找產品
舒緩爽膚水 推薦好用產品
39 件
cynthia_snow好用推薦：第一次試用Kiehl’s嘅皇牌產品金盞花植物精華爽膚水，你無睇錯，真係第一次用🤫雖然金盞花水好出名，但因為有啲擔心唔夠保濕，所以一直無買過嚟試🙈最近終於有機會啦🎉 近排天氣咁熱，相信大家同我一樣，皮膚都不斷經歷 強勁冷氣➡️蒸爐一樣嘅室外➡️強勁冷氣➡️蒸爐一樣嘅室外 嘅環境。雖然本身係乾性皮膚，呢排T字位都多左出油；而且兩邊臉頰都有毛孔粗大、泛紅嘅問題🫣再加上成日凌晨2、3點先訓，又撞正嚟m，呢幾日下巴都焗左粒石頭瘡，又腫又痛😵💫 每朝起身、每晚臨訓我都會先用金盞花水去爽膚，250ml容量嘅樽身設計比較高、窄身，都算易倒出嚟用(有啲爽膚水樽真係好難倒…)，如果有泵樽就更方便~ 金盞花水係淡黃色，有非常非常淡嘅草本香味，質地比較薄身，個人而言要倒大約5蚊銀大小嘅份量喺手心先夠拍匀全面。 拍上面之後，皮膚都好快吸收，唔會有黏膩感~我有一日放假拍完金盞花水上面之後就去左睇電話，唔記得左搽面霜，之後醒起就發現塊面無任何繃緊嘅感覺，證明保濕度都足夠！不過估計冬天就未必得啦~ 用左兩三日，下巴嘅石頭瘡已經消左腫，仲細粒左🥹兩邊臉頰嘅泛紅都有改善，的確做到產品所講嘅紓緩、抗炎功效！呢幾日出街成
<看全文>iscah好用推薦：首先多謝@cosme 俾我試用Kiehl’s既金盞花植物精華爽膚水～ Kiehl’s既金盞花植物精華爽膚水都已經係多年既金牌產品，相信大家都唔陌生～主打係紓緩鎮靜、敏感皮膚都適合用，一打開有好大陣金盞花味(類似菊花)，聞落感覺好天然，無香精同酒精既味。 我試用期間每日都會係護膚品前以輕力拍打方法搽上面，期間有啲妝前時間充裕就會用化妝棉濕full 10分鐘，每次濕full完都會輕力拍打幫助吸收，有濕full過先化妝既日子明顯底妝會貼服啲同全日膚況穩定好多。我本身唔係敏感肌，但香港6月潮濕又焗既天氣都會令我間唔中出現少少泛紅敏感，用左金盞花爽膚水濕full就真係好明顯鎮靜到，可能打好左個底所以連全日膚況都穩定埋。 個人強烈建議如果用到Kiehl’s既金盞花植物精華爽膚水，濕full係可以發揮到佢最大功效。會比普通搽面感受更好👍🏻 濕full前：濕full+拍打後：
<看全文>
Desse好用推薦：唔記得由幾時開始.. 多咗個每月做1次醫美療程嘅習慣.. 每次打完.. 臉都會痛2-3日 我就會用Avene活泉水幫手做護膚底層🧏🏻♀️ Avene抗敏活泉水 💡紓緩敏感泛紅 沖完涼.. 印乾臉上水份.. 直接噴5-6吓.. 咩都唔好做.. 等2-3秒吸收 重覆2-3次..🧏🏻♀️ 直到感覺到皮膚有多餘水份.. 然後輕輕印吓 療程後敏感感覺會無咁明顯🌟 配合其他舒敏產品.. 大約1-2日就可以輕鬆處理🧏🏻♀️ 💡小朋友曬後使用 官方介紹產品可供嬰幼兒使用.. 我夏天多數會備一支細嘅喺手袋.. 方便同小朋友出去..玩完噴幾下降溫用👶🏻 喱款產品已經用咗好多年.. 【2025】當然都唔少得佢🌟 🌟留意返.. 喱款噴霧只係好單純做紓緩抗敏效果.. 如果需求係妝前單用嚟打底.. 要高保濕.. 又要成膜.. 就要考慮吓🌟
<看全文>Julianna好用推薦：四年前我開始用 Avène 抗敏活泉水，真係覺得好好，特別適合我冬天乾燥嘅敏感肌膚。沖完涼之後噴一噴,幫助舒緩肌膚的不適。每次我面部有啲紅腫或癢，噴上去後立刻感覺涼快，效果好明顯。 而且，呢款水嘅保濕效果都非常好。冬天肌膚好容易乾，噴上去之後，肌膚立刻變得水潤，仲可以保持一段時間。我通常會喺化妝前噴一噴，妝容更加服貼，隨時都可以補水，真係好方便。總之，Avène 抗敏活泉水係一款好實用嘅產品，對於敏感肌膚，特別係冬天，真係值得一試！
<看全文>
chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕
