乾肌粉底 推薦好用產品

Miranda好用推薦：【質感】 首先講質地。佢係輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算用手上妝，都一樣可以推得好均勻，完全冇粉痕。 佢嘅妝效係偏向自然光澤嘅，用完之後塊面有一種好靚嘅 「絲緞光澤」 ，唔係油光嗰種，而係好似皮膚本身好健康咁透出嚟嘅光。近距離照鏡都睇唔到粉粒，好似第二層皮膚咁自然。呢種光澤感就算上咗碎粉都仲keep到，唔會俾碎粉完全蓋住。 佢嘅質地仲有一個好處，就係 「唔會乾」 。我兩頰有時會乾，用其他粉底嗰陣，上妝一陣就會見到乾紋浮出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。 【使用感】 呢個位係我最滿意嘅部分。佢嘅 「光澤感」 真係好出色，但又唔會誇張到好似油光滿面。用完之後塊面有一種好自然嘅透亮感，望落精神好多，但又唔會覺得化咗好厚妝。 佢嘅 「遮瑕度」 屬於中度，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔係追求完美無瑕妝感嘅人，所以呢個遮瑕度對我嚟講啱啱好。如果當日有明顯嘅暗瘡

Poyobb好用推薦：之前有一段時間好鍾意用Armani嘅粉底液，Power fabric fro同designer lift都有用過。手上呢款藍色係designer lift大師粉底液。#3黃皮偏白啱用，用完全日都冇咩暗沉。 佢嘅粉底液都係好薄身，容易推開，建議先用化妝掃在面平均推開，再用粉撲拍實。粉底液光澤到自然，如果依款因為有藍珍珠粉末嘅元素係入邊，可以幫你折射皮膚令到皮膚睇落。佢嘅焦效果好靚，佢可以折射法令紋冇咁深，如果係嗰日要影相或者出夜街就好適合😚 依款粉底液比較起來相對適合返乾性皮膚，略嫌控油道不足。如果香港夏天戶外就好容易溶，建議室內先用，或者夜晚先用，佢嘅防曬度只係得SPF 15比較低。

xxkelly好用推薦：整體使用感受 。輕透貼膚零粉感，輕微水光效果 。比較挑妝打底狀況 。遮瑕度偏低，鼻翼泛紅或者暗瘡印都未必遮到，純粹均勻膚色，遮瑕需要另外疊加 。會照用晒但唔會回購質地 。乳霜狀態，推開十分絲滑，不黏立優點 。融膚度好高，唔會有厚重好似搽咗一層嘢嘅感覺 。有SPF 30 PA+++防曬度數，如果日常返工大部份時間留喺Office，唔使另外搽防曬都應該足夠 。適合打工仔平時返工趕時間，淨係想快速均勻膚色，同埋追求輕薄底妝嘅朋友使用 缺點 。一開始用嘅時候同我啲護膚品有少少打交，試咗轉用唔同質地護膚品後，發現如果當日護膚品係用偏滋潤，或者cream搽厚咗少少，就會少少起擦膠碎，或者有搽得唔均勻一噠噠嘅情況，好似以下唇邊同埋面頰位置 。所以平時偏向搽好滋潤護膚品打底嘅朋友要特別留意要用返偏清爽類型會同粉底霜夾啲

