找產品
下巴生暗瘡 推薦好用產品
30 件
Kelvin好用推薦：Cerave長效保濕面霜適合夜晚使用，對我來講好溫和，完全唔刺激皮膚。而且佢通過咗敏感測試，所以我用得好放心，敏感皮膚同濕疹皮膚都可以用。質地好補水，唔算過分厚重，搽上面推開之後感覺水潤，好容易推開推均，然後都吸收得好快，表面就好似搽咗乳霜咁樣有保護感覺。水感面霜嚟講滋潤度幾高，但又唔會油膩，用完之後皮膚水潤彈嫩 價錢係$195/50g，喺藥房買會平多1x-2x，性價比唔錯！
<看全文>Jasmine L好用推薦：由皮膚科醫生推薦我用呢款CeraVe產品，已回購兩支以上。我覺得呢款長效保濕面霜最特別之處就係唔會令皮膚黐立立，而又能夠起到修護同埋保濕嘅作用。 無論係朝早定係夜晚都會用佢，喺皮膚比較乾燥唔穩定嘅日子就搽厚少少，效果非常出色。
<看全文>
Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！
<看全文>Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。
<看全文>
Kathy Wai好用推薦：呢罐 CeraVe 水楊酸煥膚潔膚露，質地真係幾特別。 佢唧出嚟係透明啫喱狀，冇乜香味，加水之後唔會話勁多泡，只係有少少好微細、好柔和嘅泡泡（想多泡可以用起泡網）。沖水嘅時候會有一種「滑潺潺但又唔係洗唔乾淨」嘅感覺，好舒服。 我自己用後感分享： · 第一週最見效：鼻翼兩邊同下巴原本有一粒粒鞋十十嘅顆粒（即係閉鎖性粉刺），摸落去平滑咗好多！化妝都冇咁易浮粉。 · 最驚喜嘅地方：雖然有水楊酸，但完全唔乾唔繃緊。因為佢有 CeraVe 招牌保濕成分，洗完塊面係保水、少少透光嘅狀態。 · 身體都用得：攞嚟洗背脊嘅暗瘡效果好好。 要留意嘅小地方： · 如果慣咗洗完面要「澀澀乾乾」嘅感覺，呢罐你會覺得好似洗唔乾淨，但其實佢已經清潔完㗎喇。 · 建議一個禮拜用 2-3 次就好（尤其係頭幾次），唔好日日用，免得過度去角質。日頭一定要做好防曬。 ✅ 優點 1. 溫和唔繃緊 有三重神經醯胺，洗完面摸落去係保水、柔軟嘅觸感，唔似一般酸類洗面乳會乾到脫皮。 2. 粉刺顆粒感明顯減少 持續用一個禮拜左右，鼻翼、下巴嘅閉鎖性粉刺會變平滑，摸落去唔再一粒粒。 3. 身體都用得，CP值高 攞嚟洗背脊暗
<看全文>Emily Leung好用推薦：Cerave SA水楊酸煥膚潔膚露 冬季護膚心得分享 ❄️ 身為一個香港人，每逢冬天真係好考驗皮膚！天氣又乾又凍，我本身係混合性肌膚，T字位易出油又有少少暗粒，面頰就偏乾，搞到護膚好頭痛。最近試咗Cerave呢支SA水楊酸煥膚潔膚露，用咗一段時間，同大家分享下喺冬季嘅使用感受～ ✨ 質地同使用感： 透明啫喱狀，唔算好厚身，好容易搓到泡（建議用起泡網，泡泡會更綿密）。上臉感覺好柔滑，唔會過度摩擦皮膚。雖然係水楊酸潔膚產品，但完全冇嗰種「刷緊層皮」嘅乾澀感，沖水後皮膚係濕潤軟滑嘅，冇即時繃緊，呢點對於冬季護膚真係好重要！ 💧 保濕同修復效果（重點！）： 老實講，我一開始都有擔心，冬天用含水楊酸嘅潔面會令皮膚更乾。但呢支嘢驚喜在，佢加入咗Cerave招牌嘅神經酰胺同透明質酸，清潔同時補水同強化皮膚屏障。 用咗之後，我最明顯感覺係： 1. 保濕力足：就算而家咁乾燥嘅天氣，洗完面後皮膚仍然保持水潤感，唔會「拮拮緊」，後續搽toner同精華都吸收得快咗。 2. 修復屏障：我之前因為轉季，面頰有少少泛紅同甩皮。持續用呢支潔膚露（每晚一次），感覺皮膚嘅「抵抗力」好咗，冇咁易因乾燥而痕癢或不適，泛
