找產品
不脫妝粉底 推薦好用產品
37 件
Miranda好用推薦：【質感】 首先講質地。佢係輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算用手上妝，都一樣可以推得好均勻，完全冇粉痕。 佢嘅妝效係偏向自然光澤嘅，用完之後塊面有一種好靚嘅 「絲緞光澤」 ，唔係油光嗰種，而係好似皮膚本身好健康咁透出嚟嘅光。近距離照鏡都睇唔到粉粒，好似第二層皮膚咁自然。呢種光澤感就算上咗碎粉都仲keep到，唔會俾碎粉完全蓋住。 佢嘅質地仲有一個好處，就係 「唔會乾」 。我兩頰有時會乾，用其他粉底嗰陣，上妝一陣就會見到乾紋浮出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。 【使用感】 呢個位係我最滿意嘅部分。佢嘅 「光澤感」 真係好出色，但又唔會誇張到好似油光滿面。用完之後塊面有一種好自然嘅透亮感，望落精神好多，但又唔會覺得化咗好厚妝。 佢嘅 「遮瑕度」 屬於中度，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔係追求完美無瑕妝感嘅人，所以呢個遮瑕度對我嚟講啱啱好。如果當日有明顯嘅暗瘡
<看全文>Poyobb好用推薦：之前有一段時間好鍾意用Armani嘅粉底液，Power fabric fro同designer lift都有用過。手上呢款藍色係designer lift大師粉底液。#3黃皮偏白啱用，用完全日都冇咩暗沉。 佢嘅粉底液都係好薄身，容易推開，建議先用化妝掃在面平均推開，再用粉撲拍實。粉底液光澤到自然，如果依款因為有藍珍珠粉末嘅元素係入邊，可以幫你折射皮膚令到皮膚睇落。佢嘅焦效果好靚，佢可以折射法令紋冇咁深，如果係嗰日要影相或者出夜街就好適合😚 依款粉底液比較起來相對適合返乾性皮膚，略嫌控油道不足。如果香港夏天戶外就好容易溶，建議室內先用，或者夜晚先用，佢嘅防曬度只係得SPF 15比較低。
<看全文>
Miranda好用推薦：【質感】 首先講質地。佢係普通泵裝設計，唧出嚟係偏流質嘅乳液狀，流動性算高，推開嗰下都算順滑。上面之後初初係有水潤感嘅，但等一陣之後會慢慢收乾，變成一種霧面嘅質感。佢嘅妝效係偏向啞光嘅，用完之後塊面望落係乾爽嘅，但同時亦都顯得有啲平，欠缺光澤感。 我覺得佢嘅 「粉質唔算細」 。化完妝之後近距離照鏡，會見到粉底嘅微粒，唔係好貼皮膚嗰種。尤其係鼻翼同眉心呢啲毛孔粗大嘅位置，會見到粉底塞咗喺毛孔入面，變成一粒粒白點，望落好唔自然。 味道方面，佢有陣化學味，唔算好濃烈，但每次唧出嚟都會聞到，對於對氣味有要求嘅人嚟講，呢個可能係一個扣分位。 【使用感】 呢個位係我最失望嘅地方。佢個名叫做「AIRBRUSH」，我本來期望佢可以做到噴槍嗰種細緻無瑕嘅效果，但實際上，佢嘅妝效同普通開架粉底分別唔大。佢嘅 「遮瑕度」 只係中等偏低，可以均勻到膚色同修飾到輕微泛紅，但黑眼圈、痘印同毛孔就遮唔到。如果要遮瑕，一定要額外用遮瑕膏。 佢嘅 「延展性」 都只係一般。雖然佢推開嗰下係順滑嘅，但上面之後如果手腳慢少少，佢已經開始乾，之後再推就會有擦膠碎。所以我每次用都要快手快腳，逐少逐少咁上，唔可以一次過唧
