中性系 推薦好用產品

Chloeincosme好用推薦：Diptyque 的依蘭依蘭係我香水櫃比較特別既存在，作為玫瑰調狂粉既我，呢枝係唯一唯二非玫瑰基調但我又好鍾意既香水。 - 香調 - 前調： 依蘭依蘭 中調：木質花香，焚香 後調：粉木紅胡椒， 安息香脂，生薑 睇香料表前中後調好似好大分別，但實際噴出黎中後調唔算好突出，基本上係依蘭依蘭統治左成枝香水😂 呢枝香水算比較有攻擊性/ 成熟既香水，噴佢既女性似係有種迷人性感既感覺，但完全冇脂粉味！有人會話佢有種「千金」feel，呢樣就見仁見智啦！但依蘭依蘭的確係比較高冷性感果type.（中意大眾甜/ 清新香水既呢枝未必岩） ♥️持久度： 8-10 小時，非常非常持久，我試過返工噴佢，夜晚食飯人地都聞到。 ♥️適用場景： 約會/ 見客

TsuenMa好用推薦：#DIPTYQUE #小清新 一向好鍾意呢個品牌嘅香薰蠟燭，所以接觸到佢有出淡香水就很感興趣😆 產品定位其實會係頭髮噴霧上面，雖然未研究到兩者到底有咩分別，我估可能係噴霧會比較輕盈，唔會整濕/整油啲頭髮。 🌸香味：呢款嘅味道同佢夏日特別版推出嘅香薰蠟燭差唔多味，主要係以柑橘為主調調配而成，所以好適合春、夏日去使用，令到成個人都好Refreshing。 💟包裝：冇咩特別嘅設計，好踏實嘅一個磨砂樽身再加黑色蓋，樽身物料應該唔係玻璃，所以拎上手比較輕（對比其他香水產品），一支容量數都好夠，有成50 mL，就算日日噴，我諗都足夠用到全年。 💌用後感：呢款頭髮噴霧，冇令到我失望，文關咗啲花香味，轉換下呢類型比較Refreshing嘅味道都好唔錯，朝早噴完出門口，都會覺得醒神啲😆

oy 好用推薦：Jo Malone嘅英國梨應該係呢個牌子嘅入門款同最受歡迎嘅味之一 佢個味一噴出嚟，有陣淡淡嘅果香，係嗰種好 Juicy、啱啱熟透嘅威廉梨香，甚至帶少少好似果酒咁嘅微醺感，非常清新。之後就會有一陣淡淡嘅小蒼蘭花香滲出嚟，中和返個果味，最後尾調仲有少少廣藿香托底，令到成個味道變得好有層次，唔係死甜嗰種，個味道比人感覺好舒服好溫柔，唔會太濃 呢隻香水無論學生定OL都適合，不過佢留香時間真係好短，基本上出街食個 lunch 返嚟都散走咗啲味，需要成日補噴。而且出街撞香水嘅機會好高🤣🤣如果你追求百搭、返工dating都啱嘅香水，可以考慮呢隻 如果你想特別啲，建議可以試下用佢嚟做 Base，mix埋其他味（例如藍風鈴或者鼠尾草）一齊噴 味道：⭐️⭐️⭐️⭐️ 持久度：⭐️⭐️ 獨特性：⭐️⭐️ 百搭度：⭐️⭐️⭐️⭐️ 推薦度：⭐️⭐️⭐️⭐️

Also melon好用推薦：Jo Malone English Pear & Freesia Cologne 英國梨與小蒼蘭古龍水 前調：威廉梨、橙花、佛手柑 中調：小蒼蘭、玫瑰、溫悖、大黃 後調：廣藿香、琥珀、麝香、木香 啱啱噴上去係熟成香梨香味，淡淡鮮甜甜味直，一啲都唔假。同事會再混合小蒼蘭嘅清香味道，麝香廣藿令到甜味持續時間更為長久。 佢係可以溝埋其他同牌子香水一齊用，如果想希望更清新感覺，可以加鼠尾草一齊噴。 但我心目中最鍾意嘅一定係英國梨再噴杏桃花與蜂蜜，喺我心目中最愛嘅味道，噴完會更加香甜。

Sophia好用推薦：Jo Malone Wood Sage & Sea Salt Cologne 帶有清新脫俗的海岸氣息。前調的海鹽與鼠尾草交織，彷彿置身微微海風的沙灘，鹹鹹的空氣中夾雜著一點木質香。中調的礦物香調增添了層次，尾調的琥珀和麝香則讓整體香氣更加柔和。 整體香調自然不甜膩，是一款適合日常使用的中性香水，office返工使用也不會太搶，持久度就一般，到下午可能需要補補。

