找產品
粗糙 推薦好用產品
97 件
莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！
<看全文>Lydia好用推薦：CeraVe Moisturising Cream 長效滋潤修復霜 — 乾肌救星，但油痘肌要留心✨ 質地： 呢款面霜嘅質地偏厚身，好似雪糕咁， 雖然望落好濃稠，但推開之後其實比想像中順滑。 擦完之後皮膚會有一層薄薄嘅保護膜感， 保濕力好持久，對於容易乾燥、甩皮嘅位置， 即時滋潤效果好顯著。 效果： 如果係天氣凍或者轉季，皮膚乾到發紅、甚至有啲痕嘅時候，用佢嚟厚敷或者當晚霜真係幾舒服， 可以好快令皮膚穩定返，唔再覺得繃繃緊。 而且佢無乜香味，成分感覺幾簡單直接， 用喺身體乾裂嘅地方（例如腳踭、手肘）效果都好理想。 缺點： 不過對我呢類間中會生暗瘡嘅皮膚嚟講， 呢款 Cream 嘅密封感可能強咗少少。 如果喺濕熱天氣或者爆瘡期間用， 會覺得透氣度一般，有時甚至覺得稍微塞毛孔， 令暗瘡好似謝得慢咗。 所以我覺得佢比較適合純粹乾性、或者受損緊嘅皮膚，油痘肌建議局部用喺乾位就好。 總結：乾燥天必備嘅穩定型面霜，性價比高 CeraVe 呢款修復霜係平價大碗之選， 針對乾癢同補水真係好稱職， 只要避開爆瘡位置或者揀啱天氣用， 算係屋企常備嘅一支「安心霜」✨
<看全文>
Emily Leung好用推薦：這款植村秀琥珀山茶花卸妝油，是品牌的貴婦級人氣產品。 👍 優點： · 頂級養膚膚感：質地豐潤但流動性高，遇水乳化極快、無油膜感。洗後肌膚柔軟嫩滑，像做了保養，完全不會緊繃乾澀。 · 全臉可用：無論是濃厚眼妝還是底妝，都能迅速溶解，且不糊眼睛。 · 療癒香氣：帶有高級沉穩的山茶花精油香，能舒緩壓力。 👎 缺點： · 價格偏高：單價不便宜。 · 膚質限制：極度油性肌膚在夏天使用可能會覺得過於滋潤。 🎯 適合對象： 適合乾性、中性、混合偏乾肌，或是追求奢華卸妝保養體驗的人。 一句總結： 除了貴，幾乎零負評的頂級卸妝油。膚感和保濕度一流，能讓洗臉變成一種享受。
<看全文>Tobimak好用推薦：我呢支係SHU UEMURA嘅山茶花精萃潔顏油，用落真係有啲驚喜！平時落妝都係例行公事，但呢支油一用落去就好似做緊Spa咁，成個feel完全唔同~啲油滑得嚟唔笠，搽上面嗰陣仲有種淡淡花香，聞落好放鬆。🌺 佢卸妝力真係唔講得笑，連啲持久眼線、唇膏都一抹就走，唔使搓嚟搓去，加水乳化之後好易沖乾淨，而且洗完塊面唔乾唔繃，反而仲好滑好潤。 佢既泵裝設計都好方便，唔會整到手指油淋淋，用起上嚟好順手。☺️ 講到包裝，真係要大讚！😍 我呢支係聯乘左藝術家SHAVONNE WONG 既版本，佢既設計真係勁型！紫綠金屬色配抽象線條，擺喺洗手盤邊都覺得自己品味升咗級😂每次用佢落妝都覺得自己好似係高級美容院咁，用佢唔止係清潔，更係一種享受。呢支潔顏油唔單止好用，仲靚到可以當擺設，真係由內靚到外。🥰🥰🥰
<看全文>
