霧面唇膏 推薦好用產品

Fng好用推薦：我入手#Timeless Taupe 係百搭嘅豆沙棕色，黃皮膚塗上嚟好顯白，妝效係啞光，唔會顯唇紋，十分顯色 ，100％可以覆蓋自己唇色。佢唔會抽乾唇部，當然自己要做好保濕先，嘴唇唔可以有死皮。 持久度都唔錯，食完嘢都有一半嘅顏色留返喺度。 卸妝用一般卸妝油已經可以，外殼幻彩顏色，靚靚!

Angie好用推薦：比平時用開嘅開架品牌滋潤，用完個嘴唔會甩皮，顯色度還好，平平地日常用岩曬🤎

choichoi好用推薦：後悔太晚遇上，包裝很有質感～膏體柔滑好塗，兩層已色澤飽和，暫時找不到缺點❤️

Fng好用推薦：Hourglass Unlocked 輕霧感啞緻唇膏 #Lush 360 － 溫暖磚紅色💋🔥 🌟 第一印象：磚紅色的高定藝術品 如果話普通磚紅色唇膏係一件百搭單品，咁Hourglass #Lush 360 就係一件擺喺玻璃櫃裡嘅高定藝術品。 當扭出膏體，見到嗰種飽和度極高、帶有微妙橘棕底調嘅磚紅色，心入面即刻「叮」一聲：呢支就係我一直在找嘅「智慧型磚紅」！✨ 🎨 顏色深度解析：暖調磚紅的極致演繹 官方將#Lush 360形容為「溫暖磚紅」，實物完全冇誇張！🍁 佢唔係MAC Chili嗰種年輕跳脫嘅鐵鏽橘紅，亦唔係3CE Taupe嗰種冷峻嘅摩卡棕紅，而係一種更成熟、更沉穩、彷彿經過時間沉澱嘅陶土磚紅色。 · 薄擦一層：呈現溫柔嘅乾燥玫瑰色調，帶有明顯嘅氣質感，極適合日常通勤。 · 厚塗兩層：飽和度瞬間爆發，橘棕調與紅調達到完美平衡，變成一個充滿復古氣場、極度顯白嘅經典磚紅，襯托出皮膚嘅潔淨感與牙齒嘅白皙度。🦷 · 光線下變化：在自然光下，棕調更明顯，知性穩重；在暖光下，紅調會更突出，增添復古女人味。 ✨ 質地革命：顛覆你對霧面唇膏的認知 Hourglass Unlocked系列

Wkk好用推薦：B101這個色素顏塗也很好看，這是我用過的所有的口紅中，比較輕盈的感覺，除了感覺到潤沒有任何負擔感

Water好用推薦：玫瑰金嘅包裝超精緻！勁靚勁鍾意！呢枝唇膏色號係pillow talk，顏色偏nude，一開係甜甜嘅香氣 可能我唇色較深，上嘴唔太顯色；日常淡妝 / 偽素顏會比較適用。matte finishing嘅關係，有略微加深唇紋：用後感算滋潤，唔會令到嘴唇炆炆緊

mandy好用推薦：Charlotte Tilbury Matte Revolution Lipstick 摩登霧感唇膏 $300 摩登霧感唇膏蘊含保濕成分，有效滋潤雙唇，故上唇妝時也不會感到乾燥，而且不顯唇紋。 帶誘人的朱古力香味，令人更喜歡使用摩登霧感唇膏。 完妝為霧面唇妝，而摩登霧感唇膏最為一熟悉的色號當然就是最有名氣的#Pillow Talk，是非常熱銷的霧面nude pink色號。 #Pillow Talk 平時用Nude Pink的唇膏都好驚顯得唇绝蒼白，而Charlotte Tilbury摩登霧感唇膏#Pillow Talk就沒有此問題，仲好適合用來化偽素顏妝或約會淡妝。如果各位靚靚想挑戰Nude Pink的唇膏，不妨嘗試摩登霧感唇膏#Pillow Talk，絕對是零失敗的色號。 #Pillow Talk Medium 中性色系的Pillow Talk Medium雖然比Pillow Talk稍為深色及帶啡調，但同樣易carry又顯肌膚白，很適合配搭日常的淡妝，是適合每天使用的唇色。 含保濕成分: 矽靈, 微晶蠟, 氫氧化鋁, 紅花籽油 及 醋酸鹽維他命E 控油成分