<看全文>Yty好用推薦：Charlotte Tilbury 無瑕光采持妝粉底液Airbrush Flawless Foundation 1 Neutral 試用裝 用後感： 遮瑕力極之驚人！基本上只需要極少嘅份量，就可以輕鬆遮蓋住面上嘅泛紅、瑕疵同斑點，甚至連粗大毛孔都好似被濾鏡磨皮咁撫平晒，呈現出超級俐落高級嘅全霧面陶瓷肌 1 Neutral 係非常乾淨嘅最白中性調！完全唔會偏黃或者偏粉，擦上臉係好自然、高貴嘅白皙膚色，修飾暗沉嘅效果極佳，好適合追求乾淨白皙妝感嘅朋友 質地偏向濃郁嘅乳霜狀，遮瑕度同色素濃度極高，試用裝細細包用圖二份量一半就已經足夠塗滿全臉 乾透成膜之後嘅持妝力極強，耐汗耐油效果非常好。一整日落嚟基本上唔太需要頻繁補妝，底妝依然牢牢貼喺面上，非常適合重要場合或者需要長時間完美底妝嘅日子。 #粉底部門
<看全文>
Candy Mak好用推薦：最近溫度同濕度都漸漸上升，意味著冬去春來，今日就同大家分享適合春夏用嘅Bobbi Brown 無重輕霧粉底液 Weightless Skin Foundation 用後感。 1️⃣首先講講品牌方對產品的優點描述： - 含三重保濕複合物，有助提高肌膚的水分含量，長時間保持水潤保濕。具備防水防汗配方，帶來不卡粉浮粉、不易脫妝和隱形毛孔的上妝效果。 - 粉底採用獨特的高速冷凍技術，讓粉底液保持猶如空氣般的無重質感和極佳親膚性，薄薄一層就可打造精緻輕霧妝容；即使疊加修飾瑕疵，底妝也不會感到厚重或有面具感，打造出無負擔的長效霧面妝感！ 2️⃣再同大家分享本人用後感 (油肌，毛孔粗大，冇補妝習慣)粉底液用上磨砂玻璃配上圓柱瓶身設計及有金邊嘅蓋，有大牌高級感；粉底液呈偏水狀，可見其質地透薄。跟著就跟大家分享上面嘅before & after；我只薄薄上了一層+有泛紅瑕疵位局部上多一層而已。 你會見到毛孔有被修飾、泛紅同痘印都遮蓋了不少；呈自然啞緻妝感，清爽不黏膩。跟著再分享10小時後完全冇補妝嘅情況，感覺粉底變咗透明🤣泛紅已經重現，而且膚質亦粗糙乾乾的，但毛孔雖然有少少白芝麻出現，但仍然有修飾度。
<看全文>Emily Leung好用推薦：Bobbibrown無重輕霧粉底液，打造零粉感原生好皮！ Bobbibrown家的新品粉底液真的讓我狂喜！！太適合油皮了！新品主打一個輕透無粉感的妝效，裸感舒適的同時遮瑕力也足夠，打造一種原生皮膚的自然光澤感！ 👍質地：流動性很好，很水潤，上臉很容易推開！！ 👍妝效：上臉的妝效是那種清透霧光奶油肌，完全沒有厚重的粉感！！ 👍持妝效果：一整天帶妝下來，都沒有斑駁浮粉脫妝!!油皮快衝！！
<看全文>
Kitty 好用推薦：呢款粉底質地好輕盈，流動性高易推開，上臉之後係霧面妝效，但完全唔會覺得乾。遮瑕度屬中高水平，薄薄一層已經可以遮到7成左右嘅泛紅同暗瘡印，毛孔都修飾得幾好，妝感自然唔厚重，唔會有面具感！最驚喜係佢嘅持妝能力！朝早8點化完妝，到夜晚10點都Keep到七八成，鼻翼位冇乜點浮粉。出油之後仲有少少奶油肌效果，佢仲防水防汗防沾染，真係幾適合香港潮濕天氣💦。不過都要提一提，佢乾嘅速度都幾快，上妝要快少少；同埋乾性皮膚建議妝前保濕要做足。呢個開架價錢嚟講，性價比超高，絕對值得一試！🤩
<看全文>Hellobeauty 好用推薦：小資女恩物,性價比高粉底液,我會推介Super Stay 超持久30H空氣感粉底液 賣點： 實力持妝 空氣感輕盈 防水防汗 不沾染 我就上述賣點,分享一下我用後感： 實力持妝方面-佢發揮呢方面確係出色,我喺戶外超過十小時,都沒有脫妝嘅情況,唔需要頻密補妝,絕對襟用 空氣感輕盈方面-質地輕薄已易推,順滑,完全唔會喺擦子膠粒粒的狀態,貼面舒服,最重要係遮瑕力方面都非常出色,明顯青筋都可以遮蓋,絕對係我大愛,有相為証😂 防水防汗方面-大部份同類產品係呢方面都非常出色,所以我就呢方面沒有太大感覺,只是唔須要就呢方面扣分 不沾染方面-對係我最愛的賣點,方便日常須帶口罩的我 温馨提示:卸妝過程要做足,本人覺得要花多少少時間去撤底卸妝😌