Miranda好用推薦：【質感】 首先講質地。佢係輕身嘅乳液狀，流動性極高，推開嗰下好順滑，好似搽緊保濕乳液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。呢個質感對於追求輕薄底妝嘅人嚟講，係好討好嘅。 佢嘅妝效係偏向自然光澤嗰種，用完之後塊面有一種好自然嘅透亮感，望落好似冇化妝但皮膚好咗咁。近距離照鏡都睇唔到粉粒，呢點係做得幾好嘅。 不過要留意嘅係，佢上面之後會有少少「黏笠感」。即係你摸塊面嘅時候，會feel到有少少黐手，唔係完全清爽嗰種。如果唔用碎粉定妝，呢種黏笠感會持續一段時間，甚至會黐到頭髮。所以我每次用都要上碎粉，變相多咗一個步驟。 味道方面，佢有陣淡淡嘅草本味，類似天然護膚品嗰種氣味，我覺得都幾舒服，唔會太濃。 【使用感】 呢個位係我最矛盾嘅地方。好嘅方面，佢嘅 「即時妝效」 真係好自然。用完之後膚色均勻咗，望落精神咗，但又完全唔覺得化咗妝。對於追求「偽素顏」嘅人嚟講，呢個效果係好理想嘅。 佢仲有SPF30 PA+++嘅防曬度數，日常用都算係一個Bonus，唔使額外再搽多層防曬。 但係，佢嘅 「遮瑕度」 真係好低。可以均勻到少少膚色，但泛紅、痘印、

Miranda好用推薦：【質感】 首先講質地。佢係偏杰身嘅粉霜狀，流動性唔算高，唧出嚟係一舊嘅，望落有啲厚身。但推開嗰下好順滑，延展性極高，一粒黃豆嘅份量已經夠搽全面。佢嘅質地有種好特別嘅 「絲滑感」 ，好似搽緊貴婦級嘅精華霜咁，完全唔會覺得「啜住」或者難推。 上面之後，佢會形成一層好靚嘅 「光澤膜」 。呢種光澤唔係油光嗰種，而係好似皮膚飲飽水嗰種自然透亮感。佢嘅質感係有少少「存在感」嘅，你會feel到塊面有層嘢，但呢種感覺又唔係厚重嗰種，而係好似有一層好薄嘅保護膜包住皮膚咁。 味道方面，佢有陣淡淡嘅草本精華味，應該係入面嘅蟲草成分嘅氣味。我覺得呢個味道幾舒服，唔會太濃烈，有種「護膚品」嘅感覺而唔係化妝品。 不過要留意嘅係，因為佢質地偏潤，如果本身係油性皮膚或者喺潮濕嘅夏天用，可能會覺得有啲「焗」。我試過喺30度嘅天氣用佢，兩個鐘之後已經覺得塊面「立立地」，要用紙巾印一印先舒服啲。 【使用感】 呢個位係我最滿意嘅部分。佢嘅 「滋潤度」 真係做得好好。我有時皮膚狀態差，乾到甩皮，用其他粉底會卡粉卡到一撻撻。但呢支粉底完全冇呢個問題，佢可以修飾到乾燥嘅皮膚，用完之後塊面望落好平滑，完全唔會見到乾紋或者甩

Yty好用推薦：Bobbi Brown蟲草防曬修護粉底液✨☀️ 講到邊兼具養膚、奶油光澤同高防曬力嘅粉底，呢支蟲草粉底液絕對係皇牌中嘅皇牌！ 用後感： 呢支粉底最驚喜嘅係佢高達 SPF 40 PA+++ 嘅防曬系數！喺精華粉底入面非常少見，上底妝嘅同時就做足高規格嘅日常防曬防護，阻隔紫外線，出門連額外塗防曬乳嘅時間都慳返，超級方便。 裡面注入咗冬蟲夏草同多種養膚精華，質地好似奢華精華液咁順滑好延展。上臉極之滋潤，成日落嚟都維持住水潤感，完全唔會乾澀、卡紋或者起死皮，暗沉問題亦大大改善。 塗開後呈現象牙般透亮嘅自然光澤，唔係油光，而係好似皮膚本來就好好嘅透亮「貴婦奶油肌」！修飾毛孔同細紋嘅效果極佳，令肌膚睇落飽滿又彈潤 遮瑕度屬於中等自然型，疊擦可以達到更好嘅修飾效果，但完全唔會顯得厚重或者假面。成日落嚟底妝都極之貼服，完美展現偽素顏嘅高級質感！ #防曬部門