Tszki好用推薦：YSL啞緻絕色時尚啞緻唇膏 中的色號 #18 Reverse Red，這是一款濃郁的復古紅棕色調，呈現絲絨霧面妝效。 膏體採用獨特的超薄方形斜角設計，有助於精確勾勒唇形，甚至無需使用唇線筆。能維持數小時，但吃喝後可能需要補塗。雖然是霧面質地，但其乳霜狀配方滑順好推，不會拔乾。 

Suidan好用推薦：我呢支係1966號色，隻色係一隻帶dd橙既大紅色，唔啱素顏使用，一定要化妝先match到。 佢既妝效係matte但唔會好乾，唔會令唇部甩皮。

Lumi Kwan好用推薦：呢個牌子出名精華油成份較重，所以佢嘅潤唇產品確實唔錯，如果單用當係潤唇膏，效果非常自然。整體評分真係唔差，不過佢嘅色系比較自然，如果想突出唇部彩妝嘅朋友，可能就未必太過適合。亦都因為佢有瞓覺重，食嘢嘅時候，甩落食物或者杯邊在所難免，不過我尚可接受。

Amelia好用推薦：雖然價錢有點高，但用過一次之後，就覺得真係物有所值！佢有好多出色既地方，我都覺得比其他品牌更好用👍🏻👍🏻👍🏻： 1. 最特別係 質地💕好少見呢種半霧面、半光澤既質地，顯色度好好，但厚厚地又遮到唇紋！ 2. 我用既係最新出既Diamond Windshield, 呢隻顏色比較深，接近莓紅色。白膚妹子可以一戰！ 3. 就算本身唇色較深或帶紫既人，都會遮到本色唇色。 4. 唇釉枝棒好軟熟😂😂用既時候嚇左一跳。好正！

mavvv好用推薦： 隨著年末派對接踵而至，我想起我最近試用的Shu uemura無色限絹感柔霧唇膏，而我用的色號BR 793落葉棕，完美捕捉了秋冬的氛圍，帶有紅調橘橙色，成熟而溫柔。🍁 這是BR793塗色次數的效果。 這款霧面唇膏令我驚喜，它的質地比我之前想像的乾澀感好多了，反而有些細滑，塗上嘴唇後不會有顆粒感，保濕效果也相當不錯！ 我進一步測試了用紙巾輕印嘴唇4-5次，效果非常好，雖然紙巾上印走了一些唇膏，但顏色依然鮮豔。 午餐後，我用濕紙巾輕輕擦拭嘴唇，原本以為顏色會全消失，沒想到竟然還保留了一些色澤！這絕對是年末派對的秘密美妝品，吃喝之後依然能保持迷人的唇色。 非常推薦！👐🏻

Fng好用推薦：shu uemura rouge unlimited kinu satin 💄 我買色號係 OR590， 係暖色系，適合黃皮，水光質地的番茄色調，氣質+元氣結合，比較適合夏天， 同埋佢唔顯唇紋單搽唔使打底都ok。