<看全文>
Bendict好用推薦：因為之前皮膚狀態唔太好 可能寫嘅心得唔準確 而家好返就修改返以前嘅心得同評價😹 植村秀粉底 有分霧面同光澤 兩者差別在於光澤形 係比較潤 霧面嗰一支 冬天乾燥有少少難上🫠 呢一支光澤形 係比較適合秋冬天氣用 植村秀嘅粉底 兩支粉體都做得好細👍 化完個裝亦都非常貼 乾燥天氣亦都唔會卡粉 我用嘅色號係674 有提亮效果 😺但個人覺得光澤版 雖然比較水潤 但遮瑕力唔夠霧面果支咁好 持妝能力都係唔夠😿 但如果皮膚唔係瑕疵皮 用呢支粉底應該唔錯👌
<看全文>Sarah好用推薦：@cosme @cosmeHongKong 底妝心得：這是shu uemura 的王牌粉底產品，有霧面和亮澤兩款。由於香港天氣時常潮濕酷熱怕會油光滿面，所以選購了霧面。 不過失了預算，在冷氣房中工作時皮膚有乾燥感，用這個的時候下眼底明顯會有卡紋。不過遮瑕度算很高，有很好的提亮和修容作用。 我選的是574號色，比自己皮膚淺色了很多，可能用674會更自然（但就沒有了提亮作用了）粉底液質感比較適合冬天使用，推開後有點厚，可能是自己不適應。但只要用蜜粉定妝，面也幾乎也不會氧化變灰，算是妝效持久。小小一瓶應該可以用很久。
<看全文>
Karman28好用推薦：我本身皮膚係混合偏油，但最近突然敏感，結果有部份位置又偏油有部份又偏乾，所以本身既控油foundation唔岩用，而Decorte 呢隻foundation又幾岩我依家呢個皮膚狀態使用。 呢隻粉底可以用手指推開，亦可以用手上面後用濕粉撲印開。我覺得淨用手指上會厚d遮暇高d,濕粉撲始終會吸走部份粉，遮暇會低d，但好透薄。 呢種粉底整體遮暇我覺得係中等，但比起一般既日系應該算係高，佢遮暇得黎又不失日系果種清透既感覺，整體黎講好薄，好貼膚。 上妝過左十二個鐘番屋企，我唔覺得佢有特別暗沉，最多都只係暗半度，比起之前用過既控油粉底係幾出色。 控油能力我覺得佢係中等，唔算高，如果出油真係好勁既人可能用呢種粉底都要d勁d 既定妝輔助。 我T字位油肌分泌係較多，一般天熱+日常番工係office，佢都無特別脫妝，放工時既狀態都ok。但如果天氣熱，又多戶外既活動，始終我出油多，佢都係會甩，但我surprise既係佢唔會甩到一撻撻，只係出油既位好似未上妝前有d膚色不均的。 呢個係出左街大半日既before & after 對比，係完全無補過妝既情況下，唔係甩得好勁。 #火熱新品
<看全文>Poyobb好用推薦：Decorte zen stay 粉底液都係有分cool、natural 、warm，我色號係N16。平時一直都係用開Natural tone ，啱啱先出嚟嘅時候睇落去有少少偏紅，有啲擔心會暗沉，不過搽咗上面之後就冇問題，而且同我嘅膚色自然融合，呈現出微奶油光澤感。佢遮瑕能力也令人滿意，感覺上似CPB的柔霧粉底液，非常之貼服。 上年出既zen wear同呢款新版嘅zen stay 質地都差唔多。新版主打根據溫度同濕度自動調節妝效既智慧功能，有機會更加控油。暫時而家嘅天氣都冇乜太大甩妝。遲啲再熱啲就要再試吓。 素顏⬇️ 粉底液後⬇️ #火熱新品
<看全文>