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

林泳恩好用推薦：成份比較養膚的粉底，不用擔任用後會有暗瘡，但保濕知遮瑕效果未如理想，上妝幾小時後會開始浮粉，用作補妝粉底會更好

inkitsung好用推薦：回購又回購之一！ 呢個保濕度超高，真係勁養膚嘅一個cushion~ 但前提你要皮膚質素好好先用到佢~ 因為佢近乎0遮瑕力, 純粹幫你提亮膚色~ 望落皮膚更加好氣息👍👍

Fng好用推薦：KATE 零瑕肌密粉底液｜ 混合偏乾肌的香港春天濕戰攻略🌧️ 喺香港「回南天」嘅高濕度環境下，呢支粉底液反而變成混合偏乾肌嘅 「神隊友」——只要識得用，春天嘅潮濕反而解決咗冬天最頭痛嘅乾燥問題： 💧 春天質地大不同 當環境濕度超過80%，原本冬天覺得偏乾嘅質地， suddenly變得 「啱啱好」 。液態轉粉嘅過程因為空氣中嘅水分變得更加順滑，唔需要刻意加強保濕打底，已經可以做到貼服零卡粉。 🌧️ 回南天實測表現 ▸ 濕度90%早晨：薄上一層已經足夠，粉底同皮膚融合得自然，唔會因為潮濕而浮粉 ▸ 全日口罩測試：控油力喺春天剛剛好，唔會因為濕度高而溶妝，除低口罩依然完整 ▸ 下午補妝：即使T位輕微出油，用紙巾印走油光後妝容依然完好，唔需要補粉底 🎭 春天妝效進化 冬天用可能會覺得偏霧面，但春天嘅潮濕天氣反而令妝效變成 「絲絨微光」——有種天生好皮膚嘅通透感，又唔會油光滿面。呢支喺春天嘅表現比冬天更出色！ 💡 回南天使用秘笈 1. 簡化妝前保養：春天濕度高，妝前只需要輕薄保濕就夠，太滋潤反而會令粉底容易移位 2. 定妝技巧：因為本身已經係粉霧妝效，可以完全跳過蜜粉步驟，保留自然絲絨

Kala好用推薦： KATE零瑕肌密粉底液質地輕薄絲滑，延展性佳，塗抹後肌膚觸感柔滑，遮瑕力約7成，能有效修飾毛孔、痘印與輕微泛紅，打造自然透亮妝感。持妝力強，混油肌使用8小時仍清爽不暗沉，控油效果不錯，適合秋冬。乾肌建議搭配保濕打底，避免些許卡粉。色號選擇偏自然，貼合亞洲膚色，日常通勤妝容好選擇，性價比高，值得回購。

Bendict好用推薦：因為之前皮膚狀態唔太好 可能寫嘅心得唔準確 而家好返就修改返以前嘅心得同評價😹 植村秀粉底 有分霧面同光澤 兩者差別在於光澤形 係比較潤 霧面嗰一支 冬天乾燥有少少難上🫠 呢一支光澤形 係比較適合秋冬天氣用 植村秀嘅粉底 兩支粉體都做得好細👍 化完個裝亦都非常貼 乾燥天氣亦都唔會卡粉 我用嘅色號係674 有提亮效果 😺但個人覺得光澤版 雖然比較水潤 但遮瑕力唔夠霧面果支咁好 持妝能力都係唔夠😿 但如果皮膚唔係瑕疵皮 用呢支粉底應該唔錯👌

Sarah好用推薦：@cosme @cosmeHongKong 底妝心得：這是shu uemura 的王牌粉底產品，有霧面和亮澤兩款。由於香港天氣時常潮濕酷熱怕會油光滿面，所以選購了霧面。 不過失了預算，在冷氣房中工作時皮膚有乾燥感，用這個的時候下眼底明顯會有卡紋。不過遮瑕度算很高，有很好的提亮和修容作用。 我選的是574號色，比自己皮膚淺色了很多，可能用674會更自然（但就沒有了提亮作用了）粉底液質感比較適合冬天使用，推開後有點厚，可能是自己不適應。但只要用蜜粉定妝，面也幾乎也不會氧化變灰，算是妝效持久。小小一瓶應該可以用很久。