Miranda好用推薦：質感 講到呢支唇膏嘅質感，真係好有驚喜。佢係「Hazy Matte」柔霧效果，同傳統嗰啲乾到裂開嘅霧面唇膏完全唔同。膏體摸落去好滑，好似絲絨布面咁，唔會一畫就卡住。上面之後，嘴唇表面會有一層好薄好薄嘅絨毛感，望落唔係死實實嗰種啞光，而係有少少空氣感、好似filter咁柔焦咗唇紋。最正係佢完全唔會拉扯嘴唇，就算來回塗幾層都仲係好順滑。我試過冇打底直接搽，嘴唇都唔會覺得乾或者繃緊，仲要唔顯死皮。對於成日覺得霧面唇膏好難handle嘅朋友，呢支絕對會令你改觀。 使用感 #908 呢個顏色叫 HAZY MATTE，實際係一隻帶少少棕調嘅玫瑰木色，或者可以話係「煙燻乾燥玫瑰」。呢類色對亞洲人膚色極之友好，黃皮用即刻顯白，白皮用更顯氣質。我自己係黃一白，搽上去成塊面即刻溫柔晒，唔會太紅太誇張，但又唔會似病。最鍾意佢素顏都carry到，返工趕時間輕輕印一層，已經有好自然嘅好氣息。上嘴嗰下好順滑，唔使照鏡都畫得靚。佢嘅氣味係淡淡嘅雲呢拿香，唔會太濃，搽嗰陣好舒服。包裝係磨砂管身，細細支放喺手袋唔阻掟，磁石吸蓋設計好有質感，啪一聲就閂實，唔怕喺袋入面鬆開。 持久度 持久度方面，以柔霧唇膏嚟講算係中上水

chewyfruit好用推薦：#火熱新品 【MAC 輕吻雲霧保濕唇膏實測】 講起 MAC唇膏，大家可能第一時間諗起子彈頭或者好乾。但今次呢條 「輕吻雲霧」 系列，真係同以前好唔同！佢個名話自己保濕，仲要係雲霧妝感，咁到底係咪咁堅？等我同大家試真啲！ 💄包裝 & 第一印象 一拎上手，同經典子彈頭唔同，係霧面軟管包裝，扭開個蓋，個咀係斜角平口設計，幾貼心，可以直接就咁搽，唔使用唇掃，好方便就手。 💄質地有幾「輕吻」？ 一搽上嘴，第一個感覺係：嘩，好滑！ 佢質地係好輕盈嘅乳霜狀，唔係傳統嗰種「揩唔郁」嘅霧面唇膏。搽嘅過程超順滑，完全唔會卡唇紋，好似有層好薄好薄嘅油包住咁，個觸感真係對得住個「輕吻」嘅名。 💄妝感：雲霧效果係點？ 完妝之後，佢唔係死實實嘅全啞緻，而係一個好柔和嘅柔焦效果。好似俾咗一層好薄嘅霧面濾鏡你塊嘴，但又隱約見到嘴唇本身嘅紋理，好自然。坊間有人叫佢做「屁屁唇」效果，就係嗰種好柔軟、好似俾 BB 咬過嘅 feel。 💄重點：保濕度得唔得？ 呢個係大家最關心嘅point！我可以話，喺霧面唇膏嚟講，佢嘅保濕度絕對係高分。 因為佢入面有滋潤精華，搽咗幾個鐘，嘴唇都唔會 feel 到乾爭爭或者

YYeman好用推薦：MAC絲霧唇膏930測評： 色號：930 蜜桃燕麥茶 · 顏色係好靚嘅裸調蜜桃色，帶少少奶茶同豆沙感，好適合日常通勤。 · 黃皮友好，顯氣質又自然，唔會「冇血色」，素顏或淡妝塗都好提升精神。 · 相比Armani 214，呢支更偏暖調同年輕感，214就更加玫瑰女人味啲。 質地：柔霧絲絨 · 新配方好順滑，一塗即勻，唔會扯唇皮，係MAC子彈頭入面算係最舒服嘅霧面質地之一。 · 上嘴係高級絲絨霧面感，但完全唔乾，有少少滋潤度，長時間帶妝都唔會令唇紋變明顯。 持久度：中等 · 屬於輕薄貼唇嘅類型，食輕食（飲嘢、食蛋糕）問題不大，但食濃味或油膩嘢就會脫一半左右。 · 好處係脫色都脫得均勻，唔會斑駁，補塗都好方便。 設計：經典子彈頭 · 黑色磨砂外殼幾有質感，膏體切面方便勾勒唇形。 小貼士： · 深唇色嘅人可能要先遮一遮原本唇色，先可以還原到官試色嘅效果。 · 如果想顏色更實更持久，可以薄塗一層後，用紙巾印一印，再疊塗多一層。 整體評價： 呢支係近期嘅「偽素顏」心機之選！顏色溫柔又高級，質地大進步，完全擺脫咗以往MAC霧面唇膏「好乾」嘅印象。如果你鍾意自然、溫柔、有氣質嘅日常