Fng好用推薦： MAKE UP FOR EVER HD SKIN 高清隱形持妝粉底 ✨ 特色 · 24小時持久不暗沉：官方聲稱防水、抗汗、不沾口罩，加入咗「原色持妝成膜技術」延緩氧化暗沉，好適合香港又熱又濕嘅夏天。 · 輕薄半霧面妝效：主打「微肌貼膚網絡」技術，跟住面部表情保持彈性，做到不顯紋、不卡粉。 · 智慧油水平衡：專門為中性、混合性同油性肌膚而設，做到「潤而不黏、霧而不乾」。 · 中高遮瑕力，可疊加：遮瑕度大約5-7成，但可以局部疊加唔會變厚重，修飾毛孔同泛紅表現唔錯。 💬 評價 · 妝效自然貼服，天生好皮膚嘅感覺 · 持妝力強，喺悶熱天氣下帶妝6-8小時，出油後妝容依然完整，形成「奶油肌」光澤 · 質地水潤有流動性，好推開，用手指或美妝蛋上都容易處理 注意點： · 需要技巧：粉底液乾得比較快，上臉後要快手推勻，否則會卡毛孔出現「白芝麻」。建議分區上妝，先上半邊臉推開再處理另一邊。 · 遮瑕度中等：如果追求高遮瑕，呢款可能要疊加兩層，或者配合專用遮瑕膏。 📌 總結 呢款粉底液係一款控油、持久、輕薄貼膚嘅半霧面粉底，特別適合混合肌同油肌喺香港夏天用。如果你鍾意自然透薄、有原生好皮
<看全文>Tobimak好用推薦：我覺得MAKE UP FOR EVER 的 HD SKIN 高清隱形持妝粉底質地輕盈，推開之後好貼服，遮瑕度剛剛好，不會覺得厚重。最重要係夏日天氣再熱，妝容都依然持久穩定，出汗都唔容易脫妝。用完皮膚感覺清爽透氣，妝效自然，仲有微微光澤感，令膚質睇落更好。已經用到第二瓶，真心推薦俾朋友，夏日必備粉底之一！
<看全文>
布吶吶好用推薦：今次同大家試吓呢支風超大嘅 Estee Lauder持久水凝亮澤修護粉底液，聽個名都知佢野心好大啦——又要持久、又要水凝、又要亮澤、又要修護！係咪真係咁神奇？等我話你知～ ✨ 第一印象：包裝高級，泵頭好評！ 支嘢拎上手幾有份量，玻璃瓶+金蓋，擺上妝枱都覺得自己好似貴婦。最正係有個泵頭！衛生又易控制份量，唔會一時失手倒到成手都係～加分！ 💦 質地：果然「水凝」無呃人！ 擠出嚟係流動性幾強嘅乳液狀，推開好似絲綢咁滑溜～一掂到皮膚就覺得「咦？幾水潤喎！」完全唔厚身，無嗰種「戴面具」嘅感覺。乾肌姊妹應該會鍾意！ 🧏♀️ 上妝效果：自帶「溫柔光環」 上完一層，個膚質即刻升levellll～ 唔係啞光，唔係油光，係種好自然嘅「皮膚自己透出嚟」嘅光澤感！好似飲飽水咁，睇落精神咗，但又唔會變「燈塔」～ 遮瑕度中等，淺色雀斑、暗沉可以修到七八成，如果嚴重瑕疵可能要加少少concealer。 ⏰ 持久度：朝九晚六無甩色？ 我朝早化好妝，無用primer、無set碎粉（專登測試！），到中午T位有少少出油，但唔係溶妝嗰種，反而變咗「奶油肌」feel～ 到下晝4點幾，光澤感依然keep到，只係鼻翼
<看全文>tangym0704好用推薦：一直用開 Estee Lauder Futurist 持久水凝亮澤修護粉底 SPF20，質地水潤好推，1N1 色號啱晒我亞洲黃調肌，遮輕微紅腫暗沉都自然。秋冬冷乾天氣特別岩，保濕力 OK，香港上班潮濕環境都頂得住。 持久度嚟講，朝早化好妝，無 primer 無碎粉，中午 T 字位微油但變奶油肌 feel，下晝 4 點光澤仲有，鼻翼稍 小小卡粉，日常約會夠用。差唔多日日用都無敏感無痘痘，同埋卸妝後皮膚唔乾。 岩曬乾肌同混合肌用～
<看全文>
Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍
<看全文>Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少