<看全文>lonia好用推薦：秋冬轉季，我同好多人一樣，護膚品嘅使用模式都要轉季，由夏天使用較清爽嘅乳液，轉至秋冬會使用保濕功效較好嘅面霜。但轉季肌膚始終會面對一段適應期，容易敏感、繃緊、出現泛紅。所以我覺得想肌膚好好轉季，就要從潔面後第一道防線就打好個底，後續嘅護膚品吸收就事半功倍。 提到ORIGINS，點可以唔提佢嘅皇牌產品「菇水」(靈芝輕精華水)。「菇水」係透明水狀，帶少少自然草本香味，洗完面之後我會直接搽上面，已經即時感受到佢嘅保濕功效，大大減低皮膚繃緊嘅感覺。未用「菇水」之前，皮膚偶爾都會出現泛紅、痕癢嘅情況，自從轉用「菇水」之後，覺得皮膚狀況穩定咗，泛紅嘅情況少咗出現。「菇水」可以幫助強化肌底，面對秋冬轉季皮膚都容易啲適應。 #秋冬護膚神隊友
<看全文>
dor.r好用推薦：呢支皇后水聲稱可以緊緻毛孔、去黃同保濕，仲可以定妝！淨係聽到收毛孔已經好想試😆首先佢面頭有一層薄薄嘅精油，噴之前要搖勻，噴霧都幾均勻細緻，有清淡嘅玫瑰同少少薄荷香味，噴上面嗰下幾冰涼幾舒服，不過跟住就嚟料喇🙈🙈🙈 幾秒之後就feel到唔對路，塊面冰涼得好過份，而且眼周皮膚好乸！好攻眼！好刺鼻！感覺就好似搽咗白花油喺眼邊咁😭😭😭跟住我眼水鼻水直出，立即衝去洗面，但係用咗兩次洗面泡都洗唔走啲「涼爽」嘅感覺，不過稍為好少少冇再標眼水，但塊面都係keep住咁「涼」，大約10分鐘後感覺先慢慢減退…我一向都唔係敏感皮膚，好少會對護膚品有咁大反應🙈唔知有冇人用過都有同樣感覺呢🤔可唔可以分享下🫶🏻 其實撇除咗佢乸眼嘅感覺，呢支噴霧保濕效果都算唔錯，可能有精油成份噴完皮膚好滑溜好水潤💧至於收毛孔同去黃功效我就冇辦法試到喇🥹因為真係太刺激用唔到，不過夏天用來噴身應該會幾舒服😅
<看全文>mssylviaa好用推薦：一開始係俾呢枝皇后水嘅漸變色樽吸引，聽完店員推介話呢枝係明星產品，係爽膚水融合天然精油，補濕之餘多一份護膚功效，份外鎖水，我就買咗一枝放公司枱頭。 爽膚水最面有一層薄薄精油，用前要先搖勻，隔30cm左右嘅距離噴於面上。噴出嚟嘅水霧比同牌子另一枝補濕噴霧，相對再微細啲。噴時有涼涼的舒適感，味道都好好聞，份外醒神。噴完好快就吸收晒，立即覺得乾到繃緊嘅皮膚得到舒緩。 不過我只係用嚟做office嘅補濕，如果用作洗完面嘅toner，補濕力未必足夠～
<看全文>
SzeChan好用推薦：感謝@cosme 抽中成為試用嘅一份子。今次試用嘅係全新升級版極致勻淨科研亮肌精華水同埋升級版勻淨科研亮白淡斑雙效精華。就等我呢位試用專員用7日有咩feedback喇。 🧴 【產品介紹】 全新升級版極致勻淨科研亮肌精華水 💰HK$410/175ml 精華水提供亮白保濕潤澤效果，醫學級亮白成分可提升肌膚光澤及亮白度；讓肌膚透、亮、淨、白！ 升級版勻淨科研亮白淡斑雙效精華 💰HK$520/30ml; HK$810/50ml; HK$1,290/100ml 以雙倍專利醫學級淡斑成份 CL302－提亮去斑 + 減淡色素痘印，效果媲美專業醫學級療程 ; 配合日本玉露萃取及 米糠萃取成分，修護肌膚屏障，預防皮膚炎症，防護肌膚免受遊離基侵害, 由源頭阻止黑色素形成，預防未來的色 斑形成。7 日開始見證膚色提亮，透出 4C 鑽光。 🌸Care – 安全配方不刺激，水漾亮澤、修護屏障，用後皮膚水嫩保濕 🌸Color – 溫和去除表皮老化角質，亮白淨肌，膚色均勻度、明亮度顯著提升 🌸Clarity - 深入擊散黑色素，減淡色斑痘印，肌膚回復透亮細緻 🌸Cut – 直達源頭阻截黑色素產生，舒炎抗氧，預防色