莓莓好用推薦：MAC絲霧唇膏 #544 測評 1. 色調同顯色度 · 色號：544屬於「奶杏蜜桃色」，帶少少暖調嘅裸粉感，唔會太過螢光或偏橙。 · 顯色：一層已經好上色，遮蓋唇色能力中等，深唇人用可能會偏暗少少。 · 適合膚色：黃皮同白皮都友好，日常提氣色，淡妝或偽素顏都好夾。 2. 質地同舒適度 · 絲霧妝效：半啞光質地，有微微光澤感，唔會完全「粉狀啞光」，睇落唇部質感軟熟。 · 順滑度：膏體好推，唔會卡唇紋，但建議唇部狀態好時用（如果死皮多會顯紋）。 · 保濕感：中等保濕，唔算乾，但長時吹冷氣或天氣乾燥時，最好加少少潤唇膏打底。 3. 持久度同沾杯情況 · 持久度：普通飲食可以保持6成顏色，飲水會輕微脫色，但唔會斑駁脫落。 · 沾杯：有少少沾杯，屬正常範圍，始終唔係液體唇膏。 · 卸妝難度：普通眼唇卸妝液可以輕鬆卸乾淨。 4. 優點 · ✅ 顏色自然百搭：日常返工、見客、約會都適合，温柔提氣色。 · ✅ 質地平衡得好：半啞光得嚟唔乾，適合怕乾但又想有霧面感嘅人。 · ✅ 包裝實用：MAC經典子彈唇膏設計，容易攜帶補妝。 5. 缺點 · ❌ 唔算好持久：需要定時補塗，尤其食

SammyN好用推薦：顯色、持久，攞喺手有重量感。對我嚟講稍乾（如果唔打底會有碎碎）要搽潤唇膏打底先。

Fng好用推薦：366#burnt rose，特別顯白，天鵝絨質地，用起來貼服顯色又持久，不顯唇紋。

Nicole 好用推薦：號是neutral rose，乾燥玫瑰色，粉調豆沙色，我覺得塗上令人感覺溫柔知性☺️ 上色飽滿、潤滑，而且質地非常滋潤，不顯唇紋，持久度也不錯；深唇淺唇也可以用，它能很好地覆蓋原唇色。 我認為不適合素顏，比較適合日常妝容使用更好，更能凸顯它的美。

Ceci好用推薦：最近愛用嘅一款唇膏就係Bobbi brown嘅霧面唇膏，顏色係boss pink，類似豆沙色、上嘴好靚好自然，唔需要化全妝，平時出街簡單搽一搽就即刻顯得精神左🤭雖然係霧面但唔會好乾，並且十分持久，食完野唔會甩哂👍🏻

Fng好用推薦：shu uemura 無色限極霧保濕唇膏 BG963 超襯膚色的帶橘奶茶色，淡妝也不突兀，薄擦超美，缺點係顯唇紋， 個人認為佢保濕度一般。

Cheeeeery好用推薦：之前喺專門店買嘢送咗呢支小唇膏試用～ 顏色係OR 570柔霧血橙～ 十分顯色又好推開，而且唔沾杯 但係顏色太鮮艷，同埋上唇感覺有少少乾🤔 平時我先用其他裸色打底再淨係上少少喺唇中間，感覺都會比較日常～ 下次可能會回購其他顏色～

Jane好用推薦：好易上色，不過冬天好乾時訓前要保養好咀仔，如果唔係第二朝上咀會kick住。我11月係韓國用要瘋狂補潤唇膏😂色號係Claret，超百撘襯咩衫都好睇，而且妝效好有質感好高級。

