日本底霜 推薦好用產品

Emma W好用推薦：Visée底霜含有保濕成分，讓肌膚保持水潤，不容易形成卡粉狀，係一款不錯的妝前打底霜。搽後能夠均勻膚色，提供自然的妝感，讓肌膚看起來光滑無瑕。產品質地輕盈，不會感覺厚重，可以化個偽素顏妝容都可以。另外，搽後妝容持久，不易脫妝，能夠維持整天的清新感。

natanatalie好用推薦：年末又到了，又要忙於出席不同聖誕派對同聚會，一個持久嘅底妝真係好重要‼️ 最近試左呢支Visee底霜，值得推介俾大家。首先佢價錢唔貴，開架品牌有專櫃品質。😝 最中意佢可以調整膚色，可以解決到肌膚暗沉同泛紅肌膚煩惱，提升透明感同塑造比零毛孔光滑肌膚！🙆🏻‍♀️ 質地易推唔黐立立，亦唔會同之前嘅護膚品打架！用左佢再上粉底會更持久。有時唔化妝，就咁用佢都可以令氣色更好！❤️ 絕對係小資女歲末必備嘅化妝單品！🎈

C好用推薦：用過Elixir嘅小金管 今次講吓另外一枝 呢枝主打美白清爽 質地相對冇咁厚重 啱晒夏天用 美白效果因人而異 喺我臉上暫時見唔到好明顯白咗 我諗要用一段時間先見到

Ruby Wong好用推薦：上月購自日本，用了一個月左右。好喜歡佢除咗有防曬功效之外仲有養膚嘅功能，而且仲可以調色，真係一物多用，入手嘅時候170港紙左右，性價比真係非常之高。底妝輕薄黏立好適合夏天用，平時塗完再上返少少碎粉氣息已經OK可以見到人。 【日本】【旅遊】

Emma W好用推薦：Kate 零瑕肌密高效防曬隔離霜質地輕薄，水乳狀，容易推開。妝感自然，不會太顯白。另外，佢有較高的防曬功能(SPF 50+, PA 3+)，化妝時可以減少多一層野係面到，減少毛孔阻塞嘅機會。所以，就算新年時化妝化得勁重都可以。

Fng好用推薦：乳白色啫喱質地，上面比較水潤 ，一搽化水狀，感覺面上有薄薄成膜， 有微量光澤感， 防曬系數夠高 夏日戶外活動 一支搞掂曬。

wookayee02150好用推薦：質地水潤薄身好易推，淺膚的。 我本身混合性惼油，控油能力唔錯，一整天都無特別脫妝或乾紋，亦有修飾毛孔的效果。防曬30度夠日常使用。

VickiChan好用推薦：一個好啱夏天用嘅base，顏色係橙色，質地好水好薄，控油效果唔算好好，但佢對毛孔嘅修飾力好好，搽完之後即刻會覺得皮膚望落smooth 咗。

Kitty 好用推薦：前排去商場掃貨，見到Sofina Primavista「妝前打底」出咗新升級版！身為混油皮嘅我即刻心動，諗起舊版嗰支真係幫我捱過唔少「回南天」🥵 即刻科水買返支返屋企試，同大家分享吓試用感受先～ ✨包裝同質地✨ 樽身少女心即刻爆棚！質地同舊版差唔多，都係水潤嘅乳液狀，吸收速度幾快，唔會好似某啲控油產品咁「拮拮吓」，我敏感肌都頂得順～ ☀️上妝效果☀️ 最驚喜係佢個提亮效果！平時用開嘅控油妝前打底多數會令塊面灰白，但呢支薄薄搽一層已經有「偽素肌」嘅透亮感。試過單用佢再撲層碎粉，同事仲以為我打咗燈😂 遮毛孔方面都交到功課，鼻翼兩側啲凹凸位平滑咗好多～ 🔥持妝力實測🔥 重點嚟啦！琴日特登唔補妝去挑戰： - 8:00am：薄搢妝前打底＋氣墊粉底 - 12:00：食完lunch塊面得少少油光，用紙巾印一印即啞緻 - 3:00pm：開會焗足兩個鐘，額頭開始有少少笠，但無溶妝 - 7:00pm：放工跑住追巴士，返到屋企照鏡...嘩！T位油光明顯但粉底無斑駁，無出現「芝麻粒」真係感動到喊😭 ⚠️注意位⚠️ • 乾肌姊妹可能要加強保濕，試過皮膚狀態差時用會有少少「緊繃」 • 遮瑕度屬中等，大紅痘印