<看全文>karuhi好用推薦：好多謝被@cosme抽中試用CLINIQUE既升級版勻淨科研補濕亮肌精華水 . 精華水係主打保濕、淡斑、提亮同高效抗氧、舒緩鎮定抗炎, 含有專利醫學級既提亮成份CL302配方。同時@cosme提供升級版勻淨科研亮白淡斑雙效精華俾我一齊試用, 兩款產品一齊使用會可以將精華浸透至肌底既速度加快11倍, 倍大亮鑽效果。 . 升級版勻淨科研補濕亮肌精華水既瓶身係用白色同銀色既塑料外殼。我最鍾意既係佢既樽口設計, 係有少少突出黎, 唔似一段既平口設計, 佢唔會一下子就倒左好多精華水出黎, 容易控制份量同唔會流到周圍都係。精華水100%不含香料, 所以近乎沒有香味。質地好清爽, 吸收時間好快, 完全不黏膩。 我會將升級版勻淨科研補濕亮肌精華水先倒水約10蚊銀既份量於掌心, 再用雙手搓揉均勻再輕輕按壓上臉, 之後再係臉上輕拍等佢地稍為吸收, 之後就會立即用Laser淡斑去印精華大約1泵份量塗抹全臉, 好快就吸收完, 唔會黏笠。 . 使用7日之後覺得塊面既膚色有所提亮, 之前既暗黃有稍為改善, 肌膚亦都緊緻左, 保濕度就唔太夠, 不過因為而家天氣係比較濕氣重, 所以冇乜問題, 但如果係冬天既話
<看全文>
mandy好用推薦：Albion Flora Drip 白神發酵液(又名: 白神之露) Albion 強勢推出的新品 Flora Drip 白神之露 (多美的譯名!) 在日本非常聲名大燥。 白神之露 在日本深受美容家的好評, 獲評為日雜 2019年最佳化妝水,讓Albion 的一眾健康水信徒又多了一款必買的名品! 在Albion的科研努力下, 白神之露 這款高效抗衰老的護膚品終於誕生。 Flora Drip 白神之露 可作柔膚水或精華使用, 含有多種高濃度活性成分「MYURAT™」。 相信大家對發酵成分護膚品也不會陌生, 不論日、韓, 甚至歐美品牌其實都有推出發酵成分護膚品。可是, Albion 白神之露 的主要成分 是原創的濃縮成分, 嚴選5種植物, 以純白麴發酵製成, 功效絕不只保濕, 能同時改善乾燥、黯沈、毛孔、斑點及細紋等肌膚問題。與其說是普通的柔膚水, 不如稱之為如同精華般高效的柔膚水。 白神之露 的質地其實就像是濃稠一點的爽膚水, 不過一點也不會笠、延展性非常優秀, 而且很快被肌膚吸收, 使用感極之舒適。我特別喜歡使用白神之露時按摩面部, 能感受滿滿的水潤精華被面部肌膚無間斷吸收, 真正滲
<看全文>Kna好用推薦：又係俾廣告吸引而去8掛買左佢個2大神水體驗套裝。 依枝白神精華水係乳白色，質地係少少濃未去到"傑"身嘅。用嘅份量大約1至1.5茶匙左右就已經足夠。所以細枝80ml好襟用，都用到個半月。 我係跟足佢所有程序(因為佢嘅程序係乳液係第一個。step,去到最後係搽精華結尾。係好乾嘅時間先會加cream或)同用晒佢成套product咁去用。 依枝水嘅保濕度都幾高，係9，10月嘅天氣，夜晚有時都有開下冷氣，都真係唔洗再加面霜。但除此之外，佢講嘅抗老，美白……嘅效果，睇唔到。 之後，依枝野淨返少少，我再做另外2個測試。 1)照跟乳液行先，拎走健膚水，淨係用佢再加精華。用左1星期左右，都係淨係睇到保濕。(所有野都用返佢地牌子) 2)用以前step,爽膚水，安瓶,精華/Mask,面霜 發現搽左佢之前敷面膜就會唔吸收🤔。而1星期後，個效果都淨係保濕。(面膜同面霜係其他牌子嘅) 因為左睇下依枝野嘅功效，除左佢地枝乳液係美白之外，其他同與不同牌子嘅精華，面膜同面霜都只係純保濕。 總括黎講，佢講嘅功效提升緊實與彈性、撫平細紋和皺紋、強效保濕、強化血管及促進循環與新陳代謝、提亮膚色、平滑肌膚粗糙、消除鬆
<看全文>
Angie好用推薦：個質地好得意，原本怕好難吸收，用落都幾易推，吸收得好快，完全唔會笠
<看全文>mandy好用推薦：THE SAEM HARAKEKE TONER 不含防腐劑、人造色素、礦物油、動物成份及二苯甲酮. 比蘆薈更補濕, 同時紓緩肌膚的新西蘭亞麻(Harakeke)精華將水份傳送至肌膚各處. Ecocert認証金盞菊精華及麥蘆卡蜂蜜保持肌膚水潤至極, 更有抗菌抗炎功效. 透明的有點似 GEL 的質地, 一搽上臉, 好易推開, 好快吸收, 塊面即時感到好水潤保濕! 一點黏膩感也沒有呢 極舒服的使用感 難怪有時會售罄 價格也不貴 以前很愛用harakeke 系列， 主要是具補濕功效， 比較適合十多至二十多歲使用。 三十打後，會需要用更機能性或多功能的護膚品，努力抗衰老。
<看全文>