adadnileb好用推薦：試用程度：收到試用後用過四次，均以不同手法及上妝後去不同環境，惟實在太唔夾目前天氣最後打入冷宮。容器：●●○○○○○ 樣靚、墜手，擺喺檯面艷壓群芳，可惜中看不中用。 第一次開未用已經見到蓋底有圈粉跡，然後先見到佢個隔蓋係一個好薄似即棄嘅膠片，當中亦無空間放置附贈嘅膠挖棒，用嘅時候要另外再鋪紙巾放支挖棒，超不方便。 本身用罌裝衛生上已經構成較高風險，開口大概3-4cm大，粉底一次無需大量挖取時唔知點解要用罌包裝，霜狀未厚重到不能用Tube裝/泵裝吧？ 氣味及質地：●●●●●○○ 極淡的香味，雖然個人偏好無香料但因為實在極淡所以冇問題。 本身以為質地會似蛋白霜，實際摸上手覺得比較似軟化接近融化嘅牛油嘅乳霜狀，潤而不膩。 上臉後會有一層存在感，未至於焗皮膚。但可惜香港長期都濕熱，就算定咗妝心理上總會覺得唔夠清爽有種不安全感。 易推開但不易推勻，可能因為呢個texture點都會有個厚度喺到，變成有點考驗上妝技術。 成分：●●●○○○○ 試用說明提及加入咗13種日本產嘅美容提取物作長效保濕，睇番成分表的確有一堆對皮膚友善嘅成分。 可惜嘅係成分表當中見到凡士林同排得好前嘅桂皮酸鹽：凡士林應該係針對

Maggie Wong好用推薦：這款SUQQU的粉底液延展性高，質地輕盈，取小量用手指便能輕易推開！在自然日光下，本身面色帶點黃，且右邊面上有明顯暗瘡印。用手指把粉底液在面頰上推開，薄薄一層，面上的暗瘡印及色斑明顯減淡，遮瑕力不錯。而且在日光下面色明顯更加亮白均勻，帶點霧面但又自帶光澤感，而且鼻翼及旁邊原本的毛孔也變得不明顯，非常自然，適合日常上班/外出時快速上底妝上妝6小時後（在室內及夏天炎熱潮濕的戶外活動後）粉底液光澤感依然能保持，而且並沒沒有變得灰暗，也沒有出油溶妝，感覺良好！ #火熱新品

chewyfruit好用推薦：Hello！姊妹們～今次同大家開心share 呢個Media粉底霜 OC-B1 ！因為呢個「開架寶藏」 真係驚喜度爆燈，性價比高到令人想尖叫啊！💖 🌟 第一印象：開箱即心動！ 樽身小巧可愛，撳蓋設計好衛生。一打開見到係幼滑奶油霜狀，但係呢～ 一掂上手就知唔簡單！質地軟糯好似雪糕，用手指一推就化開，完全冇厚重感，超級貼心！❤️ 💧 上臉實測：水潤到喊！ 我係混合肌（T位油、面頰乾），用佢個日仲要係開緊冷氣嘅乾燥環境。點知一上臉——哇！好似飲飽水咁！ ✨ 光澤感：唔係油光，係從肌底透出嚟嘅自然光澤，好似皮膚本身好好狀態咁！ ✨ 遮瑕度：我面頰有少少泛紅同暗瘡印，薄薄一層已經遮到七七八八，毛孔即刻隱形，真係「偽素顏」神器！ ✨ 色號OC-B1：超級適合追求自然提亮嘅姊妹！唔會死白，係好乾淨嘅米調亮膚色，黃皮友好，出街冇人覺得你化咗厚粉，只會問：「你今日皮膚點解咁好？」😉 ⏰ 持久度測試：朝九晚九冇難度！ 朝早化好妝，冇用碎粉定妝（想試真佢實力）。 · 中午：T位少少出油，但反而變咗好靚嘅奶油肌，用紙巾輕輕印一印就恢復原狀。 · 夜晚：成個妝依然貼服，冇斑駁冇浮粉，只有鼻翼微微溶