popocarcar好用推薦：唔經唔覺，原來自己都買咗幾款Sofina Primavista 底妝產品。 天氣太熱或者預計會出大汗時，我會用呢款底霜，底妝會long lasting 好多。

lkylky3003好用推薦：輕易打造出淨透光感肌。而且可以遮到我面頰兩邊發 紅位置，令膚色均勻同收細毛孔

Mo Wong好用推薦：Excel係日本開架品牌，成日聽人地讚佢D產品好用，今次用呢款防曬底霜真係好高質，我見佢話潤澤驚佢會笠，點知佢質地幾水又易推，搽上面完全唔笠，乾肌用都無問題，而且佢係四合一，我懶時只用佢之後簡單上cushion粉底就出門，佢幾保濕，只係佢完全無任向遮瑕作用同提亮效果偏弱。

msthea好用推薦：試咗Excel嘅日間防曬潤澤面霜佢質地比較杰身，搽上面會有少少覺得油膩感覺 過一陣吸收咗會覺得好啲 我個人比較懶，用咗佢就冇再用調色霜 加上呢排天氣乾燥，我用咗佢又真係冇卡粉情況 比較乾燥嘅天氣之下，我覺得皮膚乾燥嘅人都值得一試 但春夏天就應該唔係好啱了

mandy好用推薦：SOFINA Ange Long Keep Base UV 控油持妝隔離底霜 SPF16 PA++ #Pink $99 from Watsons (購於再打88折之時) 控油持妝隔離底霜改版後共推出3色供選擇， 粉色可以均勻膚色，橙色可以提亮，綠色可以遮蓋面上泛紅，跟舊版一樣，3色皆具控油效果及少許防曬功效。本文使用的控油持妝隔離底霜是粉紅色，成分方面以保濕成分、防曬成分及控油成分為主。由於防曬功效只有SPF16 PA++，大家最好在上控油持妝隔離底霜前使用足夠的防曬產品。 控油持妝隔離底霜的質地是很流動的乳液狀，延展性極佳，可以輕易在全面均勻推開，並有效均勻膚色及帶少許提亮功效。使用控油持妝隔離底霜後，底妝的持久度提昇不少，午後也沒有溶妝，省卻不少補妝的時間及工夫。 以$99的happy price開架價位來說，控油持妝隔離底霜仲有3色供選擇，算是品質不錯，性價比高的隔離底霜，還有助持妝，實在很值得入手。 含保濕成分：矽靈, 硬脂酸, 氫氧化鋁 及 玻尿酸鈉 防曬成分：氧化鋅, 二氧化鈦 及 桂皮酸鹽 控油成分：矽石, 氫氧化鋁 及 滑石粉 鎮靜消炎成分：氯化鋅 及

Hellobeauty 好用推薦：好興奮試新產品,見到近期全新升級 SOFINA Ange 控油持妝隔離底霜有推廣優惠,加上@cosme 温馨推介,所以忍唔住買嚟試下 此產品出強調水感 X 控油 X 調色 水感方面-輕薄易推,沒有黏淋感,用力推都唔會起粒粒嘅狀態； 控油方面-夏天用控油產品係非常重要,但係好擔心會好乾,對比Primavista LONG-LASTING PRIMER UV, 今次用SOFINA Ange 控油持妝隔離底霜相對出色, 絕對冇呢個問題,完全唔乾,上面舒服,唔會太乾顯現皮膚紋路 調色方面-我用粉紅色色調,輕薄塗上已經有即時膚質提亮效果,提升氣息；另外呢隻粉紅色調跟其他粉紅色調primer不同,我覺得有一種粉紅珍珠色嘅感覺,效果靚 溫馨提示： 戶外使用時必須,額外加上防曬產品上妝,因為它防曬系數相對低,所以即使我當日唔上粉底液,只用它調色控油,我都會額外添加防曬產品; 因為質地相對水質重,感覺上要唧好多用,所以每次使用時,留意控制份量 最後,心思思嘅你可以值得一試