<看全文>
chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕
<看全文>Kaze13579好用推薦：從舊版到新版已經起碼用咗兩三支，每逢轉季都會皮膚敏感，偶爾發濕疹嘅我，見到皮膚開始起紅點，發紅甚至開始甩皮，我就一定會用佢，甚至用佢濕敷。效果真係好好舒緩到敏感，又唔會好揦更加刺激到敏感嘅皮膚！最重要係性價比非常好！屋企長期都會有貨，以備不時之需！推介俾皮膚容易敏感嘅朋友！
<看全文>
Emily Leung好用推薦：適合敏感肌孕婦無添加納米卸妝油！卸妝強 今天要推薦一款我最近超愛用的卸妝油——FANCL 卸妝油！用過不少卸妝產品，但這款真的是太溫和又高效，特別適合敏感肌，孕媽也可以放心使用 它的配方超級溫和，沒有香料、酒精和防腐劑，非常適合敏感肌的小夥伴。它不僅能輕鬆卸掉眼妝、唇妝，甚至是防水睫毛膏那種比較頑固的彩妝也能秒卸，而且用完臉一點也不緊繃，超滋潤的！ 首先我的膚質是混合偏油，換季會變敏感肌！我的使用感受如下： 卸妝能力：⭐⭐⭐⭐ 日常妝容完全可以卸的乾乾淨淨，但防水彩妝卸的不太乾淨，畢竟防水產品還是要用眼唇卸妝液。 溫和程度：⭐⭐⭐⭐⭐ 成分安全無刺激感，之所以會一直回購我還是信賴它的無添加，並且溫和。用了也不會悶痘。 缺點： 會長閉口！所以一定要乳化洗乾淨！
<看全文>Yuki Chow好用推薦：FANCL 呢個品牌大家都耳熟能詳，特別係MCO 納米卸粧液，標榜不含防腐劑 、香料、人工色素、酒精、敏感肌和孕婦均可使用。 納米技術因分子細，能深入毛孔迅速溶解並浮起防水睫毛膏、不脫色唇膏及高清底粧。 獨有保濕潔淨配方，卸粧後皮膚依然水潤不緊繃。 使用方法都好簡單，按壓約 2-3 下於乾爽的手心，輕輕打圈按摩全臉（包括眼唇）約 15 秒，直至妝容浮起，再用清水沖洗乾淨。 無需乳化步驟，遇水即自動納米化，沖洗輕鬆且不殘留油感。 但亦建議隨後使用潔面產品，進行二次清潔以達到最佳護膚效果。
<看全文>
莓莓好用推薦：【YSL夜皇后精華｜混合肌真實測評】唔靠濾鏡，同你講真話。 我唔係天生好皮膚嗰種人。尤其係長期熬夜——工作、追劇、碌電話，總之唔到2點唔肯瞓。 結果就係： 🔻 T字位狂出油，但兩頰乾到緊繃 🔻 面色灰黃暗沉，化妝都遮唔住嗰種 🔻 下巴粒粒、鼻翼毛孔粗到可以插秧 🔻 摸落粗糙，唔似「皮膚」，似「砂紙」 試過好多號稱「熬夜救星」嘅精華，好多都係得個講字。今次試YSL夜皇后精華，用足一個月，同你講真話。 🥼 質地分析 水油雙層，含夜皇后仙人掌萃取 + 3.4%甘醇酸 + 水楊酸。 搖勻後變成微乳狀液體，流動性高，唔黏稠。 比一般煥膚精華更輕盈，油肌會鍾意。 👃 氣味 清新花果調，帶極微弱酸味（嚟自甘醇酸），但整體高級、唔刺鼻，用完心情好。 ✋ 上臉感覺 推開即吸收，零殘留感。 乾區：無刺痛、無繃緊 油區：無油膩、無焗促 用後有輕微溫熱感（正常，酸類起效），敏感肌請先局部試。 📊 用後皮膚狀況（逐周記錄） 時間 變化 第3日 觸感變滑，化妝更貼服 第1周 鼻翼毛孔縮小，下巴粒粒平復 第2周 暗沉明顯退去，膚色均勻 第4周 熬夜後不再灰面，皮膚透光感提升 保濕力：中等