Emily Leung好用推薦：Media粉嫩保濕礦物粉底霜測評 質地： 一打開係好似Cream狀雪糕咁嘅粉底，摸落去好軟糯、好creamy。用粉撲或者海綿輕輕印落去，會感覺到佢即時「融化」咗少少，變成好絲滑嘅粉體。質地屬於保濕型，推開個下有少少濕潤感，但唔會油膩或者痴立立。乾得好快，上臉後好快會變半啞光。 妝效： · 遮瑕度中等偏上：對於泛紅、暗瘡印、毛孔嘅遮蓋力幾好，一層已經可以遮到七七八八，屬於開架粉底中遮瑕力驚人嘅產品。痘印位可以疊加多一層。 · 妝感：自然嘅粉嫩柔焦感，唔係死啞光，帶有微微嘅自然光澤（似皮膚本身嘅光澤）。遠睇好似天生皮膚就咁平滑，有種「偽素顏」嘅感覺。因為係礦物粉底，粉感唔算重，但如果你皮膚狀態乾或者有皮屑，有機會卡皮。 · 持久度：中等。混合肌/油皮大概可以Keep到4-5個鐘，之後T位會開始出油，但出油後唔會斑駁得太難睇，用紙巾印走油光後妝面都仲算完整。乾皮用就比較適合，只要做好保濕，全日都唔會乾到裂。 · 氧化情況：有少少，建議揀色號嘅時候可以揀白半個至一個色號，等佢氧化後就啱啱好貼合膚色。 適合咩人？ · 混合肌至乾性肌膚（大油皮夏天用可能太快溶妝） · 追求自然遮瑕、唔喜

Fng好用推薦：我喺專門店買，色號係 yp10，偏黃， 遮瑕度好好，同埋 比較滋潤， 較適合冬天使用。

綺羅香好用推薦：以前用過好多粉底都爆痘， 後來聽講Covermark嘅漢方粉霜被譽為最適合痘痘過敏肌嘅粉底，所以一直都好想試，早前終於買咗啲試用 今次買嘅試用色號比較多，因為呢款漢方粉霜顏色調得比較特別，會特登分藍色調同黃色調，藍調對應冷皮，黃調對應暖皮，唔識分辨冷暖皮的話，就最好去門市搵sale幫手揀，又或者好似我咁買幾個覺得會合適嘅色號，逐隻試上面 自從學識睇成份表，自然都會查一查呢隻粉霜，成份非常簡單，包含最基本粉底成分、化學防曬、一啲抗炎抗氧成分，不含成膜劑，亦都無乜油分，好處就真係唔會焗啲痘，唔好就唔持妝好易甩 粉霜質感水潤，拍開好快乾，我用氣墊粉撲上，但係啲粉霜俾粉撲吸哂，要改用粉底掃上，再用美妝蛋拍瓷實，底妝透薄舒服，無負擔感，妝面有自然光澤，遮瑕度中低，但能夠柔焦毛孔，帶妝半日都無爆新痘，果然係痘敏粉底嘅祖師爺

TsuenMa好用推薦：🙏🏾論對粉底嘅要求、重視點 ✅持久度高、吾容易起斑駁/卡紋/浮粉 ✅產品輕薄唔厚重、易推 加分位✨ ✅有埋護膚成份，化妝同時護膚 Make up forever一向有好大眾化嘅選擇，Target客群由歐美白皮膚，到南美健康膚色都cover到。我呢款係R 208，一般亞洲黃皮膚都可以用得到。 ⚠️注意點： 👉🏾要分區逐步上妝，唔能夠上晒粉底喺面度再慢慢逐一拍開，因為佢乾嘅速度都好快，拍完左邊面、去返右邊面，就可能拍唔郁lu。 ⚠️輕遮瑕度 👉🏾佢遮瑕疵嘅能力唔算高，所以如果塊面多瑕疵嘅話，就未必做到好似品牌介紹嘅絲滑妝感。 ❤️油水平衡方面做得唔錯，上完面唔會覺得太笠，應該係混合性油肌/油肌嘅人都適合使用。 🫶🏾總括而言，第一支好唔錯嘅粉底液，效果同佢嘅價錢比較嘅話，可以話佢CP值都算高。