Emily Leung好用推薦：Sofina升級土台美容液測評：泡沫質地真係吸收得更好？ 各位姊妹，今次講呢支土台美容液真係得意嘢嚟㗎！佢唔係普通化妝水，而係一支泡沫型嘅肌底液，仲要係洗面後第一步就用，同平時護膚步驟有啲唔同！ 質地同氣味： 一按出嚟係好綿密嘅泡沫，好似梳乎厘咁柔軟！呢啲泡沫係超微米泡沫，可以滲透到皮膚底層。味道係淡淡嘅溫泉礦物香，聞落幾舒服放鬆。 效果如何？ 用咗之後最大感覺係之後搽嘅護膚品真係吸收得快咗！皮膚好似「飲飽水」咁，水潤度明顯提升。我發覺用咗佢打底之後，就算用返平時嘅護膚品，效果都好咗，塊面有光澤感同飽滿咗。 溫和度： 雖然係肌底液，但出奇地溫和！我敏感肌用咗都冇泛紅或者痕癢。不過第一次用可能有少少刺刺哋嘅感覺，但好快會消失。 有咩缺點？ 夏天用可能對油性皮膚有啲潤，要減少量。同埋步驟同普通護膚有啲唔同，要時間適應。價錢都算中上，但一支都用得幾耐。 總評： Sofina呢支土台美容液真係幾有驚喜！特別適合覺得護膚品吸收唔到、皮膚乾燥缺水嘅姊妹。雖然用法要習慣下，但用咗之後皮膚狀態真係穩定咗同飽滿咗！
<看全文>Poyobb好用推薦：升級版泡泡肌底液🫧 點解會買？💕 Sofina出名化妝品，但skincare從未用過。而日本碳酸mousse護膚品好出名，一直想試。美容液出咗迷你版，$125/50g，就買咗嚟試吓啦☺️ 賣點💕 全系列的升級土台美容液（肌底碳酸慕絲精華），使用了100％碳酸mousse滲透獨家專利技術，配合新添加人參精華，使滋潤更高效、更持續地滲透到角質層最深處，碳酸滲入皮膚後可以減弱角質細胞間的結合，令老廢角質更易剝落，令堆積的老廢角質正常剝落，肌膚表面變得更平滑🩷 質地💕 潔面後，先用土台美容液碳酸mousse作打底（直徑3cm份量），然後再上toner精華乳液等日常程序 味道聞落好香，泡沫推開會變水潤質地，上面舒服不會痕癢，上面按摩舒適 使用感💕 我混合性皮膚，早上toner 二次清潔後，用土台美容液，再用水凝霜。保濕得來唔會太滋潤，岩岩好保水程度唔會令base搓泥。之前試過其他牌子嘅肌底液，無太大效果或者會好容易出暗粒，但依枝土台美容液無出現暗粒情況，我好岩用😍 效果💕 注水效果優秀，用咗個一星期，感覺皮膚底層水潤咗，毛孔睇落無咁粗大。就算化妝前搽啲清爽嘅水凝霜，化完妝都冇之前咁乾。
<看全文>
Emily Leung好用推薦：Cerave SA水楊酸煥膚潔膚露 冬季護膚心得分享 ❄️ 身為一個香港人，每逢冬天真係好考驗皮膚！天氣又乾又凍，我本身係混合性肌膚，T字位易出油又有少少暗粒，面頰就偏乾，搞到護膚好頭痛。最近試咗Cerave呢支SA水楊酸煥膚潔膚露，用咗一段時間，同大家分享下喺冬季嘅使用感受～ ✨ 質地同使用感： 透明啫喱狀，唔算好厚身，好容易搓到泡（建議用起泡網，泡泡會更綿密）。上臉感覺好柔滑，唔會過度摩擦皮膚。雖然係水楊酸潔膚產品，但完全冇嗰種「刷緊層皮」嘅乾澀感，沖水後皮膚係濕潤軟滑嘅，冇即時繃緊，呢點對於冬季護膚真係好重要！ 💧 保濕同修復效果（重點！）： 老實講，我一開始都有擔心，冬天用含水楊酸嘅潔面會令皮膚更乾。但呢支嘢驚喜在，佢加入咗Cerave招牌嘅神經酰胺同透明質酸，清潔同時補水同強化皮膚屏障。 用咗之後，我最明顯感覺係： 1. 保濕力足：就算而家咁乾燥嘅天氣，洗完面後皮膚仍然保持水潤感，唔會「拮拮緊」，後續搽toner同精華都吸收得快咗。 2. 修復屏障：我之前因為轉季，面頰有少少泛紅同甩皮。持續用呢支潔膚露（每晚一次），感覺皮膚嘅「抵抗力」好咗，冇咁易因乾燥而痕癢或不適，泛