<看全文>Poyobb好用推薦：先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕
<看全文>
Fng好用推薦：CeraVe 清爽泡沫潔膚露 CeraVe 清爽泡沫潔膚露（Foaming Cleanser）係一支專為「中性至油性肌」設計嘅弱酸性潔面，主打清潔力夠之餘，又唔破壞皮膚屏障，用法同感受都幾簡單直接。 💟 產品重點（成份／功效） - 主要適合：中性、混合偏油、油性肌，如果你係成熟偏乾肌，就要小心用或只限夏天。 - 成份重點： - 3 種 Ceramides 神經醯胺，幫皮膚維持屏障。 - 透明質酸，提供基本保濕。 - Niacinamide（煙醯胺）有助舒緩、輕微調理油脂。 - 特點： - 無香料、弱酸性（約 pH 5.7），敏感肌一般都可以試（但非常乾或極敏感要先做局部測試）。 - 可用於面部同身體，一支可以當洗面＋沐浴露用，CP 值高。 💟質地同清潔力 - 泡沫：凝露質地，加水後易起細緻泡泡，沖洗得好快、唔痴面。 - 清潔力： - 洗得好乾淨、去油力幾強，夏天、運動後用會特別舒服。 - T 字位唔易再好快出油，洗完係「舒服嘅乾爽」，唔係滑到好似洗唔乾淨。 💟乾不乾？適合邊種膚質？ - 混合肌用家： - 正
<看全文>Mei_pk好用推薦：這款洗面奶，適合敏感肌，潔淨力ok，但是我個人比較喜歡用藍色的水楊酸。
<看全文>
jhope0725好用推薦：雖然踏入❄️冬天，但係煥膚一定唔可以偷懶！ 冬季天氣乾燥、肌膚相對敏感，好多人都會忽略咗去除角質嘅重要性，只係着重保濕。 呢枝含有18%杏仁酸嘅產品，不但一年四季都可以用，喺冬天更加能夠進一步協助已經乾死咗嘅皮膚、以及角質層加快去除，加速新陳代謝，令皮膚重新變得嫩滑！👆🏼產品相當流質，用完唔會覺得好油膩，完全冇負擔感 一開始使用嘅時候會感覺到輕微刺痛，我嘅偏油性皮膚大約用咗兩星期適應，雖然產品說明教一星期用兩至三次就已經可以，不過基於我皮膚已經適應產品，現在一星期七日使用都冇問題~ 大約一星期後，就會明顯見到角質層開始脫落，大約兩至三星期，新一層皮膚就會浮面，變得乾淨嫩滑~ 👆🏼剛剛開始脫皮嘅時候，就會出現呢種情況，見到白色嘅皮屑 相比一般磨砂膏，利用酸性去除角質，自己覺得效果更顯著！不過產品特別之處係需要喺爽膚水之前使用，否則的話，保濕產品同杏仁酸結合，就未能夠發揮最好嘅作用。 冬季要有好皮膚，不能只靠保濕，去除角質都好重要~ 呢個系列另外有較溫和嘅版本，含有8%嘅杏仁酸，適合乾性肌膚，如果較易敏感或者皮膚比較乾嘅朋友可以考慮~