<看全文>
Poyobb好用推薦：Dw持久無瑕霧光氣墊粉底 2c0 （Estee Lauder 白金系列都係用2c0) 附有一個替換裝及一個氣墊粉撲 點解會買？💕 一直都知道DW既粉底液出名持妝，試過上面太乾， 更新過唔同版本亦無太大分別，因此卻步。但新出既持久無瑕霧光氣墊粉底明顯保濕度大大提升，因為買黎試 使用感💕 本人混乾肌，少少痘印，黃一白 岩岩開始1月既日子，香港天氣得十二、三度，妝感明顯，感覺浮粉😅 放咗個幾月大概4，5月既日子，再用時温度上升返二十幾、三十度，今次用保濕型base打底就更適合了。我逐少逐少上面用氣墊粉撲上面，霧面得黎帶點微光，妝感係幾靚，而且無再浮粉了。另外大半日都keep到，持妝幾好，而且無斑駁。 效果💕 遮瑕度中上，大部分紅印暗啞都遮到。 六小時後，個人問題主要都係暗瘡印死皮只係少少浮出嚟，但可接受，全個妝容大致上無點甩👍🏻 乾燥天氣唔洗上碎粉，cushion 持妝力都夠，唔用碎粉膚質更靚。 建議💕 如果真係怕溶妝/全日戶外活動，建議係base後， 氣墊粉底前噴一噴setting spray，全個妝last得更耐。但如果全日係冷氣室內無咁既需要。 另外屬於霧面快乾型氣墊粉底，
<看全文>Tszki好用推薦：Estée Lauder 粉持久無瑕霧光氣墊粉底 SPF 45/PA+++ (Double Wear Soft Glow Matte Cushion Makeup) 提供立體、柔焦的霧光妝感，輕透且不顯厚重。具備 24 小時持妝效果，抗汗防水，適合油性及混合性肌膚，尤其在濕熱天氣表現良好。提供 SPF 45/PA+++ 高效防曬，並添加玻尿酸和甘油等成分，提供 12 小時保濕效果。妝力佳、遮瑕度中高，但長時間佩戴口罩後可能出現浮粉現象。
<看全文>
rac好用推薦：我選了偏粉紅色Yukon。會較白。塗上面有小小偏粉紅。因為我面色偏青。上面後會變得好氣色。質地：乳液但偏水。我用手上面 再快速推開 再用粉撲印。因為佢較易乾。所以上面後動作要快啲。否則會有一撻撻。 上面及遮瑕度：能遮到大約8乘的瑕疵。連毛孔也能填補。就像有一層薄薄的紗在面上。但不假也不是面具感。在這方面很驚喜。下圖一有小小瑕疵 下圖二是使用後完全遮晒持久度：早上7點上妝 到下午3點未見溶妝。口罩也未見粉漬。最近天氣潮濕 只在額頭上有微油。用紙巾印走便可。甚至乎不用補妝。 結總：驚喜 絕對會回購 唯一不好係樽口位好易流出 要小心打開
<看全文>Wkk好用推薦：顏色我認為比較偏粉，適合皮膚較油的人使用，比較適合夏天使用，持久度一般
<看全文>
auntiemuscle好用推薦：一值對氣墊印象都普通 曾經用過唔係好夾自己 其實我係較深膚色 初初想買medium deep 咁岩冇貨 膽粗粗買左medium 自己 用底妝 主要遮面色不均 暗沈 同少少斑 我主要係拍響面中間 都係同一般氣墊一樣包裝 但佢個蓋打開有個位比你捽返均個扑！覺得呢個設計好好 因為之前用氣墊唔好既經驗就係一拎粉就堆積晒響個扑既面 一拍就第一下太多 佢個粉體係比較乾 唔係好水 用粉扑拎粉唔會拎太多 除非好大力壓落去拎粉 我拎兩次粉都夠晒成面中間 都好夠遮霞度 次次想要妝感 趕急出門都會用呢個氣墊 同埋其實我係混合 夏天會出油 佢唔會積粉線 然黎我只係拍少少碎粉響中點會出油位置 出黎個妝感係有啲水光值絕對唔係油光 持妝度比預期好！本身對韓國既底妝冇期望 始終地方一定冇香港咁焗 有時戶外工作出入 佢都仲響度 係有少少溶但唔係一撻撻 只係印一印油就ok果種 同埋佢唔焗！ 我都用左一排 覺得佢個重點用法就係 唔好一下拍太多上面 要細細力咁印 一層唔夠先再慢慢疊多一陣 同埋要等佢set一陣先上powder 我試過一野拎勁多氣墊勁濕 一野拍上去 遮瑕度係好左 但鼻翼啲位會嘔嘔地粉 一定要 續少續