Sakura醬好用推薦：MUF熬夜粉底 化妝品真係人類最偉大發明之一 MAKE UP FOR EVER嘅Reboot 熬夜粉底真係一個超級無敵好用嘅粉底啊！ 雖然買返嚟嗰陣心入面有啲忐忑，因為好多人話好雞肋冇遮瑕力又浮粉又甩妝塗咗等於冇塗等等等等…BUT！呢個粉底真係拯救熬夜冇光疲倦肌嘅神器啊！ 我買嘅色號係Y218，話係適合黃白皮，但其實有少少偏粉調，不過上臉唔會發灰，南方冬天12～18度嘅乾燥天氣同濕凍氣候都頂得住，但估計夏天爆汗嘅時候就唔係好襟🤣 但而家嘅天氣就好啱，又薄又唔卡粉，遮瑕度唔算高，勝在佢嘅“reboot”重生喚醒嘅光感～帶妝全日都冇脫妝，真係好自然嘅妝感～

Poyobb好用推薦：鑽光粉底液樽身好有貴婦品牌嘅設計design。金色配深藍色，質地好grand。 質地好薄，延展性高，用粉底掃容易拖開。 我落一泵半粉底液用M.A.C平頭掃，拖出黎超薄，保濕度依然足夠。只用Cpb 啞光base打底，皮膚都唔會乾燥。 同網上流傳嘅一樣，妝感就如媽生皮膚，好似第二層皮膚一樣😍非常透薄，散發住底層自身光澤 冇乜遮瑕度，持久度一般。我（混合皮，少少痘印）用@cosme買既Chacott Matt 有顏色loose powder定妝先keep到4-5hrs。 如想keep返咁底妝透過質感，唔建議用有色loose powder，會令到個妝粗糙咗，曬咗咁靚既底妝。建議用返類似muf 較為輕身/透明loose powder，或者淨係噴setting spray😊 天生冇瑕疵既膚質，乾肌至中性肌啱用鑽光版。 夏天我會試埋啞光版。

Kelvin好用推薦：CPB鑽光透薄修護粉底液 其實我比較少用粉底液，平時搽有色防曬/底霜就會出街。依支係我少有肯keep住用嘅粉底液，因為用完皮膚好似BB肌🥚 我膚色偏白淨用的是010色。雖然佢叫鑽光粉底液，但我感覺係微光澤感。質地十分透薄，而且流動性強。我通常用1泵半至兩泵就已經可以搽晒全面。冬天嚟講，我的皮膚都比較乾燥，但保濕度都還好，另有SPF25 PA++中等防曬度😎 用咗大半支感覺無乜遮瑕力，臉上無瑕疵既人會岩用啲，真係好似第二層肌膚一樣。上完妝成個感覺都好完美，感覺係出咗成日街，個妝都冇乜點甩🤣

Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品

Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品

布吶吶好用推薦：今次同大家試吓呢支風超大嘅 Estee Lauder持久水凝亮澤修護粉底液，聽個名都知佢野心好大啦——又要持久、又要水凝、又要亮澤、又要修護！係咪真係咁神奇？等我話你知～ ✨ 第一印象：包裝高級，泵頭好評！ 支嘢拎上手幾有份量，玻璃瓶+金蓋，擺上妝枱都覺得自己好似貴婦。最正係有個泵頭！衛生又易控制份量，唔會一時失手倒到成手都係～加分！ 💦 質地：果然「水凝」無呃人！ 擠出嚟係流動性幾強嘅乳液狀，推開好似絲綢咁滑溜～一掂到皮膚就覺得「咦？幾水潤喎！」完全唔厚身，無嗰種「戴面具」嘅感覺。乾肌姊妹應該會鍾意！ 🧏‍♀️ 上妝效果：自帶「溫柔光環」 上完一層，個膚質即刻升levellll～ 唔係啞光，唔係油光，係種好自然嘅「皮膚自己透出嚟」嘅光澤感！好似飲飽水咁，睇落精神咗，但又唔會變「燈塔」～ 遮瑕度中等，淺色雀斑、暗沉可以修到七八成，如果嚴重瑕疵可能要加少少concealer。 ⏰ 持久度：朝九晚六無甩色？ 我朝早化好妝，無用primer、無set碎粉（專登測試！），到中午T位有少少出油，但唔係溶妝嗰種，反而變咗「奶油肌」feel～ 到下晝4點幾，光澤感依然keep到，只係鼻翼

