找產品
清潔面膜 推薦好用產品
37 件
莓莓好用推薦：🌿 Kiehl's亞瑪遜白泥毛孔深層清潔面膜 🌿毛孔吸塵機・黑頭剋星 講到深層清潔，十個有九個都會諗起Kiehl's呢支 #白泥大神！幾乎個個護膚達人嘅浴室都有一樽，今次就同大家做個真實測評，講清佢嘅質地、效果，仲有唔少人會忽略嘅優點同缺點！ 🌸質地與香味： 質地係好幼滑嘅灰白色泥狀，好似好濃稠嘅希臘乳酪，好容易推勻。佢嘅香味好天然樸素，冇加咩人工香精，就係一陣好淡好淡嘅泥土礦物味，聞落好安心，唔會攻鼻。 🌟 清潔效果實測： • #黑頭白頭大掃除 ：敷大概8分鐘，等到佢乾咗七八成，用溫水打圈按摩沖洗，特別係鼻翼同下巴位，真係會見到啲黑頭粉刺浮咗上嚟，用棉花棒輕輕一刮就清走好多！ • #油光拜拜 ：用完之後個鼻同額頭嘅油光真係即刻收斂咗，成塊面感覺好乾淨清爽，毛孔好似識得呼吸咁！ • #毛孔視覺縮細 ：因為毛孔入面嘅污糟嘢被清理走，所以睇落去毛孔冇咁顯眼，皮膚即刻光滑咗。 💡 優點缺點逐個數： ✅ 優點： ▸ 清潔力強：對付黑頭白頭真有一手，係「功效型」產品。 ▸ 成分天然：主打亞瑪遜白泥，溫和唔刺激，大部分肌膚都適用。 ▸ 一樽用好久：用量好省，每星期用一两次，一樽可以用
<看全文>Kitty 好用推薦：呢隻泥膜去黑頭同深層清潔好有效，想同大家分享下用後感先～ ✨質地同味道： 灰白色膏狀質地，推開唔算好厚重，有少少涼涼哋嘅感覺。聞落有陣淡淡嘅泥土味，唔會好濃，感覺幾天然。 ✨使用過程： 我通常洗完面之後，薄薄敷一層喺T字位同鼻翼兩側（呢兩個位我最多黑頭同毛孔問題）。等大概10-15分鐘，見到面膜乾咗，有少少緊繃感，就用溫水打圈按摩沖洗。呢個時候會感覺到有細細粒嘅顆粒，輕輕磨砂咁幫手去走啲死皮同污糟嘢！ ✨用後效果： 沖完水之後真係覺得塊面乾淨咗好多！最明顯係鼻頭嘅黑頭同白頭浮咗出嚟，可以用粉刺針輕輕刮走，感覺好治癒～毛孔望落去冇咁明顯，而且皮膚摸落去滑溜咗，冇咁粗糙。仲有呀，敷完之後塊面有種清爽感，唔會繃到扯住咁，後續護膚品都吸收得快啲！ ✨個人心得： 我覺得呢支面膜幾適合混合性同油性肌膚，尤其是夏天出油多嘅時候用，控油效果唔錯。乾肌就可能要留意唔好敷太耐，同埋之後要做好保濕。我通常一星期用1-2次，每次用完都覺得皮膚呼吸返咁～ 總括來講，Kiehl's呢隻白泥面膜確實係幾出色嘅深層清潔產品，值得推薦俾各位姊妹！😊
<看全文>
Fng好用推薦：benefit 深層淨化毛孔面膜 deep retreat pore-cleaning clay mask 呢罐紫色夢幻泥膜簡直係「反傳統清潔神器」！當其他泥膜仲係度瘋狂抽乾皮膚水分，佢竟然識得同偏乾肌玩先清後補嘅平衡遊戲—— 💜 三重智能層解密 • 紫層薰衣草鎮靜：普羅旺斯真薰衣草精油即時舒緩冬燥引起的泛紅 • 白層微孔吸附：特別調配的低吸水力黏土，只帶走油污唔搶水分， 敷完之後，肌膚水潤透亮 • 粉層爆水核心：沖水時釋放玻尿酸冰珠，即時填補清潔後的空虛感 🌡️ 香港冬日實測記錄 ▸ 攝氏15度乾燥日：敷足10分鐘無緊繃，沖水後兩頰依然柔軟 ▸ 冷氣房vs戶外穿梭：維持水油平衡達6小時，無出現慣性脫皮 ▸ 妝前急救測試：薄敷3分鐘再上粉底，鼻翼卡紋情況改善70% ⚠️ 偏乾肌必讀警報 1. 時間就是金錢：嚴格守時8-10分鐘，過鐘會啟動倒吸水分程序 2. 分區護理智慧：T區可厚敷，兩頰僅需透明狀薄層即可 3. 溫水沖洗法則：切忌用熱水！38度溫水打圈最能激活保濕層 ✨ 冬日隱藏用法 • 混入半泵角鯊烷油，自製成「貴婦級滋養清潔膜」 • 洗澡前薄塗一層，浴室蒸氣助精油成分滲
