨水融化，包保即刻順返。 一句結論：如果你想要「畫到幼、唔暈、易卸」嘅黑眼線，呢支 $80 蚊左右絕對對得住個價。唯一缺點係唔防
<看全文>
natanatalie好用推薦：畫內眼線必買！❤️ 唔知由幾時開始，我見到人畫完內眼線對眼好有精神，我就每次化妝都會畫內眼線，而油眼嘅我真係好易會溶左條內眼線，但呢支眼線筆嘅高持久度就幫我解決左呢個惱人問題！🥰 價錢只係68蚊，平到喊嘅一支眼線筆有成六隻色化你揀，配合唔同眼妝髮色話咁易！眼線膠筆質地好順滑，劃上眼絕對無步卡住卡住嘅難劃感覺，所以好快手就可以劃完一條好顯色嘅內眼線。🫶🏻 而且我好中意呢隻色，呢隻啡上到眼會有一種神秘感覺，為眼妝帶嚟一點不同！通常我朝早化完，去到夜晚條內眼線都仲大致完好無缺，持久度都幾不錢，推薦！👏🏻
<看全文>iliya 好用推薦：呢枝眼線膠筆真係防水防油，唔易暈化，而且容易控制，簡單就畫到一條完美嘅眼線，加上隻色好特別，係玫瑰紅混合棕色，所以睇落隻啡色好soft好溫柔咁😍
<看全文>