TY好用推薦：最鍾意嘅 Jo Malone 香水，味道清淡，唔係甜味嗰種，清新，少少木味。 Jo Malone 香水都有個缺點，就係香味唔持久，需要補噴。 優點就係佢嘅香味唔會好濃，都係清淡為主。

Kitty 好用推薦：作為一個香氛控，我深信轉天氣，身上的氣味也要跟著轉，咁先可以時刻保持住好心情！近日秋意漸濃，我就即刻拎出我嘅Coco Mademoiselle～ 佢嗰種帶住花果清新同廣藿香優雅嘅氣息，一啲都唔會過於濃烈厚重，完美配合番涼爽天氣需要嘅輕盈同溫暖感。 噴上身後，感覺成個人即刻優雅起嚟，又帶點獨立自信，心情都跟住變得明亮同振奮，呢種換季嘅儀式感，絕對係我每日嘅小確幸！

Nicole 好用推薦：前調：橙子，橘子，橙花，香檸檬 中調：含羞草，茉莉，玫瑰，依蘭 後調：零陵香豆，廣藿香，紅沒藥，香草，香草根，麝香 聞著更像是花香中微微帶著柑橘果香，不是清爽調，夏天用稍顯甜膩，秋冬用會更好。 個人感覺適合輕熟女。

Angie好用推薦：ANNA SUI Fantasia 築夢天馬淡香水 🦄 100分嘅設計，真係好靚☺️☺️☺️ 就咁擺係枱面已經心情好好🥰 雖然係5mL裝，不過獨角獸嘅detail位都做得好好❤️❤️❤️ 一打開就聞到濃郁嘅果香味，搽少少係手腕位置已經足夠，過一陣聞落就好自然好舒服☺️臨瞓前噴少少係公仔，間房會有股好舒服嘅果香 香味持久度高，出咗全日街都唔會無晒香味，噴公仔都last到一晚🌙 係2023年最滿意嘅香水✨✨✨

Sophia好用推薦：Anna Sui築夢天馬淡香水由包裝到香味都充滿童話感覺🦄，啱晒鍾意夢幻風格嘅女生！香水樽設計真係無得輸，好精緻✨，好似一件藝術品咁，望到都覺得賞心悅目😍 香味方面，初初噴上去聞到甜甜嘅果香🍓，之後慢慢散發出淡淡嘅花香🌸，感覺好舒服😌，唔會太濃烈，好適合夏天使用。整體感覺好輕盈，唔會覺得好 heavy，令人心情愉悅🥰 * 持久度：中等，大概4-5個鐘左右 * 瓶身設計：超級靚 * 香味：甜甜果香＆花香 * 適合場合：日常返工/約會都啱用 * CP值：高，價錢合理，值得入手 如果想搵一支充滿夢幻感覺嘅香水，不妨試吓呢支🧚🏻‍♀️✨

Mimi好用推薦：The body show既白麝香水絕對可以稱得上最正既白麝香，非常持久，一直不停回購，可以同其他香水一齊重疊用❤️

Karman28好用推薦：好想分享下呢支好耐之前white musk 變奏版😂雖然已經比我變左做家居香氛，但其實咁平買到支呢種味道既香水，其實好唔錯。

Emma W好用推薦：依支烏龍茶香水係我一試就立即種意的木調香水，淡淡的烏龍茶味，重重的木味，令我恍如置身於森林之中。 前調：香檸檬、橙花油 中調：茶葉、茉莉、皮革 基調：煙草花、愈創木、香根草 但缺點係香水味好快散，last 唔長。噴左3-4下係身，過1-2個鐘，就冇味。建議可以買細支裝，放喺手袋到備用。

貓餅好用推薦：超正有烏龍茶香水，非常清香，氣味溫柔又療癒，男女都啱，一定回購

SKY好用推薦：用完希臘無花果EDT，想說真的太不持久了，就入了EDP試試看會不會比較持久。 個人覺得EDP的黑色瓶子比較好看。 EDP在我身上的無花果奶味挺明顯的，而EDT就是綠葉味比較明顯。 確實EDP一噴出來的時候比EDT濃很多，但卻沒有改善持久度，依然是一兩個小時就會聞不到了。擴香度也很低。 用完這瓶不會再入EDP了，可能重新轉回EDT的懷抱，畢竟真的很喜歡這個味道。 **用了3個多月，快用完了。發現每次想用的時候把蓋子打開都會看到噴頭的位置是濕潤的，應該有揮發的問題？

A&R好用推薦：diptyque「紙染之水淡香水 L’Eau Papier」，呢支都算係新香水。味道都幾特別，我覺得有啲怪味，唔甜，唔係花香，又唔係木香，更加唔係果味。噴得多會有少少攻鼻，持久性一般。