<看全文>A&R好用推薦：呢款紫色深層淨化毛孔泥Mask，顏色幾靚。 本身個鼻頭同埋兩頰經常容易出現粉刺，用呢款泥面膜可以清潔黑頭粉刺，以及控制出油的情況。 洗完面之後薄薄地塗一浸喺面部，面膜好容易推開，容易掃得均勻，快乾，敷10分鐘之後已經開始感覺到繃緊，敷約30分鐘已經完全乾晒，用清水洗淨之後，見到毛孔情況有明顯改善，鼻部黑頭粉刺有減少。 注意用嘅時候一定要將頭髮全部梳起，未乾之前好容易揩到，一個星期用一次就足夠，功效唔錯，推薦使用。
<看全文>
Emily Leung好用推薦：Innisfree 火山泥面膜用後感 點解會買？ 之前見成日有人講呢支嘢，話深層清潔好得，又話對黑頭同毛孔有用，咁我鼻翼同額頭又多油又有啲黑頭，咪買支試下囉！ 支面膜係灰灰色嘅泥狀，推開嗰陣幾順滑，唔會好快乾晒。有陣淡淡的泥味，唔難聞，感覺幾天然。 我通常一個禮拜用一次，沖涼之後趁毛孔打開，搽全面（避開眼同嘴），T字位會搽厚啲。等大概 10-15分鐘，見到佢乾咗八成左右就用溫水打圈按摩沖走，尤其係鼻頭位置，輕輕揉下可以帶走啲粉刺。 用後感覺： · 乾淨咗！ 洗完塊面有啲「唞緊氣」嘅感覺，唔再黐立立。 · 黑頭少咗，尤其係鼻頭，見到有啲白頭浮咗出嚟，用棉花棒輕輕一推就清到。 · 毛孔睇落細緻咗，不過都係暫時性，要持續用先keep到。 · 唔算好繃緊，比起其他泥膜，呢支算係溫和，但如果乾性皮膚可能要用完再保濕。 缺點 · 如果等得太耐（超過15分鐘）會乾到裂，塊面扯住扯住，所以千祈唔好敷過龍。 · 對於好頑固嘅黑頭未必一次就清得晒，要定期用先見到明顯效果。
<看全文>Tszki好用推薦：超級火山泥清潔面膜 其質地呈奶油狀且易於推開，洗淨後皮膚感覺乾淨清爽，不會有過度乾澀或緊繃的感覺。使用後膚色看起來更亮、更清透。 減少出油及清理黑頭 洗臉後，先將臉部水分擦乾。 避開眼周與唇部，將泥膜均勻塗抹於全臉或重點 T 字部位。 停留約 10 分鐘，待泥膜稍乾（但不宜敷到完全乾裂緊繃）。
<看全文>
chasiutung好用推薦：係Sasa 網店積分+$69買一盒四件裝 有一支正裝嘅清潔面膜 三包7ml嘅大熱精華 依支清潔面膜質地吾乾幾濕潤Creamy 敷完感覺溫和不刺激 清洗後清爽不繃緊 敏感皮膚都可以用 清潔力一般 長時間使用 暗粒黑頭生少左 抵買 💕性價比高 推介👍
<看全文>Noelle S好用推薦：呢款比罐裝2x火山泥清潔面膜溫和啲流動性高啲，啫喱狀泥，兩款潔淨功能都好，用咗一段時間少咗油脂黑頭。但本人用2x罐裝敏感皮膚會太乾泛紅，冬天用甚至會痕癢，呢個牙膏裝温和版本就更合適。建議敏感皮先係T字位敷5-6分鐘再沖洗，試吓試吓咁，冇敏感用大啲再大啲範圍，下巴、面頰⋯⋯而家隔日用都ok。
<看全文>
chasiutung好用推薦：Fancl清潔泥膜 灰黑色色泥狀質地 有淡淡嘅香味 洗完臉直接搽係鼻上厚敷5分鐘左右 用暖水洗乾淨 洗嘅時候用洗臉巾搓下 洗完臉吾乾 清爽無繃緊感 用完鼻頭乾滑左黑頭粉刺會浮曬出嚟 平時洗臉會慢慢洗走 用多幾次之後 黑頭 會生少左 而且出油少左👍使用後可以用收毛孔嘅產品/敷返d保濕收毛孔嘅面膜 效果會更好 一星期用一兩次就足夠 推介👍
<看全文>格仔餅公主好用推薦：要keep住用先見效，好似男仔咁心急個d應該覺得無用，佢可以去到淺層污糟野，用完之後係特別嚴重既位再搽少少海泥mask堅work
<看全文>
Yolanda Kwok好用推薦：唔適合我皮膚用，夏天購買同使用。但每次用完過2日都會出好多粉刺。不太推薦。