<看全文>Cole Cole 好用推薦：開始轉季，皮膚變得比較容易敏感，容易出油。呢支CeraVe SA水楊酸潔膚露，可以清除皮膚角質，深層清潔皮膚同埋都可以卸妝，有效咁改善毛孔、粉刺問題。 一開始用嘅時候味道有啲怪，講唔出係咩味，但都可以接受。 起泡唔算好多，都好容易清洗乾淨。唔需要重複洗好多次洗，洗完之後皮膚唔覺繃緊。 不過因為水楊酸會帶走角質同油脂，皮膚可能會乾， 仲要徹底沖洗乾淨，再加強保濕同做好防曬，所以洗完要即刻用保濕精華或乳霜。 #潔面
<看全文>
chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕
<看全文>Kaze13579好用推薦：從舊版到新版已經起碼用咗兩三支，每逢轉季都會皮膚敏感，偶爾發濕疹嘅我，見到皮膚開始起紅點，發紅甚至開始甩皮，我就一定會用佢，甚至用佢濕敷。效果真係好好舒緩到敏感，又唔會好揦更加刺激到敏感嘅皮膚！最重要係性價比非常好！屋企長期都會有貨，以備不時之需！推介俾皮膚容易敏感嘅朋友！
<看全文>
Poyobb好用推薦：先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕
<看全文>楊壯碩好用推薦：YSL Pure Shots Night Reboot Serum Review 綜合評分：4.5/5；詳情如下—— 包裝：4/5 ▶️comes in an airtight pump, good for preserving active ingredients👍 ▶️a bit bulky for travelling though✈️有替換裝支持環保是好事，但外面那個大塑料殼真的沒有必要 成分及formulation：4/5 ▶️含有antioxidants、甘醇酸等保養有效成分，但官網描述該產品pH值為4，而甘醇酸在pH值4的環境中只有約40.34%是active的(see source below)，估算下來，包裝標注的3.4%甘醇酸乘以40.34%的活躍度約等於可能只有1.37%的甘醇酸能夠有效滲透角質層，可以說有效濃度並不高。當然，有效成分並不是濃度越高越好，作為每天使用的護膚品，低濃度的甘醇酸已經能夠溫和地達到改善效果 ▶️成分表（圖）中有denatured alcohol和fragrance，這些是用來提升產品使用感，但對護膚沒有顯著好處又同時具有刺激性、風險
<看全文>
Poyobb好用推薦：冬季護膚❄️ 我同Estée Lauder 護膚品唔係樣樣夾，小棕瓶只會喺冬天化妝之前用個效果喺我面上最好。 即使冬天，化妝之前我都唔鍾意用過分滋潤嘅面霜，所以好多時候都會用精華水+小棕瓶作為妝前護膚，同時我用嘅base都係保濕類，咁樣成個底妝就俾我最舒服嘅感覺。 喺化妝之前用小棕瓶皮膚冇出錯，亦都唔會因為過分滋潤而出暗粒，小棕瓶大概用半泵份量就可以全面推開，而且佢嘅質地有少少修飾毛孔，半啞光質感質感，用完之後上嘅base同粉底液都好貼服。而且上妝皮膚都唔會好容易乾燥。 小tips，小棕瓶可以加入foundation增加滋潤度，不過就會減低遮瑕度，所以我真係鍾意化妝之前用佢🥰