<看全文>Chloeincosme好用推薦：🤍 持久度：5/5！Jung Saem Mool呢款Longwear Cushion真係打破咗我對韓式氣墊嘅印象～以前用開嘅氣墊多半朝早上妝，中午就開始溶到一撻撻，但呢個竟然可以撐到成日都唔點脫妝！T位少少出油後反而更貼服，越夜越美麗～ 🤍 妝感：4.5/5！真心神奇～咁持久嘅同時，竟然做到自然光澤奶油肌效果！唔會厚粉或假面，睇落好似本身就係媽生好皮，透出嚟嘅光澤感非常高級✨ 🤍 遮瑕力：4/5！遮瑕度中上，普通毛孔、泛紅同暗沉都可以遮到八成以上，痘印可能要多撲一層，但整體都算輕薄唔厚重～ 🤍 保濕貼服：4/5！雖然係長效型，但佢唔會抽乾皮膚水分，乾肌用都唔會繃緊或龜裂～拍上臉之後好貼服，好似同皮膚融合咗一樣～ 總結： 如果你同我一樣，對韓式氣墊又愛又恨（愛佢光澤感但恨佢易溶妝），咁Jung Saem Mool呢塊Longwear Cushion絕對會令你改觀！佢完美結合咗持久同奶油肌妝效，遮瑕力亦交到功課，雖然韓國彩妝黎講價錢偏高少少，但效果絕對對得住個價～ #轉季 #換季
<看全文>
Kitty 好用推薦：呢支粉底液持妝度高，推開嗰陣好順滑，唔會話一上臉就乾涸。用濕粉撲薄薄咁拍開，即時係柔焦霧面妝感，唔會死實實一塊面，反而似天生皮膚好嗰種絲絨質地。如果係乾肌朋友，建議妝前保濕做足，或者混一滴精華，咁就唔怕卡粉。 遮瑕度： 佢嘅遮瑕度屬於中高階，黑眼圈同泛紅大致上遮到七八成，如果好深嘅痘印就要另外用遮瑕膏。最鍾意佢堆疊上妝唔會厚粉，局部再加多層都依然透薄，呢點好加分。 控油同持久度： 朝早八點化完妝，到中午T區開始微微出油，但唔會浮粉或溶到一撻撻，紙巾輕輕印走油光，妝容依然完整。到夜晚放工，面頰keep住貼服，鼻翼兩側冇白頭點，整體算係越夜靚。對於混合肌嚟講，春夏用啱啱好，大油皮就可能要中途補多一次碎粉。 色號選擇： Lancome色號算幾多選擇，建議大家去專櫃試清楚，或者拎sample返屋企試足全日，咁最穩陣。 總結： 呢款粉底對於追求自然啞光、唔想妝感太重嘅朋友，真係值得一試。持妝力對混合肌來講合格有餘，暗沉問題唔嚴重，全日妝容都keep到白淨。整體嚟講，會回購！
<看全文>Water好用推薦：混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！
<看全文>
Kriskirs09好用推薦：Nars 自然亮采持久粉底液 當時係專門店想買粉底液 店員就sell咗我呢一支 佢幫我即時試咗上面覺得效果唔錯 佢唧出嚟嘅質地比較cakey 化妝嘅時候都比較快乾 推開嘅時候已經感覺到好黏稠喺手上面試嘅效果都會感覺到比較乾 的確呢一隻粉底液係比較適合油性皮膚 以下係我嘅上面圖：（上妝時間比較耐）買完返屋企發現自己上粉底嘅時候 好！難！用！🤢 一開始我係用cushion上妝（打濕咗 發現上得唔均勻仲有啲一嚿嚿嘅感覺 試咗幾次之後發現用乾粉撲上面會好啲 或者直接用手指上😵 小妹用後感 覺得佢嘅遮瑕力都算唔錯 平時用一層都已經應付到日常瑕疵 如果追求完美無瑕嘅底妝就要再加遮瑕膏 佢都屬於越夜會越靚嘅粉底液 皮膚出咗油之後同佢融合咗會比較自然 早上化完即時嘅感覺算幾厚粉 佢喺面上面都真係太有存在感 另外鼻翼都有少少積粉 後來我借咗俾另一個朋友試用 佢係屬於乾肌 以下係佢嘅上面圖：佢有啲暗瘡印嘅位置係直接有甩皮嘅情況 但係佢都認同遮瑕力係幾高🤔 總結而言 小妹都唔係專業化妝師 所以上面嘅效果都有機會因人而異 我就覺得有啲難用