<看全文>Kura好用推薦：呢款清潔面膜係我用過嘅咁多款清潔面膜之中算比較好用嘅，搽上臉容易推開，清潔力中等，用完之後覺得啲毛孔有變乾淨咗，夏天用控油效果都唔錯
<看全文>
sammiimelda好用推薦：方便衛生嘅美白泥膜 用完之後有明顯提亮美白效果 一次用一粒 通常一個禮拜用一次 之後再上返個保濕面膜就可以
<看全文>mavis好用推薦：好方便嘅cream mask 一粒係一次嘅份量 唔會有平時一大樽cream mask嘅衛生問題 推介
<看全文>
Tulip Chan好用推薦：活性炭深層清潔面膜 (黑鑽潔淨面膜)是屬於油性肌膚的產品 但如果你同我一樣係乾性/薄皮及敏感肌，平日一定選用乾性肌及溫和嘅深層清潔面膜。 但因為每月生理周期而皮膚變得…毛孔粗大、泛油、暗啞、暗瘡、白頭，而用返平日嘅深層清潔就知道不夠力，就可以每月生理周期後即用「活性炭深層清潔面膜 (黑鑽潔淨面膜)」用一次啦！雖然塗於面上第一下會有少少拮嘅感覺，但大約塗滿全面後感覺便會消失，效果非常好，由於膚質不同，所以使用方法與品牌方法不同。 我的使用方法 潔淨臉部後，用納米離子蒸面機6分鐘（因為我閉塞毛孔白頭較多，使用毛巾暖敷不夠力），化妝水倒入化妝綿輕輕搽抺面部，取出適量面膜敷在臉上停留約10 分鐘，再用溫水沖洗。（不要超過10分鐘，因為佢嘅質地真係好快乾架） 當然我哋乾皮肌更加要記得即時敷返保濕面膜呀！
<看全文>Kura好用推薦：我由中學開始就用呢款面膜，呢款ORIGINS活性炭深層清潔面膜, 主要成分為活性碳, 佢能夠如磁石般把我閉塞於毛孔內的有害雜質和污垢吸出，大大減少暗瘡、酒米、油脂粒及黑頭形成, 另加入多種天然高效成分,能徹底清理和淨化我毛孔內嘅雜質污垢, 讓肌膚回復潔淨和光澤，我每次都係敷10分鐘左右，同埋佢容易變乾，但都容易清洗，推薦油性皮膚用，呢款面膜係我嘅毛孔洗塵機
<看全文>
Tobimak好用推薦：呢盒濟州島火山泥mask我已經由舊包裝買到新包裝依然係咁好用。啱啱搽上嘅時候會有少少濕濕地，摸落去會有啲粒粒狀的東西，之後就會好快乾。等大約10分鐘後去洗面，明顯會feel到塊面滑左、毛孔乾淨左、角質少左、皮膚提亮了不少！
<看全文>Yin_sharing好用推薦：依款泥膜偏乾身，面膜過水時比較難洗，要先用濕布抹一次，再過水先易啲洗掉。用完有覺得毛孔乾淨咗，但皮膚都太乾有繃緊嘅感覺，唔會再回購。
<看全文>
unclecar好用推薦：早排官方網站新年折扣買咗一堆片裝面膜同套裝毛孔清潔面膜，價錢好超值。面膜質地是深灰色泥膏狀，比較杰身，但用手輕輕推開都算容易。 一個星期可以用兩次，洗完面輕輕抹乾水，襯仲有輕微濕嘅時候即刻塗抹，厚度只要見唔到膚色就可以。過5-10 分鐘面膜會變淺色同乾，咁就已經可以清洗。對於油脂分泌比較多嘅男士個人覺得清潔度好好，用完係面層嘅粉刺都去到唔少，特別係鼻頭同鼻翼毛孔感覺輕鬆通爽唔少。唯獨用後會有少少乾，要盡快後續保濕護膚。
<看全文>Heychauchau 好用推薦：跟一般泥膜一樣，乾了會有緊繃感，但皮膚會看起來比較乾淨，少了黑頭粉刺，而且T字部位出油情況有改善，但後續要用多敷保濕面膜，不然皮膚也會持續出油，而導致黑頭和痘痘出現。
<看全文>
Jayla好用推薦：呢支泥膜好容易推開，敷上臉嘅時候唔會有漿住嘅拉扯感。聞起嚟冇添加香味，只有淡淡嘅泥膜氣味。我大概敷10分鐘就會洗咗佢，由於佢入面有d好細嘅磨沙粒子，所以洗嘅時候我都會輕輕打圈順便用嚟推埋d浮起咗嘅粉刺。用完之後皮膚都仲維持到保濕度，唔會覺得乾。