<看全文>Emily Leung好用推薦：Estee Lauder小棕瓶｜萬年回購的熬夜救星！ 琥珀質地清爽水潤，上臉輕輕一推就化開了絲毫不粘膩 第二天起床臉蛋像是按了重啓鍵一樣的透亮！完全不像前一晚上熬了大夜的肌膚！ 它的核心成分律波肽成分真的很厉害，就像是會給細胞定上精准鬧鐘！哪怕我晚上幾點睡都能按時開啓夜間抗老模式，把熬夜帶來的泛紅和乾燥都一點點壓下去！ 堅持用一段時間下來，整張臉透出的光是從肌底里滲出來的嫩！毛孔細膩到隱形！就連難搞的頑固紋也肉眼可見的淡化了不少！ 就算是敏敏肌也可以放心使用！有它在真的是只有越熬越年輕的感覺
<看全文>
Kitty 好用推薦：【實試分享】理膚泉 B5 精華 - 冷氣房救星！保濕力爆燈💦 夏天必備！ 最近天氣熱到爆炸🔥，成日要長駐冷氣房，塊面乾到好似沙漠咁，仲有啲位會繃緊甩皮... 真係好炆！聽人講La Roche-Posay 隻B5修復精華好勁，話保濕修復一流，專對付乾燥敏感。忍唔住手入咗支，用咗一排，真係要同大家講：嘩！真係得喎！冷氣房保濕救星非佢莫屬！ 💙 ✨ 重點感受：保濕效果真係超！級！掂！ 1. 即刻飲飽水嘅感覺💧： 支精華質地係帶少少杰身嘅半透明gel狀，推開係超！級！水！潤！。一搽上塊面，嘩，好似乾咗嘅海綿遇到水咁，咻一聲即刻吸晒落去！吸收得勁快，皮膚即刻有種飲飽水嘅滿足感，摸落去係軟熟咗、潤咗，但個表面係有種滋潤嘅清爽感！呢點對夏天嚟講真係超重要！ 2. 冷氣房長效鎖水💨❄️： 重點嚟啦！以前喺office/屋企長開冷氣，未到中午塊面已經乾到攝住，甚至會出少少乾紋。用咗呢支B5精華之後，情況真係大大改善！佢嘅保濕力唔係得個“即”字，而係好持久。就算對住部冷氣機直吹幾個鐘，塊面都keep住係潤澤有彈性，冇咗嗰種扯住扯住嘅乾燥感同繃緊感。佢入面有維他命原B5 (Panthenol) 同
<看全文>Yeonjung好用推薦：理膚泉B5精華💧 最近用晒理膚泉嘅B5精華，真心想推介俾有需要嘅姊妹們！💙 ✨ 主要功效 呢款精華嘅核心成分係泛醇（B5）同透明質酸，主打修復同保濕。泛醇有強效嘅修復同舒緩功效，可以快速紓緩皮膚乾燥同泛紅問題。而透明質酸就提供深層補水，令肌膚更柔軟有彈性。 🌸 使用體驗 質地有少少似精華乳，上面有少少黏稠感。 💧 使用方法 每日早晚洗面後，拎適量B5精華搽喺塊面同頸度，輕輕按摩到吸收。可以喺用之前噴一層水，會吸收得更快。 🎈 適合人群 乾皮同需要修復肌膚屏障嘅人都好啱用！就算你係油皮，都可以喺轉季嗰陣拎嚟急救用。 ✅ 總結 總括嚟講，理膚泉B5精華真係令人好安心。希望所有追求健康水潤肌嘅姊妹們都用得到佢～
<看全文>
lingbb好用推薦：- 對所有膠囊護膚品都好有好感🥹，乾淨衛生唔使諗份量，而且膠囊有點像心💜嘅形狀，仲要係我鐘意嘅紫色，好靚💖 - 吱出黎係淡黃色油份，推開有種滋潤感，初頭上面有黏笠感，但過十分鐘就會完全吸收哂，乾肌會喜歡嘅質地 - 通常晚上使用，皮膚狀態唔好會用哂成粒用哂厚塗都唔覺黏笠，皮膚狀態ok會用少許份量混合面霜用，皮膚會變得好細緻有種被油份保護膜包圍住嘅感覺。 妝前用就太厚身唔太適合（除非超乾肌或超乾天氣） - 厚敷係額頭有紋嘅位置，使用兩個星期有明顯淡咗 - 非常推薦懶人又係乾肌嘅你 #火熱新品