Fng好用推薦：這個 MAQUILLAGE dramatic Skin sensor base EX 可以當素顏霜用，可提亮肌膚🌟，一秒偽素顏就出門，它夠輕透，質地非常水潤，塗在臉上很好推💞，又有少少遮瑕力兼SPF 50+。 或者薄薄塗上一層，然後等一兩分鐘之後，再上粉底，沒違和感，妝效非常自然，又有提亮效果，而且裏面還有養膚成分，透氣唔會焗到生粒粒，夏天勁啱用，值得推介🫶。 佢仲有個tone up version係淡紫色底，如果係想退黃調嘅sis可以考慮嗰個。

Vivian好用推薦：淡紫色較為水妝質地，延展性高，能夠明顯改善暗沉泛黃皮膚，提亮效果好，清爽不黏笠，比較適合春夏季節潮濕或炎熱天氣使用，配合滋潤型氣墊粉底妝感不錯

Catzy好用推薦：之前買過，用完再上碎粉就有種霧面嘅感覺，唔使點遮瑕，就可以出到街。，夠晒方便。

LenaC好用推薦：ANNA SUI 魔法亮肌底霜 $300/30ml 質感為乳凝膠狀 保濕度出奇地高 可在肌膚表面形成鎖水層 令肌膚持久保持水潤豐盈 遮瑕度亦唔錯 做到柔化瑕疵 輕鬆打造透亮無瑕既偽素顏😽😽

橘子貓好用推薦：SUPERIEUR Day Care Revolution Tone Up SPF50+ PA++++ 因為被很多日本KOL燒到，當初這款防曬一上市，我就去日本購入了！！！ 在日本天冷時使用，感覺非常驚豔。我使用了比官方建議的兩倍份量，令其有充足的防曬度，防曬霜提亮皮膚整整亮白了一度，然後整體妝感非常貼服，完全不會死白，恍如媽生好皮。難得試到一枝既可以正經防曬又能作妝前的防曬霜，所以我當日試用完之後，趁着還未離開日本，立馬回購了3條。可惜回到香港，因為香港天氣跟日本非常不同，又濕又熱，而且我是混油皮，這款防曬的使用感和效果大打折扣。因為出油出汗之後，皮膚會感到悶焗，甚至很容易起屑。於是我減少了使用份量至官方建議的大小，妝感和使用感就好了很多，但就沒有了在日本使用時容光煥發的效果。 如果你是偏乾肌，相信這款防曬會很適合你呢！現在，這枝防曬我會留待下次去日本等寒冷氣候的地方使用。

Idy Wu好用推薦：我試用了Elixir 的這款調色提亮防曬妝前乳液大概三個月，真的非常驚艷！SPF50+ PA++++ 有足夠防曬性能讓我在日常外出時感覺很安心。 質地與效果 非常輕薄，潤色效果更佳，讓肌膚看起來更加明亮自然。使用後，我發現肌膚的暗沉瞬間被遮蓋，整體膚色變得均勻，彈性也有明顯改善，使用感覺亦都相當貼服。 卸妝方便 值得一提的是，這款乳液能夠輕鬆卸妝，不會造成暗粒粉刺！ 總結來說，這款乳液非常優秀，性價比高，值得推薦給朋友！

konningching好用推薦：性價比高，我媽最愛❤️，佢試好多款唔同既底霜🫂。 佢話呢款又平又保濕又去黃，仲可以修飾毛孔！ 另一款藍色底霜就岩我地後生女用😆

劉肥貓好用推薦：有微微調色效果 亦有防曬 功能 非常容易推開 我多數當佢防曬使用 價錢平

zetalhc好用推薦：有輕微控油功效同埋可以作調色隔離霜試用，可以輕輕調亮膚色。個人覺得性價比唔錯，但係就無咩保濕力，需要用之前用多少少保濕精華，如果唔係會有少少粒粒出現。

tung好用推薦：用開藍色 推開好自然 唔會白咗幾度或者面色好奇怪 之後上粉底都易推 暫時用左幾隻都冇推到擦膠掃

綺羅香好用推薦：呢排發現自己眼皮有啲色素暗沉，搽上去眼影啲色無咁靚，就買咗支底膏，首先貪佢夠平，第二夠細支，因為唔係經常化妝，無必要買太大支或者好貴嘅浪費 唧出嚟係白色膏狀，易推開，抹開之後眼皮膚會tune白咗，有少少油潤感，但唔會令眼影化唔開，因為將眼皮白咗，眼影色會出啲，幾好用