<看全文>choichoi好用推薦：可以帶來充足的保濕感同時去除皮膚的角質污垢，當中帶微細的顆粒在洗淨時候可以稍稍按摩加強，每次使用完毛孔像會呼吸一樣，再配合一個保濕面膜皮膚很光亮、翌日上妝會非常貼服，可惜是得知將要停產了，很不捨得（哭）
<看全文>
黯然仙人掌好用推薦：粉紅色泥，質地好smooth,容易推開 搽薄薄，10分鐘左右就會，會有拉扯感 見到面膜會吸咗毛孔d 污糟野，一個個毛孔印會浮出嚟 T字位最明顯 好易洗走d 泥，洗完會有毛孔呼吸嘅感覺，本身黑頭會變咗白頭，肉眼可見咁instant detox 急救用幾好
<看全文>Water好用推薦：粉紅色嘅泥狀面膜，上面變乾後喺啲毛孔位置會變成一點點，吸走多餘油脂。用一次後明顯feel到塊面柔軟咗，白淨咗，但唔會變得乾澀難受。會keep住用，期待夏天可以改變易出油情況。
<看全文>
Blooming好用推薦：Fresh 意大利白泥淨化排毒面膜，好易推，質地是比較水潤的白泥。但清潔度麻麻地，唔太清到黑頭粉刺，用後皮膚不會感到乾燥。
<看全文>minna ki好用推薦：用後會好乾 ,雖然我之後會用返保濕mask去保濕,但卸白泥嘅時候比較用力 ,加上我覺得佢收毛孔嗰部份比較一般 ,不推介❌
<看全文>sammiimelda好用推薦：清潔泥膜 又係一款去旅行會帶嘅面膜 一個禮拜會清潔一兩次 份量都10分足夠 不過用完之後一定要用返保濕 如果唔係塊面會覺得太乾 可能會有反效果出油 不過清潔效果嚟講都係強嘅 起碼真係清到毛孔污糟嘢 同埋控油
<看全文>choichoi好用推薦：聽說是又綠又土令我想起貝X斯，感覺清潔度一定很強了，但它比貝牌溫和及沒那麼乾燥，可輕鬆帶走淺層粉刺
<看全文>
LenaC好用推薦：呢款泥膜可以為毛孔做到深層潔淨 去黑頭 抗油光 佢主要成份有摩洛哥熔岩泥 同迷迭香精華 用落有淡淡既香味 而且迷迭香精粹能夠淨化油性肌膚同毛孔 佢既摩洛哥熔岩泥蘊含豐富礦物質 有助去除污垢 減少黑頭 帶走多餘油脂 同Kiehl’s 既泥膜相比 質地冇咁柔軟 用後感較乾 但勝在夠平 大家可以衡量一下做個參考🫧
<看全文>誠實豆沙包好用推薦：平價，質地同用落感覺都似k牌的皇牌 乾淨程度係冇K牌咁勁，但性價比是高的 清到粉刺，收毛孔效果就不太覺 敏感皮膚岩用
<看全文>choichoi好用推薦：使用後有些乾燥但只要後續敷個保濕面膜就會比較好；而且淺層的污垢都變得容易清理；不過乾敏肌最好小範圍試用沒有敏感再用
<看全文>Torenia好用推薦：佢入邊係亞瑪遜白泥，佢可以好溫和咁清除多餘油脂、污垢同軟化角質🤩，佢仲可以吸走毛孔入邊嘅粉刺同埋黑頭😙。佢入邊又有燕麥粉同蘆薈，可以長效控油同時紓緩肌膚☺️，聽講佢可以有效減少油脂分泌達46.7%‼️ - 我用左之後發現佢好好推，敷嘅時候唔會變得好蹦緊，而且深層潔淨力強💦。敷完之後明顯見到毛孔細咗，同埋原本暗淡不均的膚色回復剔透均勻，變得白淨柔滑😋。最正嘅係因為佢清左嗰啲污糟野，所以之後保養嘅吸濕力會加強😲。我建議一星期２次，每次敷10分鐘，咁就可以有白滑乾淨肌啦🥳！
<看全文>
natanatalie好用推薦：個罐就大，但啲泥嘅份量就唔多，用完之後無功無過，無乜特別，感覺唔到去暗瘡
<看全文>Aivlys好用推薦：在Asos買過同款的提亮泥狀面膜， 是非常保濕的泥狀面膜， 用後完全沒有乾澀感， 而且提亮效果很明顯， 可能因為面膜含有具磨砂作用的粒子， 去角質及提亮的成效很好。 缺點的話應該是容量太少， 換算下來價錢並不便宜。 不過考慮到它的表現， 個人仍然頗推薦這款產品。
<看全文>