<看全文>Linda yan好用推薦：呢個精華質地較濃稠 擦完都會有種黏住的感覺 係比較需要時間吸收 用左兩星期覺得有feel到皮膚年輕左🤣最有感覺係洗完面繃緊時 用完佢係會變得平滑左 但相於係淡紋或者緊緻方面都有改善。細心查看返產品裡成分都比較溫和，真係用既時候都絕對放心。 ⭐️⭐️⭐️⭐️⭐️⭐️值得推介⭐️⭐️⭐️⭐️⭐️⭐️
<看全文>
jhope0725好用推薦：❄️冬季護膚，必定要做好打底！ 呢支係我嘅冬天恩物，因為我本身皮膚相對油性，雖然話冬天天氣乾燥，但如果冬季疊加太多層護膚品，仍然容易出現油脂粒，所以底層護膚一定要做好，就可以確保之後唔需要用過多護膚品，鎖住水份。 我自問用過唔少保濕精華液，但AHC呢枝做到長效保濕，晚上使用，起碼到第二日早上都唔會見到乾紋出現，保濕效果維持8-10小時，問題不大。☝🏻冬天洗完面真係會乾到脫皮☝🏻用完產品2分鐘後，會見到皮膚明顯出現光澤 產品質地相對厚身，上面後要留待2分鐘左右，待完全吸收之後再疊加其他薄身嘅油性護膚品，就能夠基本做好冬季護膚~
<看全文>布吶吶好用推薦：AHC B5保濕精華－冬季護膚必備！❄️ 最近天氣真係凍到呢～皮膚乾到繃緊，仲有少少甩皮！即刻開咗支AHC嘅B5智慧保濕精華嚟急救，用咗兩星期，真心要同大家分享下呢支「冬季保濕神器」！ ✨ 質地同吸收度： 透明啫喱狀，推開好水潤，冬天用唔會黏立立！我通常按兩泵就夠搽全面，輕輕按摩10秒已經吸收晒，後續再搽面霜都唔會搓泥。對於怕厚重嘅我嚟講，呢個質地喺冬季護膚步驟入面簡直係完美打底！ 💦 保濕效果實測： · 即時效果：搽上面嗰刻已經覺得皮膚「飲緊水」，乾燥繃緊感即刻舒緩咗好多！ · 長效保濕：開住暖氣瞓覺第二朝起身，面頰竟然冇「乾到實」嘅感覺，摸落去依然軟滑。冬天咁乾燥嘅環境下，佢個鎖水能力真係交到功課！ · 妝前打底：而家冬季化妝前我一定會用佢，底妝貼服好多，冇再出現爆皮卡粉嘅尷尬情況～ 🌿 成份同溫和度： 主打維他命B5同透明質酸，冇酒精冇香料，我敏感肌用咗都完全冇刺激。冬季護膚最驚就係用啲刺激產品令皮膚更乾更紅，呢支精華溫和得嚟又有效，抵讚！ 📌 使用心得總結： · 適合時機：乾燥冬天必備！尤其係朝早同夜晚嘅基礎護膚步驟 · 推薦用法：潔面後先用化妝水，再上呢支精華（可
<看全文>
YY好用推薦：細個嗰陣成日生粒粒，mami買雪肌精比我用，用咗好多年。以加出咗新品👉🏻藥用雪肌精美白化妝水（透亮精華版） 升級版買點有甘草同和漢植物嘅萃取成份，擁有美白同保濕嘅雙重功能😍抑制肌膚炎症嘅發生 顏色 新牌濃奶白色，舊版透明感重啲奶白色 味道 好香雪肌精既味道淡咗，無咗陣重火消味 質地 一样清爽唔黏立 我會用黎二次清潔同埋上妝前濕敷。我覺得新版上面無咁刺激，應該保濕功效強咗。相反酒精份量可能少咗？🤔濕敷係舒服啲。用咗兩星期皮膚有返光澤、提亮咗👍🏻希望長期使用暗粒可逐漸減少 個人而言鐘意舊版個陣強烈既雪肌精味（酒精味），依款岩混合性至乾肌or冬天用。
<看全文>Chloeincosme好用推薦：用緊佢枝乳液覺得幾鍾意，就買埋支化妝水♥️ 一打開就聞到經典嘅草本清香，用落比舊版更水潤透亮！ 🤍 透亮度：4.5/5 用化妝棉濕敷後，皮膚即刻有種「飲飽水」嘅光澤感，用耐左暗沉位置明顯提亮，仲透出自然光澤～ 🤍 美白效果：4/5 持續用咗三星期，覺得膚色均勻咗，嘴角同鼻翼嘅暗沉有改善！ 🤍 保濕力：4.5/5 質地比普通版更潤澤，拍上臉好快吸收，用完皮膚軟滑水潤，後續護膚品都吸收得更好～ 🤍 溫和度：3.5/5 雖然加入咗美白成分，但用落唔算刺激，有少少酒精味，極敏感肌建議先試用手臂內側～ 總結： 雪肌精呢支透亮版化妝水，將美白同保濕平衡得唔錯～特別適合想改善暗沉同追求水光肌嘅你！會回購，推薦濕敷效果更驚喜！