LenaC好用推薦：Kiehl’s 嘅original musk 係整個Kiehl’s 品牌惟一既香水 亦係我第一支完完整整咁用完最後一滴嘅香水 佢獨特既麝香配方歷史悠久始於1920年 曾被喻為love oil 2004年被重新調配成Original Musk EDT原麝香淡香水 前調有佛手柑花蜜同橙花 營造出清新細膩的柑橘香味 中調係玫瑰、百合、依蘭依蘭同苦橙花 揉合出一種柔和既花香 基調有香豆果、白廣藿香同麝香 締造一種感性既東方味道😇 雖然係eau de toilette 但持久度唔錯 即使散到7788仍然留有一絲淡香 俾人一種乾淨大方既感覺 佢唔係成日有貨 之前去Kiehl’s 專門店留咗電話 BA姐姐幾個月之後先打電話嚟話有貨 而且價錢親民合理 係我心目中嘅經典之選🥰

maylam好用推薦：我最鐘意嘅麝香香水 聞落成個人勁舒服勁安心 一開頭有陣墨水味都勁鐘意 不過而家已經好難買

Tobimak好用推薦：佢一噴出嚟就好香，帶有清新花香同少少果香，聞落好舒服，唔會太甜太膩。佢唔太女性化，亦唔會太刺鼻，所以我覺得男女用都啱，係一種中性而優雅嘅香氣。 不過講真，佢喺街上比較容易撞味，可能因為太受歡迎，成日都會聞到人哋身上有差唔多嘅味道，冇咗少少獨特感。加上佢作為古龍水，持香力唔算強，大約三個鐘左右就開始淡咗，要補噴先可以keep住香氣。

HYL好用推薦：藍風鈴接受度很高 日常場合不會錯 是清甜的西瓜味加空氣清新劑味 但是缺點也比較明顯—留香太短

melissayang好用推薦：聞了之後驚為天人，然後無腦下單，喜歡海洋的味道，然後也很清爽，喜歡喜歡，每天都噴噴，心情upupup！

格仔餅公主好用推薦：好啱夏天用！記得做特價嘅時候買覺得有大枝又last 得耐好抵用。極度推薦喺夏天勁熱嘅時候用，成個人感覺好清爽，又唔會死甜好焗嘅感覺，一啲都攻鼻

Sophia好用推薦：Atelier Cologne Orange Sanguine 我會形容為清新活潑的橙香，一試就愛上💖💖💖 前調的柑橘香甜而不膩，帶有一絲自然的酸澀，恰到好處地平衡了甜度。中調的茉莉和天竺葵增添了幾分優雅的花香，使整體氣息更加豐富有層次。尾調的檀香和琥珀則為這款香水注入了溫暖的木質調，香味更加持久迷人。 Orange Sanguine 就像夏天來一陣清爽的涼風，帶來活力與愉悅，令人融入輕鬆自在的氛圍～

Karman28好用推薦：Atelier Cologne 咁多隻味最出色就係呢支Orange Sanguine,清爽既橙味，好岩係夏天用。

Kuma醬好用推薦：每次行過Aesop都超香， 有一次終於忍唔住入去問吓佢啲香水， 一試愛上這隻香水， Rozu馥香水 ， 佢係一種以玫瑰為主調嘅木質香， 男女適用，聞落去超成熟和有氣質， 好似有一個靚姐姐喺好遠行過嚟咁， 喺Aesop獨有嘅香味， 喺其他牌子搵唔到。 前調：玫瑰、粉紅胡椒、紫蘇 中調：玫瑰、癒創木、茉莉花 後調：雪松、岩蘭草之心、琥珀

Jayla好用推薦：呢支係我最愛用嘅香水。係主調係木+玫瑰花香。本身我成日都覺得花香會太濃郁，但係呢支調和咗檀香木調，再加上一點點嘅辛香料味，降低咗花嘅甜感，亦中和咗木質嘅刺激感。呢支嘅香調比較溫暖，所以喺秋冬天嘅香港會比較適合。

A&R好用推薦：在專門店買咗另一支atelier oolong 香水後送的贈品。贈送品size很好，4ml細細支，可以帶出街，至少都可以噴兩三次。 呢支Clementine California 柑橘味香水，帶啲果香花香，我本人就好喜歡，清香得來唔會太俗，噴上身可以維持一日。用完呢支贈品會打算再購入。

橘子貓好用推薦：官網買正裝香水的贈品。 雖然Clementine California非常之出名，但真是不是我杯茶。首先聞到是一個好重好重的酒精味，隱隱約約浮出一般外國男人很喜歡噴的古龍水香調，夾雜着一股很人工的檸檬、橙香精味，聞着有種熟悉的感覺，有點像廁所芳香劑。只能說香味喜好真的非常個人，抱歉真的喜歡不來。還好只是4ml 贈品。