<看全文>Fng好用推薦：NARS natural radiant long wear foundation， 妝感係少少光澤，同埋粉底液流動性唔強，比較厚身， 要分開局部上臉，如果唔係乾咗好難推得均勻， 遮瑕力中上，但係夏天用，感覺皮膚比較焗一點，如果係乾肌使用，去到夜晚會現乾紋。
<看全文>
Emma W好用推薦：Revlon 持久無瑕水印潤粉底液能夠長時間保持妝容，不易脫妝。這款粉底液的質地輕盈，容易推開，讓肌膚感覺舒適，並不會有厚重感。最重要的是，對於想要遮蓋瑕疵或膚色不均的人來說，這款粉底液提供了良好的遮瑕效果，能夠遮蓋小瑕疵。塗抹後，更加光滑和有光澤，又不會起粒粒。一段時間段後，不易浮粉，係減少補妝的粉底液之一。 價錢方面，相較其他高端產品，依個較親民，似一個不錯的選擇。 適合肌膚：任何 成效度：4/5 保濕度：3.5/5 貼合度：4/5 質地：cream狀
<看全文>Mo Wong好用推薦：呢款粉底遮瑕度唔錯，可以遮到我面上D斑7成左右，我係上薄薄地一層，用黎化霧面妝幾啱。佢都易推開，我係乾肌上面唔會太乾，而且佢keep到幾長時間唔甩妝，所以幾滿意。
<看全文>
Bendict好用推薦：我十幾年前開始用MAC 嘅產品 當時mac嘅色號 男仔好難揀得啱 因為當時mac嘅產品顏色對於亞洲人嚟講一般偏黃 到呢兩年再重新試用mac 粉底嘅色號改善咗好多 色號我用NC25 粉底遮瑕能力高 但粉體細緻度一般 修飾毛孔效果高 但始終有一個問題 就係texture偏乾 我用170s 粉底刷上妝 推得比較薄 但因為男士嘅色號選擇仍然比較少 上咗妝終仍然覺得有少少偏黃😿 試過NC20 顏色太過白😅 如果用其他方法上妝 處理得唔好好容易會有面具感 持妝能力高 夏天用持妝可以超過八個鐘 但男士如果買要試清楚色號👍 下圖： 上邊為 植村秀unlimited 674 下邊為 MAC Studio Fix NC25
<看全文>Kitty 好用推薦：呢款霧鏡粉底我真心覺得係混合肌嘅恩物。 質地方面，流動性好高，輕輕一推就勻，唔會話好快乾住。妝感係自然柔霧，唔係死白嗰種，似天生好皮膚再打咗層柔光咁。遮瑕度中上，暗瘡印大概遮到七成，疊多層都唔會厚粉。 控油持妝最驚喜——而家呢個天氣，朝早化妝到傍晚，T字位只係微微出油，用紙巾印一印就還原，完全唔會斑駁溶妝。最緊要係唔氧化，收工個妝仲同朝早一樣色。 不過乾肌朋友要留意，妝前保濕要做足，否則鼻翼可能會有少少乾紋。我自己混合肌，用濕美妝蛋上妝就啱啱好。 包裝係泵頭設計，好衛生，一泵就夠全面。價錢三百幾，以專櫃粉底嚟講性價比好高。總括嚟講，追求全日清爽又自然柔霧妝感嘅，呢支值得入手！
<看全文>
peg好用推薦：佢嘅質地好滑、好易推開，上臉之後嗰種仿真肌妝感真係好勁，完全唔會覺得厚粉或者好似戴咗面具咁。最驚艷嘅係佢嘅遮瑕力係可以堆疊嘅，薄薄上一層可以均勻膚色，喺瑕疵位再印多層就可以遮到七七八八，但依然保持到嗰種自然嘅光澤。 講到持妝力，佢表現真係好穩陣。佢主打防水、防汗、不沾染，就算夏天出汗或者長時間戴口罩，個妝都仲係好貼服，唔會話溶到一撻撻。佢出咗少少油之後，會變咗做一種好靚嘅奶油肌，越夜越靚，而且最緊要係佢唔會點暗沉變黃，全日個面色都keep得好好。 佢粉質好細膩，所以就算係鼻翼位或者有少少乾嘅地方，都唔會點卡粉或者顯紋。雖然佢係霧面妝效，但入面有保濕成份，所以上臉唔會覺得乾爭爭。 整體嚟講，呢款粉底喺遮瑕、自然度同持久度之間攞到一個好好嘅平衡，無論係平時返工定係要去特別場合，佢都係一個好靠得住嘅選擇。