<看全文>
Kmggigi好用推薦：Lululun 抗痘淨肌水潤面膜 — 高性價比的日常急救面膜✨ 份量: 呢款面膜性價比相當高，一包有 7 塊， 適合每日使用。 不過因為屬於連袋式設計，開封之後最好盡快用晒， 確保精華保持新鮮同衛生。 質地 & 效果: 面膜入面嘅精華係輕薄水狀， 敷上面之後感覺清爽唔黏笠，吸收得幾快。 需要注意係，如果皮膚上有傷口或者爆痘未癒合， 敷上去會有少少刺激感。 敷完面膜後，痘痘嘅泛紅同腫脹會減輕， 膚況睇落穩定啲，痘印亦會有輕微淡化。 但以保濕力嚟講就比較一般， 偏向功能性而唔係深層補水類型。 總結：清爽不黏笠，適合日常穩痘急救 Lululun 抗痘淨肌水潤面膜以輕盈質地、 穩定痘痘嘅效果同高性價比見稱， 特別啱用嚟做日常急救或者想舒緩紅腫痘痘嘅時候。 保濕度唔算突出，但係想平衡膚況、減輕泛紅， 佢都算係一個方便又抵用嘅選擇。✨
<看全文>Chloeincosme好用推薦：又回購了呢款面膜！ 🤍 淡印舒緩：4.5/5！最近爆咗幾粒壓力痘，連續敷咗幾晚呢隻Lululun抗痘面膜，真心覺得暗瘡印有淡到～而且冇再紅腫發炎，皮膚穩定返好多，唔會愈生愈多！ 🤍 保濕力：4/5！雖然係抗痘面膜，但保濕度一點都唔弱～精華液量剛好，敷完皮膚水潤飽滿，第二日上妝明顯貼服好多，唔會因為乾而浮粉！ 🤍 溫和度：4.5/5！成分溫和，冇酒精或刺激性香料，就算暗瘡位置有少少損咗，敷上去都唔會刺痛，敏感肌都可以安心用～ 🤍 貼合度同精華吸收：4/5！面膜紙厚度適中，貼面度不錯（當然唔夠一片裝面膜好），精華亦都容易吸收，敷完唔會黐立立，後續護膚都唔會搓泥！ 總結： 如果你又想要抗痘淡印，又驚面膜太乾或刺激，Lululun呢隻Hydra AZ Mask絕對係平衡之選！佢溫和得嚟有效舒緩痘痘同淡化痘印，保濕力亦足夠應付日常需要，價錢親民，絕對係爆痘期間嘅急救好幫手～特別推薦比痘肌、容易泛紅同需要穩定肌膚嘅你！
<看全文>
Linda yan好用推薦：踏入30+更加要注重抗皺之路😢而維他命A類產品一直都係抗皺嘅明星成分🌟AHC嘅呢款面霜就加入左Retinal呢個成分。 我就使用左佢兩個星期～ 其實佢嘅保濕力唔，用左兩個星期之後覺得皮膚嘅彈性變好！同埋變得緊緻左又柔軟😍而去皺亦有改善。 另外值得一提嘅係，佢非常溫和，敏感肌的我之前都有試過A醇產品，但皮膚都係會頂唔順泛紅甩皮等等🫠但AHC嘅呢盒cream我用起身完全冇問題👍🏻 好建議敏感肌嘅你們，一開始可以2-3日用一次，等建立左肌膚耐受性再用得頻密啲😆
<看全文>Rosa好用推薦：質地容易推和吸收 但氣味比較難接受 不過不失 沒有特別明顯效果
<看全文>