Cole Cole 好用推薦：用緊Tonymoly完美貼服簿霧唇膏，一上咀就好易推開，唔使畫幾次都已經好顯色。佢個妝感係霧面但唔乾，質地輕薄貼服，塗完之後好自然，好似自己本身就有咁靚嘅唇色咁，唔會太誇張，日常用都好啱，出街或者返工都襯到。

Torenia好用推薦：我買嗰支係03號，係好有氣質嘅磚紅色❤️，超級有質感。佢係絲絨啞光口紅💄，搽上去有一種極致啞光感，顏色鮮明，塗抹起來非常順滑💋。 (圖二 中間嗰支)

Tszki好用推薦：小黑條 #312 (赤裸褐紅)深咖調的紅棕色，帶有絲絨質感，非常適合秋冬或個性妝容。但是小心使用弄太多會很似中毒的顏色，取少量使用便可以弄漸變顏色！ 妝感最霧、最乾淨，方型膏體設計讓描繪唇峰與邊緣非常精準。顯色度極高，輕輕一抹就能達到完全遮蓋唇色的飽滿效果。若唇部狀況不佳（如嚴重脫皮），直接塗抹可能會有明顯卡紋感。持色度比較持久。一般飲水或吃點心不太會掉色，遇油脂食物才會部分掉落。帶有品牌經典花果香，香味適中且高級。

Desse好用推薦： 【歲末】有咁多party.. 點可能少得一支靚靚嘅lip blam❤️ #112 號色嘅小銀條💡 想當年要配貨先入到手..🙂‍↕️ 而家易買咗好多🌟 YSL嘅唇膏不論顯色度同滋潤度都做得好出色💡 #112 蜜桃奶茶 屬自然柔粉色調🧏🏻‍♀️ 適合淡妝使用🌟 即使素顏.. 搽少少都可以提升成個人嘅氣息💡 滋潤度大約做到4個鐘.. 食飯嘅時候補一補就ok.. 完全遮蓋唇紋🥰 相入面係薄塗一層嘅色調.. 顯色足夠.. 好靚嫁💋

Verna好用推薦：我很少用霧面唇膏，因為我總覺得霧面唇膏很乾，而且會顯唇紋 但這支霧面唇膏又沒有想像中的乾，它的色號是BR340，是乾燥玫瑰的色調，顏色真的很美，質感有點像磨沙玻璃，又有點像絲絨的感覺，簡直是一試愛上😍 它很顯色，飽和度很高，而且很順滑，又不顯唇紋，但我覺得不太持久，有點容易脫色 #火熱新品

Sanna Cher好用推薦：使用F2 Blush顏色，屬中性顏色，滋潤和帶有光澤，顏色亦適合配上任何季節和妝容。左方是塗了一次的顏色，右方是塗了兩次的顏色，見產品顯色度高，深淺度因使用量而出現分別。 完妝照片，均勻塗了兩次唇膏，適合淡妝使用。 #火熱新品

Kura好用推薦：好高級嘅一支唇膏，搽上嘴由固體變液體，遮蓋唇紋一流，包裝非常高級，顏色亦都好適合我日常用，帶出街補妝都好方便好靚 #火熱新品 #火熱新品 @cosme

NEKOI好用推薦：主要係個包裝有趣而買的，雖然係霧面但感覺還是有一點光澤，有淡淡的香氣。 系列選色比較百搭，我買咗003 shady lady，有啲似鐵鏽色。

Noelle S好用推薦：順滑唔乾，薄塗都好顯色。焦糖紅棕118 burning clay，成熟柔美，日常淡妝用。厚塗會俾人感覺有點aggressive 再mature啲。食完lunch都留到五六成色，番office先補都ok。想買新velvet nude系列，專門店試啱心水兩款。107 cozy taupe 好鍾意，低調粉棕，21/22N膚色都carry到，夏天用應該幾fresh。320 cheerful goji 珊瑚色就lively啲陽光啲，但真係有太多支唇膏啦⋯⋯心思思考慮中。

Tiffany好用推薦：唇膏好用，顯色順滑，長時間都不會抽乾嘴唇水份。但包裝真是一大bug，醜不醜就見仁見智，但太長真的很難帶出街用。