ESTEE LAUDER

持久水凝亮澤修護粉底SPF20/PA++

入手咗兩個色號1C0（冷調最白） 同 1N1（中性調一白），兩隻色都超貼亞洲膚色！1C0適合追求白皙透亮妝感嘅女生，而1N1就自然啲，黃白皮用都唔會灰。混搭使用仲可以調出更貼合膚色嘅效果，好貼心！ 呢支粉底質地水潤輕薄，推開似精華咁滑溜，上臉唔會卡粉或顯乾紋。妝效係好似皮膚本身咁好有透明感，完全冇粉感厚重嘅問題。夏天用都keep到水潤，開冷氣房都唔緊繃！ 唯一缺點係遮瑕力偏弱，適合皮膚底子好、追求偽素顏嘅人。如果係明顯痘印或黑眼圈，需要額外用遮瑕膏。不過輕薄同遮瑕難兩全，取捨之下我依然鍾意佢嘅貼服度！

呢排轉季，皮膚開始有啲乾，終於的起心肝試咗好多人讚嘅「沁水」粉底液！果然名不虛傳，保濕力好好。 質地好水潤，推開好似精華咁，上臉好貼薄，完全唔會厚重或者黐立立。個妝效係好自然嘅光澤肌，唔係油光滿面嗰隻，好似自己本身皮膚透光出嚟咁，好靚。遮瑕度就中等啦，淺色痘印同暗沉可以遮到七七八八，如果瑕疵多就要再加遮瑕膏。 最驚喜係佢咁水潤，但持久度都唔錯，我帶妝成日（有用碎粉定妝）都冇乜點暗沉或者斑駁，係鼻翼同嘴角少少甩，補一補就ok。整體嚟講，真心推薦俾乾肌同混合肌嘅姊妹，秋冬用真係啱晒！

水光肌愛好者先會明呢個粉底液嘅含金量… 乾性皮膚簡直就係換季嘅自動天氣預報，個天未凍，鼻翼已經開始卡粉。帶妝未到下晝，鼻翼同眼周就已經一條條粉痕，慘不忍睹！一踏入秋天就冇人可以躲得過！ 加上最近成日捱夜又冇乜點護膚，鼻翼同額頭瘋狂起皮，得番呢個粉底液嘅滋潤度可以一上臉就同皮膚融為一體。就算係痘印旁邊好乾、起緊皮嘅位置，都從來未試過卡粉，個質地好絲滑似奶油，一泵就夠搽全面，延展性真係冇得頂！ 上臉係種天生好皮膚嘅微光澤感，係我手頭上咁多支滋潤粉底裡面，唯一一支令我念念不忘嘅！完全唔會覺得倒抽乾你啲水分！又唔似得其他粉底，得番面頰有少少微光；水光妝效係內斂但令人過目不忘，眉骨、面頰、鼻頭、下巴都透住光潤感。每次用完，經過反光嘅地方都唔捨得走開！不斷欣賞自己個靚妝！ #換季#水光肌#水光妝效

(底妝部門) 產品心得 透薄有防曬 不用額外搽防曬 性價比高 值得推薦給大家使用

好啱冬天用嘅粉底，唔會卡粉，唔乾，而且唔易暗沉。但遮瑕力普通，唔太持久。

Estée Lauder 粉底液長效不脱妝，妝效自然有光澤，是會回購的粉底液。

這瓶粉底液自然輕薄, 是很漂亮的奶油肌, 適合皮膚瑕疵不多的人！也算保濕, 乾肌推介！！

臨近歲末 天氣寒冷乾燥 Estée Lauder呢款粉底液嘅配方令皮膚更水潤保濕 搽咗之後肌膚有光澤 自帶柔焦感 上面後吾會好厚重 推薦日常岀街翻工使用

保濕度OK，粉感唔重，好貼妝，小小暗沉，唔算好嚴重，不過過幾個鐘就會出油脫妝，持妝度麻麻地，不過整體覺得OK

本人是敏感肌 用完一日卸妝後發現幾乎全臉都敏感 長滿一點點紅色的粒粒 帶妝一整天夜晚會有點溶妝和浮粉的情況 而且上妝時有點難推開 遮瑕度亦算低 唯一優點就是算滋潤 整體不推介

有奶油肌效果，但控油持妝一般，我本身肌膚混合偏油冬天會較乾，只適合冬天使用

對於中性及混合偏乾肌能帶來紮實保濕感的一款粉底，只是其遮瑕效果屬普通，但毛孔修飾OK！膚況本來不錯的人用上瞬間來個大提升。妝感帶微微像絲緞光感，持久度可維持大半天完美不掉不融，我稱它為神奇粉底😅

不錯， 適合秋冬使用，比double wear保濕， 唔會太浮粉，但係而家帶口罩都係用double wear比較 持久

本人係極乾混合肌，冬天用左保濕妝前再用呢隻粉底都係會有卡粉少少甩皮，可能粉質偏厚？我宜家改用Media就無事了～應該唔會回購了～

ESTEE LAUDER Futurist Aqua Brilliance Make up 持久水凝亮澤修護粉底  保濕度高, 使用感水潤舒適, 延展性佳, 中度調色功能。 可以遮蓋臉上的泛紅部分, 妝效自然。 特別適合在秋冬季或是注意保濕人士使用 。 如需長時間進口户外活動, 需用防曬功