Fng好用推薦：Essential 光感水潤 頭水用後感｜夏日之選 ✨ 質地與使用感 呢支Glow & Moist版本係透明凝露質地，推開即起泡，泡沫細密似棉花糖！洗個陣有淡淡花果香，唔會濃到焗親，沖水後頭髮柔順，證明佢真係夠溫和～ 🌟 清潔與保濕效果 主打皮膚用保濕成分，用完頭皮真係有呼吸感！髮尾唔會打結，吹乾後有自然光澤感，第二朝起身都唔會變油頭～ 香港夏天用真係爽，尤其係出汗後個種黏膩感即刻消失！ ⚠️ 注意事項 · 如果你係電染受損髮質，可能要加支護髮素補補水 · 想要豐盈效果嘅話，呢支比較貼服，可能唔係你杯茶 · 千祈唔好貪心唧太多，一個銀幣分量已經夠晒用 🆚 同級洗頭水比較 · VS TSUBAKI金色：TSUBAKI更潤澤，適合乾燥髮； essential 呢支清爽得嚟夠保濕 · VS Merit綠色：兩者都清爽，但Merit去油力太強，乾肌用可能繃緊 · VS LUX無矽油：LUX較乾澀， essential 保濕度贏幾條街！ 💡 使用小貼士 1. 先用溫水沖濕頭髮 2. 唧適量洗頭水係掌心搓泡 3. 用指腹按摩頭皮2分鐘（千祈唔好用指甲抓！） 4. 徹底沖洗乾淨 5
<看全文>Kayyan22好用推薦：#火熱新品 自己係乾燥+漂染髮質，但見new jeans代言所以好奇想試下 呢款既味道偏清新，較少甜味，似某種瓜既味，我自己就對呢種味感覺普普通通 而吱出尼佢係透明既，清潔度都唔錯，起泡力好勁 4分1包已經夠起泡 洗出尼既頭髮會偏柔軟，幾舒服，相信普通髮質/無漂染髮質使用會更好
<看全文>
Fng好用推薦：AHC B5玻尿酸睡眠面膜，補水效果超讚! 🥰🥰🥰🥰🥰 最開始知道AHC這個品牌是看一些韓劇，裡面有這個護膚品牌的廣告植入，它們家的B5玻尿酸糸列可以說是一款好歡迎line。 AHC B5玻尿酸睡眠面膜，個人感覺補水效果十分好👍🏻，更可以上底妝前使用，薄薄敷面十分鐘，再洗掉，後續不黏膩，挺清爽的。 價格的話，五粒星滿分💯，尤其適合學生使用🫶，這款睡眠面膜味道很好聞，跟AHC 那款網紅黑管眼霜的味道有點像，香香的，敷在臉上一整晚，第二天早上起來確實感覺到皮膚變得很水潤，很順滑。用水沖洗的時候感覺有點油，不過用洗面奶洗掉就好了。 厚敷一層, 搓一下會有很多水珠冒出來, 是很水潤的感覺，夏天在冷氣房裡或者冬天暖風機旁待久了，厚敷這款睡眠面膜來補補水，確實可以給肌膚喝飽水的效果💦💦。 這款面膜對於冬天特別容易起乾皮的我來說，也是足夠。冬天確實是要多補水, 不給肌膚做好補水的後果就是在化妝的時候唔夠貼，再好的妝容也會被毀掉🫣。 #面膜
<看全文>Chocol55好用推薦：本人屬於混合性皮膚，主要會係冬天較乾燥時用呢樽面霜。面霜質地比較"杰"身，朝早搽完爽膚水同精華之後再補埋呢樽感覺好夠保濕，而且亦唔會同防曬或化妝品打交或者起屑碎粒既情況。好多時候都會見到有優惠，CP值幾高。
<看全文>
Fng好用推薦：Dermacept 維C多效修護化妝水｜夏日透亮 ✨ 質地同使用感 呢支化妝水清爽似離子水，拍上臉嗰陣吸收速度超快，完全唔會黏笠！淡淡柑橘香味好醒神，朝早用即刻精神晒～ 用完皮膚摸落去滑溜咗，後續搽精華都吸收得快啲！ 🌟 修護同透亮效果 主打維他命C衍生物同多重植物萃取，試過連續用一星期，額頭同下巴嘅暗沉真係有改善！最驚喜係鼻翼毛孔睇落細緻咗，就算素顏出街都冇以前咁尷尬～ 不過要達到明顯美白效果，可能要堅持用多幾支先得！ ⚠️ 注意事項 · 記住要日頭用就要加防曬，否則維C會見光死 · 開封後要放陰涼處，避免成分氧化失效 · 如果皮膚極度敏感，建議先試耳背位置 🆚 同級產品比較 · VS Melano CC美容液：Melano更濃稠針對斑點；Dermacept全面調理膚質 · VS Hada Labo白潤水：白潤水溫和保濕；Dermacept透亮效果更明顯 · VS Some By Mi果酸水：果酸水主打煥膚；Dermacept溫和修護 💡 使用小貼士 1. 化妝棉輕拍：倒$2銀分量，由內向外輕輕拍打 2. 重點濕敷：用化妝棉局部敷暗沉位3分鐘 3. 冰鎮用法：放雪櫃