<看全文>Emily Leung好用推薦：DR.WU杏仁酸精華用後感｜溫和刷酸！暗粒閉口拜拜！ 忍唔住要同大家分享呢支寶藏精華——DR.WU 18%杏仁酸亮白煥膚精華！對於成生暗粒、閉口嘅我嚟講，真係相見恨晚！ 簡約專業嘅樽身，滴管設計好容易控制分量，衛生又方便。 點解揀佢？ 聽講杏仁酸相比其他酸類溫和好多，而且呢支專為亞洲肌膚設計。我係混合敏感肌，用咗之後覺得真係唔會點刺激，好安心！ 質地係透明水狀，非常清爽，搽上臉好快吸收，唔會黏膩，油皮用都零負擔。 效果點樣？ 最驚喜係用咗大概兩星期，額頭同下巴啲「磨砂感」暗粒平伏咗好多！皮膚摸落去滑溜咗，冇咁易阻塞出暗瘡。而且膚色睇落均勻咗、有光澤感！ 用之前皮膚有啲暗啞同細細粒嘅閉口，用咗一段時間後，皮膚平滑咗同光亮咗！ 使用心得同注意事項： · 頻率好緊要！ 新手建議由隔晚開始，等皮膚建立耐受性。 · 一定要加強保濕！ 用完之後我會搽保濕力強嘅面霜。 · 日頭必須防曬！ 刷酸後唔做防曬好易反黑，切記！ 總括來講： ✅ 優點： 溫和去角質、有效對付閉口暗粒、膚色更亮白 ❌ 缺點： 要建立耐受性、必須配合保濕防曬 咩人最啱用？ ➡️ 成日有暗粒、閉口煩惱嘅
<看全文>
Emily Leung好用推薦：The Body Shop 茶樹油用後感 之前生暗瘡生到好煩，又紅又痛，聽人講茶樹油消炎好得，見到The Body Shop呢支咁出名，又話係明星產品，咪買支細裝嚟試下囉！ 支油係透明嘅，質地好輕身，唔會立痴痴。一打開陣味真係好「攻鼻」㗎！係好濃烈嘅茶樹味，聞落好清爽，有種「消毒緊」嘅感覺。 我唔會全面搽㗎，只係用 「點塗法」 。每次洗完面，用棉花棒蘸少少，直接搽喺啲剛出或者已經出緊嘅暗瘡上面。如果係好大粒又痛嘅瘡，我會夜晚臨睡前搽厚少少，等佢慢慢發揮功效。 用後感覺： · 消炎快！ 對於啲剛剛開始紅同痛嘅暗瘡，真係好有效。好多時搽咗一兩晚，就冇咁紅同冇咁痛，唔會繼續發大落去。 · 催熟暗瘡：如果粒瘡係有膿嘅，佢好似會幫手催熟佢，等啲膿快啲出嚟，之後就好得快啲。 · 感覺乾淨：搽上臉嗰陣有陣涼浸浸嘅感覺，好似幫你殺緊菌咁，個心都定啲。 缺點？ · 好乾！ 真係好乾！如果搽得多，或者附近嘅皮膚都會乾到甩皮，所以千祈唔好全面用，同埋一定要做好保濕。 · 對大膿瘡或者石頭瘡效果慢：如果係好深層、好大粒又冇頭嘅石頭瘡，單靠佢一支就好難搞，要配合其他產品先得。 · 氣味唔係個個都鍾意
<看全文>Kitty 好用推薦：The Body Shop呢支茶樹精油主打用天然茶樹油成分，話可以幫助抗菌、消炎同埋控制油脂分泌。細細支好方便，而且味道係好清新嘅茶樹味，一聞就覺得好治癒！ 我的膚質： 我係混合肌，T字位比較油，而且額頭同下巴偶爾會生暗粒同姨媽痘。試過好多產品都唔太夾，直到遇到佢！ 👍使用感受： 1. 急救痘痘超有效！ 每次一感覺到有粒痘想冒出嚟，我就即刻用棉花棒點少少精油搽上去。第二日就會發現粒痘冇咁紅同腫，甚至唔會繼續大落去！如果係已經爆咗嘅痘痘，搽咗之後會快啲乾同埋愈合，冇咁易留印。 2. 溫和唔刺激 雖然係精油，但係佢唔算好濃烈，點搽上臉都唔會話拮到痛（除非你塊面本身好敏感或者有傷口）。我通常每晚護膚後局部搽，朝早瞓醒就已經見到效果！ 3. 價錢親民，耐用 真係一支可以用好耐！每次只係用一兩滴，所以性價比幾高。對於Budget有限但又想護膚嘅朋友來講，呢支真係入門首選～ ⚠️注意事項： - 千祈唔好成塊面搽！只係適合局部用，否則可能會太乾。 - 如果係極度敏感肌，最好先喺手臂內側試一試會唔會過敏。 - 記得要配合足夠保濕，因為茶樹油有少少收乾效果，唔想皮膚太乾就要加強補水啦！ 總體評