tangym0704好用推薦：一直用開 Estee Lauder Futurist 持久水凝亮澤修護粉底 SPF20，質地水潤好推，1N1 色號啱晒我亞洲黃調肌，遮輕微紅腫暗沉都自然。秋冬冷乾天氣特別岩，保濕力 OK，香港上班潮濕環境都頂得住。 持久度嚟講，朝早化好妝，無 primer 無碎粉，中午 T 字位微油但變奶油肌 feel，下晝 4 點光澤仲有，鼻翼稍 小小卡粉，日常約會夠用。差唔多日日用都無敏感無痘痘，同埋卸妝後皮膚唔乾。 岩曬乾肌同混合肌用～

Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍

Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少

helloapap好用推薦：❌ 方便度 喺網上搜尋SOFINA呢盒粉底，會見到好多個碌碌既負評😂自己親身用過之後，的確係唔好用。個海綿碌碌既設計，令鼻翼兩側、嘴角、眼角呢啲細微位置好難精準上妝，通常我都用手指撩少少粉補角位。而且個碌根本掂唔到盒粉底既邊角位置。加埋本身啫喱狀好易痴墊，用一陣已經係肉眼可見既污糟。呢個設計真係好扣分。 ✨ 妝感 雖然上妝過程係幾伏，但係妝感自然貼服，柔焦毛孔嘅同時冇厚重粉感，睇落膚質健康又精緻，適合鍾意霧面妝既人。 ⏳ 持妝效果 Primavista系列最令我欣賞嘅，係佢嘅持妝能力。對我呢個混合肌嚟講，佢嘅控油能力幾好，T字位出油速度明顯慢咗，但兩頰又唔會因為咁而覺得繃緊或者乾。正常情況下，帶妝一整日只有鼻翼有輕微脫妝，成個妝容完整性好高，唔會暗沉或者斑駁。 特別要提嘅係，佢好適合轉季嘅時候用。喺天氣唔穩定、皮膚容易敏感或者乾癢嘅春秋兩季，佢既可以提供足夠保濕度避免乾紋出現，又可以有效控制因為溫度變化而失衡嘅油脂分泌，令個妝容喺轉季期間都可以保持穩定靚仔嘅狀態。

Kura好用推薦：呢款粉底液遮瑕度都算高，冬天好凍用都算滋潤，但價錢偏貴，顏色都算貼合我嘅膚色，唔會溶妝

Noel好用推薦：乾性肌膚的偽素顏好拍檔：YSL All in one 粉底❗由於不少歐美 YouTuber 都有推介過這一款粉底，而且大部份都屬於乾肌，加上YSL 亦大力宣傳粉底有多水潤 (MADE WITH 70% WATER AND HYDRATING AGENTS.)令我不自覺被燒到了🔥 個人入手的色號係 #B30 Almond，淺膚色帶 yellow undertone ，這個系列的色號名稱都較深色啊！B50 已經是 Honey 😂 產品包裝比較簡約，膠管泵裝，方便衞生；不過快要用完，剪開這個管，用手指取出 foundation 較麻煩。 產品係 cream狀，沒有流動性，就像 BB Cream 的質地。不過，這枝 All in one 推開很容易，具有超高的延展性👍塗到面上，感覺好滋潤同時又 lightweight，算係個人用過最舒服➕0負擔的粉底❣這枝帶有優雅的花香，好喜歡💕 使用時，不用特別留意防曬 / 妝前產品的配搭，方便❗乾肌而言，全年可用，冬天會尤其感到讚嘆！ 妝效方面，妝容非常自然，清透底妝 No.1❗光澤感亦高，對於喜歡奶油肌既朋友，可以一試。不過，產品只有很低遮瑕力，約3