<看全文>KelsiK好用推薦：買到過很多不同的氣墊粉底, 近期冬季能用得完的氣墊非Make up for ever 莫屬 (買了很多其他氣墊都不太合😿） 當中有很多脫妝,色號等等的問題🤖為了避免色號的問題, 請了專櫃的小姐姐幫忙選色號-1R02, 一個看似是很白的色號🤨, 上了臉竟然沒有太白, 只是有一點提亮, 小姐姐👍🏻👍🏻👍🏻 本人算是黃調1.5-2白左右, 最怕面具妝😖, 加上遮瑕力度不錯, 整體小瑕疵都可以遮住, 毛孔亦可以隱藏一下, 有蜜粉定妝的情況下, 口罩有少許上色, 上班/出街都算是持久, 用了一個月都沒有出現大範圍的脫妝問題, 局部如鼻翼下巴有脫妝的情況~色號：1R02 持久度： ⭐️⭐️⭐️⭐️ (4/5) - 不補妝都可以 遮瑕度： ⭐️⭐️⭐️ (3/5) - 約六成 氧化程度： ⭐️⭐️ (2/5) - 少許氧化 妝感： 輕薄半霧面 *有配合妝前霜及定妝噴霧 缺點： 粉粉霧面盒子雖然不會有明顯的指紋問題, 沾上其他顏色就刷不掉(如上圖), 粉朴食粉底比較嚴重~  每一個人的膚質和狀態都有所不同, 非常建議現場試色後再購入, 🙅🏻♀️不要盲買啊~ K.K回購程度： 😻😻😻😻
<看全文>
TsuenMa好用推薦：來自estee Lauder 嘅小禮物,為我哋呢個夏天做好準備☀️ 全新升級版嘅Double wear 2.0，質感比起上一代更輕薄；流動延展性更高；持妝控油度繼續keep返原本嘅水準；果然係粉底戒入邊，我最喜愛嘅一個品牌！ 我嘅肌膚小背景： 毛孔粗大、有好多凹凸洞；少許嘅雀斑，混合性偏乾肌；皮膚係好容易乾到甩皮、掹掹緊嘅感覺。 使用色號：0N1 由冷白皮去到健康小麥膚色，都一概照顧得到嘅色號選擇，一定有一款可以啱你心水！ 我揀呢一隻色適合白淨帶黃調嘅皮膚，上妝之後唔會死白，好自然。 遮瑕度可以話係中等，唔算好好，始終佢要做到輕薄，但對於日常嚟講我覺得都好足夠。 持妝度好出色，喺潮濕悶熱嘅香港天氣之下，返咗成日工，返到屋企嘅妝容幾乎都係完好無缺，只係鼻翼位置有少許斑駁，讚🫶🏾 妝感：好鍾意佢嘅霧面感妝效，有種原生白滑肌膚嘅感覺。 產品會附送泵頭，雖然用咗呢個頭之後就唔能夠使用佢嘅高質感蓋，喺質感同方便只能以其一嘅情況下，我揀咗方便🙂↕️ 另外產品仲會有防曬係掃SPF 26，雖然唔算係好高，但係日常返工坐喺寫字樓應該都足夠，如果懶、或者係想搽少樣product嘅寶寶；用咗
<看全文>Poyobb好用推薦：Estée Lauder新出嘅Double wear foundation。 上一代本身都有試過，感覺唔太好，上面好乾燥。新一代嘅質地改咗，變到好流質絲滑，而且好薄身。而且拍上面都唔需要好快，正常速度就可以了。佢嘅持久度的確真係唔錯，全日個妝冇補妝都好靚，而且可以用返基本嘅保濕base作為打底就冇咁乾。 因為皮膚冇太大瑕疵，遮瑕度都算足夠，整體係更清透自然既妝效，日常返工都用到。 Dw 粉底液最好嘅地方就係有cool tone 、warm tone、natural tone 。而且佢嘅色調仲有分好多Number，我用1n1好啱我嘅膚色。好少粉底液會做到咁細緻嘅顏色。 #火熱新品
<看全文>