<看全文>
莓莓好用推薦：Kiehl's 金盞花精華水測評｜一瓶穩膚神器，用過就懂它的好！ 大家好～今天想跟大家推介這罐Kiehl's金盞花植物精華化妝水，很多人簡稱它「金盞花水」。它不是新品，但經典到幾乎每個混油、油肌、痘痘肌的朋友都聽過或用過。下面不廢話，直接分享我的真實感受。 🌼 質地＆香味 · 質地：完全像水一樣清爽，不黏不稠，夏天用超舒服。 · 香味：天然的草本茶香，帶一點點金盞花的甘甜，沒有酒精味，聞起來很放鬆。 ✅ 最推薦給誰？ · 油肌、混油肌、痘痘肌、粉刺肌 · 容易泛紅、敏感不穩定的人 · 刮鬍／除毛後的鎮定舒緩 · 喜歡濕敷的人（這罐濕敷很舒服） 💛 實測有感的重點 1. 鎮定退紅：擠完痘痘、或是臉頰泛紅時濕敷5分鐘，紅腫會明顯消退，舒服很多。 2. 控油＆平衡：T字出油量會減少，但兩頰不乾，油水平衡有感。 3. 改善粉刺：長期用會發現下巴、額頭的小顆粒變少，皮膚更平滑。 4. 溫和不刺激：不含酒精、香料，敏感肌也能用。 👎 小缺點 · 花瓣會掉出來：倒的時候偶爾會跑出一兩片金盞花，不影響效果，但有人覺得麻煩。 · 保濕力偏清爽：乾肌冬天單擦不夠力，一定要後續加強保濕。
<看全文>Chloeincosme好用推薦：🤍 穩定效果：4/5！Kiehl's金盞花爽膚水嘅鎮靜能力確實唔錯～當皮膚有少少泛紅或者暗粒，用化妝棉濕敷幾分鐘，即刻有舒緩到，紅印同唔穩定嘅情況都有改善！ 🤍 保濕度：2/對於乾肌來講，佢嘅保濕力真係唔夠～用完之後好快就覺得皮膚有啲繃緊，好似層水分被抽乾咁，後續一定要即刻搽保濕精華同面霜，否則會愈用愈乾😢 🤍 溫和度：4/5！成分天然，金盞花瓣有助舒緩，一般肌膚用都幾溫和～但如果你係極乾或者敏感肌，可能就要注意，因為有少少朋友反映用完好乾甚至有點刺刺哋～ 🤍 使用感：3/5！質地清爽，吸收快，夏天用可能幾舒服～但秋冬或者乾燥環境就真係頂唔順，用完反而令皮膚更缺水，唔太適合我這種乾肌人～ 總結： Kiehl's金盞花爽膚水嘅鎮靜同舒緩效果確實出色，尤其適合油性、混合性或者容易出油泛紅嘅肌膚～但如果你同我一樣係大乾肌，就可能要慎重考慮，因為佢保濕力不足，甚至可能令皮膚更乾～未必會回購了！建議乾肌朋友可以選擇更保濕嘅 toner 替代～
<看全文>
Fish Tse好用推薦：我平時都會用開fancl既深層清潔面膜，我覺得效果非常好，但始終人係有惰性，敷面膜其實都真係幾麻煩 所以我見到哩款黑炭酵素深層清潔洗顏粉即刻心郁郁入手，佢一細盒好方便一次使用倒出黎係灰色好幼既粉，之後再加水就會有泡泡出現，好似洗面奶一樣係塊面都打圈 我多數會針對T字位同鼻翼旁邊加下巴比較容易出黑頭粉刺既位置清洗，洗完之後就可以沖水，用完之後唔會覺得皮膚好乾燥，因為佢含有玻尿酸同獨家氨基酸既成分係清潔既同時可以保留肌膚既水份 仲含有竹炭、吸附泥精華等成分徹底洗潔毛孔既污糟野、角質、黑頭同粉刺，比起用mask真係方便好多，真心推薦