Candy Ng好用推薦：係之前優惠包裝一齊買回來。 用完之後，覺得佢定妝效果一般，一早出街，過左幾小時之後，就要再補粉。佢long lasting 吾長🙈 佢有一樣野好，皮膚唔穩定，要上碎粉，可以用佢。而且，用完佢之後唔會泛紅。 適合敏感性皮膚使用。

jaye好用推薦：近年因為帶口罩而令到下巴位容易生痘痘，一直想試下用礦物粉底，見到時代廣場counter呢款有旅行裝可以買，就買黎一試，粉質好細滑，用掃打圈掃好快就完成底妝，薄透唔焗促，遮到毛孔，仲有防曬。痘痘問題有改善到，所以覺得幾好，唔傷肌膚又可以做到自然日常妝既底妝產品，敏感肌都可以一試！

wcm好用推薦： 自己冬天乾性夏天中至油性，但這支粉底液意外地好用！質地流動性高，延展性佳，手指亦能輕鬆推勻。妝感是自然微光的水潤肌，遮瑕度中等（泛紅可蓋7成，深痘印需疊加），但勝在完全不厚重，多次疊擦也不卡粉！ 搭配技巧上，單用對油肌持妝力稍弱，但「碎粉（我用Innisfree無油薄荷）+定妝噴霧（推薦NYX霧面款）」後，持妝度超級好！整體不斑駁，且出油後轉為奶油肌，暗沉不明顯（約半個色階）。 缺點是控油力普通，大油肌夏天可能需每3-4小時補壓碎粉，冬天就100 分！但以開架價位來說，性價比超高，適合追求自然妝感、不愛厚重粉底的混合肌～

Alicehui好用推薦：在屈臣氏買的揀錯了色號，揀了110號色，有啲太白了，因為之前買反孔特務藍色粉底液太乾，轉買了紫色這一款，在秋冬春用的確比較滋潤、易推開，但用一整天便會出現少少溶妝，要補多回些妝

Chloeincosme好用推薦：Rmk係乾肌愛牌（佢用佢一罐罐果款😍），只係以前唔識野以為易溶妝買油肌粉底實冇死😂所以就買左呢支唔太岩我呢種極乾肌既rmk gel cream 粉底霜🥲 質地呈gel cream狀，容易推開，上面後帶清爽感，即刻保濕做好，都一定要快手推開，否則會乾到一撻撻🥶😥～ 🤍 遮瑕力：4/ 5 臉上色斑用後遮到7-8 成，毛孔修飾得幾好！～ 🤍 貼服度：4.5/5 做好保濕的話上妝會貼服，同皮膚融合得好！ 🤍 控油持妝：4.5/5 控油力唔錯！清爽質地，我乾肌用好快有種皮膚拉扯感… 相信比較適合油性同混合肌😂 Tips: 建議分區上妝，逐少推開拍勻！～ 總結： 呢支粉底最尾比左油肌既細妹，佢大讚🤣相信呢支粉底係油肌同混合肌嘅好拍檔？ 記得乾肌要慎選！

JuneL好用推薦：這支粉底質地呈gel cream 狀,容易推開，而且塗上面後會帶清爽感，不會帶有油潤情況，所以上面後需快手推開後用粉撲拍勻，不然會乾掉，遮瑕效果不錯，我臉上色斑用後也遮掉了9成，效果不錯，粉戌貼服度不錯。 另外由於質地屬清爽方面，油性或混合肌會較合使用，用後不易出油，令妝容整天不易脫妝。