Sym97好用推薦：👁眼影打底好物 眼影底膏擠出嚟呈白色、薄薄搽少少係眼皮上方底膏會變透明。之後上眼影時，感覺眼影更加貼服同持久，顯色唔浮粉，自然令眼妝更shape ！ 注意事項❗️要識控制眼影份量 因為搽咗底膏，眼影會更顯色，如果使用較深色（如棕色/深紅色等）要注意唔好沾太多，以免變得過分上色。建議使用疊加+暈染形式上眼妝。 夏季好用☀️冬季就效果唔太理想❄️ 夏天都未正式開始，太陽就曬到嚟，成日一出門口去返工就流曬汗，未返到公司可能就已經溶晒妝。依枝眼影底膚好似搽左層防汗水防溶妝🙆🏻‍♀️ 不過，冬天乾燥嘅時候，搽咗之後好似唔夠滋潤，照樣會甩皮。 想有效咁用這枝底膏要謹記「適可而止」 1。唔好用太多（眼妝會過厚） 2。上眼影時輕手啲，用疊加法+暈染

Bendict好用推薦：之前試過好多底霜 一係就比較乾 一係就塞毛孔 所以去@cosme試咗呢支底霜之後買咗 效果非常好 texture好容易推開 亦都好潤 後續上底妝 效果非常好👍 雖然防曬力有少少不足 但佢修飾毛孔效果顯著 我係敏感肌 偏乾 呢隻底霜有潤色效果 潤得黎唔會太厚👍 下面幅相係cpd 同rmk對比 左邊係cpd 右邊係rmk男士如果用CPD 會顯得過白 rmk男士用都啱 所以呢個我推薦 😺👍👍

Steph好用推薦：已經係用緊第二支，係近來發現最好用嘅底霜。鍾意佢有防曬，而且有顏色，質感唔會太薄唔會太厚啱啱好，最好嘅係可以遮到毛孔，用完之後亦都可以上到粉底。有時難起上嚟，但用呢支底霜都可以夠出街用而且都叫做持久，喺冷氣房返工返咗全日，都唔會脫妝咁！

Emily Leung好用推薦：日本必買防曬，Canmake美人魚防曬啫喱！ 日本藥妝店很火的一款防曬！一共有五個顏色，各有不同的功效！ ⭐️ 01透明：任何膚色的人都可以使用的無色型。 ⭐️ 02白色：上臉後有提亮作用，可讓肌膚有美白效果 ⭐️ C01薄荷綠: 含有積雪草葉提取物,改善泛紅和暗沉的綠色型。 ⭐️ C02黃色款黃色的抗氧化成分，可以糾正不均勻的顏色。 ⭐️ C03薰衣草紫: 改善泛黃和暗沉的保濕成分。 ☘️防曬度：SPF50+ / PA++++ ☘️成份：含83%精華成分 ☘️質地：質地水潤易推開，成膜巨快。 🍀效果：控油能力不錯，一天下來不怎麼氧化。 我最愛是C03紫色款，可以遮盖暗沉，調節膚色！它不僅可以用於面部，還可以用於全身。洗完臉後，可以用這一款做護膚、保濕打底、防紫外線打底。質地水潤不會搓泥，不影響後續上妝！

糯米喵好用推薦：呢一支打底係我係松本清買福袋嘅時候入面有嘅，因為見呢隻都好似好出名，所以都比較有興趣。 用完嗰吓心心眼咗，因為佢十分之保濕，冬天用係一流，自己已經回購咗一次！佢係黃色嘅膏體，會提亮到皮膚，而且搽完會好有水光感。 自己係十分之鍾意呢種保濕感好強嘅打底，上裝嘅時候都十分之貼！呢一支已經成為咗我上妝前必用嘅產品，以佢嘅價錢嚟講，性價比係好高，因為佢先$100樓下，所以長期來講自己都會繼續回購，因為真係好好用！