<看全文>Bear好用推薦：2025可能回購的產品！ 同朋友旅行時購入，買左最popular的Suisai金色比媽媽，自己就想試Fancl的產品。 帶去旅行真係好方便，通常1個星期的trip我就執2粒（如果想預比朋友試當然可以帶多d）用的時候好舒服，皮膚不會繃緊。 都keep到皮膚完全無粒粒，但係如果想絕對清除黑頭的話就要配合其他泥款面膜同油類清潔產品。
<看全文>
Jasmine L好用推薦：b.glen C精華液質地水潤清爽，吸收快唔黏膩，唔會加重T字位油光。含穩定型維他命C成分，早晚用完皮膚明顯提亮，暗沉同痘印淡咗少少，最明顯係提升肌膚透明感，膚色望落更透亮清晰有光澤，化妝都貼服自然得多。 敏感肌都用得，保濕力唔算強，適合混合偏油肌日間使用。但抗老同淡斑效果唔算話好快，需長期穩定使用先會見效。整體性價比高，夏天用都舒服，推薦想追求透明感同均勻膚色嘅女士試下。
<看全文>Midori好用推薦：衝着美白產品而來，雖然容量不大，只有15ml，但每次只需要指尖分量就可以塗抹全臉。 上臉稍微有點温熱感，但沒有任何不適，更沒有乾燥或泛紅。用後再搽面霜補濕，持續一周左右已見面部明顯有提亮效果，幾滿意😃😃
<看全文>
Kura好用推薦：呢款洗臉膏有粉紅色細微磨砂粒子，我通常一個禮拜會用兩次，用完皮膚會變得滑d，但唔會覺得乾，清潔力唔錯，係溫和去角質唔錯嘅選擇，值得一試 @cosme
<看全文>Giselle 好用推薦：Biore 柔滑磨砂洗面膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列算係Biore入面最出名嘅洗面膏系列˚₊*୧⃛(๑⃙⃘⁼̴̀⁼̴́๑⃙⃘)୨⃛*₊˚我好細個嘅時候有接觸過呢一款產品❤︎(｡☌︎ᴗ☌︎｡)呢款產品只要加少少水就已經好快搓到好綿密嘅泡泡(✿︎´ ꒳ ` )♡︎ 同埋佢入面有一啲磨砂粒粒，洗面嘅過程中可以清除面上多餘嘅角質( •̀∀︎•́ )✧︎不過洗完面之後對我呢個乾肌人士來講會太乾(⌯︎˃̶᷄ᗝ˂̶̥᷅⌯︎)所以同我一樣皮膚偏乾嘅小伙伴一定要做好後續補濕程序⸜( ´ ꒳ ` )⸝我覺得用完之後皮膚有變滑咗( •̀∀︎•́ )✧︎不過因為太乾嘅關係，所以我唔會日日用( ˙༥˙ )
<看全文>
Poyobb好用推薦：The body shop嘅茶樹系列非常出名，佢嘅茶樹油同急救啫喱棒我都有買，茶樹急救棒係比較出色，針對暗瘡護膚成份有明顯功效👍🏻 依支急救棒用嚟外塗，喺暗瘡仲未熟/岩岩起時候，平均3-4小時就茶一次，紅腫容易消退，針對新長成的痘痘效果非常好！千祈唔好慳住用🤣 急救棒本身係一支幼身白色嘅棉頭，質地係啫喱凝膠狀。有時候一起身，化妝前見到想生新暗瘡，我會即刻用急救棒，好快就會吸收晒暗瘡精華。之後暗瘡位置係清爽嘅，而且唔會影響後續上底妝，比起用其他嘅暗瘡膏更方便。
<看全文>Kelvin好用推薦：暗瘡棒方便易用，喺暗瘡位置會有一啲消毒嘅感覺冰涼，拿一拿，茶樹亦都有消炎作用。 夏天間唔中會生頭瘡，尤其是一啲啱啱腫起，但係又未可以針清走既暗瘡最討厭。暗瘡棒喺暗瘡發炎位置點一點，第二日會冇咁紅，之後暗瘡就會慢慢甩皮退咗。佢唔似其他嘅暗瘡膏咁好厚身，薄薄地點少少暗瘡液出嚟已經好用👍🏻
<看全文>