Anna好用推薦：有朋友送我生日禮物：係一瓶好漂亮嘅香水，︀佢的名字是 ACCA KAPPA White Moss EAU DE PARFUM，︀呢一款香水好清幽，︀香味自然，︀感覺好舒服，︀適合大部份場合使用，︀我有好多朋友都問我呢隻究竟係咩香水，︀所以我喺呢度向大家推介推介。

Angie好用推薦：平時返工嘅時候鍾意用呢款香水，因為香味比較容易接受，係一種令人舒服嘅味道

Nicole 好用推薦：前調：玫瑰，桃金娘，柏樹 中調：檀香木，雪松 後調：辛香料，琥珀，麝香，巴西紅木 前調是很純粹的檀香味，就是香火燃燒的味道，帶一絲脂粉味而後調可以說檀香味在脂粉味的濃郁中漸漸悄悄退去，每次用這款香水都會令我平心靜氣下來😌

iliya 好用推薦：呢款淡香水係比較中性嘅木質味道，主調係檀香味，並加入咗杉木、柏木、雪松等唔同木質調和，香氣持久度高，不過價錢略貴🙈🥲

LenaC好用推薦：Byredo Blanche 聞起嚟係一種非常乾淨 清新 既味道 令人諗起啱啱沖完涼 或者剛剛洗滌好既衣物 嗰種feel 前調係醛花同埋白玫瑰 中調有橙花 後調有木質同麝香 整個香味配搭好圓融 平衡 令人聞到好舒服好想親近❤️

Kim Chan好用推薦：呢一支Byredo 的Blanche 香水簡直係品牌的熱賣款式！網上好多人推薦的「返璞歸真」味道，我都去專門店試聞一下味道係味真係咁香，一聞之下，有種好清新好舒服的味道，比人一種簡單好乾淨的感覺，好似洗完衫的味道，令人難以忘懷，最終即刻入手左！ 呢一支真係任何季節同場合都好適合使用！ 比人一種容易親近而有好感的味道😍 真心推薦呢一隻香水

A&R好用推薦：Hermès的Un Jardin à Cythère是一款木质香型芳香调的中性香水。 这是一款新的香水。 Un Jardin à Cythère是在2023年推出的。有齊我鐘意嘅柑橘香同木香🥰。 噴小小都可以last得好耐，全日都冇問題。味道清新唔會太濃烈，唔會太甜，唔會只是花香。好特別，唔會同人撞味。 超鐘意🥰 推介

940727.0好用推薦：呢隻香氣好好聞，用少少都已經keep到好耐。其實唔一定女仔用男仔都可以用到，所以我都會同我男朋友一齊用。

A&R好用推薦：Tom Ford 嘅香水真係冇得頂，呢兩款香水都好正，如果噴喺衫度洗完衫都仲有味道，噴少少可以持久兩三日。唔識扮專家形容他們的味道，但個人真的十分喜歡，但係價錢真係太貴了！！呢兩支我都要慳住用😆 white suede 50ml 已經差唔多用晒啦，但係唔捨得丟棄

bibubibu好用推薦：味道係white suede 一個感覺好斯文嘅白麝香味道 係一個比較女性化嘅香味 味道會令人聯想到好乾淨 清新嘅感覺  我買呢一款係輕便裝 佢有一個好靚好高級嘅白色外殼 入面本身有一支香水芯 用哂後可以到店舖買其他唔同味道嘅補充裝入返呢個外殼度 帶出街補都好方便 細細支擺手袋都唔算好佔空間 不過就比較貴 大支裝要近2000hkd 如果以每毫升計算 輕便裝嘅價錢比起大支裝更加貴

Hchan好用推薦：一直聽聞此品牌大部分採用天然原料， 主打柑橘調，味道清新。而大部分精醇古龍都是中性香水，男女均適用。以此款來說，是較適合女性的清甜花果香。前調是標誌性的柑橘香，後續會有淡淡清新的桂花味，但桂花味不算突出，最後伴隨着温暖的雪松融合作收尾。 只是以這支香水的花、果、木質的比例來說，檸檬搶過樹桂花的風頭，如果是因桂花被燒到的可能會略微失望，但我本人十分喜愛琥珀雪松等暖香，只是礙於天氣太熱怕太膩味，所以想買點清新的不太甜不太花香調的香水，所以我相當滿意這支亦覺得十分適合清爽的夏天使用。 香水香調: 前調：檸檬 中調：桂花 後調：雪松

Kpl6be6好用推薦：係迷你支裝禮盒嘅其中一支～雖然話係女性香氛～但個人覺得味道幾中性～清香得嚟又唔會話太甜香味～感覺以品牌signature嘅柑橘味作前調～都唔難令人接受～