Lumi Kwan好用推薦：已經用完一支又一支，以前我喺Paul and Joe嘅fans，作為一個妝前底霜，最緊要夠易推同埋夠保濕，但我試過three後，我覺得效果非常之好，仲要有防曬效果。呢個品牌其實香港人真係比較少用，可能廣告唔夠，但日本非常之受歡迎，所以我每次去日本都會入貨。

格仔餅公主好用推薦：有潤色嘅效果，面色唔好個時用佢會有改善🙃睇落精神左，瑕疵都會少啲，出嚟個感覺好自然，撲完碎粉都OK行得

Kura好用推薦：呢款妝前打底嘅質地係超級水嘅乳液，顏色有少少藍色，但搽上臉唔會泛白，但會顯得皮膚好通透，同埋有防曬度數，夏天用非常好用，亦都唔油膩，超級適合快速上妝，同埋用嘅份量唔需要好多就可以搽曬全臉，價錢平，性價比高，值得入手好用嘅妝前乳 @cosme #妝前打底 #妝前打底

橘子貓好用推薦：這款是控油base，粉瓶是自然粉色，主要提亮肌膚。 流動性高，有保濕感，提亮膚色的效果是有的，塗完不會泛白。但控油效果對於夏天混油肌的我不太足夠。用了跟沒用似的，鼻頭、額頭出油時間跟之前差不多。 可能比較適合乾肌在香港春夏使用。 塗粉底前，有用Cezanne的分別：#BA照

kameari好用推薦：一用過就返唔到轉頭，質地透薄，唔會黏笠，油肌的我都放心使用，上臉後一直有着保濕感不會很快出油，妝容都明顯貼貼服服。最讚是不焗促沒導致敏感。整體滿意效果很好。

choichoi好用推薦：Addiction的產品有著很多日本女生的支持，在使用過其粉底後我也是讚不絕口，那麼底霜我又怎能錯過呢（配一套XD ）而且這個也是明星商品呢，只是我買的是30ML方罐型版本。 質感帶點清涼的霜狀，看著很厚重但延展度超優而且感覺很。保。濕！真的保濕到帶種錯覺在使用保養面霜XD（經歷過脫皮時期要化妝後用上它表示得到解救） 完全吸引後臉部感覺毫無負擔，後續的上妝亦變得更貼服，感覺它跟很多粉底都能搭並使其效果昇華，比方說： 粉餅=更貼服令粉感降低不會產生厚重感 使用帶光澤感粉底液=會令其更美麗妝容更立體 絕對不會輕易出現卡粉的情況，那是保濕功效同時發揮的關係吧！

Emily Leung好用推薦：RMK 隔離霜 ｜想要「水潤透亮」同「貼服持久」底妝嘅人，揀佢！ 👍 優點： · 質地輕薄： 乳液狀，好推唔黏立，保濕度夠，皮膚冇負擔。 · 修飾一流： 帶少少珍珠光澤，可以即時提亮膚色，睲神兼有「透光感」，但唔會誇張到滿面閃粉。 · 貼服度爆燈： 因為夠潤，令後續粉底癡到實一實，減低浮粉同卡粉機會。 · 日系靚妝： 完美做到嗰種自然、有光澤嘅「偽素顏」底妝效果。 👎 缺點： · 遮瑕力弱： 主要係調同提亮膚色，唔好期望佢可以遮到痘印瑕疵。 · 控油一般： 對大油皮嚟講，夏天可能唔夠持久，比較適合乾性至混合性肌膚。 · 價錢中上： 唔算平，但用量省，一支都用好耐。 結論： 如果你底妝追求自然光澤同貼服感，唔係要超強遮瑕同控油，RMK呢支隔離霜絕對係「神隊友」級別，能令你成個底妝質感即刻升級！

Ka Wai Yip好用推薦：已經用緊第3枝(*≧ω≦) 夠水潤又唔會笠 令之後嘅化妝品更貼膚 唔脫妝 因為係乾肌(｡ì _ í｡) 除咗妝前外 仲可以加一泵喺粉底入面 令粉底更滋潤 帶出健康皮膚嘅光澤:) 用beauty blender印上面 真水光肌咁 所以真係會不斷回購♪(´ε｀ ) 而且敏感肌用完都冇事～ 如果想搵保濕嘅base呢個真係力推啊~ 呢枝base + 同系列嘅粉底真係絕配！ 下次會試吓佢個護膚油!☻ ☻ ☻