<看全文>ChingLam好用推薦：含維c成份，主打美白嘅化妝水 我只係晚上嘅時候搽，但依支就快用完 我嘅感覺不大，唔覺得有明顯白左🫠 所以我都係夜晚用嚟當滋潤嘅水搽完就算
<看全文>
Fng好用推薦：Decorté Liposome Advanced 小紫瓶面霜｜ 混合偏乾肌の終極水庫封存術💜 ✨質地與滲透科技 凝霜質地觸膚即融，微囊包裹技術令保濕成分層層釋放！吸收後形成隱形鎖水膜，香港夏天用都唔覺黏膩，兩頰乾紋即時被撐開～ ✨混合肌分區實測 ✅ T區：薄搽一層夠控油又保濕 ✅ 兩頰：疊搽兩層解決秋燥脫皮 ✅ 妝前：替代妝前霜令粉底超貼服 ✨成分黑科技解密 ▸ 多重層微脂囊體：滲透力比傳統面霜強3倍 ▸ 白樺樹汁：抗氧同時舒緩泛紅 ▸ 黛珂獨家Lipsome：修復屏障長效鎖水 ✨同價位擂台戰 VS 資生堂百優面霜：百優更潤澤但吸收度輸 VS IPSA循環乳液：IPSA更清爽但續航力不足 VS Sisley全能乳液：兩者保濕力持平但黛珂修復更佳 ✨缺點坦白區 ⚠️ 價格屬貴婦級 ⚠️ 油肌夏天可能嫌潤 ⚠️ 香氣較成熟未必人人愛 總結：貴婦級「保濕終結者」🔚 除咗價錢令人深呼吸，其長效保濕力確實無可挑剔！混合偏乾肌秋冬必收～回購指數★★★★☆ #日系護膚
<看全文>Tszki好用推薦：黛珂肌源修護面霜 這款面霜旨在解決乾燥、細紋、彈性流失等問題，讓肌膚即使在睡眠不足後也能顯得飽滿有光澤。 一種包含霞多麗（Chardonnay）、甘草葉和蘑菇提取物的修復複合物，可優化肌膚的夜間更新過程。 這項尖端技術能將數萬億個微脂囊體深層滲透肌膚，提供長達24小時的定時釋放保濕和抗氧化成分。 豐潤的乳霜質地，塗抹時如奶油般順滑，吸收迅速，不粘膩，感覺清爽舒適。 雖然質地豐潤，但由於吸收快不厚重，即使是混和性敏感肌或油性肌膚也可使用，甚至適合日常用作保濕霜。 使用後肌膚變得更柔軟、水潤、有光澤，細紋也變得較不明顯。
<看全文>
poonpoon好用推薦：一打開好濃烈嘅花香味，呢隻花味唔假，但需要少少時間適應。入邊添加幾種花嘅成份，主打舒緩作用。 質地好厚身，用後可以做到保濕，即使洗乾淨面膜之後都會有保留油分滋潤皮膚，用完係即刻有保濕效果，敷完感覺舒服。平日一星期敷一次，最佳效果係冬天沖洗完面好乾燥後使用。試過冬天乾燥到甩皮紅咗，敷30分鐘之後，有明顯鎮靜效果。 質地較厚身，冇試過當晚霜過夜，唔建議混油肌使用，有機會爆粒粒。另外花香太重，唔建議敏感肌使用。 $600 100g係貴，但份量好多，用咗一年都未用晒。
<看全文>Jasmine L好用推薦：之前一路都係用開玫瑰面膜，行過專門店淺藍色嘅包裝吸引咗所以買嚟試吓。 面膜比較滋潤，呈乳霜狀。我會放喺雪櫃保存，凍冰冰嘅面膜喺面上面做到鎮靜同埋滋潤嘅效果，有淡淡嘅清新香味，比一般嘅紙片面膜更能提供保濕效果。
<看全文>